تعبيت من خطيبي ساعدوني بليييز

سلام
بنات حابة افضفض لكم شوووي مخنوووووقة:'(
انه مخطوبة من حوالي سنة و 6 اشهر
مشكلتي مع خطيبي بقولكم من البداية علشان تقولون لي شالسبب
الخطوبة كانت تقليدية من واحد ماعرفه
المهم اول 3 الى 4 شهور بعد الخطوبة (العقد) كنا اوكي الكل يحسدنا على بعض وماكنت مقصرة بشي من ناحيته ومن ناحية اهله ابد
وانه كنت عايشة في بيت هلي وايييييد مستانسة قبل وكان ابوي الله يخليه مو مقصر ولا بشي لو ابي نجوم السماا ييبها وللحيين
بعد اول 4 اشهر انه تغيرت مرة وحدة مادري شلون حسيت اني ماحبه وان اختياري له غلط من البداية
يمكن هالاسباب الي خلتني اتغير اول شي ان ماعمري تخيلت ان اتزوج بهالعمر ثانيا حسيت ان فرحتي كانت فرحة ان بشتري اغراض وبروح وباااييي وبسوي فستان وجذي ثالث شي ويمكن الاساسي ان ماعتمدت على خطيبي ولا في شي بروح باييي كل ابوي يوصلني او امي او اخوي وتالي خذيت الليسن قمت اروح بروحي حسيت اذا اطلع مع خطيبي ماخذ الي ابيي
ونقطة ثانية تكملة على الي ذكرته فوق ان خطيبي رغم ان ميسوور الحال ويقدر بمعاشه يوفر لي كلشي واحسن شي بس ماكان يعطيني الا القليل وفي بداية الخطوبة كانت قبل العيد قال لي ماعندي دبري روحج وعذرته لان توه صارف على القاعه والاشياء تبع الحفلة والخطوبة حتى ابوي قال الصبي صرف وايد فكل يعطيني اهواا

وفي الاشهر الباقي كان يعطيني خطيبي شي كلش رمزي بمقارنة ان عندي بترول سيارة ومصرف جامعه ومناسبات وجدي فاحتاج بس ماكنت اتكلم لان انه حساسة شوي في سالفة البيزات ماعرف اخذ الا من ابوي

وكلشي كان يعني ابوي مثلا يعطيني في الشهر 80 او 60 وساعات اكثر على حسب الشهر يعني وقت ماحتاج اخذ مو مصرف شهري وخطيبي كان يعطيني شهر 40 وشهر لا
وجذي وان من خطوبتنا مافكر يجيب لي هدية الا في عيد الحب اللعام بس ولو ماكان عليها خصم ماجابها ! يمكن اهو ماحاسب لهالشي ويمكن اكووون انه مدققة وايد في هالاشياء
وحتى لو راحينا مجمع بغيت شي يقول لي قدام الناس لا , عاديي يفشلني
مافي مرة قلت له ابي وياب لي الشي اذا حنيت عليه او لا
كل يقول اوكي اوكي ولا اجوف شي لدرجة ساعات اقعد ادور شي يايبنه لي خطيبي ما الاقي
المهممم يتني تقريبا 6 اشهر اقل ازيد بشوي كانت علاقتنا كلش جافة وماكان بيتنا شي وكل هواش اخر شي هو ماتحمل ان مخطوبين على الورق بس فكلم امي وابوي وعمتي
وكلموني وجذي واصريت انه على الطلاق وكل يوم تقول لي عمتي فكري باخذ منج الجواب وتقعد معاي وتكلمني عن العواقب وجذي واهوا بعد بدرجة ان طلعنا مرة وقلت له انه اكرهك طلقني قعد يصيح وباس يدي (بحريني خطيبي :worn_out:) وانه كنت كلش معانده
شهر 10 اللعام اقنعتني عمتي ان ااسافر دولة خليجية معاه وماخذ ولا تلفون ناخذ تلفون واحد بس واهي اوردي 3 ايام السفرة
واهوا كان في سرير وانه في سرير
بس هناك نفس الشي رحنا بدل مايخليني اميرة وييييب لي كل شي ماخذ لي ولا شي (وانه من النوع الي ماحب احط شي في خاطري ماخذه لو بجم سعره متعودة هلووون وللحين) والحمدلله كنت حاملة بطاقتي وصرفت كل منها حتى خذيت لامي وابوي واخواني ساعات من هناك على اساس ان اهو مشترنهم بس اهم بفلوسي ولا قال بدفع واهوا اخذ لبيتهم امه وخواته وله شكثر وانه وحدة
اجوفه يمشي يشتري له بس انه مستحيل ياخذ لي شي
بعد اسبوعين تقريبا قالت لي عمتي ابي ردج الليلة تبين الصبي او لا قلت لها الليل برد عليج
رديت الليل ان لا مابيه خلاص
واهي مسكينة ماتنام كل يوم تدعي الله يهديني واللكل نصحني بس مافي فايدة
يوم ثاني الصبح كنت رايحة الجامعه وقفت في الباركاات وقمت افكر مع ان مو اول مرة افكر في سالفة الطلاق بس هالمرة حسيت ان لا شلون حياتي بتصير وجذي مادري تغير تفكيري مرة وحدة وقلت لها لا مابي اتطلق وتميت اصييييييييييييييييح ومادشيت كلاسات ولا شي رديت البيت ومن ذاك اليوم احس ان قاعده احبه اكثر واكثر وكلما عشت وياه اكثر حبيته اكثر
بس للاسف ماحس ان شي من ناحيته اهوا تغير يعني المصروف بما ان نجهز الشقة شهر اي وشهر لا وساعات اشهر لا وشهر واحد اي ومايكفي وانه استحي اطلب واييد من عند ابوي ابي احس اني ماقدر استغني عن خطيبي في هالسالفة نفس كل البنات
حتى مر عيدميلادي بدون حتى كيكة مع ان في عيدميلاده ماخليت شي مايبته له كيكة وهدايا وكل هاذي على حساب ابوي!

