هام للبنات المصريات

:smile:يا بنات معلش انا عارفة اني غلاوية وبسال كتير بس معلش استحملوني
عايزة اعرف النجف والاباليك جبتوها منين......غير كريستال عصفور طبعا
هايل بس انا عايزة اعرف اماكن تانية لو سمحتوا تفيدوني...

وياترى فين فصلتوا الستاير بتاعتكم وقماشها منين
يعني جبتوا من مارديني وفصلتو عنده ولا ايه؟؟

واللي تعرف نجار فنان و منجد فيدوني ربنا يكرمكم...
دي الطلبات بقى عشان بنت خالي اتخطبت عقبالي احصلها بسرررعة:smile: ادعولي :shy:وطبعا كل المعلومات دي
سالتني عليها وانا بيني وبينكم ابيض مش عارفة حاجة ....

وطبعا اي حد عنده معلومات عن الاتيليهات و الميك اب ارتيست والكوافيرات
والقاعات هايفيدني بيهم ربنا يكرمكم
طبعا انا قرات موضوع ايمان عن القاعات بس انا عايزة اعرف تجربتكم مع القاعات
كل وحدة عملت فرحها او خطوبتها في قاعة او فندق تحكيلنا بالتفصيل
عن الاسعار والامكانيات والديجيهات والتصوير وكل التفاصيل

فتاة مسلمه
عاوزه أسألكم عن حاجه : حد يعرف الحمام المغربي بيتعمل ازاي انا اصلي بصراحه عمري ما عملته و كمان مش عارفه اجيب منين الصابونه و الليفه المغربي
:smile:

bridetobe

أنا كمان نفسي أعرف موضوع الحمام المغربي ومكانه فين في مصر (عاوزة أجرب يا ناس :smile::smile:
اليي تعرف فيكم مكان للحمام المغربي أو معلومات عنه تقوللي لو سمحتم ربنا يتمم ليا ولكم على خير يا رب جميعا ان شاء الله
:smile:انا كنت بقراء في الموضوع ولقيت السؤالين دول لفتاة مسلمة
ولبرايد توب تحديدا في الصفحة 27وقلت لازم افيدكم وارد

بصوا يابنات انا قلت اني بعمل حمام مغربي في جيم...وبخرج منه مبسوطة جدا
وعلى فكرة بيفيد جدا ويفتح:up:بس عايز الواحد يداوم عليه عالاقل في
الاسبوع مرتين....
انا بجد بعمله في الجيم اللي بروحه بعمل ستيم وانا في الستيم بعمل حمام مغربي بجد هايل بيخلي جسمي زي المرمر....
بصي انا الحقيقة وصيت وحدة مغربية تجبلي صابون مغربي والليفة بتاعته
بس على فكرة الليفة بتتباع هنا من اي صيديلية وسعرها ثابت
انتوا قولوه عاوزين الليفة المغربية..اما الصابون المغربي اسالي عند العطارين:smile:

سؤال يا برايد ....السيتي سنتر فين انا سمعت كتير عنه بس ماعرفش فين
ممكن العنوان بالظبط
كنتي قلتي في االصفحة 30 الاتي
كمان بالنسبة للتصوير تعرفوا مين كويس؟

أنا أعرف آفو اللي في ابراهيم اللقان في روكسي شفت له حاجات حلوة قوي وهو اصلا للعرايس وبس ، لو تعرفوا حد كمان كويس قولولي


ياترى صوره عامله ازاي؟؟
وعنوانه فين ؟ولو في تلفون يبقى هايل..
وياترى عرفتي اي مصور تاني
يا بنات انا عاوزة اسال حاجة غريبة مش ملاحظين ان مافيش بنات بيصوروا طب ليه؟؟
مش المفروض يبقى في مصورات يكونوا فنانات كدة ..ولا رايكو ايه
لو حد يعرف اي مصورة وبروفيشنال اوي ياريت يفيدنا :smile:
مصراوية
نفسي في برفان استعمله يوم الدخلة
بس تكون ريحته قوية جدا ومميزة جداجداااااا
من الاخر يدوخ زي ما بيقولوااااااااااااااا
بس ياريت لو واحدة فيكم تعرف برفان يقدر يفيدني في النقطة دي انا قرات الرد بتاعك في موضوع الصفحة 28 وعاوزة افيدك
بصي عندك جادوور حلو وقوي وجميل للفرح
وكمان عندك ايديكت كريستيان ديور جربيه هايعجبك لو بتحبي البرفان التقيل ...
في كمان آللور من شانيل ....ياااااااااااااي جميل فعلا:up:
:up:جوتشي رش:up:بريمييه جور من لانكوم:up:
اسكادا سيكسي جرفيتي:up:
وطبعا الهايل كوكو مودموزايل ده بقى برفاني المفضل وخلصته وعندي قزازة وقربت تخلص:eek2:

بصي اي سؤال من عيوني ياقمر

ريهام نعمان
يابنات أحب أقولكم تجربتي في خطوبتي أنا عملتها في قاعة كاميليا

في دار الدفاع الجوي إتكلف حوالي15ألف وكان المدعوين 150شخص

أما الفستان فكان خطيبي جايبهولي من الكويت والكوافير عملت عند

مجدي وسيد بس كان هايل والله وسعره كويس 500جنيه

ياريت تفيدينا بتجرتبك في قاعة الكاميليا يعني ايه ميزاتها...
وبالتفصيل شوية يعني الصور كان في مصور ولا انتوا جبتوا
والقاعة دي ايه امكانياتها لو تسمحي يا قمر
ومجدي وسيد كان شكل الميك اب بتاعك ايه وشعرك:shy:

برايد كنتي قلتي ان في بنت في مجدي وسيد بتعمل ميك اب حلو
شكله ازاي تقيل ولا خفيف ولا لبناني ولا اوروبي ولا ايه
يعني قولينيا ماكياجك يوم الخطوبة كان عامل ازاي..وشعرك
عملتيه ازاي
كمان لو تقدري تفيديني بعنوان الخايطة بتاعتك او الاتيلييه اللي بتروحيه
وياترى هي كويسة.....

وكمان لو مكن تقوليلي درا الاشارة ايه مميزاتها
واسعارها ازاي...وايه نظام الدي جي والتصوير الفيديو والفتوغرافي
يعني لو ممكن تشرحيلي بالتفصيل...
وياترى المصور شاطر بتاع الفيديو والفوتو:s2
معلش انا بسال اسالة كتير لاني ممكن انخطب ويببقى جميل اني اعرف
اي حاجة منكم لا اكيد عندكم خبرة

-bridetobe
أنا متشكرة على ذوقك ياعمري.

بالنسبةللمصور شوفي إنت هتعملي فرحك فين وهم هيقدمولك أحسن

المصورين وعموما أنا بكرة هروح أتفق على المصور وهعرفلك مين أحسنهم

ده ردك يا ريهام في الصفحة33

ياترى سالتي وعرفتي اي حاجة عن المصوريين
فيدينا افادك الله وجزاكي خيرا
وياترى المكان اللي عاملة فيه فرحك المصوريين متميززين يعني بروفيشنال
وفنانين كدة ويطلعوا صور تطلع توووحفة ولا ايه النظام

ياريت تحكيلنا بالتفصيل
وبعدين عملتي ايه في الفستان ....خلص؟؟
ياللا قوليلنا بالتفصيل

يا بنات
لو سمحتوا ....مجلة ويدنج ايجبت و بلاك اند وايت بتجيبوها منين مش لاقياها
اللي عندها تقدر تفيدينا بنمر ناس مثلا
بينظموا الحفلة واالفرح
وناس بيعملوا كروت حلوة وشيك
وكوافيرات شاطرين
وتلفونات الميك اب ارتيست زي نانيس وامنة و شمس ياريت معلش هانتعبكم شوية تفاصيل
يعني انا كنت سمعت ذا كات بتوقل انه عندها كل الاعداد بتاعة المجلات دي
ياترى تقدري او لو ممكن نتشارك فيها .....:smile:


طب هي مالهاش موقع عالنت ممكن نستفيد منه....

هاى يا بناات

اتاخرت عليكم بس انتوا وحشتونى اوى اوى

بس اعمل اية بخرج من الصبح مش برجع الا الساعة 1 بالليل

ازيك يا مصراوية وامل عادل وريهام وبرايد
كلكم وحشتونى


سلام مؤقت لغاية ما ارجع واتكلم معاكم بالتفصيل

السلام عليكم ورحمة الله وبركاته

يا بنات أنا زعلانة منكم جدا
ما كانش العشم تسيبوني وقت الزنقة من ساعة عروستنا الحلوة ايمان ما انشغلت والباقي كله حصلها وسيبتوني لوحدي:confused::confused:

هالة

وانت كمان وحشتينا كنت فين يا بنتي ما تطوليش الغيبة كده

نسووم

ميرسي يا جميلة على ردودك ربنا يخليك

بالنسبة للمصور انا رحت له فعلا وعاجبني لأنه في ذهني من زمان عارفة ممكن تروحي له هو في 19 ابراهيم اللقان

الماكياج كان فعلا حلو انا قلت لها حطيلي روزات وسيبتها تعمل اللي هى عاوزاه كان تقيل شوية واستخدمت فيه الجليتر كثير والبنت اسمها حنان في مجدي وسيد اللي عند سور الكلية الحربية،

انا محجبة :cool2: علشان كده ما عملتش شعري وجبت طرحة حلوة قوي للفرح ان شاء الله

بالنسبة للفستان والخياطة

انصحك تتعاملي معاها في كل حاجة الا فستان الفرح لأنها دجوختني في الميعاد، بس انت ممكن تقولي لها على معاد قبل الموعد الحقيقي بشهرين مثلا علشان تضمني تاخدي فستان الفرح في ميعاده.


