شات منتظرات الحمل وامهات المستقبل القريب باذن الله(بنات مصر)شهر جماد الثانى\مايو

بناتى حياتى;15175270:
شيررررى ماشاء الله

الف مبررررروك ع الحمل
اول مرة اعرف
بجد فرحت اوووووووووى
ربنا يكملك ع خيررررررررر

الله يبارك فيكى يا مها وازىك وازى بيتول واروى

ادعبلى يكمل على خير لان حملى فية شوية مشاكل

maha211;15172977:
@ امونة يا عم على جوزو اللي قعد يبوس فيكي يا عم;);)
وانا اقول ايه العقل ده والبت مش زعلاااااانة خالص على تعبها:lol: اتاري الموضوع فيه بوس ومساااااااااااااااج ;)

مش عارفة ليه يا امونة حاسة انك هاتقعي في الرذيلة قريب وتبلي ريق الراجل شويييييييية بقى يا شيخة :adore::adore:

ههههههههههههههه لا يا بت يا مها انا زعلت كتير وكنت متغاظة موت ومبوزة كمان بس جوزي ملوش ذنب خالص , وطبعا لو كنت بوزت اكتر من كده كان هيقلب عليا واتحول من المظلومة للظالمة ;) فقلت لنفسي يا بت متخليش الموضوع يفلت من ايدك واستغليه لمصلحتك هههههههههههههههه, قلتله يعملي مساج بس يقعد بادبه عشان انا تعبانة جدا , قالي حاضر والحمد لله كان مؤدب بالعافية ياعيني , وان شاء الله مش هقع في الرزيلة الا في الشهر التاسع ههههههههههههههه

دارينيتا;15173285:
السؤال بقي
اروح لها امتي بقي النهارده ولا اكبر واروح بعد الهبابه ماتمشي من عندي ؟؟؟؟

تروحيلها بعد الدورة ان شاء الله عشام مينفعش تاخدي الدوا متاخر كدا لازم تبدأي زي ما قالتلك

سؤال تاني
هي من الاول قالت لي انها هتتابع معايا االتبويض الشهر اللي فات ولو حصل حمل يبقي اوك
محصلش يبقي هتديني حاجه تنشط التخصيب تقريبا وهي قالت لي انها مش مخصوص عشان مساله التوام زي الناس ماهي فاكره ده معمول للظروف دي

انا مستغربة جدا مفيش دكتور في العالم لما بيبدا تنشيط يقول انه مش مخصوص عشان التوائم كلمة غريبة اوي , المفروض تقولك ان عندك مشكلة في العضو دا او في الهرمون دا ودا لازم نستعمله معاه المنشطات, ومتجيبش سيرة التوائم خالص , توائم ايه ؟!!!!!!!!دي ست غريبة اوي , فين التحاليل بتاعة تاني يوم الدورة؟ !!!!!!!!!!!!!!!!!!!!, فين اشعة الصبغة ؟ هو علطول كده نبدا منشطات ؟!!!!!!!!!!!!!!!!!!! لو عايزة رأيي غيريها وخدي معلومات كتير قبل ما تروحيلها , لانها شكلها معتبرة انك مش فاهمة حاجة وبتسعبط, محدش بيدي منشطات من غير فحوصات كاملة ولو عمل كده يبقى مجرم

المهم
انا خايفه اوووووووووووووووووووووووووووووووووووووووووووووووووي احسن اجيب توام بجد مش عارفه انا مرعوبه اوي ليه حاسه اني مش من الناس اللي هتعرف تتعامل مع اول خلفتها توام خالص معرفش ليه عندي حاله رعب لدرجه اني بكتب لكم والله وانا بترعش من فكره اني لو اخدت الدوا ده وضربت معايا وجت كده هعمل ايه انا وقتها


طيب ما انتي ممكن تخلفي توأم طبيعي من غير ادوية ساعتها هتقولي ايه ؟ هتقولي لربنا انا مش عايزة !!!!!!!!!! , ماجدة وشيرين ومنى اخدو منشطات لما طلعت عينهم وفي الاخر ربنا رزقم بجنين واحد بس , هيا كل الحكاية ربنا بيوزع الارزاق بحكمته , عشان كده متقوليش انا عاوزة واحد او اتنين لانك كده بتتدخلي في ارادة ربنا , ادعي ربنا يهديكي ويقدرك على تربيه ولادك وخلاص

