هام للبنات المصريات

السلام عليكم
ازيك يا hala
الموضوع منور بصحابه
و زاد نور بطلتك علينا بعد غياب

انا مبعرفشى استخدم الخاص و كل ما افتحه تظهر لى صفحه فيها الرساله ده
يجب ان تشارك 15 مشاركة قبل ان تستطيع استخدام نظام الرسائل الخاصة
اصل انا جديده
مش مشكله ابعتيلى ايميل على ايميلى
[email][email protected][/email]
و ان شاء الله هبعتلك كل النمر اللى انت عاوزاها
و من رئى الخاص امنه الهيتامى بجد بجد فنانه لا يعلى عليها مكيجها تحفه
ممكن تروحلها و هى عندها صور كتيره لعرايس و ممثلين ممكن تتفرجى عليهم و تحكمى بنفسك و على فكره بنت خالتى عملت عندها المكياج الى طلبته عملتهولها بظبط و احلى مما كانت تتخيل روحى و شوفى مش هتخصرى حاجه

ممكن توصفيلى اكتر مكان محل تشانس ستوك علشان ابقى اروحه

و اى اسئله انا فى الخدمه
bye

ازيك يا ايمى يا حبيبتى وحشتينى اوى
وانا بجد كنت مستنية ردك الجميل دة :D2:D2:D2:D2:D2

بالنسبة للقاعة طبعا موضوع دليل القاعات اللى انتى عملتية فادنى موت على الاقل انى ملفتش كتير وحددت انا هروح فين على حسب عدد الافراد وكمان حجم القاعة وكمان الامكانيات المادية:cool2::cool2::cool2:

انا حجزت فى دار القوات الجوية قاعة ليلتى(wink) (wink)

والحمد للة عندى وقت اخلص فية اللى ناقصنى على الاقل ابدا انزل اشترى الصيفى


بالنسبة بقى للمكياج والشعر

نصيحة منى يا ايمى ابتدى احجزى من دلوقتى علشان الاسعار هتغلى من اول 5 وكمان الحجز متفل لغاية اخر 8 عند ميسو عبدة وعلاء التونسى

لانى سالت واتصلت بيهم قريب


كنت عايزة اسالك

اية احسن كوافير ممكن يعمل صبغة للشعر وكمان تسريحة العروسة؟؟؟؟؟؟؟؟؟؟؟؟؟واسعارة كام ؟؟؟؟؟؟؟؟؟؟

ياريت تفيدينى يا ايمى علشان ابدا ادور برضة :yes: :yes: :yes:


اصلى فى عادة وحشة اوى وهى انى لازم الف وادور على الحاجة اللى انا عايزاها علشان اقرر فى النهاية هاخد اية؟؟؟؟؟؟؟؟؟؟


وماما هى اللى تعبانة معايا من كتر المشاوير واللف
:gum: :gum: :gum: :gum:

teawater2002

ميرسى يا حبيبتى دا انتى الموضوع اللى منور بيكى من ساعة مادخلت وشاركت معانا فى الموضوع دة

بالنسبة لتشانس ستوك

جنب العطارة الهندية

يعنى لو انتى جاية من ناحية بيتزا بلس خشى اول فتحة يمين وعدى الشارع الناحية التانية

مصراوية
انتى فين

؟؟؟؟؟؟؟؟؟؟؟؟؟


انا مش عارفة الاقيكى خالص

ازيكو يا بنوتات وأحلى عرايس :smile::smile:

انا بقى دخولي السايت صعب جدا مش عارفة ليه بقى بيغلبني خالص:down:

ايمي ، ازيك يا احلى عروسة أنا آسفة ما شفتش ردك الا دلوقتي يا جميلة (تصوري كنت بأروح لآخر صفحة على طول :o)

ربنا يكون معاكي في اللف ما تقلقيش ان شاء الله كل حاجة هتكون تمام ان شاء الله :up:

انا الحمد لله تقريبا يعني خلصت :cool2: فاضل بس حجرة النوم والفستان والمطبخ والنجف:s2 :pain: هانت مش كده :D2

يعني شوفي أحسن مكان للنجف في الرويعي ودرب البرابرة طبعا ولو ما لاقيتيش ، فيه محل في أرض المعارض محل دائم في ممر في السوق التجاري ناحية زهران ، بس عنده شوية نجف تحفة :up: وطبعا لازم تفاصلي :cool2: كويس

أنا كنت هناك في معرض القاهرة وفي نجفة عجبتني كان سعرها 520 وصلتها لـ 400 وانا كنت مصرة على 350 وهو مصمم على 400 فمشيت وسبته لأني كنت لسة ما رحتش درب البرابرة

هابعت لك رقم مدام منال على الخاص ان شاء الله (شوفي أنا ما شفتش طرح عرايس بس أنا كلمتها على التليفون ومتهيأ لي انها ممكن تعمل الفستان والطرحة ، كلهم كده متهيألي) هى عنوانها 328 ش فيصل ، محطة حسن محمد، ابراج الشروق، برج 5 الدور التاسع شقة 92

دلوقت أنا اللي طولت عليكي :shy:

عموما انتي لا طولتي ولا حاجة ربنا يتمم لك على خير ولو احتجت حاجة قولي على طول :smile: لازم نساعدد بعض وأنا في الخدمة في أى وقت يا ستي:smile:

تي واتر وصلني ردك يا قمر :smile: ما نتحرمش منكم يا افندم :smile:

قولي لي عملت ايه وصلت لحد منهم ؟

هالة أهلا بك :smile: :up: ده نورك والله

الف مبروك على حجز القاعة :clap: ربنا يتمم لك بألف خير

انا لسة ما حجزتش ادعولي علشان مستنية خطيبي يفضالي يوم ونروح نشوف القاعات :pain::smile:

مصراوية

اهلا بك يا رب أكون فعلا أفدتكم

شوفي رود وغدير هو اللي بيبيع عبايات :up:


بالنسبة للمحل سامحيني أنا كنت متلخبطة هو في شارع المقريزي مش الخليفة المأمون :o أنا لسة سألة صحبتي اللي أخدت منه فستانها

اسمه بون مارياج :smile: وفي برج الأطباء

ربنا يسعدك ويكون الفرح قريب ان شاء الله لو اتجوزت الأول هابعت لك صور الفستان علشان تشوفي شغل الخياطة (بس ادعي لي ربنا يهديها وتعمل زى ما أنا عاوزة) :s2

يوم السبت رحت أعمل بروفة لاقيتها بتقوللي انها ودت القماش علشان الشغل فيه كله :rolleyes: مع اننا اتفقنا انها هتودي جزء صغير بس ولما الشغل يعجبني أقولها تكمل :pain:

قالت لي انها هتكلم الرجل اللي بيشتغل الفستان وتقوله يستنى :pain:

ربنا يستر بقى :confused:


على فكرة يا بنات معرض زوجات الدبلوماسيين بيكون في شهر 6 ان شاء الله وساعات دول الهند وباكستان بيعرضوا عبايات قماش تحفة أنا جبت منهم مرة وسعرها مش غالي أبدا :up::clap: غالبا بيكون في أول يونيو وبيعلنوا عنه في الأخبار ن سوزان مبارك هى اللي بتفتتحه:smile:

تعرفو في مرة جبت منه عباية من جناح باكستان بالسرما تحفة :up:وبكام تفتكرو؟






خمنو كده





:gum: :gum: :gum: :gum:



مائة جنيه بس والله


الخياطة اللي قفلتهالي كانت هتجنن عليها وقالت لي دى ما تقلش عن 500 أو 600 وكل اللي شافها اتخبل عليها :cool2:

انا طولت عليكو تلاقيكم

زهقتم مني يلا باى دلوقت
:z_bye:

هاله ازيك يا قمر

الف الف الف مليون مبروك على حجز القاعه يا جميل وربنا يتمملك بالف خير ان شاء الله

وشيدي حيلك وخلصي حاجتك بسرعه بلاش تزنقي نفسك زي صاحبتك اللي هي انا طبعا:pain:

ما فيش احسن من ان الواحده تخلص حاجتها بدري وترتاح قبل الفرح

بالنسبه للمكياج انا لسه محتاره مش عارفه اعمل عند مين فبالتالي لسه مش عارفه احجز

اما بالنسبه للكوافير للصبغه والقص انا لسه زيك بادور على حد كويس ويكون متجرب علشان ما ينفعش اول ما اجربه يكون على الفرح ولسه ما لاقتش حد اول ما اوصل لحاجه هاقلك على طول يا جميل

