سلام عليكم بنــات؟؟
شو اخباركن ؟
.. بالتحديد أمس الليل صار لي موقف وايد ضايقني ومب عارفة اشلون اتصرف مع هالموقف بقول لكم عن نفسي انه متزوجة صار لي سنتين ونصف تقريبا وزوجي اخذني بعد علاقة حب و بعد معاناة دامت 6 سنوات الكل يشهد على زوجي و يحسدووني عليه و الكل يقول لي يابختج فيه اهو طيب وحنون وكريم ويحبني وانه عارفة هالشي هو من تزوجني ما قام يقعد ع اللا ب توب وايد يعني مايدخل حتى ايميله و في هالفترة مو من زمان قام يقعد بالاول ع القيمزر و بعدين قام يدخل منتديات و ايميله طبعا وسوى له حساب بالفيس بوك و انه عادي يعني ما لاحظت شي امس انه قاعدة بالصالة اتابع التلفزيون وهو بالغرفة قاعد ع اللا ب توب تقريبا ساعتين و انه رايحة وراجعة له كنت اجوف احد يتكلم معاه ع الايميل بس لاني جنبه كأنه ما يبي يرد جدامي انه شكيت في شي لان مو من طبعه يسوي جذي اذا يكلم صبيان عادي جدامي و قال لي روحي ييبي لي ماي رحت و انه اقول في قلبي انه شاكة بس بعد مو زين الظليمة شينة ولما رجعت اجوفه رد ع اللي في الماسنجر في الوقت الي كنت اجيب الماي و ماعطيت السالفة اهمية قلت عادي بس بعدين لما انه قعدت ع اللاب توب وهو ناسي ايميله مفتوح رحت اطالع المحادثات وانصدمت والله :'( انصدمت من الي شفته يكلم بنت و مادري شلون طريقة كلامه والله ضاااق صدري في هالوقت كنت متعدلة و متكشخة حقه اقول في قلبي ما يستاهل دمعت عيوني و على طول رحت سكرت الباب بالقوة من القهر والله عقب دقيقة فتح الباب و هو معصب يقول لي تسكرين الباب في وجهي بالقوة ليش انه شو سويت لج قلت له ما سويت شي عادي انه مسكرة الباب مافيها شي و تم يتكلم و ماسكت يقول أي انه شو مسوي لج عشان تسوين لي جذي مشكورة و مادري شنو و هو مو من طبعه ما يجي يكلمني بهالطريقة وتوقعي يقول انه حاس في شي او اني عرفت و قمت عادي اتكلم وياه وسولفت وياه و انه مو طايقة اطالع في ويهه و الله حتى انه جامعني و عادي عنده و اليوم الصبح اهو نايم وانه قعدت ع اللاب اطالع محادثاته طلع مو مكلم بس وحدة تقريبا ثلاث او اربع و موريهم صوره بعد والله قهر ابي اصيح بس من الصدمة مو عارفة شوروا علي بنات شسوي فيه قبل لا ارتكب فيه جريمة لان والله شي مو هين مجروحة وايد انه مو مقصرة معاه ليش جذي يسوي فيني:badly: