εïз ... التجمع الثالث لأحلى مواليد أغسطس 8 ~ 2011 ... εïз

بسمةامل1;15049467:
صباح الخير كروووشااات
كيفكم عاااملين ايه ..

الاخبار..:p
امس رحت لموعدي والحمدالله كل شي تماااام بس خذت زفه من الدكتوووره
والسبب الوزن زاد وزني 3كيلو ونص وقالت لي وش تاكلين قلت لها قوووولي ماشاءالله :lol:
قالت لا عنجد زايده ومابان عليك >>>> انا قلت كذا:-o
هااذي الي بتجيب خبري قلت لها مابان جسمي من فوق العبااايه >>> تبي ترقعها:lol:
المهم طلعت من المستشفى بعد صلاة الظهر وقلت لزوجي مابي نروح للبيت لان اذا رجعنا بنام وبيتخربط النوووم رحنا للمطعم وتغدينا دخلنا الساعه 1 وماطلعنا الا مابقى على اذان العصر الا ربع ساعه قلت له خلنا نروح للمجمع نصلي ونتمشى وطبعا" رحنا بعد الصلاة فتحت المحلات وصرت ادخل واتفرج وشريت كذا قطعه وان شاءالله راح انزلها لكم قريب
وحسيت ان زوجي داخ جاه نووم قلت له اخذ لك كااافي صحصح شرب
وطلع وخلاني في المجمع لان جاه شغل لمده ساعه ولان انا رفضت ارجع البيت المهم خلص شغله ورجع لعندي وحصلنا بنفس المجمع سوق خيري
:D<<< ماصدقت خبر شريت الة الي تعصر الفواكه وقطاعه التبوله
وقطاعه ثانيه تقطع الي تبينها .. وشريت شوايه لي ولام زوجي ولامي ..
وطبعا"مارجعت البيت الا الساعه 11 الليل ...

توته توته خلصت الحتوووته ..

;) كروووشااات بسااالكم وين احصل اطقم الاستقبااال للبيبي ..

وش سالفة هالدكاتره مايبونا نسمن نفس دكتورتي مهددتني بتولدني اول التاسع عشان هالوزن :(

اطقم الاستقبال حقت المواليد تحصلينها في اسواق المعيقليه روعه كمان مفارش النفاس والبيبي تطقيمه كامله اسعارها حلوه ماتتعدى اسعارها 800ريال اذا قربت ولادتي ان شاء الله راح اخذ منها

الدنيا 2005;15049566:
هلا والله بام حسين اشفيش يا حافظ كل هذا تغلي علينا

انشالله امورش طيبة

باقي البنات مستلمين السهرة شخباركم

شجون تخيلي تولدين في ذكرى زواججش والله هذا ويهي اذا فكرتين فيها لحظة الالم خخخخخخ

اثال شو مسوية للكتكوت اللي ينتف شعرش اعترفي ؟؟؟

فراشة ما شاء الله يتهنى فيهم

حيا الله بسمة شخبارش

باقي البنات اللي ما يدشون عسى ما شر

مشكوره ياقلبي الله يهنيك بالعافيه

الدنيا 2005;15049582:
عادتصدقون باجر عندي تحليل سكر ومن الحين لالايعه جبدي

بنات انا هالشهر احس روحي دبة وزني زاد مرة وحدة 3كيلو ولايعة جبدي من شكلي وكل يوعانة شسوي؟؟؟؟؟؟؟؟؟؟؟

نفس المشكله اسمع كلام الدكتوره وقت الغداء اترك الكبسه واحرم نفسي منها شاطره اسمع كلام دكتورتي :p بس اذا جاء وقت العشاء طلبنا وجبه دسمه:o وش اسوي صايره اجوع بالمره وماتحمل وزني صاير يزيد بسرعه:'(

دلوعة _ريلي;15050051:

مرحبــــــــــــــــــــــــــــــا باليمييييييييييييع

والله اشتقتلكم واااااااااااااااااااايد وااااااااااااااااااااااايد واااااااااااااااااااااااايد

شحالكم ؟؟ وشحال بيبياتكم الحلوين ؟؟

سامحوووووووووووووني لاني قطعت فتره والله ظروفي ما سمحتلي وغير الجامعه والامتحانات الله يعين بس

و مبروووك ع التجمع اليديد

طااافتني واااااايد سوالف :lol:

هلا وغلا والله لك وحشه والحمد لله حنا بخير والبيبي يسلم عليك

SomeOne1;15050131:

هلووووووو كروشااااااااااات

الواجب طوويل
قريت شووي
بس نسيت كل شي خخخخخخخ

شجوووووووونه
اب لا تحطين احتمال ان تولدين قبل موعدج >> احباط خخخخ
اهو كل شي بيد الله
بس في العاده الحامل ببنت تتأخر عن موعدها
مثلي آنه تأخرت اسبوع عن موعدي ..

وترى ادق موعد اهو موعد السونار لانه يعطيج على عمر البيبي وحجمة
اما موعد الدورة ابد ما يضبط ..
والله يسهل عليج وتووولدين قبل موعدج وتفتكييييييين ...

فروووووووووووووشة
الملابس حلوووووووين كيووووووووووووت
حبيتهم
صار خاطري اروح اشتري ..

بسمة امل
وايد زين غيرتي جووووووو شوووووووووي
احسن شيء جذي
الواحد يطلع من الصبح لي فليل ونااسة

منسه شلوووووووونج
شمسووووووووووووووووووية
يالله حطي الصور عاد
لازم تحسرينا خخخ

بحرينية
هلا والله شخباارج زين دام طلع يحب النوم نفس امه
مريوم بعد اذا شافت الكل نايم تقعد بروحها اول شي تنزل من سريرها تتلصق فيني وتقعد تبوسني على يدي وعلى راسي وفي كل مكان
وآنه ما اعطيها وية
لين تتملل وتنام مسكييييييينه خخخخ
على قوولة ريلي بنتج طلعت عليج ام النوووووم وايد تحبون النوم خخخخ
احسن شي في الحياة النوووووووووووووم ..
وعن الحلااااااااوة
وه سكتييييييييييي
سوو عليها تشطيب كنت خايفة ما تصير حلوة
بس طلعت جنااااااان روووعه كلهم استخفو عليها
ولكمن سأل عن الطريقة
حتى كنت باشيل قطعه لريلي بس ابد ما بقى شي خخخ
وقلت له يوم الجمعه باسويها لك ...

آنه امس استانست وااااااااااايد
طلعت مع ربعي رحنا تغدينا واستانسنا سوالف وضحك
عقب مرينا على وحده رفيجتنا حامل بعد قعدنا معاها
وما رديت البيت إلا مع اذان المغرب ..
صج استانست وااااايد

بس اليوم كلش ضايق خلقي
مادري شفيني مو طايقة شي من قعدت من النووم ..
ودمعتي في عيني
احس روحي خلاص طفشت من كل شي
وتمللت من الشغل
مليت خلاص
ابي اتفرغ لنفسي ولبيتي وبنتي ...
مادري لي متى باتم انطر جذي لاعت جبدي ....
والله احس لو قعدت في البيت بتتغير نفسيتي وااااااااااايد
بس في نفس الوقت مب هاين علي اطلع من المحل واخلي ريل اختي بروحه وماكو احد ..
كلش مو عدله لانه اهو ما يقصر معاي
بس الضروف كلش صايرة ما تشجع على شي ابد .....

يالله الله كرررررررررريم

وبعد شخباركم شمسوووووووووووووين ..

ما ابي اذكر اسماء علشان ما انسى احد

مشكوره ياقلبي هذا من ذوقك

منسه;15050192:

اووووووووووووووووه الواجب حده طووويل وكان المفروض مايفوتني

بس امس فالسهره وياكم يابنات رحت الثلاجة بجيب زيتوون بااكله

مارجعت الا زوجي مستلم اللاب توب بيد والريموت بيد حاكم على الاثنين

وماقاام متاخر وانقهرت ونمت...

المهم فراشه تجهيز البيبي حدددددددده حلووو واخيرا تحركتي ورجتي شريتي مبروووووووووووووك بس ماقلتي لحقتين عالتخفيض والا فاتج؟!!!

سم ون ان شاء الله بحط الصور على يوم الاسبوع الجاي بس مابحط كللللللل الملابس لانه تعب بصراحه بحط الاشياء المهمه والضرورية وتفيد الكل

وام حسييين هلا فيششش خلش ويانه ولاتقطعيييييييييييييييين

دلوعة ريلي هلااا فيش مختفييييييييية فتره طويلة.. بس ربي يكون بعونج ويه الامتحانات وان شاء الله بالتوفيق

الدنيا2005 الشهيه تنفتح بالشهر 6 وبقووووة فاكلي بعد تجوعين روحش ههههههههههه مو زين

بنوتة عسل تاريخ الخطوبة حددددددددددددددده مميز 5-5-2005 بس مانبيش تولدين بهالتاريخ هههههههههههههه لان واجد بتقدمين

مشكوره ياقلبي رحت سنتربوينت وكانت التخفيضات على حاجات بسيطه ومافيها ذوق ابد :|وشريت اغلب التجهيزات منها بس ماحصلت اطقم مميزه وبعدين خلاص بدا الجد:thumbs_up: حتى ان طلعتي كانت مع خواتي واليوم زوجي رد من السفر لما شاف الملابس قال وش رايك نروح نكمل اليوم:) مسكين حسيته متحمس يختار حق لبيبي رحمته بس من شاف ارجيلي متنفخه وصاير شكلها يروع:( من كثر مامشيت وللحين ماخفت قال خليها بعدين

*بنوته عسل*;15050690:
قوة شخباركم

اووو اليوم البنات الغايبين ردوا
ام حسين ودلوعة ريلها ودلوعة محد قدها

ياهلا فيكم من جديييد

بالنسبة لي يمكن يمكن اروح اتشرى اخر اسبوع بالسابع ويمكن انطر التخفيضات هذا اذا فيه
وخاطري اسوي لي طقم نفاس وقلت بروح فرحة ام بشوف القماش اللي عندها بس متخايبة مع انه قريب الينا واقدر اروح مشي

الدنيا بالعافية عليكم
واني بعد توني مخلصة سويت سمج مقلي والحمصة تحت العيش

فرووووشة حلوين تجهيزات فارس عجبوني واجد بالعافيه عليه

بعض البنات لايعة جبدهم من جسمهم لان زاد واني لايعة جبدي لاني ضعيفة ومافي الا البطن طالع كللللللللللللللش صاير مو حليو
اليوم ولدي ياحليلة اني اسوي الغذا وهو معاي يغسل لمواعين خخخخخخخخخخخخ

مشكوره ياقلبي وربي يعافيك ويعافيلك الي قاعد يغسل المواعين وحلاته ربي يخليه لك

شجن الشجون;15051185:
مرحبا

فراشه التجهيزات روووووووووعه يتهنى فيهم البيبي

نسمه امل ما شاء ما قصرتي بالتمشيه ههههههههههه

الدنيا والله متأكده اني ماراح اذا ذكرى زواجي من الالم هههههههه

سم ون ليش هذا الاحباط يمكن اولد اول التاسع او الشهر الثامن متفائله ههههههه

دلوعه ريلي وينك مختفيه يالغاليه نورتي والله

نبعه حبيبتي سمعت انه اليوم يبدأ معرض عروس بس ايش يبيعوا فيه ؟

مشكوره ياقلبي

احلى سوزان;15052178:
مرحبا بنات شو اخباركم ان شاء الله الكل بخير صارلي زمان ما حكيت معكم بس ما الي خلق اعمل شي هالفتره وصارلي اسبوعين عم باخد تثبيت لانه المشيمه نازله وعنق الرحم صاير قصير كتير وفي احتمال يصير ولاده مبكره بس والله خايفه انه التثبيت يخليني اولد قيصري وانا اذا عملت عمليه هالمره رح ابقى طول عمري عمليات لاني بولادتي الاولى كنت عمليه وما الي الا 10 شهور والده حاسه حالي زهقانه من كل هالدنيا الله يهونها عالجميع يا رب ويقومنا بالسلامه احنا وبيبياتنا

ماتشوفي شر ياقلبي واهم شي الراحه التامه وربي يتمم لك على خير ان شاء الله ويثبته لك

احلى سوزان;15052180:
فراشه ما شاء الله تجهيزاتك كتير حلوه وان شاء الله بلبسهم البيبي بالعافيه والله يتمملك حملك على خير وسلامه

مشكوره ياقلبي ويتمملك ربي على خير ان شاء الله

منسه;15053090:

بنات بسالكم بما انكم مجربين الحمل والولادة والتربيه قبلي كوني بجر

سؤالي متى تفكرون تنقلون اعيالكم لغرفهم بروحهم ينامون ومو في غرفة الابوين يعني جم اعمارهم؟!!

