ّمملكتناااااااا ((((13)))) جماد الثاني تشع نشااااااط &حيووووويه & تفااااااؤل ّّ

بما اني مالي نية اقوم اشوف شغلي.. بقول لكم موقف حصل لي امس..

وكل وحدة منكم تحط نفسها بمكاني.. وتقول لي وش بتحس فيه و ردة فعلها..

مثل ما قلت لكم.. امس كنا مجتمعين عند وحدة.. و الحرمة الكبيرة دايم تسكتنا اذا شافت كلامنا ما يعجبها..

ان كان فيه حش..او طموح باكمال الدراسة..او وظيفة.. او انه يطول جلسته بالغربه وهو يقدر يختصرها..

تتصرف معانا تماما مثل الام (مطيحه الميانة)..وانا احسها جدتي..<< تعريف عنها عشان تقدرون تتخيلون معي

المهم..كنت جالسة جنبها.. ولولو كل شوي جايتني تبكي.. فلانة ما تلعب معي..

قلت لبنتي: انتِ شاطرة وتعرفين تكونين صداقات..صادقي احد غيرها..

ما امداني اخلص كلمتي لبنتي الا الحرمة قابصتني!!!!!!!!!!!!!!!!!!!!!!!!!

قبصة= قرصة

وقالت8o|: قولي لا اله الا الله..ليه ليه لييييييييييه..خافي الله ببنتك.. ليه قلتي كذا؟!!!! يا ربيه منك وطريقتك مع بناتك..

الموجودين اتبهو ومو عارفين السالفة!!!!

ولا انا كنت عارفة!!!!:!!:<< قسم كان شكلي كذا

واحاول ابتسم غصب..والعبرة خانقتني<< عرفت اني حساااااااااسة من جد عقب هالموقف..

وبنت العجوز تحاول تلطف الجو..تقول: امي كذا دايم تحب تدلع البزران..

قلت:لا مو كذا.. السالفه غير..

قالت البنت:وشي؟ قالت العجوز: هها بس..لا اله الا الله<< الكلام موجه لي وتقصد اسكتي..

بالله يا بنات وش بتحسون فيه بهاللحظه؟ ((جلستنا ما فيها رسميات ابد..))

وبعد ساعة لما طلعنا مسكتني على جنب..

وقعدت تقول لي كلام عن العين وان الاهل ينظلون وهم ما يدرون.. ومستغربه ومتعجبه بقوووة كيف قدرت اقول "تقدرين تصادقين غيرها"

قعدت اسوي بيدي حركة خمسة وخميسه واقول ببرود: لا اله الا الله ماشاء الله ماشاء الله..

و بنتها تظحك تقول: يا حبي لك يا روز.. تجننين!!!<< بتلطف الجو

انا طول امس احس اني متظايقة..رغم ان عقلي يقول عادي..تنصح على طريقتها وما ينشره عليها..

وش رايكم؟ وش بتسوون لو كنتن مكاني لحظة القبصة؟

من قلب الحدث خخخخ

أكتب لكم وأنا اشرب نسكافي جالسه بالصاله مغيرتها وحاطه فيها طاولة الاكل




وهذي لقطة للشارع من شباك الصاله
الجو كان مطر تصب بقوة بس بعدين طلعت الشمس وفي بعض الغيوم



السيارة الرصاصيه لتعليم القياده مكتوب عليها 4 حصص ب45 £
الحصه ساعة ونص اعتقد
ههه كانت معكم مراسلتكم كم نوتنحهام
أم أخلى بنية عروس

روز ماني عارفة شقول
وش هالوقاحه بهالعمر وتصرفها هكي
والله ان حركتها بااااااااااايخه
أنا لو كنت مكانك مستحيل اجلس معها في مكان واحد مرة ثانية

الله يعينك لو كنت مكانك والله ماني عارفة كبف بتصرف
لاحول ولاقوة الا بالله

جداويا يا ابويا;15153456:

