بأقولكم قصتي من باب الفضفضة وما أبي منكم إلا الدعاء..

مرحبآ صبايا..
كيفكم؟!
بأقولكم قصتي من باب الفضفضة وما أبي منكم إلا الدعاء..
أنا تزوجت من سنتين تقريبآ رزقني ربي بولد يا رب لك الحمد بس خديج جبته طبيعي في نهاية السابع..
طبعآ تعرفون كيف كانت نفسيتي وكيف قضيت الأربعين بدون بيبي جنبي لكن الحمد لله طلع يوم كملت شهر كامل من
الأربعين طلع والحمد لله سليم وما فيه أي شيء مثله مثل الأطفال الباقين ونسيت الفترة الصعبة اللي قضيتها بدون بيبي..
وحملت على طول وزي ما قلت لكم حملي كان مره مره زفت من الناحية النفسية والجسدية والصحية مره عععععدم
http://forums.3roos.com/showthread.php?t=608377
جبت ولد في الشهر السادس بقيصرية تعبت كثير ونفسيتي تعبت حيل..
طبعآ البيبي قعد بالحضانة زي أخوه لكن هذا أصعب في كل شيء..
قعدت في نفاسي 21 يوم وتوفى طفلي..
بصراحة ما أدري كيف أوصف لكم شعوري..
صدمة حيل صعبه..
الخبر جاني وأنا في حاله نفسية صعبة..
تعبت كثير بحمله وتعبت كثير بولادته خاصة إني ولدت برى ديرتي وبعيد عن أهلي وطلعت من المستشفى وعلى طول على بيت أهلي
سفر..
تخيلوا عملية ومسافرة، الجرح توه طري..
حسيت إن الدنيا قاسية علي، كل شيء شين جاني مره وحده..
تعبت كثير ليومي هذا..
أتعب في نفاسي من أول ما أولد إلا أن أخلص الأربعين..
كنت أحس بضيقه وأكره زوجي كره شديد ولا أحب أكلمه..
وأحيانا أصيح صياح قوي الكل يسمع صوتي قبل المغرب بربع ساعه تقريبآ وأنا أدري إني أصيح لكن ما أقدر أمسك نفسي، ما أقدر أتحكم..
بس بعد الأربعين أعيش طبيعي ولا أحس بأي شي وأمارس حياتي بشكل طبيعي..
خلصت من نفاسي بدون بيبي كنت متفائلة ومتأملة إنه يطلع في أي يوم..
تفاءلت كثير بالحياة إنه يطلع وأحضنه وأهتم فيه وفي أخوه..
لكن ............
قدر الله وما شاء فعل..
رحت للدكتورة وقلت لها عن ولاداتي المبكرة السابقة قالت احتمال حجم الرحم صغير أو إن عنق الرحم متوسع لكن بأسوي تحاليل
وأتأكد سويت وطلع كل شيء سليم..
ورحت لحرمه تعالج قالت إنتي فيك قرينه ( نفس في الأرحام) ما تخلي عيالك يقعدون في بطنك وتضرهم وتذبحهم..
لازم تقرين عند شيخ علشان إذا حملتي المره الجايه ما تتخسرين..
صراحه ضاق صدري وتحسبت على من كان السبب في اللي أنا فيه..
دعواتكم لي إن ربي يرزقني بحمل تام ويرزقني بيبي تام الخلق والخلقه..
وإن نفسيتي تتعدل وتصير زي الفل..
حنين..