على حسب ياقلبي مثلا الي عندها واحد ماراح يسمح لها قلبها تتركه بروحه عندك انا لما جبت بنتي الثانيه كان عمر الاولى سنه وسبع اشهر وكانوا ينامون معي لما كملت الكبيره اربع سنوات فصلت لهم غرفة فله وترستها العاب وحبوا الغرفه في البدايه خافوا وبعدها تعودوا الحين لهم عشر اشهر يناموا بروحهم

أثال;15053258:

سكتوا يا بنات ولدي طاح من على الكرسي ومباشره على طاوله الكمبيوتر

ومن تحت فيها حديده وتعور شوي

وراسه الحين شوي متنفخ ليه سويت له كمادات وخف النفخ

:'(

بسم الله عليه مايشوف شر اذا الطيحه كايده وديه المستشفى افضل

أثال;15053700:

بقوم اوديه المستشفى مو ساكت

طمنينا عليه مايشوف شر

فراشه&#1633;;15054572:
على حسب ياقلبي مثلا الي عندها واحد ماراح يسمح لها قلبها تتركه بروحه عندك انا لما جبت بنتي الثانيه كان عمر الاولى سنه وسبع اشهر وكانوا ينامون معي لما كملت الكبيره اربع سنوات فصلت لهم غرفة فله وترستها العاب وحبوا الغرفه في البدايه خافوا وبعدها تعودوا الحين لهم عشر اشهر يناموا بروحهم

*نبعة الريحان*;15055371:

صباح الخير كروشات شخباركم...

البارحه طلعنا انا وزوجي رحنا السوق نستطلع شوي شفنا جم سرير واغراض ثانيه بس م اشترينا للحين...
واختلفنا انا وزوجي ع الاغراض انتو تعرفو انه البيبي م يولد تزيد اغراضه واحتياجاته مثلا محتاج سرير وكبت بعد 3 شهور محتاج كرسي هزاز واللعبه هذه اللي تجي ع شكل فرش وفوقها العاب ... وغيره...
المشكله غرفتي جدا صغيره وجلسنا محتارين وين بنحط السرير واي واحد بنختار عشان يكفي المكان وشو شكل الكبت ووين بنحطه...وشفت كرسي هزاز وااايد حلو كأنه مرجيحه بس فكرت ف المكان وين بحطه صالتي كلها كنبات يدوب تكفي للممر ضيج...وحزنت كثييييييييير وكنت بصيح قال م لازم نشتري كبت بنفضي كذا درج وبنرتب الاغراض...
طيب ولمن بكون بيت اهلي فترة نفاسي ف شو بحط اغراض وملابس البيبي والله حسيت نفسي بختنق...
وانه انا م جادره اشتري لاول طفل لي اللي بخاطري فيه ومستلزمات ضروريه والمشكله الغرفه...لان بعد سنه بنطلع من البيت وبننتقل بيت جديد عشان جذي زوجي قال م اريد اكسر الغرفه بكونها قايمه م الاساس ...

بس شو اسوي وشلون اقنعه ووين احط اغراض البيبي لمن يكبر مثل الكرسي الهزاز؟؟؟؟؟؟؟؟؟؟؟؟؟؟؟؟؟؟؟؟؟؟؟

SomeOne1;15055841:

صبااااااااح الخير كروشاااات


شو اخباركم
عساكم منااااااااااااااح
والاخبار طيبة ...
نبعه
شوفي بالنسبة لملابس البيبي واغراضة في يجي كبت فيه ارفف
مثل هذا

هلا نبعه وسم ون

شخباررررررررركم؟!!:lol:

خيوتي نبعه مافي مشكله والا لها حل
بعدين انتي اصلا بتفضين المكان شوي شوي عشان يلعب الطفل براحه ومافي زحمة واشياء خطيرة عليه يعني بتشترين كل اللي بخااااااطرك.. وبيني وبينج تو الناس على هالالعبا لان يمكن تيج هدايا :thumbs_up:من االاهل والاصدقاء

وبالنسبة لاقتراح سم ون حدددددددده ممتاز وانا عندي مكان فاضي فكبت غرفة نومي وفضيت لي كم درج من اللحين
بس بعد فكرت في هالادراج احس بيكون كل شي للبيبي متواجد يم بعض ومو كل حاجه بعيدة عن الثانية
بس عاد انا ادور الوان حلوووة وفريحية للبيبي
وبقترح على زوجي ويمكن يوافق او لا لان في سعه كبيرررر عندي
وان شاء الله عقب جم سنه بفصل غرفة نوم كاملة من سرير وكبت والخ....