.. }{ تجمع التفاح الاخضر الجزء الثالث }{ ..لشهر جمادى الأول

قولي يا شيري بسرعة ايه هي المسقعة بالباشاميل؟؟؟؟
اذا مكوناتها موجودة عندي بساويها وانت قدامي كده عشان تساعديني:D:D

ممكن تفاجئى زوجك بيها يا لوليتا

وعملها مش بياخد 10 دقايق

وفى الفرن 40 دقيقة يعنى ساعة بالكتير تكونى خلصتى كل حاجة

sherrykitty;15045048:
أم عمر

بروكلى زى ما تحبى بس مش أأقل من نص كيلو وتقطعيه قطع صغيرة

بصلتين كبار وتقطعيهم

كوب زبادى كبير

معلقتيم ساور كريم أو قشطة عادية

شوربة

بتشوحى البصله فى زبدة لحد ما تصفر خالص تحطى معاها البروكلى وتقلبيهم 10 دقايق لحد ما البروكلى يدخل فى السوا

وتصبى عليهم الشوربة حسب كمية البروكلى يعنى تكون مغطياه فى الحلة

وتسيبيهم يغلوا ربع ساعة

وبعدين تسيبيها تبرد وتضربيها فى الخلاط لحد ما تنعم تحطى عليها الزبادى والكريمة وتشغلى الخلاط تانى

وبعدين تحطيها فى الحلة على النار وعليها ملح وفلفل وورق لورى وتسيبيهم ياخدوا غلوة

وإدعى لى

مغذية جدا و تخلى الولاد ياكلوا البروكلى وكمان بتاخدى فايدة ساق البروكلى إللى عادة بتترمى

تسلميلى ياقمر فتحتى نفسى ليها والله لو كان عندى كنت عملت على الفطار ان شاء الله هسجل الطريقه عندى وابقى اعملها تخيلى انا ولا مره جبت البروكلى ده لانه بحس انه ابن عم القرنبيط وانا وهو مش بنحب بعض نهاااااائى بس الطريقه دى وخصوصا ان هيتفرم تبقى كويسه جزيتى خيرا ياقمر

ام عمر ومعاذ;15045043:
الحمد لله بخير ياقمر ايوه الفراخ هى الدجاج شطوره

دوووووووووووم

:)

قولي يا شيري واتحفيني:biggrin:

شيري

علمينا :)

طيب يااستاذه نيجيلا ممكن تقولى اى كيك الشكولا ده

طيب خلينا فى المسقعة

أول حاجة تجهزى اللحمة المفرومة

تفرمى بصلة بالمفرمة ناعم خالص وتصفريها على النار فى الزبدة

وبعدين تضيفى عليها اللحمة

لما اللحمة لونها يبقى بنى تحطى الملح والفلفل

وتهدى عليها النار لما تستوى خالص تحطى عليها معلقتين كبار صلصة وتقلبيها

وتسيبيها تتسبك

لو حسيتى إنها تقيلة زودى شوية مية المهم إنها تكون كريمى مش ناشفة ولا سايبة

وبعدين تجيبى بتنجان مكبب تقطعيه حلقات رفيعة وتقليه فى الزيت ( وهية دى بس الخطوة المملة لأنه بياخد وقت)

الكمية على حسب الصينية إللى حتعمليها

وبعديت تجيبى صينية بايركس أو أى صينية

ترصى طبقة من حلقات الباذنجان المقلى وفوقها طبقى من اللحمه المفرومة وبعدين طبقة تانية من الباذنجان

وبعدها تعملى البشاميل لو بتعرفى تعمليه كويس

أنا عن نفسى بجيب الجاهز أقلبة فى اللبن وأزود عليه ساور كريم أو زبدة وأحطة على النار لحد ما يتقل

وصبيه فوق الباذنجان وكترى لأنه بيحليها جدا

وعلى الوجه جبن موتزريلا أو جبن مبشور

ودخليها الفرن نصف ساعة وبعدين حمرى الوجه 10 دقائق بس

وتابعيها دايما علشان متتحرقش

وإدعى لى :)

شيري انا انتظرك بفارغ الصبر
بس لو ما قلتيش بسرعة الصبر حيخلص وحفرقع متل البوبكورن:worn_out:

