تجمع حوامل وامهات قطر لشهر جمادى الثاني لعام 1432ه ؛الموافق لشهر مايو لعام 2011م

مب شي اليه التقييم الجديده
شنو هاي شات عروس مايصير نقييم فيه بعض ...
ليش بالله

مساكم خير


أم حمنى
شسوت ريمي .. عساها أحسن ان شاء الله

لولوة
فديت الليمونه يا ناااس

السلام عليكم

شخباركم ماميز وكروشات؟

صار لي فتره ما دخلت ، أحس تعب مع الدوام والبيت ، صرت أحس بثقل ، الله يعينا لين الولاده.

عرس أخوي عقب رمضان إن شا الله ، بسألكم عن كذا شي:

محلات بطاقات العرس ، الي واصلتها بطاقه عرس حلوه تحط لي اسم المحل

أماكن صواني التوزيعات للحلو والمالح والشوكليت

الي عندها رقم حد للسكيورتي الي عند الباب تطرش لي الرقم عالخاص

فرقه طق حق العرس ، بعد طرشوا لي عالخاص اذا تعرفون فرقه زينه.

انتظر ردودكم

ثانكس للي باركووولي ..

ليلة حب ..
محلات الجوكلت والصواني وااايد ..لافيش _شوبان _لافندوم _لاسيجاال _جولي بي
وايد ..
وعن السكيورتي جوفو حمايه ..
فرقة طق اماني أو أنوار ..


صبايا شخباركـم .؟

صباح الخيرات




عذوب
تسلمين حبوبتي خخخخخ
شخبارج مع الثقل
قربتي مابقى شي ان شالله






ليله حب
فرقه طق اماني
والباقي عطتج قطوووور الاوبشنز
روحي بعد فوشون شوفي شنو عندهم افكار او حلويات وموالح جديده للتقديم يجيبون مرات اشيا جديده
ويمدحون اللي عند النادي العربي عاد مدري هو وشو
مري وشوفي





ام حمني
خطاها الشر ريمي الحلوه
فديت يدها انا النتفه
اهم شي الخياطه خليها دوووم جافه ونظيفه عشان ماتلتهب وتتوهقين بعدين مع المضاد

قطووووره اتش
صباحج نور
شخبارج
ماشالله صج الايام تركض اذكرج توج تبشرينا بحمالج
الله ينقله لج بتمامه ان شالله

مساء الخير


ليلة الحب ..
مبروك عرس أخوج والله يتمم لكم على خير ..
احس بيكون بعد اربعينج على طول
الله يعينج يارب

لولوة ..
اى الله يكتب لنا ولكم ساعة فرج ..
صرت فى الاسبوع 30 .. الله يهون علي وعلى كل حامل يارب ..
وبعدنى ما سويت شي يادوب شريت أغراض البيبي ومادرى كافيه والا ابي زيادة
حاسه بتعب وثقل .. والمغص اللى كل ليلة ..
والبنات ما ينامون الليل عشان أرتاح
اليوم راقده الساعه 5 الفجر .. الله يبارك فيهم

عذوووبه
الله يعينج ياقلبي
فديتهم البنات اشفيهم عالسهر ..؟
الله يهون عليج ان شالله
زين سؤال يطرح نفسه غصب
ماشالله انتي عندج بيبيات قبل مايصير تستخدمين اغراضهم والا لازم كل بيبي نجيبه نشتري له عده جديده له
من مهادات وثياب العافيه وغيره وغيره

قطريه H ولولو

ثانكس عالرد ؛ بسأل عن الفرقه وبشوف اذا احصل الرقم.

عذبه

اذا خذت شهري وزياده بكون توني طالعه من الاربعين يوم عرسه ؛ الله يعين ؛ ان شا الله أربي نص التاسع عشان ما افطر رمضان كله بعد.

لولوة
ويعين الجميع يارب
مادرى شفيها العنود لها كم يوم وجهها موب عاجبنى
ورقادها قلق طول الليل متنكده تصيح
البارح صحت 1 ونص واناتونى غافية ما تتنفس عدل ابي احط لها البخاخ قامت تصيح
وشوي شوي صحصحت قعدت معاها
قلت شوي وترد ترقد .. شوي تصيح وشوي تسكت ..
صحت الشغاله على 2 وخذتها منها وانا خذيت ريمي عندى عشان ما توعيها بصوتها
ونفس الحكاية ماقدرت ارقد وهى واعيه مع الشغاله
اسمعها تبكى رديت على 3 وخذتها منها وطلعت واياها الصاله ..
وعلى هالحال لحد 4 صحت ريمي ما لقتنى سحبت بطانيتها وطلعت انضمت للحفلة
قعدت واعيه لين 5 قامت الشغاله مره ثانية
وصحوا شغالات البيت على صوت العنود تصيح وصار مسلسل ..
قلت لهم الله يجزاكم خير ما ابي تشتغلون خلكم مع البنات حيلى مهدود ..
صليت مادرى شلون وطحت ماحسيت بعمرى ..
وهذى القصه كلها ..

وبخصوص الملابس ..
أغلبها تصدقت فيها .. وموب سالفة لازم جديد للبيبي ..
لانى استخدمت أغلب اغراض ريمي للعنود ماكان بينهم واجد .. وكانت للحين زينه ..
لكن مشكلة التخزين وضيق المكان تحد الواحد يتخلص أول بأول من الاغراض ..
وخبرج حوسة البزران وأغراضهم ما تخلص ..

