زوجي كرهني في حياتي ، ساعدوني !

ان كان عاعندك عيال اطلبي الطلاق وافتكي منه
لاتغلطين غلطتي زوجي اخس من زوجك دايم جالس على الافلام الاباحيه
ويتراسلون هو وزملاه بافلام سكس مدمن ،عاده سريه واصبحت شهوته شهوة لواط
ولعياذ بالله اقري مشكلتي معه وانتي راح تحمدي الله على انك منتي مثل وضعي
لولا اطفالي ماقعدت معه دقيقه وحده بس لاجلهم راح اصبر حتى يكبرو وبعدين يحرم
علي اجلس عنده يوم واحد
ادري كيد ضاع العمر بس يضيع عمري ولايضوعون اطفالي الله لايحرمني منهم

هذي اكيد عين وماصلت على النبي
امممم اقرا في ماي المعوذات وايات قرانيه
وهفي في الماي واعطيه يشرب يمكن يصير شي
دام يحبج ويموت فيج قبل ليش تغير مومعقوله اكيد

احد سوى شييييييي والله كسرتي خاطري :(
طلبي من ربج ورب العالمين ما يقصر
الله يوفقج ويرجع لج زوجج احسن من قبل

بسم الله الرحمن الرحيم

والله يا اختي احس انج تتكلمين عن مشكلتي كلمة كلمة وأنا كنت ناويه اطرح مشكلتي هذي لكن بما انج قلتي نفس المشكلة بالضبط بكتفي بالكتابة في موضوعج وان شاء الله نقدر نساعد بعض ونوصل لحل..
أنا صار لي الحين 3 سنوات متزوجة وهو كان يبيني من 6 سنوات معجب فيني بجنون ويحلم يتزوجني وكنت دائما اصده ويوم صار النصيب وتزوجنا في يوم الزواج كان مينون فيني بشكل مو طبيعي والكل لاحظ هالشي كان رومانسي وكل شوي يبوس يديني ويطالع عيوني ويتغزل فيني ويعاملني بحب وحنان وانا مستحيه من جرأته واشوف في نظرات الناس الحسد والغيره واستمر على هالحال تقريبا 3 شهور مو أكثر وكل وحده تقول لي يا بختج زوجج يموت فيج وربي كل وحده قامت اتعاير زوجها وقدامي تقول له شوف وتعلم هالكلام سمعته من أهلي وأهله وانا كنت دايما اقول له لا تحرجني ولا تعاملني جي قدام الناس بيحسدونا يقول غصب عني عندي هالجمال ما تبيني اتغزل فيه انتي ملاكي وانتي وانتي.. وأول ما خبرته اني حامل تم يصيح وباس يديني وريولي وقام صلى ركعتين شكر كان وااايد حنووووون لدرجة ان ليلة زواجنا والمعازيم يودعونا يقولون لي تحملي فيه وحطيه في عيونج هذا يموت فيج وهو طالع كانت دموعة تنزل يقول مو مصدق صرتي من نصيبي ويحمد الله ويشكره
وانا حامل حسيته بدى يتغير شوي شوي يمكن في البداية ما حسيت كنت احط له اعذار بس بعدين زاد لدرجة انه كرهني في حياتي وتعب نفسيتي وشككني في روحي..
خليني اقول لج بالتفصيل اول شي صار بينا ان كنا نايمين ومره وحده صحى متخرع مثل الكابوس قال بسم الله الرحمن الرحيم قلت له اشفيك قال حلمت بوحده تقول لي ابتعد عن فلانة وليش متزوجها اتركها ولا اتجرب منها وكانت هي تتحرش فيه بس هو ما فصل لي الحلم يمكن كان يراعي مشاعري وكان طول الليل ماعطني ظهره وهو نايم وبعدها حلم بنفس الحلم بالضبط ونفس البنت مرتين قلت له اشمعنى هذي وليش يتكرر الحلم نفسه انت عارفها شايفها من قبل قال لا ومرت الأيام واحنا قاعدين في البيت مع الأهل ياتني صديقتي دخلت سلمت على طول ضربني على ريولي شفته مصدوم اقول له اشفيك قال يا فلانه من هذي قلت له صديقتي فلانه قال انا خايف حسيت فيه رجفه قلت له اشفيك قال لو اقول لج ما راح اتصدقين هذي نفسها اللي تطلع لي بالحلم وانا ما كنت شايفها بالواقع هذي اول مره اشوفها..
في البداية كان شاغلني الموضوع بعدين تناسيته وواصلت حياتي لكن زوجي صار واحد ثاني لا رومانسية ولا حنان ولا شي ولا حتى ينام معاي بالمره البس واتكشخ واتزين ماكو فايده ما يلتفت علي بالمره من اول ما يشوفني متزينه يقولي اطفي النور ابي انام ويعطيني ظهره وينام ولم احاول المسه يتأفأف ويقول لا تزعجيني وظليت كل يوم انام وانا اصيح وبصوت اقول يمكن يحس وربي ما يسألني ليش اتصيحين يتأفأف ويقول شو يعني ما انام ترى والله بروح انام بالصاله والا بقول حق هلج يشوفون لج حل شوفي الفرق في المعاملة شكيت في روحي كرهت نفسي تم يقول لي كلام من غير سبب مثلاً اوف اكرهج ما اطيقج ذلفي عني وصار انه يقول لي يالبقره يالغبيه ومن هالألفاظ وقدام أهله بعد وانحرج واسكت عشان ما اقلبها هوشه واكتمها بقلبي واقول هو عصبي وانا لازم اضحي شوي واتحمل عصبيته ومره شفته سرحان على صورة خطوبتنا قلت له اشفيك شتقول في خاطرك يقول هني كنتي غير وحده ثانية كنتي بريئه كنتي ملاك اقول له والحين شنو ترى انا ما تغيرت بس ماعرف ليش هو يشوفني بصوره غير يقول الحين اعوذ بالله ولم اتضايق وازعل منه يقول لي لعنة الله عليج ومن هالكلام انصدم فيه اتوقع انه بيراضيني وتذكرت نقطه قلتيها وانا للحين محيرتني ان لو فكر ينام معاي واتحسينه مغصوب فجأه يختنق ويطيح واييب له ماي واتوهق ماعرف كيف اتصرف ساعات اقول يمكن يمثل ليش يسوي جي في هالوقت بالذات وبعد مثل ما قلتي لم نكون نايمين مره وحده يطلع اصوات كأنه يتألم من شي اقول له اسم الله عليك حبيبي اشفيك يقول جكجك ماكو شي انتي اشفيج انا نايم ليش اتصحيني وساعات لم اسأله يقول حران تعبان مايعرف شنو فيه بالضبط.. ومثل ما قلتي في الأيام العادية اتكشخ واتزين ما يهتم يشغل روحه بمباراه او مصارعه او بلاي ستيشن اهم شي عيونه ما اتيي علي ولم اتييني الدوره يقول لي مشتاق ويبين لي ما فيه صبر وهالشي يقهرني اقول اشفيه يتعمد يعذبني بس ليش انا اشسويت..!!
لدرجة اني قلت له بشتكي عليك بقول انك مقصر بحقي الشرعي قال اذا ما تستحين على ويهج تشتكين عشان هالموضوع روحي بس انا ما اشوف في هالشي عيب هذا حق من حقوقي وقلت يمكن هو مل مني ويبي يطلق بس مستحي يقول يبي يكرهني فيه ويبيها تطلع مني بعد اختبرته في هالشي وقلت حق اهلي انا خلاص ما ابيه خبروه وقعدت عندهم ويوم شاف الموضوع جاد تم يصيح يقول والله احبها لا تخليني أموووت فيها بس انا تعبان تعبان وهي ما اتحس فيني تعبان من شنو ما تدرين كله تعبان ومخنوق وضايقه فيه الدنيا ومع الناس من أحسن ما يكون اجتماعي وحبوب يمزح ويضحك ويساعد الكل ومثل ما قلتي عن زوجج لو ما عنده يتصرف بس ما يخلي بخاطر احد شي وانا ما يقصر علي ماديا بس معاملته غير معاي ويحاول قد ما يقدر ما يختلي بي يعني دايما يبي يقعد مع الأهل او بالليل لما يشوفني متكشخه حتى لو الوقت متأخر يبي يتهرب من الجنس يقول لي اشرايج نروح نتمشى بالسياره وناكل شي حتى لو متعشيين اقول له تونا ماكلين يقول انزين نشوف شي حلو آيسكريم او شي يبرد على القلب يعني يتحجج بأي طريقه ولم نرجع يقول اوف حدي تعبان ابي انام لا تزعجيني..
يمكن بعد مثل ما قالوا لج البنات ان في حد حسود يوز في اذنه ومأثر عليه لأني انا اكتشفت هالشي بعد اسبوع كان كلش معصب علي ومو على عادته بعد اخس ولا قال اشفيه ولا تكلم شوفي شلون طبيعة الريال غامض اتسحبين منه الكلام بالموت بعد ما حنيت عليه اشفيك اشفيك قال انتي ما اتحبين اهلي وانتي وانتي عرفت ان اخته مكلمته وتقول له ليش زوجتك ما تزورنا وايد وليش كله ساكته شكلها مو عاجبينها مو مرتاحه لنا وغيره من الكلام اللي خلاه يكرهني يعني لو انا ما حنيت عليه عشان اعرف اشفيه جان ما بيقول ولا بعرف وبتم اشك بعمري واعور راسي من التفكير في السبب

