شات منتظرات الحمل وامهات المستقبل القريب باذن الله(بنات مصر)شهر جماد الثانى\مايو

ودعه حبيبتي ربنا يخليكي يارررب .... انتي عامله ايه و النونو عامل ايه ربنا يقومك بالسلامه ياررررب

ماجدة
الحمد لله كويسة والنونو؟؟؟معرفش عنه حاجة
نفسي اروح اعمل سونار بس لسة ميعادي بعد اسبوعين
ربنا يعديهم بسرعة يارب
هدي
انتي ساكتة ليه؟مش عافرة تعملي مشاركة ولا ايه؟
ياسمين
صباحو سكر
عاملة ايه يابندقتي؟

ربنا يطمنك يا ودعه

صباح الخير يا بنات وحشتوني اخباركم يارب كلكم كويسين ...دعواتكم يا بنات ليا ربنا ييسر اموري يارب

موني
هو تحليل ايه اللي طالبه منك لو الهومستتين لو بقالك ٣ اسابيع بتاخديه هتلاقيه نزل وكده كده انتي هتخديلك اسبوعين فتره لغاية ترجيع الاجنه لو بيستعملك البرتوكول الطويل عتخديلك اكتر من شهر لو البرتوكول القصير هتاخديلك ١٥ يوم ار ١٧ لغاية ترجيع الاجنه فهيكون فترة العلاج اللي هي الشهر عديت ..فمتشليش هم وروحي ٣ يوم الدوره عيدي التحليل او ٢ يوم وشوفيه هيقولك ايه ..يا بنتي كل حاجه وليها حل ودكتور حسام بيعرف يظبط المواعيد لو عايزه متعمليش الحقن في رمصان يبقي خليها يستعنلك البروتوكول القصير وتبديه مش الدورخ ديه الدوره الجايه وتكون نسبة التحليل بقيت كويسه

دوعة ازيك يا قمرة؟ و ازاي البيبي عامل معاكي ايه؟ انا كنت بقرأ اللي فاتني عشان كدة كنت ساكتة .. امونة @ انا كنت بتعذب من الم البريود قبل الجواز و ماذلت اول يومين وجع رهيب و ببقى بموت منه و الدكتور بيقوللي في ناس طبيعتها كدة

ربنا يخليكو ليا يا بنات
ياسمينا التحاليل هى تحاليل الغدة و الاجسام المضادة للغدة كله من الغدة مع إنى مفيش أى حاجة من أثارها باينة خالص الحمد لله و على الرغم من كدة التحاليل كانت مبينه خمول فى الغدة و بنسبه عالية سبحان الله
و عندك حق انا ناسيه خالص موضوع البروتوكول القصير دة بس يا رب السونار ميكونش فى حاجة تتطلب انى أخد جينيرا او حاجة هو اصلا بيتحدد البروتوكول بناءا على إيه ولا عادى أنا ممكن اطلبه؟ عموما انا هسيبها على ربنا و فعلا زى ما ودعة قالت انا مش هستعجل علشان مقلش العلاج ملحقش يجيب نتيجة و فى نفس الوقت مش هستنى لحد ما تيجى البيريود التانية انا هتوكل على الله و بعد شهر من بدايه العلاج هعيد التحاليل و أشوف رأى الدكتور و على فكرة هيكون فاضل على معاد البيريود حوالى 11 يوم يعنى مش كتير و كمان التحاليل هتاخدلها يومين تقريبا لحد ما تظهر النتيجة يعنى هتبقى البيريود قربت انا لسه حسباها دلوقتى بردو و هشوف مع الدكتور موضوع البروتوكول القصير دة
قوليلى انتى ماشية على الدويه اللى كتبها حسام و انتى كان عندك الاجسام المضادة عالية؟
و على فكرة انا مش عايزة اعمل الحقن فى رمضان علشان العمليات بتكون الصبح يعنى هضطر افطر يوم السحب و يوم النقل و انا كمان بحب اوى اروح اصلى التراويح فى المسجد على اد ما أقدر فحسة الحقن هيخلينى مش هقدر دة غير طبعا القلق و النفسيه ربنا يسهل انا هسيبها على ربنا و هو كريم سبحانه و تعالى