روز
لا مو انتي اللي حساسه هي اللي تجاوزت حدودها بقوووووه
و انتي صادقه بنتك تقدر تصادق غيرها ما جات على هالبنت
و لو كنت مكانك كنت قلت و انا صادقه تقدر تصادق غيرها
اللحين باسوي واحد من تصرفين يا اني اكلمها و اقولها
بصراحه انتي ضايقتيني و ما كان المفروض تتدخلي بيني
و بين بنتي بهالطريقه و قدامهم او انك طنشي و اذا حاولت
مره ثانيه تتدخل بينكم سكتيها يا تلفي السالفه يا تقولي انا
ادرى ببناتي و محد بيعرفلهم اكثر مني و تسكت
لازم تتصرفي تصرف يوقفها عندوحدها ترى لو كان هذا
طبعها فهي بتستمر على هالموال لين احد يسكتها
اعرف من هالعينات كثير..
بس انا ماني عارفه هي ايش تقصد ايش فيها كلمتك؟
انا اشوف موقفك صح و موقفها غلط و تجاوزت حدودها كمان!!

وتقوليلي مو حكيمه؟؟!!!

ماشاء الله عليك أنا أحيانا كثيرة أنهان وخصوصا من أم زوجي وأسكت ولا أرد ولا كلمه ومرات كثيره تكذب علي بوجهي قدام الناس وبرضو أسكت
شخصيتي 0

حفظك الله جوجو

جداويا يا ابويا;15153463:

ام احلى بنيه
الشراء من النت اسهل و اريح بضغطة زر انا هنا بالسعوديه
و ياما زوجي اشترى اغراض من برى و انا مره اشتريت لانجري
بدال فرفرة الاسواق انا لو عارفه المقاسات بالزبط ان حتى ملابسي
اخذتها من النت اريح ..

أجل بتطور وبصير أشتري من النت أنا بعد
الحلو انه المواقع اللي في بريطانيا أشياء كثيرة الشحن فري
بس طلعت بدويه وأنا ما ادري خخخخخ

روز ،

لو مكانك ، كان حمر الوجه والعبره كتمت حنجرتي ، بس لو منك بقولها بكلام زين ولبق عقب ماأبلع عبرتي ، ياخاله مافيها شي

انا أمدح بنتي عشان تصير واثقه من نفسها وأشجعها ، وبعدين الله الحافظ ،

العجز فيهم حرصه زايده ، وباين من قبصتها انها تعتبرك مثل بنتها وان قليبها ابيض ، ابد لا يضيق صدرك ولا شي ، الكبار هم الخير والبركه ،

،،،،،،،،،،،،،،،،،،،،،،،،،

عندي يوميات حااااافله ،

أمس كان آخر يوم لي في الدوام ، اجتمعنا مع المديره الساعه &#1637; ، وشكرتني وأثنت علي ، وقالت طوري

نفسك أكثر بالدورات التجويديه والقاعده النورانيه ، وكملي حفظك ، ورقمك عندنا ،

بعد الاجتماع ، مصريه جايبه محشي كرنب ، حطينا عصير وجلسنا نسولف ، ودقت علي بنت جيراني اللي تحتي / أهل البيت

قالت سيري علينا ، قلت ان شاء الله ، اذا طلعت من الدار جيتكم ،

وصلت بيتي بعد المغرب ، غيرت لبسي بسرعه ، لبست فستان تايقر وبلوزه سوداء مفتوحه وطويله ، وعدلت مكياجي ونزلت لهم ،

وتوني اتقهوى معهم الا زوجي يدق !!!!! وهو على اساس بينام في المخيم ، قال بنتعشى عند اهلي ،

قلت وش عندهم !!!!!!!!!!! قال ابوي مسوي حادث واخوي معشيه بسلامته ، كملت قهوتي ، واستاذنت منهم ورقيت بيتي ،

صليت العشاء وغيرت لولدي ، وأخذنا كيكه موس من القباني ورحنا لمهم سلمت على خالي وهنيته بالسلامه ، يده توجعه وجمسه خرب صدامه

الحمد لله جت على كذا ،

سهرنا عندهم ، وجو بنات خالي المتزوجات ، وجلسنا عندهم الين بعد صلاة الفجر ، ورجعنا بيتنا دايخييييين .

جداويا تنورة بالانجليزي
Skirt
وتنطق سكيرت

أم أحلى بنية;15153183:
روز ماني عارفة شقول
وش هالوقاحه بهالعمر وتصرفها هكي
والله ان حركتها بااااااااااايخه
أنا لو كنت مكانك مستحيل اجلس معها في مكان واحد مرة ثانية

الله يعينك لو كنت مكانك والله ماني عارفة كبف بتصرف
لاحول ولاقوة الا بالله

هذا اللي قاله زوجي.. "تحاشيها" بعد ما كان ينبسط على سوالفي عنها ويأيدها..