اوقات ببقي مش عارفه انا عاوزه اخلف فعلا دوقتي ولالاء
خايفه اوي من المسؤليه
الموضوع مش حمل وفرحانه ببيبي وسبوع وولاده ورضاعه وهيصه وبتاع
ده انسان او انسانه هيكون مسؤليتي عنه كامله وربنا هيحاسبني عليه يوم القيامه ربيته ازاي وطلع كويس ولاوحش وهعمله ايه الموضوع كبير اوي عندي وبفكر فيه كتير اوووووووووووووووووووووووي انا اصلا عصبيه اوووووووووووووووووووووووي ومش بحب الدوشه ولاالشقاوه اساسا انا بعشق اولاد جيراني بس لما بيتشاقوا شويه ببقي مدايقه واقول لنفسي لو كان ده ابني كنت فرمته فرم او لو بنتي كنت جبتها من شعرها واصحك علي نفسي وعلي رقتي

كل الامهات عصبيات وممكن في لحظة غضب بضربو اولادهم بغباء, دي مش حاجة فيكي انتي وبس , انا كمان كده مش بحب الدوشة ولا بطيق صوت عياطهم , وكل الامهات بيجيلهم لحظات انهيار بسبب ولادهم , لكن انك تقولي انا مش عايزة ولاد عشان الدوشة !!!!!!!! كده تبقي انانية لان جوزك من حقه يبقاله ولاد ومن حقه انك تربيهم كويس وتستحميلهم زي ما مامتك استحملتك وعانت معاكي كتير , ومن حقك انك تطلبي منه المساعده لما تحتاجيها

mooney608;15174107:
سارة أخبارك إيه صاحية بدرى خير
اخبار الدايت معاكى إيه
انا خطوبة اختى يوم الخميس و هخربها ربنا يستر

الف مبروك لاختك يا موني , هتاكلي ايه بئة في الخطوبة هههههههههههههههه, وعاملين خطوبة عائلية ولا في قاعة؟ وهتلبسي ايه ؟ :)

Peincess SaSo;15174821:
السلام عليكم
حمد لله على سلامة المنتدى
حد هنا

ساسو انتي مش بتتكلمي معانا ليه ؟

انا فاكرة انك كان عندك مشكلة مع جوزك ؟ يا ترى اتحلت ولا عملتي ايه معاه؟
احكي وفضفضي ياختي محدش واخد منها حاجة :)

دارين لو ربنا مقدر انك هتجيبى توام هتجيبيهم حتى لو من غير ادوية خالص ده بنى ادم هييجى للدنيا مكتوب عند ربنا من بل جدودنا ما يتولدوو ملهاش علاقة خالص ما ناس كتير و من غير منشطات و بتجيب توام و ناس تانية بتاخد منشطات و بتجيب واحد بس سيبيها على ربنا

والله يا دارين التؤام حاجة جميلة
انا عن نفسى كان نفسى فى تؤااااااااااام موت
بس الحمد لله على كل شىء

شيرين انتى رحتى للدكتور و لا عملتى ايه طمنينى عليكى

اة رحت لاتنين ومحدش عارف سبب الدم اية

الحمدلله ان المنتدي رجع

دارين

انا مش عارفه انتي بتسبقي الاحداث لييه يابنتي سبيها علي الله تابعي مع حد كويس بس الاول وسيبك من الدكتورة الكفته دي ههههههههههههههههه اه والله كفته ازاي متطلبش منك فحوصات الاول وتعملي اشاعه الصبغه دي مهمه جدااا وبعدها مده يجي 6 شهور وبعدها تاخدي منشط قصه متابعه تاخر الحمل دي زي درجات السلم ولازم تمشي كل سلمه لوحدها وتتاكدي انها خلصت ومش هترجعلها تاني لغايه اخر سلمه فيه وياريت متسبقيش الاحداث وتقولي خايفه من التوأم لانك ممكن جدا تخلفي توأم من غير منشطات خالص ساعتها بقا ابقي قولي لا مش عايزة العب اصلي كنت بهزر بس بجد انتي بتهرجي عيشي الوقت بوقته وامشي في الخطوات واحده واحده وسيبي الباقي علي الله ومتنسيش ان كل ما السن بيكبر كل ما المشكله بتزيد وكلنا في الهوا سوا انا مش بخوفك بس دي الحقيقه اعملي كل اللي عليكي وصح طبعا عشان مترجعيش تندمي علي اللي فاتك وربنا يرزقك يارب قريب من غير لف دكاتره ياررررررررررب ودوشه ايه اللي بتتكلمي عليها يابت انتي دي دوشتهم احلي دوشه ومثل موني صح جدااا ولاد جيرانك عندك زي ولاد اخواتك اكيييييييييد لا فما بالك بولادك انتي بقا انا ببقا ام عيال اخواتي طول ما هما هنا والله ما بيطلبوا من امهاتهم وبيطلبوا مني انا