هدى انا زيك كدة البيريود معايا بشعة اول يوم و احيانا اول و تانى يوم و مقدرش استحملها غير بمسكنات و لو ملحقتش اخد حاجة و الوجع تملك منى بتبقى مأساة و ترجيع و إسهال و هبوط و عرق و صوات و الام لا تحتمل ربنا ما يكتبها على حد

صحيح يا بنات النهاردة كلمت دكنورة بتعمل حجامه و اتفقت معاها إن شاء الله هروحلها الاسوع دة اعمل عندها سمعت كتير عن فوايدها و كفايه إنها سنه عن الرسول عليه الصلاة و السلام و انا متفائله خير و ربنا يكرم و لو حتى مفادتش إن شاء الله مش هتضر انا سمعت واحدة كان عندها نفس مشكلتى و عملت حقن كتير و منجحش و ربنا كرمها بالحمل بعد ما عملت حجامه كذا مرة

ربنا يكرمنا جميعا بإذن الله عاجلا غير أجل

صباح الخييييييييييييير يا بناااااااااااات
او مساء الخيييييييييير مش عارفة

@مووني انا رأيي استني ال 11 يوم دول واللي صبرنا كتير يصبرنا القليل وخدي رأي الدكتور برده

@ماجدة ماتهمليش الحديد بقى عشان انتي لسه في اول الحمل والنسبة ممكن تقل عن كده

ياسمين ازيك يا حبيبتي وحشانا والله
ربنا معاكي يارب وييسرلك كل عسير ويارب نولنا اللي في بالنا جميعا

أجمل ايام العمر;15166063:
دوعة ازيك يا قمرة؟ و ازاي البيبي عامل معاكي ايه؟ انا كنت بقرأ اللي فاتني عشان كدة كنت ساكتة .. امونة @ انا كنت بتعذب من الم البريود قبل الجواز و ماذلت اول يومين وجع رهيب و ببقى بموت منه و الدكتور بيقوللي في ناس طبيعتها كدة

انا نفس النظام كده برضه اول يوم بيبقى غير محتمل حتى غالبا مش بنزل فيه او مبروحش الشغل انا كنت زمان ساعات انى حالة شاذة لما الاقى الناس بتتعامل عادى جدا و بتقول البيريود جاتلى دلوقتى مثلا او الناس اللى مش بتاخد مسكنات خالص بس بعد كده لقيت انها فعلا بتفرق من حد لحد ربنا يعينا بقى

ازيكم يا بنات

موني انا عاوزة اعمل الحجامه برضه قوليلي فين وبكام حتي علي الخاص يا قمر


؟؟؟؟؟؟؟؟؟؟؟؟؟

هدددي ازيك وحشاني بجد فينك يابنتي والف سلامة عليكي

محدش رد عليا ايه المدونه بتاعت دارين دي ؟؟؟؟

ودعه انا بخير الحمدلله والجرح بقا كويس خالص الحمدلله وعاوزة اسافر بقا لاني ززززززززهقت

بت يا ميرا انت واقفه تحت وساكته ليييه

؟؟؟؟

يا بنات لو اي حد يعرف وحده بتعمل الحجامه برضه يقولي فين واسعارها ايه بس تكون فاهمه هي بتعمل ايه يعني ودارسه لان كل مشكله وليها حجامه شكل

د.ودعه;15165177:
السلام عليكم
ازيكم يا حلوات



انتي جيتي ياعيوشة
انا استنيت كتييييييير قوي:o
بس ماشاء الله
الموقع موقعش عندي؟اممكن
مع ان النت عندي زبااااااااااااااااااالة
ميرا
حبيبتي
عاملة ايه؟يارب الخروجة تكون شعللت المود كده والبنات اتبسطو جوه


[/SIZE]

وعليكم السلام
ازيك يا ودعتى عامله ايه يا حبيبتى اخبارك ايه
انتى بتدخلى امتى؟ مش اتقابلنا اون لاين من فتره
بس الحمد لله بقرا مشاركاتك بطمئن عليكى
وحشتينى موووووووووووووووواهF:F:F:


و قعدت اضحك على البنات اتبسطوا جوه دى :lol::lol::lol::lol::lol:
الحمد لله الخروجه تغييييير طبعا
بس مش شغللت المود اوى لان الدنيا كانت زززززحمه
بس الحمد لله جبنا لعب لاولاد اختى وده الاهم
و البنات شافوا اللعب امبارح اللى كانت فى قسم اللعب اكيد اتبسطوا وقالوا انا عايز من ده يا حزمبل انا عايزه من ده :lol::lol::lol::lol:

mooney608;15165350:
السلام عليكم و رحمة الله و بركاته
ازيكو يا لكاكين برافو الرغى و احنا يطلع عيننا فى القرايه و مش بنلاحق و نص الكلام يقع مننا
دوعة صباح الخير انا لسة مكلتش التشيز كيك لأنى لما زودت كميه الجبنة بقت كتييير اوى
دارين انتى و جوزك توم اند جيرى بس دى حاجة حلوة على فكرة علشان متملوش كل يوم فى مفاجئات ربنا يسعدكو مع بعض و يهنيكو ببعض إن شاء الله
الست الحاجة شرفت امبارح بعد نص الليل و مقريفانى جدا جدا و مغيرة مودى اوى مع إن مش دى طبيعتى خالص انا فى العادى مش بتأثر فيا وكنت بستغرب اوى لما الناس تقول الكلام دة بس حسيت دلوقتى و عرفت قصدهم إيه مش عارفة من ساعت ما جت امبارح اول ما شوفتها حسيت كأن حد ضربنى على وشى بالقلم حسانى حزينة مش عارفة ليه ربنا يعديها على خير
معلش يا بنات مش هقدر ارد عليكو مع إنى نفسى بجد ارغى معاكو بس بجد النفسية مش تمام
عايزة اخد رأيكو فى حاجة بليز ردو عليا
انا دكتور حسام كان قايللى أخد الدوا لمدة شهر و نعيد التحاليل بعد شهر و لو ربنا كرم و كانت كويسه نبدأ فى الحقن علطول و كان قالى يا ريت لو يكون اول او تانى يوم فى البيريود علشان لو تمام نبتدى تالت يوم بس المشكله ان البيريود جت اهو و لسه معداش شهر على ادوا عدى بس 19 يوم فأنا حسة مش هيكون لسة الدوا عمل حاجة و فى نفس الوقت لو استنيت لحد البيريود اللى جايه كدة الحقن هيدخل فى رمضان و انا مش عايزة ابوظ رمضان فى عمليات و قلق و جوزى بيقولى مش لازم نستنى البيريود احنا اول ما الشهر يعدى نروح نعيد التحاليل و نشوف هو هيقول إيه محتارة و مش عارفة ربنا يهدينى للخير يا رب

ازيك يا مونى يا حبيبتى
عامله ايه
وحشتينى ومعلش احنا رغينا و تعبناكى
بس امبارح مش رغينا كتير والله
المنتدى وقع من كتر رغينا باين :lol::lol::lol::lol:

وانتى مكلتيش التشيز كيك ليه كده
لا كوليها بقى بالهنا والشفا علشان مش تقعد كتير و تبقى وحشه
وشيلى من الجبنه لو هتضايقك

وحبيبتى روقى كده وان شاء الله الحاله النفسيه تبقى كويسه على باليل ان شاء الله
هى سبحان الله البيريود بتغير المود من تغير الهرمونات وكده
ربنا يروق بالك ياحبيبتى ياااااااااااااارب