ليلة حب
الله ينقلج لتمامه
ويرزقج ساعة فرج ان شاء الله
هذانى أحاتى رمضان .. بريمي ربيت قبله وما صمت الا عشر أيام ..
العنود ربيت بالعشر الاواخر .. وصمت شهر كامل ..
الله يعين هالمره ..
ودى اربي اول سبعه والا نصه .. الله يكتب الخير

مرحبا ماميز شلونكم؟




ماميز عندي ايباد 1
32GB
استعمال خفيف وابي ابيع الجهاز لأن بصراحه محتاجه ألحين فلوس عندي ظروف عشان جذيه أبي ابيع الجهاز وببيعه 1800 ريال اذا تبون أو تعرفون حد يبي قولوا لي
والجهاز جديد ماستخدمته وايد مافي خدش ولي شي لأن مضطره ابي أبيع الجهاز

عذووووبه
هذا هووو التخزين
الحين مخزنه شنطه متوسطه للشوش
ولازم افضي وانقي اللي ابيه منها
ومشكلتي يعزون علي ثيابها فديتها اغلبهم امي ماخذتهم لها ومابي اتصرف فيهم
وفي طبعا اللي صرفتهم خلاص وتصدقنا فيهم الحمدالله وخليت لي اللي احبهم لووووووووووووووول واللي ماانلبسوا بالمره او بس لبستين

فديتها العنود
لو عطيتها ماي شوي قريتي فيه قبلها المعوذات والكرسي
لو عندج زيت زيتون دهني جسمها قبل النوم واقري عليها
ولو الزيت مقري عليه احسن بعد
ان شالله ماعليها شر






بقولكم كل يوم يجيني صداع يبتدي من الضحى ويزيد العصر
حتى لو قيلت ساعتين او ساعه ونص احس بالصداع تحت اخر راسي
ومرات يزيد حتى مع المشي احس شي يطقني على راسي
متوهقه هالشهر وايد واخاف يزيد علي
حبوبي والحديد رجعت اخذه وكل شي
ماماتي تقول قلة نوووم ورقاد..والمشكله حتى رقادي قلق
الحين باخذ اجازه اول 6 وبشوف الحال اشلون يصير مع الاجازه ان شالله

العروسه
مالج نصيب تونا خذنا ايباد هالاسبوع
الله يفرجها عليج يارب






عذوبه وليوله
ان شالله يارب تربون اول التاسع عشان تصومون رمضان عالاقل لو نص الشهر





ليووول
شكلج بتسوين دايت وانتي في النفاس حق عرس اخووووج ان شالله
الله يبارك لهم يارب

تسلمين لولوة

شوفوا ربعكم او حد اذا يبي وخبروني

لولوة ..
وما تشوفينه يارب ..
مسدتها البارح بزيت مقري فيه ..
البنت حالها موب الاول .. أحسها متغيره والله
حتى عيونها ذبلانه ..
الله يحفظها ويشفيها ..

وسالفة التخزين غصب نطلع اللى ما نبيه ..
وش بنخش والا وش بنخش .. بطولة عمارهم يارب يلبسون ويغيرون ان شاء الله
والله يتقبل اللى نتصدق فيه ..

شكل الصداع قلة نوم .. أنا يصيدنى مثله اذا سهرت أو مارقدت عدل ..
حاولى ترتاحين وما تشوفين شر ان شاء الله

العروسة
الله يفرجها عليج من واسع فضله ..
ماعرف احد والله ..

مشكوره ع الدعوة عذبه
امين

السلام عليكم

ام حمني

ما تشوف شر ريمي ..

عذوبه

اقري على بنتج صبح ومساء وما عليها شر ان شاء الله

لولو

ما تشوفين شر والله انا نفسج ذبحني الضداع شلخ راسي واحتقان في خشمي مدري شسالفه بس يقولون عادي يصير هالشي في هالفتره ..!!

وبخصوص الملابس انا كان بين عيالي فترة بسيييطه وكنت البس جبور ملابس اخوه وكانت نظيفه ومو مستهلكه واجد ..بس اللحين كبرو وعلى قولة عذوبه مافي مكان اغلبها تصدقت فيها واللي مستهلكه قطيتيها .. ومن نصيب هالبيبي ان شاء الله كل شي جديد ..

عيالي متحمسين وزهقو يبون البيبي بسرعه هههههههههههه اقولهم رددو ياليل مطولك

زوزو

ارسلت للبنات اللي معاي واذا حد يبي الايباد بخبرج ياجميييل

عذبه
متى موعد ولادتج ؟ أنا موعدي ٢١-٧ ؛ ادش شهري ٢١-٦ ؛ يعني لو ربيت عقب اسبوع من التاسع يمكن الحق أنظف وأصوم رمضان ؛ في بنتي ولدت ٢٨ رمضان ؛ وفطرت يومين بس ؛ هالحمله الله يعين.

لولو
الله يعين على سالفه الفستان ؛ وايد احاتي الموضوع ؛ وكنت ابي اخيط ؛ بس الحين احتمال أخذ جاهز عقب ما اربي ، ان شا الله احصل شي يخفي العيوب.

لولو

ترى الصداع من الحمل ويمكن من الجيوب الأنفيه؛ لأنها تزيد مع الحمل ؛ أنا اول حملي تعبت من الصداع والجيوب ؛ ولين الحين أخذ زرتك للحساسيه ؛ ما اقدر بدونه.

صباح الخيرات

فيه احد هوووووون ؟!!