شات منتظرات الحمل وامهات المستقبل القريب باذن الله(بنات مصر)شهر جماد الثانى\مايو

magda 1;15152630:
عيوشه الراااااايقه حلوه وصفه الليمون و النشا ديه ان شاء الله هجربها انا عندي المكان غامق شويه بس الليمون مش بيحرق يا عيوشه

ان عملت سويت و في نفس اليوم عملت الوصفة حيحرق طبعا انا كنت بعملها بعد يومين من السويت

يعني الجو حلوو عندكوا النهارده يا عيوشه احنا عندنا حرررررررر اووي بس تقريبا النهارده احسن من امبارح شويه لسه هشوف بقي الشمس لما انزل من الشغل ربنا يستر

magda 1;15152664:
يعني الجو حلوو عندكوا النهارده يا عيوشه احنا عندنا حرررررررر اووي بس تقريبا النهارده احسن من امبارح شويه لسه هشوف بقي الشمس لما انزل من الشغل ربنا يستر

ربنا يستر.انتي بتشتغلي في ايه؟

miramiro;15150749:
اه والله ده انا بررررررررررريئه:o:o:o:o

ايوووووووووة هى اللبسه الفاسيه هى دى بجد بتبقى زى الاصنام فعلا صعبه اووووى

وربنا يهدى لكى زوجك ويوافق على الفرح ان شاء الله
وربنا يكملكم على خير يارب

ويا جامد انت ياللى لو عايزه تريحى هتريحى دى :lol::lol::lol::lol::lol:

:lol::lol::lol::lol::lol::lol::lol:
يالهوووى على الفضايح

كده يا ميجو فضحتينا من الاول وبيبنتى المواهب و الجاعوره ههههههههههههه

و قعدتى تاكلى طفاسه ما هو الاكل ده حجه البليد يوم فرحه :lol::lol::lol::lol::lol::lol:


وشكل جوزك منمش على فكره
لانك بتقولى 4 و صحاكى الساعه 7
ده كتر خيره بقى انه سابك تنامى شويه الكم ساعه دول


وانتى عرفتى تروحى فى النوم اول يوم كده وانت مغيره السرير بتاعك ناميه مع واحد غريب( اللى هو زوجك يعنى :lol::lol::lol::lol:) بس رضو اول يوم
شكلك بتحبى النوم يا ماجده هههههههههههههههه


الواحد بيفتكر الايام الاولى دى و يقول هاااااااااااااه ايام
لو بس يبقوا ربع اليوم ده تانى
من حنيه و لهفه علينا كده
بس فين يا ماما متلاقييييييييييييييش

اياااااااااااااااااااااااااااااااام:adore::adore::adore:


اوكيه ياحبيبتى ماشى ابقى قوليلى ساعتها

انا ضحكت ضحك على حجة البليد يوم فرحة دى :lol::lol:

paradise rose;15151129:
يابنات عاملين ايه انا حظى وحش كل ما اجى ملقيش حد ومروحه بكره بقى
ومعلش انا كنت فاتحه الموقع بس مكنتش قاعده فمشتوفتش كلامكوا
يارب تكمونو بخير
فجر وفرح انا مش سامعه عنهم حاجه ومانيا مش فاهمه الطلاسم اللى كتبتها حد يترجم
عليا ربنا يفرحك يارب ويرزقك الشهر دا حمل سليم معافى وذريه صالحه معافاه
ياسمينا حبيبتى عامله ايه ربنا معاكى يارب
بت ياميرا ارحمى نفسك واضغطى على نفسك وكلى يابنتى انتى مسئوله عن اللى فى بطنك متاثريش معاهم
امونه عامله ايه انتى تحفه اوى على فكره كل ما بشوف كلام ليكى بضحك ربنا يكرمك يارب
ميجو اخبارك ايه ريحى ياميجو عشان الحر مع الحمل هيفرهدك خاصة انك فى الاول
مها مش ميرا بس اللى فكراكى انا كمان ومش هاطول اكتر من كدا عشان انا جوايا كلام ليكى كتير ومش عايزه اقلبها دراما
مين تانى كنت عايزه ارد على حد مش فاكره
المهم كلكم وحشتمونى ونفسى الاب يججى بقى عشان اقعد علطول معاكو هانت قرب يجى دعواتكوا

عايزه اسالكوا سوال
اللى راحت شرم الشيخ فيكوا تقر وتعترف عملت ايه هناك بالتفصيل الممل او تعرف حد راح تسال وتقولى عشان هاروح ان شاء الله
واخد معايا ايه فى الشنطه

انا عايزه اقولكوا حاجه وتقولولى اعمل ايه عشان اتغير
انا بقيت حساسه اوى اوى اوى واى كلمه بتاثر فيا مع انى كنت مكبره دماغى ومش بيفرق معايا كلام حد بس حاسه انى بقيت حساسه وثقتى فى نفسى قلت اوى وبقيت اتكسف اقابل ناس مش عارفه ليه ومبقتش اتبسطت مع حد غير لما اكلم واحده صحبتى اعرفها او اتكلم معاكو عشان بحس انكو فهمينى وحاسين بيا
حتى احتمال اسافر جوزى قالى انه عرض على صحبه ومراته انهم يجوا يعنى عشان هما لسه عرسان جداد اانا اضايقت اوى وحاسه انى مش هتبسط لانى مش برتحلاها وهى كل مره اقابلها بحس انى قافله منها مع انها مراة انتيم جوزى وهو طيب اوى وكويس اوى بس هى مش مرتحالها خالص اتمه كدا ومش مريحه
مش عارفه اتعامل ازاى لان نفسيتى كمان مش مرتاحه ونفسى اروح افك مش اتكتم ولو لقيتها اتمه هتخنق ومش عايزه اضايق جوزى لان بيحب صحبه دا اوى مش عيزاه يحس انى مضايقه
انا قلتله انا مش مرتحالها بس رجعت قلتله خلاص هحاول اتعامل مع انى جوايا مقفول ومش هاعرف اتعامل وخلاص مش هعرف اصلاا نغير راينا او نلغى المواعيد لان جوزى اخد اجازه الصيف ولو مخرجتش فى الفتره دى مش هاخرج
ونفسى اوى اغير جو انا بقيت بتكسف اوى لو فى وسط ناس ومش بنطق بكلمه معرفش ليه وياسلام لو حد مخنوقه مننه كمان مش بنطق خالص
وكمان بقيت حساسه اوى من كلام اخت جوزى مع انها ليها ظروفها بس برضه بضايق
قولولى اعمل ايه وارجع تانى اكبر دماغى ازاى بجد وابقى بيس كدا واتقبل الحياه
انا بقيت كئيبه اوى نفسى افرفش كدا مش عارفه

اريد حلاااااااااااااااااااااااااااااااااااااااااااااااااااااا

عارفة يا امنية كانك بتتكلمى عنى بالظبط فلو عندك حل ابقى قوليهولى الله يرضى عليكى

السلام عليكم و رحمة الله و بركاته
إيه يا عيال دة بقالى 3 ساعات عماله اقرا اللى فاتنى بأة أغيب يوم واحد الاقيكو خلصتو المناهج
بس وحشتونى جدا جدا إمبارح فى الشغل كنا بننقل من دور لدور فعلشان كدة الدنيا كانت مش مظبوطة معرفتش أدخل و باليل نزلت انا و زوجى العزيز شوبنج و رجعنا متأخر

ميرا حبيبة قلبى سلامتك من التعب و الحر و اسمعى كلام الدكتورة الدوا اصللا بيظبط الضغط يعنى بيوصله للمعدل الطبيعى و بس مش بينزله عن الطبيعى فمتقلقيش و متوقفيهوش و كليييييييي

مها حرام عليكى إيه الغلاسة دى على جوزك خفى عليه شويه الغلبان اعترف انه متضايق تقومى انتى تغلسى عليه

أمونة كفتة البطاطس دى بعملها و بتتطلع جامدة انتى المرة اللى جاية جربى كمان ابشري شوية جبنة رومى بشر خشن معاها بس خفففى الملح شوية الجبنة بتسيح جواها و بتبقى واااااااو

علياء ربنا يفرح قلبك يا رب بس اعملى تحليل و اطمنى طالمة البيريود متأخرة و إن شاء الله خير

أمانى تقريبا دخلت من الموبايل و خرجت على طول ربنا يطمننا عليها

عيوش الافوكادو عصير جوزى بيحبه بس انا حساه بيلكم اوى و عليزة اجيبه اجربه لشعرى سمعت انه حلو
و على فكرة الافراح بتاعتكو دى زى عندنا بس فى الصعيد و الارياف بردو لازم 3 أيام و ساعات اسبوع العروسة تلبس و تقلع مليون طقم و يأكلوا البلد كلها و ضرب نار و مولد و بصى جوزك سيبك منه هيقتنع فى الاخر بس هم لازم يعملو الحركات دى و صدقينى هيفرح جدا يومها و هتبقى ذكرى ليكو حلوة طول العمر انتى صممى على الفرح لانها ليله العمر و مش هتتكرر أبدا تانى لو مفرحتيش بيها مش هتحصل تانى و هتندمى باقى عمرك كله و أهم من كل دة ربنا يسعدكو و يبارك فيكو إن شاء الله

شيماء شومة ياللى مدوخة الحكومة و الله شكلك غلبانة و طيبة و بق على الفاضى

أمنية بصى يا ستى بالنسبة لشرم الشيخ هى جميلة جدا بس فى كذا حاجة انتو هتقعدوا فين عموما بصى انتو ممكن تظبطوا رحلة بحرية دى حلوة و هتتبسطو إن شاء الله أوى و كمان السفارى جامد جامد و هتطلعى طاقة جبارة و لازم لازم لازم ليلة بدوية دى أحلى واحدة اللى بينظمها فندق كورال باى فى شاركس باى(خليج القرش) دى أجمد واحدة و بتكون كل يوم أربع و كل يوم بالليل ممكن تنزلوا تتمشوا على المشايه فى خليج نعمة أو حتى برة فى منطقة الكافيهات و تقعدوا فى أى كافيه لو حبيتو تاكلو أيس كريم و لازم لازم لازم أكله سمك و جمبرى فى فارس دة فى السوق القديم و مشهور جدا جدا هناك فى كمان أكوا بارك وهم وهم فى فندق كليوباترا و فى فى كذا فندق مش فاكرة دلوقتى احلى واحدة بتاعت قرية الف ليله و ليله وهمية و مش عايزة اقوللك بجد هتتبسطى فيها جدا بإذن الله و لو حابة تستفسري عن أى حاجة فى شرم انا تحت أمرك انا اصلى بروح كتيييييير و تقريبا حفظاها
نصيحة جانبية اوعى تنسى الصن بلوك السمش هناك نار يا حبيبى نار
نصيحة جانبية تانية سيبك مت التاكسيات غاليه و المشاوير طويلة المكروباصات هناك الفرد بجنيه اى من حتة لأى حتة حتى لو معاكو عربية لأن الركن هناك مش سهل
نصيحة أخوية مرات صاحب جوزك دى سيبك منها تماما ولا كأنها موجودة غلاستها على نفسها و على جوزها انتى طالعة رحلة تتفسحى و تتبسطى انتى و جوزك و إن شاء الله لو عملتى البروجرام اللى بقوللك عليه هتتبسطى بإذن الله و زى ما بوسى قالتلك اتشعلقى فى دراع جوزك و قوليلو نسيبهم براحتهم دول لسه عرايس جداد و انتى خلى كل تفكيرك انك تتبسطى انتى و جوزك و بس بأى طريقة ممكنة و اللى معاكو متركزيش معاهم كتير و لو سمعتى كلامك و عملتى انشطة مختلفة مش هتركزى معاهم أصلا و ربنا يسعدكو يا رب

ماجدة و لواحظ و عيوش ازيكو منورين

يا بنات احنا كنا المفروض مسافرين إن شاء الله الساحل النهاردة بالليل بس سمعنا ان فى بكرة قلق جامد جدا و مظاهرات و موال ربنا يستر كدة بااااااااظت مع إننا حضرنا الشنط :(

رشا انا نزلت بصيت على اللبس فى كام محل كدة فى المهندسين و فى وسط البلد و فى شارع مصطفى النحاس الحاجة فعلا مش اد كدة و الحاجة اللى تعجبنى اسعارها نار و سبحان الله يبقى فى حاجات كتير اسعارها معقوله بس الى يعجبنى لازم يبقى سعره نار بابا الله يرحمه كان على طول يقوللى انتى بتنشنى على الغالى علشان الغالى ميجيبش إلا الغالى بس قلت علشان متخنقش هجيبلى كام حاجة كدة علشان أجدد

هو انا جيت طفشتكو و لا إيه
لا أسكت الله لكم حسا

ازيكم يا لكاكين انا بقالي ساعتين بقرأ اللي فاتني بجد تاخدوا جايزة نوبل في الرغي انا كويسة الحمد لله و بيللا كمان الحمد لله بس كان موبايلي بايظ و البريود كانت جايالي بتعب فظيع و مازالت الحمد لله على كل حال

ازيك يا هدهد اخبارك إيه و ضرسك عامل إيه و أخبار بيلا إيه نسيت التيتينا ولا لسة

فلور لا يا ستى مقدرش احكى الحلم غير اما اخد الاذن من امووونة منتى عارفاها شرانية و ممكن تعضنى و تعملى واواا
منى انتى عسولة اوى حساكى كيوت كده
هددهوود و حسااانى اوى قريت انك بتفطمى بيللا من التيتينة عقبال جودى انا حسة انها عمرها ما هتسيبها خصوصا انها مش بتنام غير بيها حماتى قعدت تخوفنى و تقوللى العيال فى امريكا بيبقو كبار كده عندهم 5 سنين و فى بقهم التيتينة عشان مبيفطمهومش منها ربنا يستر الموهيم هى نسيتها وللا لسة؟؟؟
يا عيال عارفين الصراصير اللى بتبقى فى الخشب الصغيرة دى هل ليها حل انا برش يوميا و مفيش فايدة اريد حلااااا؟؟؟
بس الافوكادو ده اكيد بيتخن اوى مش كده بنط انا من موضوع لموضوع بسرعة البرء