وانا رائى يا مونى
انك تخلصى العلاج لمده الشهر دى و تعملى التحاليل لو مش لها علاقه بالبيريود
و بعد كده تروحى لدكتور و تمشى فى اجراءات عادى
و ربنا يكتبلك الخير يارب حتى لو رمضان خير وبركه
وكله خير ياحبيبتى ده شهر فضيل و كريم
ربنا يكرمك ياحبيبتى ياااااااارب يا منى يااارب ونفرح بيكى وياااه لو من غير حقن كده
مفيش حاجه بعيده عن ربنا سبحانه وتعالى

magda 1;15165406:
صباااح الفل ازيكم يا بنااات عاملين ايه ....... انا الحمد لله عملت التحليل و طلعت امبارح الار اتش نيجتيف تقريبا كده هاخد الحقنه بعد الولاده ان شاء الله و التحليل بتاع ‏IGG‏ ده طالع بوستيف ٢٥ معرفش ده كده ايه بس في المعمل قالي ديه اصابه قديمه وجسمك عامل مناعه للمرض معرفش ده عادي ولا ايه و طلع عندي نسبه انيميا طالع ١١ و المفروض يبقي ١٢ونص مع اني لسه عامله التحليل ده في شهر ٢ الي فات لما كنت بتبرع بالدم وكان طالع ١٤ معرفش ليه نزل اوي كده وبس الحمد لله باقي التحليل كويسه الحمد لله

صباح الولرد و الفل يا ميجو
ازيك ياحبيبتى

مبروك على التحاليل يا ميجو
و ال ار اتش نيجاتيف
مش عارفه بيتاخد لها حقنه فى الحمل و لا بعد الولاده مش عارفه بصراحه

ومش عارفه بتاع الى اى جى جى ده ايه بصراحه

و الانيما الحمد لله مش وحشه اوى
بس اكيد هتاخدى حديد و كلى بقى تفاح و عسل اسود ياحبيبتى علشان النسبه مش تقل اكتر من كده
لان الحمل بيعمل انيما ميكانيكه باين
فاهتمى بالحديد من الاول

وربنا معاكىياحبيبتى يارب
انتى ميعادك مع الدكتور امتى ان شاء الله؟

mooney608;15165541:
التحاليل دى عادى ملهاش علاقة بالبيريود بس هو كان قاللى يفضل نعملها اول او تانى يوم علشان لو طلعت كويسه نبدأ علطول بدل ما نستنى
و المشكله ان بجد اول مرة يحصللى كدة مع البيريود و مكنتش بفهم الناس اللى بتقول انها بتبوظ النفسية الموضوع بس جديد عليا علشان كدة مش مبسوطة بس الحمد لله كله خير و فعلا انا إن شاء الله هعملها فى معادها و اشوف الدكتور هيقول إيه

طب الحمد لله ان التحاليل ملهاش دعوه بالبيريود
خلاص اعمليها بقى فى ميعادها يا مونى وتوكلى على الله
وان شاء الله خير

لحظةحب;15165903:
صباح الخير يا بنات وحشتوني اخباركم يارب كلكم كويسين ...دعواتكم يا بنات ليا ربنا ييسر اموري يارب

ازيك يا ياسمينه
عامله ايه ياحبيبتى
ربنا معاكى ياحبيبتى يارب
ويفرح قلبك ونفرح بيكى يااااااااارب
كنتى فى بالى امبارح بعد صلاه الفجر و قعدت ادعيلك والله انتى والبنات كلهم
ربنا يفرحنى بكم يااخواتى يارب
بجد فرحتى هتبقى لاتووووووصف
ربنا يطمنى عليكم كلكم يااااااااااااااااارب

mooney608;15166214:


صحيح يا بنات النهاردة كلمت دكنورة بتعمل حجامه و اتفقت معاها إن شاء الله هروحلها الاسوع دة اعمل عندها سمعت كتير عن فوايدها و كفايه إنها سنه عن الرسول عليه الصلاة و السلام و انا متفائله خير و ربنا يكرم و لو حتى مفادتش إن شاء الله مش هتضر انا سمعت واحدة كان عندها نفس مشكلتى و عملت حقن كتير و منجحش و ربنا كرمها بالحمل بعد ما عملت حجامه كذا مرة

ربنا يكرمنا جميعا بإذن الله عاجلا غير أجل

بالتوكل على الله يا مونى ان شاء الله
وفعلا الحجامه دى جميله ما شاء الله وفوائدها كتيره
ربنا يفرحنا بكى ياحبيبتى ياااااااااااااااااااااارب

shoshet*himo;15166800:
محدش رد عليا ايه المدونه بتاعت دارين دي ؟؟؟؟

دارين عامله مدونه فيها كذا موضوع يا شوشو
هتلافيها تحت الصوره الرمزيه بتاعتها
مدونات :5
دوسى عليها وادخلى اقرائى بقى
انا قرأت اول واحده وعجبتنى اووووووووول
البت دى طلعت عاقله على فكره
لسه فيها شويه عقل بصراحه ههههههههههههههههه

ازيك يا شوشو
معلش انا كنت بقرا اللى فاتنى وبكلم مع ماما فالوقت عدى
وفضلت واقفه كتير من غير كلام هههههههههههههههههه

ازيك ياحبيبتى عامله ايه
والحمد لله انم الجرح خف
انتى المفروض التاشيره ميعادها امتى
ياارب هون
يلا يا شوشو عايزين نزحلقك بببببببقى

بنات انا عاوزة دكتور كويس هنا فى المنصورة
عاوزة اعرف اللى انا فية دا سببه اية انا النزيف شغال معتش بيوقف

هدى ............. اخيرا شفتلك مشاركة , انتي بتغيبي ليه كتير يا هدى ؟ ليكي وحشة والله

تعالي احكيلنا اخبارك ايه انتي وبيلا


موني ........... البت لواحظ شكلها فاهم يا نصة ههههههههه, وردت عليكي رد خبرة وحلو اهو , متزعليش نفسك خالص , احنا معاكي اهو يا ستي فشي غلك وخنقتك فينا ولو في حاجة مضايقاكي ادي دراعي يا ستي عضي فيه ههههههههههه
ان شاء الله ربنا هيكرمك يا موني بصبرك وهيديكي نونو حلو وامور زيك


عيوش........... اصبري يا بت مستعجلة عالبيت كده ليه, ده انا جوزي عشان يشوف شقة ايجار بس متشطبة لوكس بدأ يدور عليها قبل شهرين من جوازنا مش سنتين زيك ههههههههههههههه, والحمد لله ربنا كرمان بشقة حلوة , عقبال البيت الملك يارب

اصبري على جوزك شوية انتو لسة صغيرين وادامك العمر , خليه يدور على بيت حلو عشان متتعبيش في حياتك وتتنقلي من بيت لبيت


ميرا ............ ازيك يا قرده :)

انتي هتسافري القاهرة يوم الخميس؟ يعني هتروحي تستقبلي اختك في المطار ؟ وهتقعدي اد ايه في القاهرة؟ وجبتي لعب ايه بئة:)


دارين مسك الختام ............... اول مدونة ليكي حلوة للبنات اللي خايفين من ليله الدخلة بس انا عايزة اعمل مدونة للبنات اللي مش خايفين ههههههههه لان انا دخلت وانا مفيش في قلبي ذرة خوف بالعكس كنت ملهوفة على جوزي بس ربنا ما يوري حد اللي جرالي , في حالات يا دارين بتبقى مؤلمة جدا يمكن مش كل البنات بس انا واحدة منهم ولو دينا صاحبتنا موجودة معانا كانت قالتلك برده على اللي جرالها , الالم ملوش دعوة بالخوف , الالم بسبب نوع الغشاء


المدونات التانية عجبني الجنون اللي فيها هههههههههههه انتي فعلا يا بنتي لاسعة وهتجنني جوزك هههههه, بس انا بحب كده والا الحياة تبقى مملة ومقرفة, بس خفي على جوزك شوية , الراجل مش اد يا ستي ولا اد المقالب بتاعتك , بس احلى حاجة لما ماتك قالتله دي مخها ضارب هههههه


انا هقوم اجهز الاكل جوزي على وصول

اه نسيت اقولكم اني احتمال يكون عندي عزومة لاخوات جوزي الرجالة بكرة ان شاء الله , ومطحونة بقالي يومين في التنضيف ولسه الاكل , وربنا يجبر خاطري والاكل يعجبهم ......... سلام مؤقتا

shoshet*himo;15166850:
يا بنات لو اي حد يعرف وحده بتعمل الحجامه برضه يقولي فين واسعارها ايه بس تكون فاهمه هي بتعمل ايه يعني ودارسه لان كل مشكله وليها حجامه شكل

