ام زوما;15093206:
سالاد
ازيك يا قمر
يمكن ابنك مش بيشوف حد كتير غيرك علشان كده مرتبط بيكي قوي
شويه شويه وهيتعود لما يروح الحضانه
بس قبليها كده مهدي الامور يعني سبيه ساعتين عند مامتك وانزلي او مع اي حد
بالتدريج كده علشان لما يروح الحضانه
هو فعلا مش بيشوف غيرى خااااااااااااااااااالص هههههههههه انا وهو لازقين فى بعض بغرا ولما فطمته كنت سيبته مره عند ماما عمل عمايل منيله ونفسيته تعبت وكان مخاصمنى ومش بيرضى يكلمنى بس ناويه اجمد قلبى واسيبه
عمتو بيتو;15093273:
بصي يا حبيبتي
لازم تعوديه انك تبعدي عنه شوية بشوية
مينفعش يفضل لازق فيكي
ولما عايزة تروحي في حتة يعيط
فيصعب عليكي تقومي خليه معاكي
لا عوديه تدرجيا انك تختفي عنه شوية وجمدي قلبك
حتى لو عيط عشان يتعلم
حتى ولو باللعب
انتي عارفة لما يستخبى ورا الستارة
ولا ورا الدولاب
وتقعدي تقولي ياولاد فين فلان
هو فلان فين وبعدين تقولي اهووووووووو وتضحكي
الللعبة دي مفيدة جدا انك
تعوديه الاختفاء والاستقلال عنك
شوية بشوية بس بطريقة غير مباشرة
وممكن انتي تعملي كدة تستخبي في مكان
وتقعدي تندهي عليه وهو يدور عليكي
وديه بردو عند قرايبه وسيبيه يتلهى معاهم في اللعب
ومتخلكيش قدامه طول الوقت
لا لازم تختفي وترجعي تاني
حلوه قوى اللعبه دى من بكره هلعبها معاه ويارب تنفع والمشكله انه مش بيرضى يروح عند اى حد من غيرى انا او باباه
*Om Mo3az & Eyad*;15093322:
ايمي ازيك يا قمر عامله ايه
بصي معاذ كده بالظبببببببببط بس معلش لازم تستحملي وتجمدي قلبك
انا اول مره معاذ يبعد عني فيها كانت الحضانه الاسبوع اللي فات وماقولكيش بجد مريت بايام عصيبه انا وهو طبعا بس الحمدلله واحده واحده بدا يتعود ويفهم اني لازم هسيبه ف الحضانه مهما عيط ومهما عمل
اهم حاجه انك لازم تنفذي كلامك يعني لو قررتي تسيبيه مع حد وانتي تروح مكان وهو قعد يعيط وف الاخر صعب عليكي واخدتيه كده انتي بتبوظي كل حاجه لازم تجمدي قلبك ومايصعبش عليكي وهو واحده واحده هيفهم ويتعود
ولما تغيبي عنه شوية تجيبي له حاجات حلوه وبلاش تغيبي عنه كتير ف الاول
وربنا يعينك ياااااااااااارب ويهديه لك
انا عاوزه اعوده من دلوقتى على انه يبعد عنى مع انه صعبان عليا قوووووووى كنا بنتكلم انا وجوزى اننا عاوزين نعوده ينام فى سيريره لوحده لقيناه واقف وسمع الكلام والله العظيم الولد بقى ساكت وحسيت انه زعلان ومش بيتكلم خالص حتى خرجنا بعديها ساكت خالص ومش مبسوط انا خايفه شخصيته تبقى مش طبيعيه ولا يبقى ابن امه
سورى يا ام ميزو انى هسال تانى لانى متغاظه قوووووى لو حد من المنصوره يقولى نزام الجهاز عندكم ايه على العروسه وايه على العريس والفرح على مين وبيتكلف فى حدود كام
لاننا شكلنا لبسنا فى الحيط وبعدين اخويا بابا جايبله شقه 200 متر وغاليه ومتشطبه سوبر لو كس بس شطبها قبل ما يخطب العروسه مش عاجبها حاجه خالص فى الشقه وهتخليه يغير الوان الدهانات وعاوزاه يكسر السيراميك ويعمل بورسيلين بالزمه مش حرام ولا ده عادى ومن حقها