بوسى ميرسى يا قمر ربنا يخليكى
بصى الحشرات اللى فى الخشب دى ليها حاجة بتتجاب من بتوع المبيدات او الصيدليات دوا معين علشان دى غير الصراصير العادية
والافوكادو بيتخن اه و طعمه مش حلو خالص و لازم علسان تشربيه تحطيله لبن و مكسرات و عسل او سكر كتيييير علشان تقدرى تشربيه فبيبقى عامل زى الكريمة تقيل اوى
و متقلقيش من موضوع التيتينا دة هم الاجانب بيستسهلوا إنما احنا فى خطط جاسوسية كتيير تخلى الاطفال يسيبو التيتينا و يقولولك عليها يعععع

ازيكوووووووو

مسائكم رغي

امنيه
بصي سيبك الحاله اللي انتي فيها ديه علشان انتي نفسيك مش مظبوطه والظروف اللي مريتي بيها هي الي ماثره عليكي انتي محتاجه تغير جو وتنسي التفكير باي حاجه بس تستمتعي والبروجرام اللي قالتلك عليها موني جميل بالذاااات السفاري والليله البدويه وقرية الف ليله وليله بروجرامها حلو بابليل وهتتبسطي فيها برده وروحي وعيشي حياتك وانسي الهم واي حاجه تشغلك وان شاء الله ترجعي من الرحله مبسوطه

موني
معليش يا منمون جيت ارد امبارح عليكي نسيت..بصي الدكتور برده مقليش سبب قالي احيانا بيبقي عدم ثبوت الاجنه غير مسبب وهو قال بس الخطوه اللي ممكن يعملهر انه يعمل تثقيب اجنه بس ده هيتحدد يوم الترجيع هيشوف الجدار لو سميك هيعمله تثقيب باليزر وهو كمان بيفضل الترجيع في اليوم التاني او التالت لان فرصة ان الاجنه تعيش لليوم الخامس قليله بس ده كل اللي حصل

{KhAyBo3A..~;15152557:
كل مبروح السوبر ماركت بنسى سسائل الاستحمام و الجلسرين:|لازم اجرب المقشر دا كلو بيمدحو

شكرا علي الوصفه يا عيوشتي يا قمر هقول لها والله حالا

وهاتي المكونات بجد يجنن الماسك ده

{KhAyBo3A..~;15152570:
لا احنا عارفين ان التبني دا حرام هي بس متكفلة بيه و الولد عندو اوراقو التبوتية مش واخد نسب الاب الي متكفل بيه اوراقو غير اوراق باباه الي متبنيه.بس الاب دلوقتي مسؤول عن الولد و حتى لو جات الام تبحت عنو مش حيدهولها لانها ارتكبت جريمة في حقو دا انا لما عرفت الابن دا لقوه فين يومين و انا مريضة و عنيا منفوخة من البكاء معرفش ازاي الستات دول بيسمحو في ضناهم كدا:mad:

ايييون كده تمام واكيد امه ارتكبت جريمه منهم لله كل الامهات اللي كده بس قوليلي لقوه ازااي ههههههههههههههه عاوزاكي تعيطي تاني؟؟؟

كدا محدش رد عليا ولا عبرنى :(

ساره ازيك يا حبيبتي عامله اييه ؟؟

موني ايوه انا شوشو شومه ومش طيبه خالص هههههههههههههههههههههههه بهزر والله فعلا انا بوق علي الفاضي واللي تقولك كده بجد البت ميرا ههههههههههههه


ياسمين انتي هتعملي الحقن تاني يا حبيبتي ربنا معاكي يارب ده اللي فهمته من كلامك ربنا يسهل المره ده وتجيبي احلي تؤام يارب


امونه ازيك يا موززززتي؟؟؟

الحمد لله يا شوشيت

اخبارك انتى اية

هدي ازيك وحشاااااااني اوي والله وازاي بيللا ربنا يسهل وتكون نسيت التتينه البت سوما شايله هم ريماس لما تيجي تشيل منها الببرونه هتجننها مش بتنام غير عليها ولا البت كانت علي طول بتحط صوبعها في بوقها وشالته منها لفت لها ايديها ببلاستر كذذذا يوم والبت تلطم بقا واسماء تعيط هههههههههههههه لغايه ما نسيتها الحمدلله وهي مش ادتها تتينه خالص الحمدلله