جداويا يا ابويا;15153456:

روز

لا مو انتي اللي حساسه هي اللي تجاوزت حدودها بقوووووه
و انتي صادقه بنتك تقدر تصادق غيرها ما جات على هالبنت
و لو كنت مكانك كنت قلت و انا صادقه تقدر تصادق غيرها
اللحين باسوي واحد من تصرفين يا اني اكلمها و اقولها
بصراحه انتي ضايقتيني و ما كان المفروض تتدخلي بيني
و بين بنتي بهالطريقه و قدامهم او انك طنشي و اذا حاولت
مره ثانيه تتدخل بينكم سكتيها يا تلفي السالفه يا تقولي انا
ادرى ببناتي و محد بيعرفلهم اكثر مني و تسكت
لازم تتصرفي تصرف يوقفها عندوحدها ترى لو كان هذا
طبعها فهي بتستمر على هالموال لين احد يسكتها
اعرف من هالعينات كثير..
بس انا ماني عارفه هي ايش تقصد ايش فيها كلمتك؟

انا اشوف موقفك صح و موقفها غلط و تجاوزت حدودها كمان!!

هي تقصد اني بنظلها على مقدرتها بتكوين صداقات.. لأني ذكرت ميزه في بنتي بدون ما اذكر الله..

والله ماني موقفتها عند حدها..عجوز وش بقول لها!!

بعدين قلبها ابيض مهما كانت تصرفاتها..

موصيتني ادق عليها اذا وصلت بيتي..شايله همي لأن بيتي ابعد من بيوتهم..

اليوم لما قابلتها بالمدرسة وسلمت عليها قالت لي انها امس كانت تدعي لي اني اوصل بالسلامة..

الكبار مهما صدر منهم كلهم بركة..

انا قلت السالفة بشوف كيف بتتصرفون ..بس

خــــــــــلود;15153577:
روز ،

لو مكانك ، كان حمر الوجه والعبره كتمت حنجرتي ، بس لو منك بقولها بكلام زين ولبق عقب ماأبلع عبرتي ، ياخاله مافيها شي

انا أمدح بنتي عشان تصير واثقه من نفسها وأشجعها ، وبعدين الله الحافظ ،

العجز فيهم حرصه زايده ، وباين من قبصتها انها تعتبرك مثل بنتها وان قليبها ابيض ، ابد لا يضيق صدرك ولا شي ، الكبار هم الخير والبركه ،

يا حبي لك يا خلود..هذا اللي حاولت اقوله..بس كانت تسكتني بـ "هها بس"

اليوم الخميس
كنت صايمه وقبل الفجر غسلت الموةاعين ولمعت وكنست وخلصت شغلي كله ونمت بعد صلاه الفجر وكان زوجي عليه دوام ولاراح على الساعه سبعه ونص ورجعت كملت نومي لين الظهر وجاء على الساعه 2 لكن رفض يتغداء قال افطر معك مره وحده وصليت العصر وسويت كبه توست وصينيه بطاطس باللحمه المفرومه وسويت سلطه مشكله بصوص ودقيت على عمتي ام زوجي وقالت صايمه قلتلها اذ ما فيها كلافه بناخذ فطورنا ونجي نفطر معك ومشطت لبناتي ولبسو وغسلت المواعين ولبست ورحنا فطرنا وكانت مسويه سمك ومرق الله يجزاها خير وانبسطت بجيتناوتقهوينا وعلى الساعه عشره طلعنا الممشى نمشي وسوالف حتى الساعه 1 رجعناها هي وبنتها وشغالتهم البيت ورحنا السوبر ماركت نقضي شويه اغراض ورجعنا على الساعه 2 ورتبت الاغراض واكلنا شمام والحين استنى صلاه الفجر بصلي وانام وبالتوفيق

صباح الخـــــير...
صباح الحلبه مع الماش..وكوب حليب>>صباح نفساء
**************
اخباركم؟؟....
مشكورات عالتبريكات...ونعم الاخوات...
***************
بنات بشاوركــــــــــــــن/
مثل مانتم عارفات...انا حيده ضايقه حدي...
زوجي اذجالس بلبيت اما عالنت...او..عالبلاك بيري>>والله ادمان
انا اهذر واسولف>>بالاخير القاه مشغول فيهم....