شيري الحمدلله ان النبض ظهر وربنا يكملك علي خير يارب انا سمعت ان في حمل اسمه حمل غزلاني تقريبا لازم بينزل دم فيه وبيكمل عادي جدااا

حبيبة امها 4;15175286:
الله يبارك فيكى يا مها وازىك وازى بيتول واروى

ادعبلى يكمل على خير لان حملى فية شوية مشاكل

ربنا يكملك ع خير يارب
وان شاء الله تفرحى بالنونو
معلش برد متقطع لان مش عارفا اعد

زوجى كل حياتى;15174983:

وانا بقول برده علي غير العاده مفيش عشرين تلاتين صفحه رغي كده اتاري يا عينى المنتدى كان واقع

يلا يا رغاين تعالوا اترصو علي المصطبه وابداو الرغييييييييييييييي

عاليا وعيوشه ازيكو يا قمرات

امورا وودعه وميجو وشوشو وامونه عاملين ايه ف الحمل يا حلوين

ريري فين يا بنات هي وفجر ومنايا وايه اخبارهم

:D:D:D:D

اول ما شوفت اسمي وشوشو وامونه عاملين ايه في الحمل حسيت انك بتقولي عليا وبعدين افتكرت شيرين يارب ارزقني وكمل حمل شيري علي خير يارب وتقوم بالسلامه بس بشره خير صح هههههههههههههههههه بتلكك انا :p:p:p

بصي فجر في مصر بقالها فتره ده اللي اعرفه عنها واكيد مافيش نت ربنا يرجعها بالسلامة

يعنى ايه محدش عارف ما هو لازم فيه سبب طب ما تشوفى دكتور تانى تروحيله يابنتى

ميرررررررررررا عامله ايه النهارده ياحبيبتي يارب تكوني ارتاحتي من هده امبارح وتكوني بقيتي كويسه يارررررب

امونه معلش متزعليش علي الاكل اهو اديكي هتريحي ومش هتطبخي اليومين اللي جايين وياستي لو كتير اوي كده انا مستعده اجيلك ونتغدي سوا ههههههههههههههههههههههه

مهاا بجد هتخليني اندم اني حكيت لكم علي فرح كل واحده ليها ظروفها يا حبيبتي وهي كانت تعبانه معاه اصلا والله وربنا مش بيعمل حاجه وحشه والطلاق برضه ربنا شرعه رحمه لينا بدل الواحد ما يكمل حياته في قهر وغم بس بعد الشر عنك انتي غيرها وجوزك غير جوزها وحدي الله كده واستهدي بالله وربنا ما يجيب اي حاجه وحشه ياررررررب اانتي اللي كنتي بتسالي عن نااني مش فاكره بصراحه بس هي كويسه الحمدلله وفي دبي ومبقتش تخش عروس ولو انتي اللي بتسالي هبعتلك علي الخاص القصه بتاعتها ؟؟؟

انا هقوم اعمل الرز عشان الغدا واقابلكم بالليل باذن الله


سلالالالالالام

السلام عليكم
ازيكم يا بنات وحشتونى من امبارح

انا لسه بقرا اللى فاتنى بس قلت اسلم الاول

شوشو
ازيك ياحبيبتى
عامله ايه
الحمد لله النهارده احسن شويه
بس صاحيه استغفر الله العظيم عفاريت الدنيا عامله عندى حفله
وبخانق فى دبان وشى مش عارفه مالى كده النهارده
اعوذ بالله من الشيطان الرجيم

كل سنه وانتى طيبه يا سحوره

ومامتك بقى كانت بتستهل الولاده فى اليوم ده و لا ايه ههههههههههه

وانتى زعلانه على 23 سنه؟ مممم طيب هعمل نفسى مش واخده بالى


وانا صليت الظهر و العصر ومفيش فايده
مش عارفه مالى نرفز كده ليه اعوووذ بالله
لما بتقفل معايا ببقى فله عاااااااااااا

Bossy22;15170032:


و بمناسبة الطبخ توداى انا عاملة فراخ فى الفرن و رز بالكارى و سلطة بسلة و جزر و بطاطس بالمايونيز و بس كفاية كده اووووى الجو النهارده نااااااااااااااااااااااااار الحرارة 30 كنت بسيح فى المطبخ
ميرا انتى ابن اختك كان عيان مش كده اما مامتك سافرت كيفه ناووو؟؟؟؟

ازيك يا بوسى عامله ايه
وهتنزلى مصر امتى ان شاء الله؟

وبالف هنا وشفا الفراخ

وميرسى يا حبيبتى على سؤالك على ابن اختى

هو كان تعبان و لازم يشيل اللوز
بس لما راحوا به لدكتور لاقاه ضعيف اوى
وقال مقدرش اعمل له العمليه و هو ضعيف كده

فادالو كورس فيتامبنات ولما يخلصه يعملا لعمليه
وطبعا علشان هو ضعيف كان كل فتره يتعب و يقطع كورس الفيتامين
وشضعف و يبدا من جديد وهكذا مش عارفه بقى هيعملها هنا ولا مفيش وقت ولما يسافروا تانى بصراحه مش عارفه :!!::!!:

أجمل ايام العمر;15170822:
لا حول و لا قوة الا بالله العلى العظيم قلبي وجعني على فرح قوي يارب يبدل حزنها فرح و يعوضها خير يارب .. امونة@ معلش انا مشغولة قوي اليومين دول و مش بقدر اشارك كتير بس احنا كويسين و بيللا قردة و مجنناني بعمل زي سوما كدة انيمها عشان اعرف آكل او اعمل اي حاجة براحتي و كل ما الباب يخبط او التليفون يرن تقول ميييم؟؟ ماما مسمياها طنط حشرية

:lol::lol::lol::lol::lol:
مييييييييييم يااختى عسل ما شاء الله
ربنا يحميها و يخليها يارب
وكل الاطفال طنط حشريه على فكره مش بيلا بس

ربنا يخليهالك يا حبيبت يارب وبوسيهالى بقى بوسه كبيره :adore::adore:

shoshet*himo;15171156:
موني موافقه اننا نتقابل هيييييييييييييه اول واحده جاهزة اهيه مين هيقول كمان يا شطاررررررر

ادينا بنقول اهوه عشان محدش يرجع يزعل ويقول محدش قال لنا ليييييييييييية

كده انا وميرا وموني


مين تاني


؟؟؟؟؟؟؟؟؟؟؟؟؟؟؟؟؟؟

شوشو حرمت من المره اللى فاتت :lol::lol::lol:
يلا يا جماعه
العرض مازال مفتوح مين كمان

{KhAyBo3A..~;15171160:
انا انا:D انا انا:05::05::05::05::05::05::05::05::05::05::05:

طيب نتقابل فى المطار ولا فين يا عيوشه :lol::lol::lol::lol:
انتى بس حددى المكان ومفيش اااااااااااى مشكله ;)

shoshet*himo;15171286:
فجر في مصر يابنات بقالها 3 اسابيع هي كلمت ناني قبل ما تسافر مصر

طب الحمد لله اننا اطمئنينا عقبال ما نطوئن على الباقى يارب

وميرسى يا شوشو ياللى بتجيبلنا الاخبار انتى يا كميله :adore::adore::adore:

لحظةحب;15171311:
لا حول ولا قوة الا بالله الله يصبرها ويعوض عليها بالزوج الصالح عاجلا غير اجلا..ربنا يفرج كربها ويرزقها من حيث لا تحتسب

شوشو
اخبارك يا قمر..كويس انك طمنتينا علي فجر عقبال مانيا هو محدش يعرف رقم ليها يا بنات..انا بعتلها علي الفيس بوك بس مرديتش علي
شوشو انا تمام هبدا الحقن اول ما الدوره تيجي باذن الله يعني كمان اسبوعين بالكتير ده لو اتاخزت الهانم..ومدام انا مستنياهل عارفاها واطيه وهتتاخرهههههههه

ربنا معاكى يا ياسمين هيا حبيبتى ياااااااااااااااااارب
وان شاء الله تنجح و تجيبى لنا تؤام كمان ان شاء الله يااااااااااااااااارب

@ green apple @;15171690:
مش انا خسيت كيلو فى اسبوع :)

لسة المشوار طويييييييل

ازيك يا شاره
وحشتينا
و ولا يهمك مشوار الالف ميل يبدا بخطوه بس خلى عندك ارااااااااااادهF:F:F:

ازيك يا ميرا اخيارك اية

اعقلي يا بت يا ميرا واستعيذي بالله من الشيطان , واحكيلنا بئة مين اللي مطلع عفاريتك النهارده ههههههه

ويا ترى طابخة ايه النهارده ؟ انا بقيت طانط حشرية زي بيلا ههههههههههههه ؟ ضحكت اوي على كلمة ميم دي هههههههههه, عسل :)


شوشو,,,,,,,,,,, المشكلة في الاكل البايت ان جوزي مش بيحبه , اديني سخنته ولو ما اكلش هكشر عن انيابي هههههههههههه

المهم ان جوزي كان بيقلي ايه رأيك نعملهم محشي ؟ او ياريت تعملي فراخ بانيه عشان اخويا بيحبها !!!!!!!!!!!!! الحمد لله اني متجننتش وعملت الحاجات دي

امونة و شيرين ازيكوووووووووووووووووو