بس انتي ما تغبيش علينا كده تاني
:shy::shy::shy:


bridetobe

ازيك يا عسوله انتي عامله ايه يا ريت النت يتعدل معاكي بقى علشان انا بقيت بافتقدك جدا مش هاشكرك تاني المره دي علشان ما تزعليش على العموم ما فيش شكر بين الصحاب

مش احنا كده نبقى اصحاب برضه:shy::shy::shy:

ربنا معاكي في الي ناقص ليكي وادعيلي استقر على حد اعمل عنده الفستان بقى لحسن الوقت سرقني مووت وانا بدات اقلق جدا

على فكره لو كنتي عايزه تحجزي الفرح في الصيف يدوب تلحقي شفتي هاله ما لاقتش حجز غير في شهر 9 وكل ما تتاخري الفرص تقل يا رب خطيبك يفضى قريب

بالنسبه لمعرض زوجات الدبلومسين ده مكانه بيبقى فين بالظبط

اما النجف انا غالبا هجيبه من درب البرابره في هناك كمان مصنع اعتقد ممكن تروحيله يعملك الموديل اللي انتي عايزاه بالمقاس اللي انتي عايزاه وبعديت اطلي اللون اللي انتي عايزاه عند قنديل بضمان 10 سنين والكريستال طبعا من عصفور يعني نجفه تجميع ايدك:D2:D2:D2

على العموم ربنا معانا ويبارك لنا في الوقت علشان نلحق نخلص حاجتنا بقى

ايمي صباح الفل

أنا لسة بعتالك على الخاص

ربنا يخليكي أنا كمان بقيت أفتقدكم كلكم وأتمنى اننا نكون فعلا أصحاب أنا باحب أعرف الناس اللذيذة الجميلة اللي زيكم ، :up::up::cool2::clap:

المعرض بيكون في نادي زوجات الدبلوماسيين اللي في وسط البلد (طلعت حرب) عارفة عمر أفندي اللي على ناصية طلعت حرب خليكي ماشية في صفه هتلاقي تقاطع أول ما تعدي الشارع هتشوفي النادي طبعا مبني قديم وبوابته جميلة جدا تحسي انك في سنة 40 واللا حاجة :smile::up:

وبيكون غالبقا في 3 أو 5 يونيو وبيستمر 3 أيام

ربنا معاكي في الحاجات اللي فاضلة ، أنا هاسأل على المصنع اللي قلت عليه ان شاء الله




على فكرة بصوا على الموضوع بتاعي "أحلى فساتين عرايس" أنا حطة فيه شوية فساتين حلوة كانت بتقابلني وأنا بأدور على فستاني يمكن يعجبكم حاجة فيه ان شاء الله:cool2::clap::clap::up:

سلام دلوقت يا بنات

هاى ازيكو يا بنات

انتوا فين ؟؟؟؟؟؟؟؟؟؟؟؟؟؟؟؟

اكيد طبعا الكل مشغول دلوقتى فى الجهاز يلا ربنا معاكم

ايمى حبيبتى

ازيك يا قمر :cool2::cool2::cool2:

شيدى حيلك اكيد انتى قربتى

واول ما تلاقى الكوافير والماكيير قولليلى علشان انا لسة محتارة احجز عند مين بس

اعتقد انة هيكون ميسو عبدة لانة شامل المكياج والكوافير احسن من الشحططة
:up::up::up::up::up:

والفستان انا رحت عند نورهان اللى فى عباس العقاد

بصراحة الفساتين رخيصة عندة يعنى اغلى فستان بحوالى 2500 والفساتين كلها فى رنج

2000 --- 1500

يعنى نوعا ما اسعارها كويسة

بس الفساتين تحسى انها كلها شبة بعض وكلها تطريز بزيادة اوى

انا شكلى كدة هفصل بس مش عارفة مين الخياطة اللى ممكن الواحد يثق فيها

:sad: ياريت لو حد يعرف خياطة بتفصل حلو يقول لنا يا بنات

وقوليلى اية اخر اخبارك فى اللف على فستان الفرح




:s2:s2 اة صحيح انتى ساكنة فين؟؟؟؟؟؟؟؟؟؟؟



مصراوية


انتى فين يا قمر؟؟؟؟؟؟؟؟؟؟

وحشتينا اوى

ربنا معاكى اكيد انتى مشغولة

كنت عايزة اسالك

الاتيلية بتاع امينة شلباية اللى كتبتى عنة

هو فين بالضبط علشان اروح اشوف فية فساتين وياترى اسعارة عاملة ازاى؟؟؟؟؟؟؟؟؟؟؟؟؟

:think: :think: :think:


اوعى تطنشينى ولا اقولك انا هبعتلك رسالة على الخاص

teawater2002

انا بعتك ايميل ياحبيبتى ياريت تردى عليا

وعايزة اعرف منك هى فين امنة الهيتامى

يعنى فين السنتر بتاعها؟؟؟؟؟؟؟؟ والعنوان او رقم التليفون واسعرها كام؟؟؟؟؟

bridetobe

عقبالك يارب لما تحجزى وتخاصى من هم اللف على القاعات

بس بصراحة ايمان ربنا يكرمها عملت لنا دليل القاعات فى مصر وكان اكتر من هايل:up::up::up::up::up::up::up:



يلا باى

اهلا وسهلا
انا جيبت


والله يا هالة نورتي الموضوع من تاني بعد ما قاطعتينا فترة

فينك يا بنتي

مبروك ع الحجز
والله والله فرحت لك جداجدا جدا

وان شاءا لله تقدري بقا تخلصي كل الحاجات اللي باقية لك في الجهاز

بس والنبي يا هالة تقولي لي

انتي القاعة والفرح هيكلفك كام
الفرح كله يعني ؟؟؟

وايه الحاجات اللي موجودة في برنامجك بتاع الفرح

ودفعة الحجز كام

؟؟


والنبي يا هالة ادعي لي عشان احجز بقا انا كمان همووووت واحجز الفرح

ويارب الاقي مكان

:confused::confused::confused:

بس اهم حاجة السعر
وكمان العدد ومكانيات القاعة وده كله


وعلي فكرة ليا واحدة معرفة
بتقص شعرها وهم في كوافير في الدقي واحد اسمه مروان اللي
بيقصه ليها

والله قصتها دايما زي الممثلين

وايداه مزبوطة ايه:up:

وكما شفت له صبغة بس مرة واحدة كانت تحفة


بس علي رايك خليكي في مسيو عبده اسهل كله عنده
ومجرب ومعروف

وما فيش اي حد طلع من عنده وحش
لما ربنا يسهل لي ان شاء الله هحجز عنده:confused::confused:



وهسال لك صاحبتي علي اتيليه امينة شلباية
عيونا ليك يا جميل

وفعلا دليل ايمان وفر علينا كتير جدا جدا ربنا يخليها لينااا


تسلم يا ايمي يا جميل

ويارتي عملتي ايه في البرنامج بتاعك
وايه اخر اخبارك واخبار فرحك وفستانك

bridetobe

متشكرة والله لذوقك واخلاقك العالية

وان شاءا لله هتعمله حلو ما تخافيش
باذن الله هيكون حلو
انتي توكلتي علي الله وربنا باذن الله مش هيكسفك

ازيكم يا جماعة :smile: انا جيت بس مش هاطول علشان عندي شغل:confused::pain:

مصراوية

ربنا يخليكي ده بس من ذوقك والله ربنا معاكي ويكون فرحك قريب ان شاء الله

هالة

ميرسي يا قمر والف مبروك مرة تانية على الحجز:smile:

والله انا كمان نفسي نحجز بسرعة ادعولي:pain:

ايمي

ازيك وحشتينا يا بنتي فينك ، بجد والله زى ما البنات بيقولوا موضوع قاعات الفرح هايل ربنا يجازيكي خير عنه :clap::clap::clap: انا حتى عطيته لحد من زمايلي هو كمان هيتجوز قريب ان شاء الله وبيشوف حجز

يا بنات عاوزة أسألكم على حاجة قبل ما امشي

احضر ايه علشان الصباحية ؟ :o ألبس ايه ومن فين ساعدوني الله يخليكم :confused::shy:

bridetobe

لو انتم لوحدكم

اكيد يفضل قميص وروب شيك
وبعد الظهر عباية شيك وعندك المتحجبة فيها حلو كتير وخاصة فرع جنينة:up:


ولو هيجي لك ضيوف
اعتقد بدلة لو طقم شيك ورقيق ويكون سيمبل


وفي نفس الوقت فخم
وده اكيد لاهله طبعااااااا

ازيكم يا بنات عاملين ايه كلكم والله وحشتوني موت بس معلش مشغوله شويه اليومين دول

الحمد لله ان دليل القاعات لاقى اللي يستفيد منه بس ياريت اللي عندها حاجه زياده تضيفها وكلها فايده للباقين