أنا راجعت نفسي وااايد وما اشوف نفسي مقصرة قاعده احاول اسوي المستحيل عشان ارضيه ولا اشوف فيني عيب اللي بيخليه يتهرب مني الحمدلله حلوه ونظيفه ومرتبه وحابته ومدلعته وكل شي واحس ان اللي قاعد يصير فيه كله مو منه يمكن أهله يأثرون عليه بالكلام أو عين أو حسد أو عمل الله أعلم عشان جي انا صابره عليه ولأني احبه بصبر والانسان ما يخلى من العيوب بس عيوبي ما توصل انها تخلي الزوج يعامل زوجته بهالطريقة بس بعد بركز عليها وبحاول اغيرها ومن عيوبي (عصبية-عنيده شوي-وايد اغار عليه-اسلوب التحقيق) لازم اغير من نفسي يمكن يرجع لي ويمكن هالصفات مكرهته فيني وباعدته عني الحين احاول دائما اكلمه بهدوء واسمع كلامة وما اعانده بشي ودائما اخلي كلمة ان شاء الله على لساني واشغل نفسي شوي عنه عشان ما يحس اني لاصقه فيه وبجذي بيمل مني وبيمل من اسئلتي وتحقيقي معاه وبركز على كل شي كان يحبه فيني أيام الخطوبة مثلا كان دايما يقول لي الشي اللي خلاني اختارج بين كل البنات ثقلج ورزانتج ما كنتي تعطيني ويه وانا احب البنت الصعبه والحين أنا صرت حلاله واي شي يبيه يمكن يحصله مني بسهوله وشافني احبه وميته فيه واغار عليه هالشي لازم اغيره وابين له شخصيتي القوية و ان لي حياتي وصديقاتي واهتماماتي وغيره....
اوعدج اختي اذا لقيت اي تغيير فيه للأحسن بقول لج شنو اتسوين له بس نصيحه اذا كنتي اتحبينه لا تخسرينة ترى بني آدم مو كامل والحياه صعبه فيها الحلو وفيها المر لازم تصبرين وتتحملين واتحدين نفسج وترجعينه لج نفس قبل واحسن وكثري كثر ما تقدرين من الاستغفار والأدعية
طولت عليج وايد بس يمكن نستفيد من بعض لأن تقريبا مشكلتنا وحده ربي يسهل علينا ويهدي ازواجنا ويسخرهم لنا قولي آمين

الله يهديه وروحي انتي وياه للشيخ يقرا عليكم او شغلي سوره البقره على طول بالبيت

وعليكم السلام ورحمة الله وبركاته

الله يهديه ويفرج همج إن شاء الله

لاحول ولا قوة الا بالله
الله يسخره لك يارب

الله يهديه ويسخره لج

الله يكوون بعوووونش وربي

الله يهديه ويسخره لك

السلام علي حبيبتي انا اقول وباختصار ان زوجج شكله متعود ع هالحركات وتوهق بالزواج معاج ومايحبج اساساً وله علاقات خارجيه وما في ريال يسب حرمته لا يدام اهله ولا من وراهم ولا يمد ايده اصلا لا تسمحي له نبهيه يحترمج يدام الكل ولا يسبج وان الكلام يجرح ولو سب ولا سمع لج سبيه وهينيه لنه مب ويه احترام واهله لو سكتوا عنه يعني لا تحترميهم بعد انتي بنت ناس حالج حال بناتهم بس نصيحتي لج لو تبين تزخينه تسيرين تشترين جهاز تنصت وتحطيه داخل المخده ع السرير مكان ما ينام وتظهرين عساس انج زعلانه منه ولا سيري بيت اهلج كزياره واتصلي عرقم الجهاز بتسمعين كل رمسته ويمكن تزخيه لو يخون وهو الحبيب مابيشك بيآخذ راحته ووقتها رفسيه وحرقيه وظاربي معاه وروحي مركز الشرطه طلبي تقرير وخل يسجنونه وتتي الطلعه اللي يرمسها وملعوزج عشانها اسفه بس انقهرت من معاملته

