نوتة الحب

[COLOR=darkgreen]جيبى نوته مفكره واتفقى مع زوجك حبيبك إنكوا تكتبوا فيها كل مشاعركوا الجميله ، يعنى كل واحد حس بأحاسيس جميله ناحية الطرف الآخر، أو عايز يشكره على حاجه معينه ، يروح يكتب بسرعه فى لحظتها ، علشان ماينساش ومش شرط تكتبوا باللغه العربيه ، ممكن عادى بالعاميه.[/COLOR]
[COLOR=darkgreen]والنوته ديه تحطوها فى مكان معين تتفقوا عليه ، وحاولوا تحطوها فى مكان يكون قريب منكوا إنتوا الإتنين، وسهل جدا إنكوا تشوفوها. وصدقونى الطريقه ديه أنا سمعت عنها.[/COLOR]
وأى زوجه بتشتكى من زوجها اللى مابيعبرش عن مشاعره ومبيقولهاش أى كلمه حلوه أو أى كلمة حب ، هتنفع معاها أوى الطريقه ديه. لأنها بتشجع جوزها إنه يكتب زى ما هى بتكتب. وإلا هتكون الصفحات كلها مفيهاش إلا كلامها الجميل بس
وطبعا ديه حاجه هتكسف الزوج وهتخليه يظهر قدامها بمظهر الزوج اللى مبيعرفش يعبر عن أحاسيسه ومشاعره ، وإنه مشغول عنها كتير.
وصدقونى هتلاقيه نفسه يملى الصفحات بكلامه الجميل ، ويبقى فيه منافسه رائعه ما بينكوا ، عن مين هيكتب أكتر.
وهتلاقيه بيحاول يسعدك أكتر ، ويعملك كل اللى إنتى بتتمنيه وأكتر ، ان شاء الله وهيقولك متنسيش تكتبى فى النوته وفى اليوم اللى تيجى تعملى فيه ليله رومانسيه ، تجيبيها وتقعدوا تقرأوها مع بعض، وهتتبسطوا كتير، وتسترجعوا الذكريات الجميله.

يارب تكون عجبتكم ولا تنسونى بالدعاء او التقيم:););)