_+_ متضايقة من وضعي في بيت عمي ساعدوني _+_

هلا احلام , عزيزتي اذا عندج فراغ , يعني مب موظفه بإمكانج تروحين سبا يوم وترك ,

تابعي البرامج المفيده يعني سوي لج جدول .

ليونا الطعمونة;15003648:

والله ياعزيزتي الفراغ

غصب يجيك
ربنا حيسألك عن كل ثانيه في عمرك
انا اقلك
سوي لك جدول اهتمي بجسمك وسوي رياضه
سجلي دبلوم ادخلي دورات
احفظي قران مو شرط مركز
ان شاء الله في البيت
يعني مو معقووووووووله
حياتي متوقفه على زوجي
لا طلع استناه متى يرجع
شوفي نفسك وشوفي زوجك
متوظف
يخرج
له صداقات
وعلاقات اجتماعيه
وانتي خليك مكانك سر
لا تفكري دحين بعد سنتين ثلاث
برضوا حتلاقي نفسك في نفس مكانك
انا اشوف انه اولى من انك تفكرين بمشكلة المطبخ
فكري بمشكلة الوقت اللي عندك كيف تستغليه
حبيبتي ......
حاولي في زوجك وادخلي دوره ولا دبلوم

والله يصبررررررررررك

هلا اختي .. مافهمتيني أنا اقصد فراغ بداخلي يعني احس إن ماعندي ميول حق اشياء معينة او شي اميل له و يقضي على الفراغ اللي بداخلي .. يعني حاسة روحي فارغة من الداخل اكثر من إني حاسة بفراغ بالوقت !! فهمتي علي ؟؟ يعني تقولين ان لما زوجي يطلع آنا بس انتظره لا مو جذي السالفة لاني ما اقعد اصلا اروح بيت ابويي بس اقصد فراغ من الدااااخل ،
وبالنسبة للدروات والدراسة زوجي ماعنده مشكلة ورحت دورة كمبيوتر بالفترة الاخيرة بمعهد وكان الوضع حلو وتعرفت على بنات واجد هناك بس الدورة تكنسلت مع هلاوضاع بالبحرين وماعاد ليي أي اتصال بالبنات لان كانوا صحبة يعني ماتقوت العلاقة الى زيارات ..
ومشكوووورة حبوبة على الاهتمام .

سيده نفسي;15003806:

الله يكون بالعون

وصار اللي صار يا بنات تزوجت ماله داعي تقولون لها العتب عليج انج رضيتي

كنت بقترح عليش انش تاخذين قسم من الغرفة الثانية بس دامها ضيقة ما ينفع!!

انزين البيت حولكم جنب غرفكم يعني اذا فيه مساحة تقدرين تسوين لش ما بقول مطبخ,, صندقة صغيرونه بـ جينكو كـ بداية يعني حق عشيات وخفايف والغدى تصبري وتمي وياهم
خلي في المطبخ فرن صغير او جولة ومقلى واشياء اساسية تقزيرة
حطي لش مكرويف صغير جنب الثلاجة,,
صعبة اصلا سالفة مطبخ فوق في السطح وانتوا تحت!!:hysterical:

والمفروض اصلا زوجش وش يسوي!! يبني لكم شقة فوق,,
فيعني بدل الحين لا يخسر روحه باشياء يبدي يجمع جم فلس وياخذ قرض وان تعدلت الاوضاع بالبحرين يبدأ يبني,,
لان مو معقولة بتمون في هالغرفتين طول عمركم وهو يقول ما بيطلع من البيت!

الوحدة مهما كان تبي راحتها في كل شي والمطبخ شي اساسي تحط لمستها فيه

غير هذا بعدين بجيكم عيال ان شاء الله,,

يبني فوق نفس تحت بالضبط ,, يعني بعد مو بس حجرتين وحمام,, اذا فيه مجال تكون 3 غرف او 4

وبالنسبة لوضعش الاجتماعي,,
المفروض شووي تحررين روحش بعيد عن علاقتش بزوجش,, يعني مثلا تزورين بيت عمومش ,,
ماعندش بنات خالة من قدش؟؟ تقعدين معاهم وتطلعين السوق
اخذي دورات او اشياء بالمراكز الاجتماعية جنب منطقتكم,, فيه دورات طبخ/ كمبيوتر/كروشيه/تطريز/خياطة/مكياج
اي شي اشغلي روحش فيه

وبالتوفيق

هلا حبيبتي .. بالنسبه لفوق إحنا ان شاءالله مخططين حق جدي ان نروح فوق عقب فتره ونبني مثل ماقلتين مو معقوله بنظل بهالغرفتين بس الحين زوجي عليه قرض سياره باقي 5 سنين فمني لذاك الوقت ماندري شنو يصير يعني السالفه يبي ليها سنوات واني ما بقدر اقعد بدون مطبخ طول هالمده ،
وتسلمين على ردش خيوه ..