بياض الثلج2;14980697:
السلام علي حبيبتي انا اقول وباختصار ان زوجج شكله متعود ع هالحركات وتوهق بالزواج معاج ومايحبج اساساً وله علاقات خارجيه وما في ريال يسب حرمته لا يدام اهله ولا من وراهم ولا يمد ايده اصلا لا تسمحي له نبهيه يحترمج يدام الكل ولا يسبج وان الكلام يجرح ولو سب ولا سمع لج سبيه وهينيه لنه مب ويه احترام واهله لو سكتوا عنه يعني لا تحترميهم بعد انتي بنت ناس حالج حال بناتهم بس نصيحتي لج لو تبين تزخينه تسيرين تشترين جهاز تنصت وتحطيه داخل المخده ع السرير مكان ما ينام وتظهرين عساس انج زعلانه منه ولا سيري بيت اهلج كزياره واتصلي عرقم الجهاز بتسمعين كل رمسته ويمكن تزخيه لو يخون وهو الحبيب مابيشك بيآخذ راحته ووقتها رفسيه وحرقيه وظاربي معاه وروحي مركز الشرطه طلبي تقرير وخل يسجنونه وتتي الطلعه اللي يرمسها وملعوزج عشانها اسفه بس انقهرت من معاملته

^o)

يعني اللي يزوج عن حب أصير فيه جدي :(
موضعش أختي خلآني ع آخر لحظآت من خطوبتي أترآجع و مآ أخطب
اللي بذلنا إلى هالمستوى جهنم ولآ آخذه
بس كل إنسآن في آلحيآه يمر بآلمشآكل بس مشكلتش أختي
فيهآ أهآنة لش ولكرآمتش
يعني لآ تسكتين وأتقولين مآبي أقول لهلي لأن جدي قاعدة أضيعين حيآتش
مآ أعتقد رجآل عنده غيره يسب ويلغلط أبهطريقة
واللي يحبش يآ حبيبتي مآ أفكر يهينش رآجعي نفسش وقعدي مع نفسش
وسوي الصح واللي بيريحش
وإذا مر لش فترة وانتين ع هذي آلحآلة صديقني بتخسرين أشيآء وآجد في حيآتش
وذكري الله دآئماً
موفقة أختي والله يبعد عنش الأحزآن والسوء

м i я α c l ε;14986914:
يعني اللي يزوج عن حب أصير فيه جدي :(
موضعش أختي خلآني ع آخر لحظآت من خطوبتي أترآجع و مآ أخطب
اللي بذلنا إلى هالمستوى جهنم ولآ آخذه
بس كل إنسآن في آلحيآه يمر بآلمشآكل بس مشكلتش أختي
فيهآ أهآنة لش ولكرآمتش
يعني لآ تسكتين وأتقولين مآبي أقول لهلي لأن جدي قاعدة أضيعين حيآتش
مآ أعتقد رجآل عنده غيره يسب ويلغلط أبهطريقة
واللي يحبش يآ حبيبتي مآ أفكر يهينش رآجعي نفسش وقعدي مع نفسش
وسوي الصح واللي بيريحش
وإذا مر لش فترة وانتين ع هذي آلحآلة صديقني بتخسرين أشيآء وآجد في حيآتش
وذكري الله دآئماً
موفقة أختي والله يبعد عنش الأحزآن والسوء