حتى التسجيل تبع الجامعه اخر مرة قال لي ماعندي خذي من عند ابوج تالي بعطيج ولا اجوف منه فلس وايد اقول لابوي باخذ منك بيرجعهم لك خطيبي بعدين ابوي مايرضى يقول لا وصبي وتوه شباب وماعنده لاتاخذين من عنده ويعطيني ابوي
يعني احس خطيبي تعود وايد مواقف يخليني انطر تالي على اخر لحظة يقول لي اخذي من عند ابوج واااااايد هالموقف يصير
واذا عطاني شهر 20 لو 40 دينار وعقب اسبوعين او 3 احتجت لمناسبة لشي قال لي مو توني عاطنج على اقل شي يييبه يقول توني يايب لج وتوني عاطنج وانه مثل ماقلت لكم حساسة في سالفة البيزات وايد وماحب كل مرة كل مرة يقول لي جذي ويفشلني في المحلات اذا قلت ابي شي يرفضني يخليني ثاني يوم اروح بروحي ولا مع احد من اهلي لو ربعي اشتري الي عيبني
واذا اقول لابوي كلمه يقول صبي يجهز الشقة وجذي مسكين انه بعد يكسر خاطري ماقلت له عيشني مثل العيشة الي كنت عايشتها بس ماطالبته بشي غير مصروفي ينتظر نهاية الشهر تالي يقول لي ماعندي مصروف لج
ونه الحمدلله مو مقصرة معاه بشي اببببببببببد وكلما اتذكر الي سويته فيه اللعام من صد وكلام اسكت واقول ماعليه

بس وصلت حددددددي خايفة اتزوج ويظل جذي مايتغيرر
وهذا اهوا من انخطبنا سنة ونص بس غرشة عطر الي يابها ليي واذا اقول له ابي شي لو خاطري في هالشي كل اوكي ولا جفت منه شي كلششششششششششششششششششش
رغم ان معاشه وايد اوكي ويعطي نصه بيتهم ولا قلت له شي بالعكس انه كل مرة اقول له عطهم بعد وومن احد يطلبه يعطيه حتى اخوانه اذا بغوا شي اقول له خذ لهم او بدون مايقوولون انه اقول له روح ويا اخوك خذ له ثياب العيد ولا اختك
مادري ليش بس انه يمكن يحس ان خسارة يعطيني بيزات

وبسسسسسسس
سوري طولت عليكم بس حدي منحبطة ومنقهرة
لاتقولون قولي له وااااااااااااااايد تكملت وياه بشكل مباشر وغير مباشر وكل الانواع بدلع بعصبيه بكلشي مافي فايدةةة :'(
مابي اخرب علاقتنا واحنا ماباقي شي ونتزوج ومابي اتم جذي وتالي حتى عقب الزواج مايتغير ولا شي ولا ابي هالشي يخلينا نرد مثل قبل نبتعد عن بعض
اوقات اهوا اذا حس ان زعلت او صديت عنه يقول لي اوكي بييب لج وجذي تالي بس ارضى ماجوف شي
والشي الثاني الي مضايقني من خطيبي انه عنيد يبي يسوي الشي الي على كيفه حتى لو مب االصح واذا اقول له شي ماياخذه مني يعني لازم يسال احد غيري تالي يتاكد وايييد هاالشي يضايقني منه حتى اوقات احس ان ماعنده اسلوب يعني حتى لو بزعل شي ماييي ويفهمني ويهدئني يكلمني جني وحدة من خواته يعصب او طلبت منه شي ومايقدر يوفر يقول اوكي واهوا متاكد مابيييبه او يقول لي وايييد تبين او شي جذي ان مو بتحايل على قولتهم يضايقني هالشي واييد
خاطري يصير عنده اسلوب مثل الازواج يقدرني ويحترمني ابه ومايخليني ازعل عليه
مستعدة اقدم اي شي مابي منه شي بس ان اسلوبه يسوويه اوكي يجاملني عدل مو بالدج على قولتهم مادري شلون اوصف
ابي احس ان وراي جبل اقدر اعتمد عليه ماعندي هالاساس كلش :(

مادري شسوييي:(