لو أى أسئلة تانية أنا في الخدمة :smile:

السلام عليكم ورحمة الله وبركاته
ايه اخبار عرايس المنتدى الحلوين اسمحوا لى بالمشاركة (u)
يا ريت حد يقولى منين اجيب عطر الفراش من مصر:shy:
please ساعدونى

مرحبا كيفكم صبايا .....حبيت سلم عليكن
وبارك للعرايس

اختي ميرونا حسب مافهمت من البنت مافي بمصر عطر الفراش موجود بالخليج ...بس فتشي في الموضوع يمكن تلاقي اجابة

شكرا عودة على الافادة ان شاء الله ادور فى المنتدى تانى :pain:
بس ياريت لو فى بنت مصرية تعرف حاجه تقولى:confused:

السلام عليكم ورحمة الله وبركاته

ما عليه اسمحوا لنا على الدخول بس نحن والله استفدنا من معرفة المحلات في مصر علشان أذا أوتيحت لنا الفرصة لزيارة مصر (( أم الدنيا )) نروح من أسماء المحلات اللى تكلمتوا عنها ......


العتب

يا أهلا بيكم موضوع جمييييييييل ومميز:clap:

كنت أحب أعرف عنوان محمد الصغير في مصر وهل عنده بنات في الكوافير
بيعملوا تسريحات شعر ومكياج بدلا عنه وبنفس الكفاءة لأني لا أحب الرجال في ذلك المجال رغم كفاءتهم ........... ولكنه الخوف من الرحمن :shy:

منورين الموضوع باضافتكم والله يا بنات


واحشيني كلكم اوي اوي


والف الف الف الف الف مبروك ليكي يا ايمي يا جميل
ومنتظرينك علي احر من الجمر

وان شاء الله يكون الفرح وشهر العسل
احلي مما يكون

:up::up:

اختي حبيبه الاسلام



بخصوص محمد الصغير عنده بنات يعملن في الصالون واذا اردتي في مكان مغلق للمحجبات

وهو موجود في فندق سميراميس وله فرع اخر في المهندسين
مقابل نادي الصيد في الدقي



ولكنه غالي شوي بما انه مشهور وكوافير النجوم فأخر صبغه لنرفانا ادريس مذيعه اوربت عنده واخر قصه لليلي علوي عنده



واي خدمه فاني احب مصر وبنات مصر

where are u??girls and brides

هاي يابنات مصر



بغيت اعرف فين احصل اواني منزلية كويسه في مصر( اواني الطبخ_ الكاسات_الفناجين-)

وفين ممكن احصل جلابيات وملابس نوم ذات مقاسات كبيرة

وملابس اطفال راقية



ارجوكم

السلام عليكم ورحمة الله وبركاته
إزيكم يابنات وحشتوني قوي قوي قوي

أنا اسفة لغيابي عنكم بس والله الدنيا اتطربإت فوق دماغي أصل عمي مات من 10أيام وطبعا بسبب كدة اتلغى الفرح وحصلت مشاكل بيني وبين خطيبي وبابا والنهاردة هيتحدد مصيري اذا كنت هتجوز ولا لأة؟؟
إدعولي يابنات ربنا يخليكم وشكرا على كل اللي سأل علية وأوعدكم إني هرد عليكم قريب.
لا إله إلا الله محمد رسول الله.

ازيكم كلكم يا بنات

وحشتوني جدا

انا رجعتلكم اهه بس معلش لسه ما عنديش خط تليفون في البيت ومش عارفه ادخل على النت اكلمكم

اول ما اروح عند ماما هدخل احكيلكم على كل حاجه بالتفصيل وارد على كل اسئلتكم

معلش دلوقتي مش هاعرف اطول

بس حبيت اقل لريهام البقاء لله وربنا معاكي وان شاء الله يعملك كل خير يا قمر

ألف مبروك للعروسة إيمان


و عقبال الباقي

ألف مبروك للعروسة إيمان


و عقبال الباقي

ريهام
الله يرحمه ويغفر له .....
وان شاء كل شي بيتسهل للخير اللي الله بده الك

اموووش
مبروك يا قلبي ....ناطرين التفاصيل والله يسعدكووا

االباقية في حياتك ياريهام

والله يكون في عونك والله موقف صعب ليكي اوي انتي وخطيبك
فعلا يعني اي حد مكانك لازم يفقد اعصابه


وان شاء الله ماتتعقديش وكل حاجة باذن الله تعدي علي خيرر
لان التوتر هو اللي بيصعب الموقف








ايمان

الف الف الف الف مبروك

:clap::clap::clap:

احنا منتظرينك تحكي لنا كل حاجة من ليلة الحنة
لحد اخر يوم عسل :D2

:shy::shy:


وما تنسيش وعدك يا ايمي باننا هنشوف صورة الفستان
وياريت لو العريس والعروسة معاه:D2


ويالا عقبال الباقيين يارب

ربهام وهالة اللي نسيتنا وبرايد وكل البنات


وعقبالي يا رب