يقول ضروفه الماديه ماتسمح بالشغاله لاننا بنسافر لاهله..
مقاضي(اغراض)عيالي وعزيمة المولود(بس ذبيحتان)+قلت له لازم اكشخ ومشغل

المهم/بيعطيني خمسة الآلف مايخصني مايخص عياله
وبس مايقدر ع اكثر منها...>>بصراحه احسها قليله

جالسه افكر باخذ الفين...او اللي يكفي...بشتري/
اما>>لاب توب مع كوكنت
او>>بلاك بيري

وش رايكم؟؟..

اريد القاء شيء يونسني...وماعلق حياتي بزوجي اللي مشغول عني...

روز>>صارت مواقف لي مع عقليات كذا...
الله ياكثرهم...هذه حياتهم...
بسيطه من جوا...قاسيه عالظاهر...
وتحسينهم حقودات وهم بلعكس...
ومايعرفون يبررون..لوفهمتي غلط..
****************
خلود>>مايشوف شر العود...

ابتسامه>>ماتشوف شر اختك...اخت زوجي صار لها كذا...
والله دايم عليها شرشف...الآلآلم بجسمها...
بعد اشهر طلعت((حمى))واخذت علاجه وتعافت....
****************
سلخير>>هلابك...وين الغيبات؟؟..
**************
وتر>>الف الف مبروك يالغاليه....
ربي يتممه ع خير...
*****************
بنت نجد>>مبروكـ ماجاء اختك...
وربي يشفي اختك الثانيه...
********************

روز العجوز ذي يمكن طيحت الميانه بقوه الله يهيدها فبقول لك شي يريحك
خليك عاديه معاعا لاتتغيرين عليها لانك بتكبرين نضرها وبنضر الموجودين والشاهدين على الموقف
ومهما مره ثانيه ردي بوقتها ولاتخلين شي بقلبك تكلمي بنفس اللحضه
لو انا مكانك بسوي مثلك عشان كبر سنها

واهنيك على عقلك وادبك

مايمدحني
البلاك بيري يصلح لك قووووه
والله يقومك بالسلامه
امس جت شغاله امي وخلصت لي كل البيت وانا اغسل وهي تطبق الملابس وعلقت لكل واحد من عيالي 7 بدلات للطلعه مكويات وجاهزات لان امي هالمره ماتقدر تجيني الدرج هلكها
واصير لو رحت اختبر البسهم واعطرهم انزلهم عندها واذا رجعت اخذهم الله يقويني وارد لها جزاها ويخليها لي بدونها انا ولا شي
وخلصت ماده السبت الحمد لله
وطحت بمنتدى عن البناء والديكورات والاثاث وبس مبلطه فيه ههههههه ومتحمسه لبيتنا الله يسهل علينا
لمعه صرنا مثلكم بنسكن اول بالدور اللي فوق وعقب سنه بننزل تحت وناجر اللي فوق

باااااااي

مساء الخير والاحساس والطيبه ،

أمس الخميس كنت معزومه على زواج بدو ، ياسلام عليهم وعلى زواجهم ،

رقص وحماس ، ومافيه أغاني مياعه ولاموسيقى ، حتى لبسهم ساتر ، بصراحه تطلعين من الزواج وانتي مرتاحه انك ماشفتي آثام ،

يصير المعرس ولد خال زوجي / خاله اخو امه من امها / الشاطره اللي تحل المعادله خخخخخخ

لبست فستان أحمر، أخذته من اختي ، حطيت عيالي عند سلفتي ، لان الزواج في ديرتنا ،

جيت القاعه بعد صلاة العشاء مباشره ، وزين لحقت على صب القهوه ، لقيت خالتي ام زوجي وامها وخوات

زوجي ، جلست معهم ، وبدأ الدق بصراااحه قمة الحماس ،مايوقفون دقيقه ، حطوا عشاهم 11 الاربع ، بس مادخلت جلست اسولف مع

بنت خال ابوي ، من نفس القبيله ، وتذكرت الطفوله ، كنت ازورهم مع ابوي اذا راح يسلم على جدته ، جعلها في الجنه ،

وطلعنا 12 ، اخذت عيالي ورجعنا الرياض ، ومرينا هرفي اخذنا عشاء ، تعشيت وانا أهز من التعب ، ونمت 2 ،