هاله ازيك يا قمر عامله ايه انا يا سيتي ساكنه في شبرا وبالنسبه للماكيره لسه محتاره والله بافكر في امنه الهيتامي مكياج حلو وهادي شوفتاهاصور كويسه في مجلات بس لسه ما وصلتلهاش اما الكوافير انا مش محتاجاه علشان هالبس الحجاب فاهعمل شعري عادي عند الكوافيره بتاعتي

اما الفستان انا برضه روحت لنورهان فرع عباس العقاد وروكسي كمان وزي ما قلتي الفساتين شبه بعض وماعندهمش موديلات جديده بنت خالتي كانت جايبه فستانها من هناك كان ب2000 وكمان واحده صحبتي هما كانوا حلوين بس مافيهمش جديد ورحت كمان اجني لاروش كايرو ولاقيت الموديلات تقليديه بس السعر اعلى شويه ورحت لماي ليدي بس سعاره نار يعني اقل حاجه 4500 وتقريبا مافيهاش تطريز خالص وتلاقي 6000 و7500 علشان كده استقريت على التفصيل بس لسه بادور على حد ثقه وايده مظبوطه ولو وصلت لحد اكيد اكيد هاقلك على طول

bridetobe
ازيك يا جميل عامله ايه الحمد لله ان الدليل فادك وبالتوفيق انشاء الله في الحجز

ربنا معاكي في اللي فاضلك بالنسبه لموضوع هدوم الصباحيه انا مع مصراويه في رايها وانشاء الله تلاقي حاجه كويسه ومناسبه

بالنسبه للفستان انشاء الله هيكون كويس ويطلع احسن ما انتي متخيله ومش هاطول عليكي علشان شغلك ومرسي على الميل وهارد عليكي

مصراويه والله والله وحشاني جدا عامله ايه وايه اخبارك وازي خطيبك يارب تكوني استقرتوا بقى وتعملوا فرحكم قريب في الصيف انشاء الله انا شخصيه باحب افراح الصيف وباحس انها فيها بهجه اكتر

انا اليومين دول مشغوله عندي شوية ظروف صعبه اول ما تخلص يادوب الحق انزل اشتري قماش تنجيد السفره واروح للنجار اختار الوان الدهان علشان الفرش يخلص انشاء الله على اخر الشهر ده وابدأ افرش من اول مايو يادوب علشان الحق اجيب اللي ناقصني من رفايع وخلافه

اما الفستان فلسه مااستقرتش على حد يفصل ادعيلي يكون قريب واستني من ايميل قريب

سلام دلوقتي

ازيكم يا بنوتات وحشتوني والله


مصراوية متشكرة يا قمر على ذوقك وردك عليا

يا بنات أنا بدأت أحس اني جبنت وحاسة ان الوقت قرب وخايفة :o:confused: انتم حاسين كده برضه:confused:

مش عارفة أعمل ايه :confused:

كمان انا الكبيرة وماليش اخوات اتجوزوا قبلي فمحتاسة:pain:

انا فعلا لازم أروح محل المحجبة (تصوروا عمري ما رحته مع ان الكل بيشكر فيه) فيه كمان كم محل في المعادي جراند مول للعبايات هابقى أشوفهم ان شاء الله :smile:

ايمي ربنا معاكي وكله يعدي على خير ان شاء الله، بس لازم تنزلي تشوفي الفستان احسن انتي فعلا قربت (ربنا يعينك):smile:



سلام يا بنات دلوقت أحسن أنا اليومين دول عندى أطنان شغل (بيفضلوا نايمين وبعدين يفوقوا ويجيبوا الحاجة مستعجلة):pain::pain:

مصراوية

ازيك يا حبيبتى:smile::smile::smile::smile::smile:


دة انتى اللى منورة الموضوع دايما بكلامك الذوق اللى يجنن:D2:cool2::cool2::cool2::cool2::cool2:

بصى يا قمر بالنسبة للحجز دفعت عربون 1000 جنية علشان احجز اليوم مبدئيا

بالنسبة للبرنامج احنا لسة محطناش برنامج لانة لسة بدرى بس المفروض انى اروح قبل الفرح بشهرين ونص علشان نحدد التفاصيل

يعنى لسة على نص شهر 6

بالنسبة لتكلفة الفرح لسة محسبتهاش ودة هيكون على حسب اللى هطلبة فى القاعة من اضاءة وزينة يعنى عامة الاكسوارات بتاعة القاعة ودية عامة بتكون اختيارية

لسة مش عارفة لو لقيت ان الفلوس هتكفى هزود فى الاضاءة وكساوى الكراسى والورود على الترابيزة يعنى الحاجات الخاصة بالديكور


ودة طبعا علشان هيكون على حسب عدد الافراد واحتمال يكون 250

ربنا يسهل
واول ما اعرف انا هعمل اية هقولك علطول:cool2::cool2::cool2::cool2:

ويارب يا مصراوية تحجزى بقى علشان انتى فعلا هترتاحى اوى

خصوصا لما تحسى انك مربوطة بميعاد معين :smile::smile::smile::smile::smile:

واوعى تنسى اتيلية امينة شلباية:shy::shy::shy::shy::shy:

ايمى

ازيك يا عسل

انا عايزة اعرف منك هى امنة الهيتامى كويسة يعنى احسن من ميسو عبدة ولا اية؟؟؟؟؟؟؟؟؟؟؟


وهى عنوانها فين باضبط؟؟؟؟؟؟؟

وبالنسبة للفساتين شفتى زى ماقلتلك نورهان باقت الموديلات فيها مش حلوة اوى حتى الرسمة اللى فى التطريز عادية جدا

بصى فى محل فوق نورهان علطول اللى فى عباس العقاد اسمة مشمش لسة فاتح جديد من شهرين

وعندة حاجات حلوة نوعا ما احلى من نورهان:up::up::up: وفى نفس الاسعار بتاعة نورهان

كمان ممكن تغيرى فى الموديل وعندة تاجير


bridetobe

انا قلت ل ايمان على الفساتين روحى شوفى يمكن موديلات تعجبك علشان فرحك قرب

هو فرحك امتى ؟؟؟؟؟؟؟؟؟؟

وحاولى تهدى علشان مايبانش القلق عليكى وياثر على صحتك
وان شاء اللة تجيبى كل اللى ناقصك

بس اهم حاجة ركزى على الفستان واخلصى منة



بالنسبة للبس الصباحية

المشكلة انى مش بحب العبايات اوى

ممكن البس بنطلون كلاسيك وشميز شيك
او بدلة

اية رايك؟؟؟؟؟؟؟؟؟؟؟؟؟؟؟؟

يلا بقى باى يا جماعة

هالة

ازيك يا قمر

أنا خلاص بأفصل وربنا يسهل ويسترها ان شاء الله :D2 :D2

بس أنا فعلا حاسة باكتئاب وجبنت خالص :confused::pain:

انا فرحي في 8 ان شاء الله بس لسة ما حددناش ميعاد :o

متهيألي زى البنات ما قالوا لازم لو في ضيوف من أهله يكون بدلة أو تايور أحسن علشان يكون مميز أكثر من البنطلون والشيميز

ولو يكون تايور يكون حسن حاجة ناعمة خالص (شيفونات يعني) ومتهيألي لو الضيوف ستات بس ممكن تكون حاجة فيها دلع يعني قصيرة مثلا شوية ايه رأيك انتي؟

انا اقتنعت بكلام البنات بس أنا محتارة يكون شكله ايه عاوزة حاجة مميززززززززة خالص ربنا يسهل وألاقي ان شاء الله

ربنا معاكم كلكم يا بنات لو كلكم زيي تبقى حالتكم صعب جدا ده أنا بدأت أخاف قوي من الحياة الجديدة والعشرة الي انا داخلة عليها :confused::o

يلا سلام دلوقت :smile:

hala717


مشكورة ع الدعوة ويارب تكون من نصيبي

بس يا هالة انا قصدي يعني

اولا

تقولي لي اسم القاعة
لان صاحبتي هتعمل في الكاميليا

وقصدي بالتكلفة يا هالة
يعني القاعة الفر ح فيها مش بيقل عن كام
يعني كل قاعة وليها ادني حد ما تقلش عنه

بس

وياتري يا هالة شفتي الماسية والجوهرة في المشاة

ويا هالة يا ناصحة ما ينفعشي
في الصباحية بنطلون وشميز

ده ممكن يكون مع اصحابك مش مع اهله
:cool2:


bridetobe
ان شاء الله هيكون الفستاان حلو بس اتكلي علي الله




وايه رايك فيهم وسعرهم كام

معلش بتعبك معاياااااااا