قصة ولادتي بتؤام روحي أسيل

صحيت الفجرفي آخريوم لي بالتاسع وانا بكرية وكنت احس بالام خفيف مرة
دخلت اخذت حمام دافئ وصليت الفجروجلست اتصفح في المنتدى
شوي رحت احط غسيل بالغسالة ورجعت اتابع التصفح في المنتدى ولا على بالي شئ
صحي زوجي بيروح العمل وهو جالس يلبس وكذا حسيت بألم قوي رحت جري وانسدح على السرير..قال زوجي ان شاء اللة ولادة قلت ماادري بس حاسة انك بترجع من الدوام
راح زوجي ورجعت للغسيل والنت شوي رحت المطبخ اخذت تمر ورجعت على اللاب شوي دق الجوال وتفجأت من يدق علي الصباح الساعة7 طلعت الغالية امي
الو ..هلا امي
امي..كيفك تحسين بشئ قلت لا مو مرة
قالت زوجك لا يداوم قلت لا مرة مااعتقد عندي ولادة لانة مانزل مويا اودم
قالت امي مو لازم وقومي اكلي تمر وامشي بالبيت
قلت لها اوكي واطمني ونامي لاتشيلي همي سكرت مع امي
شوي تدق وحدة من صديقاتي والدة قبلي بشهرين ومسوية مجربة
هااة يابنت تحسي باعراض ولادة قلت فية الالام بس على خفيف قالت شكلو يبيلك كم يوم
شوي تدق اختي من المدرسة تقولي امي كلمتها وتقول صوتي موعاجبهاتقول انة كان واضح اني تعبانة
قامت اختي تقولي بسرعة دقي على زوجك وروحي
هني حسيت بخطورة الامر(بدري صح)
دقيت على زوجي وعلى بال ماوصل جهزت اغراضي وقمت امشي في البيت واكل التمر وادعي
طبعا رحت بروحي وبموت من الخوف امي بديرة ثانية
وحنا بالسيارة زوجي يقول وجهك مو وجهة ولادة جالسة تضحكين:D
كان في نفس اليوم عملية اخوي وكنت ادعي لة انا بغرفة الولادة وهوبالعمليات من اصابة كورة
وامي تبكي علينا الاثنين لانها بعيدة عنا واختي كل شوي تدق
وصلنا المستشفى الساعة9 وجلست انتظرالدور عند بوابة الكشف المبدائي
بعدين دخلت للكشف وانادموعي على خدي من الرعب وزوجي كذا:lol:موداري
عن شئ قالت الدكتورة الحمدللة 3 سانتي بنطلعك فوق خلاص
وعلى ماخلصت الاجراءات وطلعوني الغرفة كانت الساعة11
قال زوجي بجيك بعدالغداء
قلت لا تعال العصر وراح من عندي
غيرو ملابسي وخلوني ادخل الحمام وانتو بكرامة
طبعا الالام زي ماهي خفيفة
شوي تجئ ممرضة تحط ابرة في المغذي وابرة فوق الورك طبعا عرفت انها تحمي الطلق
وصرت اصرخ يكلموني اهلي اقلهم بمووووووووووووت جوالي كان معي ماشالوة
دق واحد من خوالي موداري عن شئ سمع صوتي قال وشفيك قلت انا بالمستشفى اولد سالتة عن اخوي اللي سوا عملية قال الحمدللة طلع من الغرفة وتوة بدأ البنج يفك
صارت الساعة 12 جات الدكتورة اللي بتولدين وفكت كيس المويا
بعدين دق اخوي اللي مسوي العملية يبي يطمني عن حالة لان فتح جوالة وشاف المتصلين وتفأجاء اني مادقيت ويوم سمع صوتي قال وشفيك وكنت اصرخ من الطلق قلت انا اولد وشوي دخلو دكتور يسألني وانا خلاص احس بالراس بينزل
شكلهم يبون الدكتور يشغلني يقول كم عمرك اقول 20 وانا صرااااااااااااااااااخ يقول كيف كانت فترة الحمل ولا ارد بس اصرخ اقول نادو الدكتورة احسة بينزل بعدين جأت وبدأو يساعدوني واناكذا:'(والحمد طلعت بعد التعب بنوتة نستني كل التعب والالم
دعواتكم اللة يحفظها ويخليها ليF: