زي ما انتو عارفين احنا داخلين على الحر
و الحر بيقضي على اي ريحة حلوة
و بتكتر روايح العرق
ولو البيت في ريحة قلية او أكل الريحة مش بتروح قوام
فانا جاية اقولكم ازاي بعطر بيتي في الحر
هي تجربتي و يا رب حد يستفيد منها
المجهود شخصي لكن الصور تجميع من الانترنت
اول حاجة و هي حاجة مهمة جداااااااااا
لازم يكون الجو بارد ..... يعني مينفعش الريحة الحلوة تثبت في الحر
فأنا بعمل ايه؟؟
بشغل التكييف او AC في الغرفة لحد ما تسقع خالص و بخليه على درجة منخفضة مثلا 18 او 16 و لما احس الغرفة بردت كفاية اطفي التكييف:!!:
و اكون مجهزة البخور مثلا (اللي عندي)
شوفوا مكتوب عليه 20 ريال و انا شارياه ب 65 جنيه
فرق سعر كبير مش كدة؟؟
اللي فارق بجد و كان الاول مهما تكون نوعية البخور كويسة كانت تقعد شوية و بعدين تطلع ريحة حريقة لاني كنت بستعمل فحم سريع الاشتعال العادي..
اللي فارق بجد و اللي البخور بيتحرق و بيخلص و لسة الفخمة والعة و لا ريحة حريق و لا اي حاجة بس ريحة البخور الحلوة هو الفحم ده..
و ده شكله
اولع الفحمة (على النار) او بالجهاز ده
كان نفسي اجيبه لكن قال لي انه ب 150 جنيه
بصراحة استغليته و قلت مالها عين البوتاجاز ;)
و بس طبعا اكون لسة طافية التكييف و ابخر
و اقفل باب الغرفة طبعا
و المعلومة الجديدة اللي لسة عارفاها من المنتدى بس لسة مش مجربة
اني افتح باب الدولاب
و الريحة هتلزق في جو الغرفة البارد و كل ما تدخليها هتشميها
و ممكن اضافة نقطة انه اثناء التبخير او قبله كمان
ممكن تجيبي بخاخ زي بتاع المكواة
و تحطي فيه مية و ممكن تزودي عليها زيت عطري بأي ريحة تحبيها تمشي مع البخور
و ترشي رشات بسيطة على السرير و المخدات و الستاير اللي في الغرفة
الريحة هتثبت و تبقى حلوة بس على بسيط
ارجو اكون افدتكم
و سلام يا حبوبات