لحقتيني قبل ما فرقع
بس للاسف انا حفرقع لان ما عنديش شيء من المكونات:024:

انا بعمل المسقعه كده ياشيرى بس بشوى البتنجان على الشوايه او فى الفرن مش بقليه عشان الفات

تعرفي انا بفكر اساوي كفتة بطحينة
:097:حشوف طريقتها من النت

كيك الشيكولاتة بقى

قبل تحضير الكيك تشغلى الفرن علشان يسخن

المقادير

5 بيضات

2 كوب دقيق

ربع كوب زيت

بيكينج باودر

3 ملاعق سمن

باكيت فايليا

علبة كاكاو 200 جرام تقريبا

كوب لبن

2 كوب سكر

طبعا نستخدم نفس الكوب فى المكيال

الطريقة

تحطى كله فى الخلاط ماعدا الدقيق والبيكينج باودر تحطيهم على جنب فى حاجة غويطة

تضربى المكونات كويس لحد ما تدخل فى بعضها وبعديت تشوفى المقياس على الخلاط من برا وتقسميه تاخدى الثلثين وتصبيهم على الدقيق والبيكنج باودر

وتقلبيهم بمضرب البيض أو بمضرب يدوى أو حتى بمعلقة خشب

لحد ما الدقيق يختفى فى الخليط

تجيبى صينية ألمنيوم تدهنيها زبدة أو سمنه

وتصبى فيها الخليط وتدخليها الفرن على درجة حرارة 250 - 300

وأوعى تفتحى قبل مرور نص ساعة وأظبطى التايمر أحسن علشان متنسيهاش

بعد 35 دقيقة إفتحى ودخلى فى نصفها سكينة عريضة

لو طلعت نظيفة يبقى الكيك إستوى

خرجيه وشكيه من فوق براحة بالشوكة كتير

وبعدين صبى عليه الثلث الباقى من الخلاط إللى سيبناه من قبل كدة

وشربيها كلها وبعدين دخليها تانى الفرن 10 دقايق بس

وخرجيها سيبيها تبرد وبعدين دخليها الثلاجة وغطيها

لما تسقع طلعيها وقطعيها وبالهنا والشفا

ام عمر ومعاذ;15045078:
تسلميلى ياقمر فتحتى نفسى ليها والله لو كان عندى كنت عملت على الفطار ان شاء الله هسجل الطريقه عندى وابقى اعملها تخيلى انا ولا مره جبت البروكلى ده لانه بحس انه ابن عم القرنبيط وانا وهو مش بنحب بعض نهاااااائى بس الطريقه دى وخصوصا ان هيتفرم تبقى كويسه جزيتى خيرا ياقمر

دة البروكلى مغذى جدااااااااااااااااا وبيقوى المناعة ومن الحاجات إلى فيها مضادات أكسدة عالية

أنا بعملة يا كدة يا سوتية

وعلى فكرة أنا كمان بكره القرنبيط بس بحبة سوتيه

بس الطريقة دى حتعجبك جدا إن شاء الله

ام عمر ومعاذ;15045135:
انا بعمل المسقعه كده ياشيرى بس بشوى البتنجان على الشوايه او فى الفرن مش بقليه عشان الفات

ماما الله يرحمها عملتها كام مرة كدة بس محبيتهاش

أنا بعد ما بخرجها بصفيها على كلينيكس

ميرسي يا شيري تعبتك معي
عجبني الكيك ان شاء الله بجربه

تسلمى ياشوشو بس ليه بتحطى الخليط على مرحلتين و10 دقايق هيكون استوى

Lolitaaaaa;15045139:
تعرفي انا بفكر اساوي كفتة بطحينة
:097:حشوف طريقتها من النت

تصدقى عمرى ما عملت كفته خاااالص ههههه بشتريها فروزن يا دوب أسويها بس:D

ام عمر ومعاذ;15045169:
تسلمى ياشوشو بس ليه بتحطى الخليط على مرحلتين و10 دقايق هيكون استوى

لأ ما هو إللى من غير دقيق دة يعتبر الصوص


وبتسيبيه 10 دقايق بس علشان يتشرب مش يستوى

هية بتبقى شبه البراونيز صوصى ورهييبة

ادعولي اعرف اساوي الكفتة بطحينة