εïз ... التجمع الثالث لأحلى مواليد أغسطس 8 ~ 2011 ... εïз

ويه واخيرا احد عبرني
اتصلت اختي متمللة
قلنا بنطلع نتمشى على البحر شوي

يالله عن اذنكم
والسموحة عاد

بسمه ترا اتحرين الولاده من ٢٥ رجب مو شعبان

اذنك معك بنوته ياالله استانسي وخلي البنوته تغير جوا

بسمه اختي تمدح جوال أي ثمانيه تقول جديد توه طالع تبي تشتريه بس ماأعرف شكله طلع بعد الأيفون

استأذنكم زوجي وصل بقهويه عشان نصلي المغرب وروح السوق في أمان الله

اذنك معك بنوووته

الي اعرفه اي 7 الي طلع

لا في رجب بكوون بشهر 8

اذنك معااك فراشه بحفظ الرحمااان

طلعووووو البنات مابقى الاانا

منسه

ترا اني نفسش بعيدة عن امي بس مو واجد
بيني وبينها ديرة اثال لكن حزب رجلي ومايسوي ما نشوفهم الا من السبت لسبت وبعد الود وده ما اروح

عندي خوات 2 وياي في نفس الديرة لكن ما نطلع الى بعض
بس اللهم اذا وحدة متمللة تتصل لي تقول بنروح البحر نروح مشي
اكو توني جاية تكسرت رجايلي

يووو ماعلمتكم عن بقول ليكم القصة امس
لكن من حطيت صور هلصبار انقطع النت وتوه اليوم مشغلينه

البارحة مسكين زوجي مسوي عشا لبيتهم اخته واولادها واولاد اخوه يعني كل جهال
عاد المصافيع والهيلقية من المغرب مالحق الناس صلت قالوا يالله وين هالعشا
يقول ليهم صوبه من الحين الليلة الجمعة وحلاته نبدي الشواي عشر عشر ونص عشان تصير سهرة لا
الا يقولون جواعة مو قادرين يبون يتعشون وينامون قلت ليهم روحوا اكل خفيف على مايستوي العشا
قامت اخته اكلت مينو وطقت عليها المعدة وقالت مني وهي فيها نومة وكل شوي تقول انجان خليتونه لباجر
وطول ما احنا نشوي اولادها يطحنون جواعة جواعة وانجان اشتريتون من المطعم وانتون ماتعرفون تسوون وووووو
لوعوا جبدي
وعلى ما استوى العشا الا راحت نامت واللي طنقرت وع وع وع
والجهال قضوا على التكة في دقيقة ماضقنا منها شي اللهم اكلت وي رجلي جم لحمة وهو يسويها

صدق صدق مصافييييييييييييييييع ومايستاهلون شي احس رجلي اضايق بس مشكلته مايرضى عليهم انجان فرغت اللي في جبدي

سم ون
سامحيني ماحطيت ليش طريقة ام علي

كلما ابي احطها يصير شي ويقومني عن النت
اني ما عندي مقادير محددة وكل مرة اغير شى
هالمرة قريت في المركز طريقة وحدة بس ماحفظت المقادير ويوم جيت اطبق خربطت من عندي

هذي طريقتها
شرائح بف باستري(5 شرائح)
2 كاس حليب طازج( أو ماء مذوب فيه حليب بودره كل كاس 3 ملاعق حليب بودره)
1 قشطه
1 كاس حليب مركز محلى
مكسرات / زبيب حسب الرغبه

/ الطريقه /

يوضع الحليب على النار الى أن يبدأ بالغليان
بعدها يضاف القشطه ويخلط
نضيف الحليب المركز ويستمربالتحريك
يوضع قطع البف باستري بصينيه مدهونه وتدخل الفرن إلى أن تنضج
بعد إخراجها تترك لتبرد ومن ثم تقطع الشرائح
يوضع خليط الحليب فوق شراح البف باستري (بالإمكان إضافة قشطه بعد إضافة خليط الحليب)
يرش الوجه بالمكسرات والزبيب وتدخل الفرن للتحمير


طبعا التغيير اني سويت 6 شرائح وضفت لخليط الحليب جبن كيري 2
وماخليته يتحمر اخر شى
بس حطيت قيمر فوق والفرن كان ساخن لان عقب ماسويت شرائح البف
اخذت الصحن وحطيته في الفرن ومن صخانت الفرن صار شوووووووووووووووووووي احمر

بقوم بهج
اتكلم وي زوجي عن غسالة ماشفته الا مشوط
يالله خير وخاتمة خير هدوييييييييييش كل محترقين وبس

منسوه شكله اليوم عندش طلعه
عليش بالعافية

بس اكو عوضت في الردود عن البارحة بعد لاتقولين مازيدت

عقب ما ارجع بكمل ليش باقي جم صفحة ونصك التجمع

ايه ماقلت ليكم بعد
امس طلعت وي حماتي سوق واقف ومريت احلى الاطفال

تطوروا عندهم فراشات كشخة بس اللي عجبوني مخمل حاار
فيه بعد مو مخمل بس ماطالعت عدل ما ابي حماتي تعرف ويش فيني

يالله
ما ادري اشوفكم او يمكن امووت

سامحوني وابروا دمتي

مرحبا كروشات
اشخباركم واخبار البيبيات؟:adore:
وحشتوني موووووووووووووووووووت
:mad: ويش هذا الواجب ياربي طويل ما اقدر اقرأه كله :hysterical:
كنت مسافره رحت اتسوق للبنوتي :adore: تقريبا اكثر الاغراض اشتريهم :thumbs_up:

هلا هلا اخيرا دخلت وشفت الواجب طووويل


بس والله قريته بس مافيني شده ارد عالكل

عموما زين ماسويتوا والليلة انتظروا التجمع الرابع

وان شاء الله مايكون الاخير نبي الرابع والخامس والسادس بعددد

ومو مشكله اللي تبي تولد اول وحده تولد

اهلييييييييييين ياشجووون

مبروووووووووووووك التجهيييززز

ويلاا خلينا نشوف الصور

واهلا من جديد

سم ون واجد تاخرتين على السهره واحنا سهرتنا ترى ماطول وبالغلط لين قعدنا لوحده الفجر

اغلب شي 12 الكل يقوم

بنوته عسل بقت طريقة ام علي عاد ان شاء الله اصيدهااااااااااااا

وبالنسبة للشويه لو مسوينها بروحكم احسسسسسسسسسسسسسسسن لييييييييييييييييكم

بس والله ضحكتيني عليهم هههههههههههههههههههه

بس يلاا غيرتون جو شوووي الجايات ان شاء الله احسن وتستانسين اكثر