كلام الوقت..... تطيعه

السلام عليكم

كيفكم انشالله بخير .... ودى اسأل كل واحد فيكم اذا كان يحب له وحده

وهى بعد تحبه وفجأه تكتشف انت وياها ان فيه واحد خطبها من اهلها

واهلها وافقوا عليه من دون حتى ماياخذون رايها فيه وحددوا معاه كل

شى . انا بالنسبه لى ماكنت اصدق انه فيه ناس كذا عايشين على

العادات القديمه ورأى البنت عندهم ماهو مهم انا اول الناس اللى

يفتخرون بالعادات القديمه باستثناء الغلط منها والظلم .


وبقيت مانى مصدق حتى ليلة الزواج وتم الزواج وعرفت مدى تعاستها

بزواجها . اللى محيرنى كيف الاهل يصيرون مصدر تعاسه.....



ادرى على اصعب من الموت فرقاك****لكن كلام الوقت لازم نطيعه

وادرى بعد كذاب لو قلت ابنساك ****منهو على النسيان قلبه يطيعه

وتدرين بالفرحه تجى ساعة القاك****وبعدك عذاب القلب ما يستطيعه

وتدرين بالعانى اذا يوم ما جاك *****مثل الذى ضاقت عليه الوسيعه

عندى خبر عن قصة الحزن وبكاك****وعن دمعتك يوم انزلت جت سريعه

يليت لى قدره واجى واترضاك *****لكن حدتنى عنك ناس وضيعه

ناس عليك اليوم تامر و تنهاك *****ناس تظن الحب شريه و بيعه

ماهمهم منهو تبينه و يبغاك *****ومنهو تركتى القلب عنده وديعه

تفكيرهم مافيه حكمه ولاادراك*****والحقد والغيره اخذوها طبيعه

وابوك يوم انه على العز رباك *****هو مادرى بالحر نفسه منيعه

مااهتم فى رأيك ولا همه رضاك****ليته اخذ رأيك وطاع الشريعه

ماظنتى فى يوم تنسين وانساك***والله الهوى يصعب علينا نبيعه

قررت أقضى العمر كله بذكراك****يلى لك بقلبى مكانه رفيعه




وسلامتكم ...