mooney608;15099225:
أمونة انا معاكى تماما ان كل الكريمات و الحاجات دى ظاهريا بس - بس دة ميمنعش انها بتفرق شوية يعنى مثلا لحسة كريم كدة بتنيم الأرايل الواقفة من الشعر دى زى قرون الاستشعار
و فى شوية كريمات بترطب القشف اللى بيبقى مجير الجلد دة و بردو شوية كريم على كعب الرجل بدل ما يشقق و يبقى عامل زى الليفه السلك
و بعدين يا جماعة داحنا لسه عرايس جداد امال بعد 15-20 سنه جواز هنعمل إيه انا عن نفسى بتدلع و اتزوق لنفسي قبل جوزى و على فكرة انا كنت قبل الجواز بهتم بنفسي اكتر كان من دلوقتى يعنى الموضوع مش بس علشان الزوج لا لنفسنا الأول
انا دايما بهتم اني احط كريمات على ايدي عشان متبقاش ناشفة وكمان كعوبي بهتم بيهم اوي لان جوزي كعوبه ناعمة اوي ومش معقول ابقى جنبه خيشة ههههههههههههههه
mooney608;15099238:
سلام يا عيوش
أمونة اديكى شوية مواعين من عندى تتسلى فيهم اصلى مبحبش المواعين عااااااااااا
قبل ما ابدا في المواعين الباب خبط وجه بتاع الغاز يقرا العداد ودخل المطبخ وكنت في نص هدومي من شكل المطبخ , حظي وحش مش عارفة يستنى لحد ما اشطب المواعين ههههههههه
المهم نضفته دلوقتي وخليته فلة , كده يبقى لسه الحمام واوضه السفرة عشان البيت يبقى نضيف خالص , اوضة الاطفال محكمة الغلق مش بسمحلها تتوسخ:)
مشمشة تامر;15099239:
السلام عليكم يا احلى قمرات في مصر
اكيد تقصديني انا هههههههههههه قمر من يومي
ازيك يا مشمشمة , تعالي اتكلمي معانا وعرفينا على نفسك, اصل احنا بنحب نستفرد بالبنات ههههههههه
mooney608;15099255:
على فكرة فيبكس اتغير كتير عن زمان و عملو دلوقتى واحد للراجل أزرق وواحد للست بمبى و كمان عملو منه 3أيام و 7أيام و البمبى دة ريحته خفيفة و هادية و من بعد ساعتين مش يتبان أصلا ريكسونا انا مجربتوش بصراحة بس يا أمونة انا شوفته قبل كدة و مكتوب عليه Antiperspirant يعنى بيمنع العرق و حتى فى الإعلان بتاعه بيجيبه انك بتفضلى جافة طول اليوم يعنى معناه ان مفيش عرق و دة فى حد ذاته خطر
انا اللي كنت بستعمله كان لونه اخضر , وكنت فاكراه اختفى لحد ما قولتيلي انه موجود
والريكسونا انا مش بس بعرق معاها انا بغرق ههههههههههه, مفيش ولا مزيل عرق في السوق بيمنع العرق ابدا , ده كله هجص اعلانات
maha211;15099416:
سلام يا عيووووووشة
انا شطووووووووورة وخلصت المواعيييييييييييين :)
بس ورايا طبيييييخ8o|8o|8o|
طب يا بنات وشغل البيت ؟؟؟؟؟؟
يعني اصحي واحط ميكيب خفيف والبس حاجة دلع وبعدين ادخل على ماتش المواعين والطبيخ والترتيب وكووووول ده:confused::confused::confused:
اوعى اكوووووووون جبتلكوا إحبااااااااااااااااااط:(
انا باستفسرررررررررررر بس:)
ده اللي بيخليني اكسل , اني بصحى من النوم جري على المطبخ اشطب المواعين واطبخ وطبعا ببل نفسي ولو لبست لبس دلع هيبوظ , وانا كل لبس الدلع اللي عندي غالي , يعني ماما جيبالي جيبات وبديهات من ماكس وسنتر بوينت حرام تتبهدل في المطبخ
ولما بطلع من المطبخ بيكون جوزي على وصول ومطلوب مني اغرف واحمر وبرده بخاف على لبسي يتوسخ لان بقي مخروم وبوقع اكل على نفسي هههههههههههههههه
بعد الاكل بساعة بتنح وبتيس وببقى عايزة انام , بجد مش لاقية وقت البس فيه لبس الدلع
في اول الجواز جوزي كان بيتاخر اوي في شغله وكنت بسهر للفجر , فكنت بلبس لبس جميل اوي واحط ميكب واحط في شعري توك لذيذة او سورتيهات , بس دلوقتي بييجي بدري وبننام بدري
انا مش ضد حملة الجمال ابدا بس محتاجة حد يسلفني وقت
لحظةحب;15099455:
امونه
ايه يا بنتي بيئتي العيال ليه الكويته اساسي عندهم الحنه بيروجوا كل شهر الصالون يعملوها وبيعملوا حمامات الزيت برده في الصالون ومش بدو خالص متحضرين وزي الفل.وانا عموما سواء خالجين او عرب شايفه ان الحاجات ديه مش مضره حتي لو الشعر مش بيكتصها بتديلوا طراوه لكن اصلا مبقاش حد دلوفتي يخط زيت علي شعره.بس الحكايه يا بت يا امونه انتي ضد الجمال ولا ايه ههههههههههههه
ما اناكنت في الكويت يابت , و البنات كانو منقسمين الى شلة الاغنياء وولاد الناس الهاي ودول شعورهم مفيهاش نقطة حتة ولا زيت , شعورهم ناعمة حرير زي الفليبينيين وسودة اوي
وشلة ولاد الغلابة اللي هما اقرب للمصريين , ودول ريحتهم حنه فاقعة وشعرهم مزيت ومضفر :worn_out:
mooney608;15099536:
ومرة كنت عند رايحة ابات عند ماما و رايحالهم بأة متأنتكة و ميكب و حركات و بعد كدة قمت أخدت شاور و لميت شعرى كحكة و طبعا مفيش ميكب و لا حاجة البت أختى الجزمة بصتلى كدة و قالتلى (فعلا الإنسان أصله قرد) الكلبة دة بس ساعتها انفجرنا انا و هى فى الضحك
هههههههههههههه , اخواتنا هما اكتر ناس عارفين العار اللي احنا فيه , انا في بيت اهلى ماما بتفضل تزق فيا عشان اتزوق واحط احمر واخضر في وشي بدل ما انا صفرا هههههههه, اقولها ياستي والله انا عاجبة جوزي كده , وكمان جوزي بيقرف من الروج عشان بيمنع البوس ههههههههههههههه
ra_tamima;15099583:
امونه انتى بتكسرى مقديف العيال ليه سيبيهم ياخدو بالهم من نفسهم وانتى خليكى ف الاكل والمواعيين يابت انتى اصلا عايزه تبعدى جوزك عندك الفتره دى هاتروحى تعمليله ماسكات وشعرك وتلبسى دلع هاتبقى كارثه كده كتير ع الراجل
شيرين الف سلامه عليكى طمنينا اول ماترجعى
اقولك حاجة هتستغربيها اوي , اكتر وقت بحس ان جوزي هيغتصبني فيه :lol:هو لما بكون طالعة من المطبخ مبهدلة ومعفنه ومتسالنيش ازاي , الراجل نفسه حلوة ههههههههههه, انا نفسي بقوله ياعم انا معفنه, يقولي ده انتي زي العسل :D
محبة_الرسول;15100356:
تفتكرى بردو السويت بتبيض تحت الباط ولا ملهاش علاقة
لو كد ه اعمل بها
وانا على فكرة مش فاهمة اى حاجة من الاسماء اللى بتقولو عليها دى غير ريكسوونا
هههههههههههه
انا ميح اصلا فى الحاجات دى اووى
بشترى اى حاجة وخلااص :(
اموونة
بشرتينى يعنى انا هفضل احط فى الكريم ده لمدة 3 شهور
علشان يجيب نتيجة
يه الملل ده
ده انا زهقت من يومين :sick:
طب اعمل ايه بجد يا بنات حد يقولى
والله المنطقة دى عندى مسودة اووى :badly::badly:
ماكانتش كده خاالص قبل كده
طيب عاوزين نحدد بقى هنعمل ايه بالظبط
وكمان علشان اشوف ايه الحاجات اللى انزل اشتريها مرة واحدة
السويت مش بتبيض الباط خالص بس بتحسسك براحة كبيرة اوي , وكمان بتشيل القشف هههههههههه
انا كان معايا بنت باطها ابيض اوي قلتلها انتي بتستعملي سويت ولا حاجة تانية , قالتلي لا مش بستعمل , قلتلها امال بتعملي باطك بايه قالتلي مش بعمله :!!: كنا في الجامعة ساعتها و هيا طبيعتها مش بيطلعلها شعر , عشان كده استغربت ان باطها زي الاطفال
انا استعملت كريم التبييض لمده شهرين ومعملش ولا اي حاجة , عشان كده بقولك اصبري يمكن يجيب نتيجة بعد 3 شهور , كان اسمه فولدكس كريم, وفي واحد تاني برده طبيعي كده بس مش فاكرة اسمه وبرده معملش حاجة , الكريمات عايزة صبر جامد