عثل البحرين شكلها عين او حسد

الله يعينك عليك بالرقيه

هالقصتين رفعت لي ضغطي وقاعدة أفكر ليه تغيروا فيه الرجال ...؟؟

أمبييييييييييييييييييييييه بناااااااااااااااااااااااااااااات شقاعدين تقولون للبنية مايصير جذييييييييييي إن بعض الظن اثم ..الي تقول يمكن يكلم وحده وانفصلي عنه وش هالكلام؟؟؟؟؟؟؟؟
انااا متاكده مليووووووووون بالمية يحبببببببج ويمووووووووووووووووووت في التراب الي تمشين عليها بس يمكن طبعه جذيي مو معناته تسكتين عنه ..لا ...بس حاولي تجربين معاه اسلوب ثاني في وحده من الاخوات افترحت عليج تحقرينه بمعنى تقومين بكل واجباتج في البيت وتتزينين وتهتمين بنفسج وببيتج..بس لا تطلبينه في شي لفترة يعني لا تقولي له طلعني او اشتر لي او ودي فيك اليوم..حقريييييييه وبعديييييييين اهو الي بييج يركضضضضضضض وبيحس انج متغيرة وبيسالج ليش وبتجوفييين...واذا مافاد معاااااه انصحج تخبرين اخوج او ابوج يتكلم معاه بهدووووووووووء وبدون محد ثاني يدري ...واكرر علييج تراه يحبج ولو مايحبج جان ماتزوجج ...اصلا حبيبتي حمدي الله واايد انه حبيبج صدق معاج وتزوجج لانه في هالزمن الحب غالبا مايتم بالزواج بس اهو يبيج من جذي خذااج...حبيبتي لا يلعب الشيطان في مخج...جربي الي قلته لج بس باسلوب عفوي وحلووو ....وامسحي فكرة الانفصال او انه يكلم بنت ثانية من مخج ...والله يوفقج ان شاء الله

دنياك دنياي?;14987280:
عثل البحرين شكلها عين او حسد

الله يعينك عليك بالرقايه

أكييييد كل شي واضح وانا اخاف ان زوجي فيه مس اسم الله عليه لأن هذا اللي صاير فيه مو مخليه يقرب مني بالمره واذا قرب غصب عنه يعني ما احس بالوناسه بس اقزرها والخنقه حزتها معروفه في البداية يكون اوكي قبل لا يوصل للأخير يختنق ويعرق ويستوي جسمه حار ما يقدر يسوي شي وفوق كل هذا من تزوجنا هذي ثاني عملية يسويها في ذكره احس عين ياتنا مره وحده لأني حملت بسرعه بعد الزواج وبعد النفاس بشهرين حملت مره ثانية وسمعت كلام وايد فيه من الحسد والغيره بس ما اقول الا حسبي الله ونعم الوكيل

اختي أول شي لا اتشكين في حب زوجج لج لأن لو ما يحبج جان ما فكر اساسا يتزوجج ومن بعد علاقة طويلة
وعن سالفة السب اذا سواها وغلط عليج عطيه نظره حاده تحسسه باللي قاله وسكتي عنه أو قولي له ما اسمع عيد الكلمه اللي قلتها عشان يوعى حق الكلام اللي يقوله واذا كررها قولي له يزاك الله خير مشكور ما قصرت يا بو فلان هذا قدري عندك وامشي عنه وشوفي ردة فعلة وبتذكريني.

عن سالفة ابتعاده عنج ترى العين والحسد يكره الزوج في زوجته ويبعده عنها وهذا اللي صاير معاي ساعات ينكسر خاطري عليه لأني ادري انه يحبني واحس شي مسيطر عليه يبعده عني غصب عنه شي يجمل له الحرام ويكرهه في الحلال.. ويمكن زوجج متعود على العادة السرية قبل الزواج فتوقعي في البداية ما بترتاحين معاه جنسيا يبي له وقت على مايتعود عليج وهالشي ترى صار معاي ولا كنت عارفه شو السبب بس كنت اكره نفسي اني اكون يمه وهو يريح روحه بروحه وانا ولا كأن لي وجود وهالشي وايد أثر في نفسيتي لأني الحمدلله مقتنعه بشكلي وبجسمي بس كنت اقول ليش والحين عرفت ليش بس ما صارحته ولا كلمته في هالموضوع انتي حاولي كثر ما تقدرين تبعدينه عن هالعاده وما تعطينه مجال حق غيرج نوعي شكلي وغيري وتفنني حاولي تاخذين عقله من غير ما اتحسسينه انج متعمده تغرينه بتلاقينه هو بييج
وفي نوعية من الرياييل يمشون على المثل اللي يقول كل ممنوع مرغوب يعني هو يحبج بس لأنج صرتي له وفي أي وقت ممكن يحصل عليج فبتلاقينة ما يهتم بشي فلازم اتحسسينه ان انتي مو ملكه تعززي وابتعدي شوي وانشغلي ولهي عمرج بأي شي مفيد وان شاء الله يحس ويقدر اللي عنده