موني حتروح هي ياشوشو
شوفي معاها بقي

حبيبة امها 4;15167322:
بنات انا عاوزة دكتور كويس هنا فى المنصورة
عاوزة اعرف اللى انا فية دا سببه اية انا النزيف شغال معتش بيوقف

ربنا معاكي ياشيري ويثبت حملك يارب
معقول كل ده ومرحتيش لدكتور
انتي لازم تعملي سونار تتطمني علي وضع الجنين

mooney608;15166214:
ربنا يخليكو ليا يا بنات
ياسمينا التحاليل هى تحاليل الغدة و الاجسام المضادة للغدة كله من الغدة مع إنى مفيش أى حاجة من أثارها باينة خالص الحمد لله و على الرغم من كدة التحاليل كانت مبينه خمول فى الغدة و بنسبه عالية سبحان الله
و عندك حق انا ناسيه خالص موضوع البروتوكول القصير دة بس يا رب السونار ميكونش فى حاجة تتطلب انى أخد جينيرا او حاجة هو اصلا بيتحدد البروتوكول بناءا على إيه ولا عادى أنا ممكن اطلبه؟ عموما انا هسيبها على ربنا و فعلا زى ما ودعة قالت انا مش هستعجل علشان مقلش العلاج ملحقش يجيب نتيجة و فى نفس الوقت مش هستنى لحد ما تيجى البيريود التانية انا هتوكل على الله و بعد شهر من بدايه العلاج هعيد التحاليل و أشوف رأى الدكتور و على فكرة هيكون فاضل على معاد البيريود حوالى 11 يوم يعنى مش كتير و كمان التحاليل هتاخدلها يومين تقريبا لحد ما تظهر النتيجة يعنى هتبقى البيريود قربت انا لسه حسباها دلوقتى بردو و هشوف مع الدكتور موضوع البروتوكول القصير دة
قوليلى انتى ماشية على الدويه اللى كتبها حسام و انتى كان عندك الاجسام المضادة عالية؟
و على فكرة انا مش عايزة اعمل الحقن فى رمضان علشان العمليات بتكون الصبح يعنى هضطر افطر يوم السحب و يوم النقل و انا كمان بحب اوى اروح اصلى التراويح فى المسجد على اد ما أقدر فحسة الحقن هيخلينى مش هقدر دة غير طبعا القلق و النفسيه ربنا يسهل انا هسيبها على ربنا و هو كريم سبحانه و تعالى

هدى انا زيك كدة البيريود معايا بشعة اول يوم و احيانا اول و تانى يوم و مقدرش استحملها غير بمسكنات و لو ملحقتش اخد حاجة و الوجع تملك منى بتبقى مأساة و ترجيع و إسهال و هبوط و عرق و صوات و الام لا تحتمل ربنا ما يكتبها على حد

صحيح يا بنات النهاردة كلمت دكنورة بتعمل حجامه و اتفقت معاها إن شاء الله هروحلها الاسوع دة اعمل عندها سمعت كتير عن فوايدها و كفايه إنها سنه عن الرسول عليه الصلاة و السلام و انا متفائله خير و ربنا يكرم و لو حتى مفادتش إن شاء الله مش هتضر انا سمعت واحدة كان عندها نفس مشكلتى و عملت حقن كتير و منجحش و ربنا كرمها بالحمل بعد ما عملت حجامه كذا مرة

ربنا يكرمنا جميعا بإذن الله عاجلا غير أجل

موني
اكيد قريتي كلام توتا في المنتدي التاني والحجامة عملت معاها ايه بالنسبة للاندو
اختفت تماما لدرجة ان الدكتور قبل الحقن مكانش مصدق
ياريت تعرفي الدكتورة بالظبط وتروحيلها وبالمرة تقولي عليها لشوشو
انا كنت ناوية لو محصلش حمل السنة دي اروحلها
ربنا يجعل تعبنا بفايدة يارب
هدي
اخيرا
عودا احمدا وحشتينا
مها رينبو
سلاماااااااااااااااااات