زوجي و معقم الفم !!!

طربة وبتروح ان شاء الله =)

يمكن هو اساسا يحاول يخبرج ان ريحة فمج مو حلوة ..عشان كذا قال ان هو واصدقائه يتكلموا عن المعقم ..

ولما راح واشتراه قصده ابدي استخدميه ..
ولما شاف انج ما استخدمتيه قالها بوجهك ...

عادي اختي استخدمي المعقم ما فيها شي!

sayo0ot;15006401:

اكيد مستغربه ليه حطيت صورة علك المستكه
صح؟؟

انا كنت مثلك قبل الزواج وسوسة بشكل مو معقول
كنت خايفه زوجي يشوف علي شي انا ما اشوفه
وقبل الزواج كنت جالسه عند جدتي الله لا يحرمني منها
كانت تنبهني على اشياء انا ما اعرف شي عنها
وانفتح موضوع مع اختي وامي وجدتي وانا استمع وعلى الصامت
قالت اختي ...جده اذا كليت وغسلت تروح ريحة فمي بس زوجي يشم شي انا ما اشمه
قالت يا بنتي انتي بنفسك قلتيها هو مركز على شي انتي مو منتبهه له
وقالت احلى ما في البنت نفسها وحلاوة فمها
عاد انا تعالوا دوروني مركزه بزياده <<ههههههههههههههههه
المهم قالت اختي يعني وش اسوي عجزت معه
قالت جدتي روحي للعطار اخذي علك مستكه الاصلي
وحطيه في تسريحتك واخذي بعد الاكل قطعه
وقبل النوم وشوفي
وكانت صادقه جدتي
يوم تزوجت من سمعة نصيحتها وانا ليومكم هذا وانا اسويها
وزوجي منبهر يقول عمري ما شفت نفسك مو حلووو
وهذا الشي يعجب الرجال
اسأليني ليه؟؟

لان زوجك اذا شم ريحه راح ينفر منك حتى لو انتي مو منتبهه
اسمعي نصيحتي
لا تستخدمين لا معقم ولا غيره
علك مستكه
واذا قالك عقمي ليه لا
اهم شي ارضي نفسك وزوجك
واللي فهمته منك

ان زوجك لمح لك قبل بس انتي ما فهمتي عليه
كان يبيك تنتبهين وشكلك ما فطنتي الا الين جاب المعقم
وحطك في الامر الواقع
لا تزعلين ترى هو لو ما يحبك ما سوى كذا
يعني اهم ما عليك رضى ربك وزوجك
اتمنى اكون ساعدتك بشي بسيط
لك
ودي وتقديري

aNa QaTaRia;15007214:
اللي اتوقعه انه صج يحس ان فيج ريحه ! او يمكن السالفه مب ريحه .. ماتدرين الظاهر يحس بطعم هههه تعرفين شقصدي :P

لان في ناس مايحسون بريحة حلجهم ..

يمكن مافيج ريحه قويه بس يمكن شي بسيط وهاي بعد زاعجه .. ولا ايش معناة الحركات اللي يسويها؟

تدرين .. هممم بقولج شي ... ساعات لما اكون في جمعات الحريم والاهل ... واكون واقفه واسلم على بنات كبري او اكبر مني بشوي وهم متزوجات . . والله اشم ريحه بسيطه فيهم لما يكلموني من قريب ! ... الظاهر يرقدون شوي ويقومون ويحسون ان مافي داعي يغسلون اسنانهم


انا دايما احب استعمل غسول الفم بشكل يومي خاصه الصبح وقبل النوم ... ودايماً اغسل لساني بالفرشاه

والله لو تغسلين لسانج بتشوفين البلاوي وهو دايماً يكون مصدر الريحه سواء خفيفه ولا قويه

ادري بتحسين ان قاعده اشككج في نفسج او لان يمكن انتي متأكده ان مافيج ريحه بس بعد حاولي تهتمين اكثر زود على اهتمامج وشوفي النتيجه ايش :)

اؤيد هالردّين بشدة ..

اختي حبيبتي، انا وجهة نظري للموضوع ، كالآتي / تنقسم احتمالين رئيسيين ..

الأول: ان زوجج الله يحفظه احتمال شم ريحة ، بسيطة يمكن او ماتحسيها ، اضافة الى انها قد تكون من الفلم ( اسنان لثة لسان ) او من المعدة نفسها .. خصوصاً ان انتي الله يبعد عنج الأمراض .. ان كان عندج قرحة او معدتج حساسة او ما الى ذلك ..
فبالعكس، زوجج عرضلج الموضوع بشكل جداً خلوق ومنطقي وراعى احساسج ع الاخر ..
فتجاوبي معاه ، ومرح اعيد الكلام الي ذكروه خواتي بالاقتباسات لان فيه اجزاء كنت ابغى اكتبها

ولو حبيتي انتي تسيطرين ع الأمر اكثر، روحي الصيدلية ، رح تلقين بخاخ .. ورح تلكين حبوب ، الحبوب احيانا تكون بطعم النعناع تطهر الفم ، حبيبتي انتي ماتستخدمين مناديل معقمة ليدج ؟؟ مافيها شي تستخدمين لفمج .. والمعدة بيت الداء .. جيبي الحبوب وفيكي براسه .. شوف شلكيت وخذ جرب ...

الثاني: ان كان زوجج من نوع يحب الاطلاع الدائم ، وان كان من نوع يوسوس بالامراض .. فأحتمال انه شايف برنامج ، او قاري موضوع او تقرير ( يمكن قال لج تناقشنا وية رفجاني وهو قاريها بس حب يوصل الفكرة بشكل اخر، وممكن فعلا ناقشها ) ، عن حجم الجراثيم والفايروسات والبكتريا الي يحتويها الفم " فم كل شخص " الضارة والنافعة .. ويجوز بالغ برد فعله وخوفه وصار يوسوس بالموضوع ..

خذي الموضوع برحابة صدر وسعة بال
انا شخصياً لو شفت على زوجي شي، اكوله بالمباشر .. بدون حتى لباقة ولا مجاملات
ومن أول منبهته، اني ان اقولك فحفاظاً عليك ولهندامك انبهك .. فلاتنحرج ابداً .. وبالمثل طالبه مني ينبهني بأي وقت ومكان..

>> عدا اللهم لما اكل بصل او ثوم ، وهو مايرضى ياكل فبحينها من يقول لي " بصل " اكول له .. " مشكلتك :) " هههههههه لآني صج احبهم حيل " كحال معظم العراقيين ههههه "


الله يحفظكم لبعض

F:

ترى سالفتها صعبه مو حساسه ولا شي

لازم تسوين نفس ما قالولج استخدمي المعقم ولاتعورين قلبج :072:

ههههههه دمعه شقا ايش الأفكار هاذي

عادي سايريه وخذي لك معقم وفرشه ومعجون ومعطر الأنفاس مافيها شي حبيبتي وكل شويه استخدمي شي يخلي ريحه فمك حلوه