مشكلتي المتعبة ،، زوجي ساعدوني!

الاورجوان;14894560:

الله يعينك اختي من جد وضعك صعب ....

لو عندك عيال كان قلت تعود على الهدوء وصار ما عاد له خلق صراخهم .. بس انتي ما عندك عيال !!!
المفروض وجودك يكسر عنه الملل والروتين ويمشي عليه الوقت ...!!!

مالك حل الا بالمواجهه وفتح الحوار الصريح <<<<
اسأليه وقولي ليه صرت تتعامل معي بجفوه وانت ما كان طبعك كذا ؟؟؟!!! اذا فيه شيئ مضايقك مني قلي وانا اتركه
لاني من جد مليت من هالوضع والصمت من غير سبب ... بيني له انه تصرفه هذا متعبك كثير نفسيا
وانه التعب النفسي مو زين لحصول الحمل ......

الله يوفقك ... وطمنينا عليك ..
اختك <<الاورجوان

بحرينيـة 88;14894744:




هلا حبيبتي .. بعد عمري والله

اني معورة راسج بموضوعي ولا دريت ان اللي فيج كافيج وزود ،

اني اعتقد ان ماكان المفروض تتركينه لمدة شهرين وتروحين بيت اهلج لان فهالحالة بيتعود على غيابج الا اذا كان الحمل يعني بعلاج او شي وما يبي له حركة بتاتا .. عالعموم خيوه ترى ردة فعل زوجش عادية من صدمته من الموضوع خصوصا انه كان يتمناه من زمان واهو بروحه اعتذر لش .. اني لو اقولش سالفتي بتضحكين : اني هالشهر اخرتني الدورة 9 ايام وزوجي كان مأمل إني حامل وكان محاسب ليي محااسب ويوم تاسع من اخرتني رحت نشرت الثياب على الحبال فوق والسلة كانت ثقيلة ومن نزلت جتني الدورة وهوه عفس الدنيا عليي ويقول ليي هذا حمل وانتين تسببتين في تطيح الجنين والحين بوديش المستشفى واذا طلعتين حامل وينزل بسببش عمري ما بسااامحش !! وفي الاخير طلعت دوووورة هههههه وهوه ذابح روحه ويصارخ عليي ويحملني الذنب ..

شفتين خيوه عجل زوجش وش يقول ؟؟؟ هذا وانتين كنتين حامل فعلا ..

اني ادري ان ماله حق يصارخ عليش بس هذا كله من صدمته لا اكثر واللا انتين مالش ذنب!

عالعموم حبيبتي ما بي اطول عليش بس افضل حل هوه انش تصارحين زوجش عن سبب تغييره ولو ان السبب واضح يعني من ضيقته يمكن على الموضوع لا اكثر ولا اقل ووضعنا في البحرين كلمن متضايق ورجالنا كلهم مو على بعضهم .. والحياة الزوجية تمر بحالات فتور وتجدد وفتور وتجدد وهذي هيه .. وباعدي عنش الوسواس والافكار الشيطانية ،

وبالتوفيق حبوبة وطمنينا عنج ،

أشواك ورد;14896330:
المشكله الي تكلمتي عنها انسيها تماما وخلي عنج الحساسية , بالنسبة لطريقتكم اسوأ

شئ في الحياة الزوجية أنكم تقعدون ع النت , وانتو مع بعض هذا خطأ جسيم تقترفونه ,

المفروض لما زوجك يدخل البيت , تستقبلينه , تبتسمين له , وتسمعينه ريج حلو , ولما يقعد

ع النت مب تروحين تسوين مثله , وتقعدين ع النت , بالعكس جيبي له عصير برتقال ,

وتعالي له من الخلف وداعبيه , كلميه كلام حلو , واذا حسيتي أنه مشغول عطيه قبله وروحي

عنه , انشغلي بشئ مفيد وهو موجود , لأن انشغالكم انتو الإثنين في النت يؤدي الى الفتور

واذا النت موجود في الصاله مثلا وانتي داخله ناظريه عطيه غمزه , وانتي طالعه سوي روحج

داخله تاخذين شئ , سوي له حركه فيها اغراء اما بالنسبة للكلام الي قاله عن الإجهاض

فهميه أن هذا ما له علاقة بإهمالج , هو الحين الإجهاض منتشر وفهميه وانتي مبتسمه أن

الخيرة فيما اختاره الله , ( وعسى أن تكرهوا شيئا وهو خير لكم ) ادخلي عليه من باب الدين

وخليج حكيمه , ولا تزعلين نفسج على اسباب تافهه الرجال كل شئ يقول , لما يسفه لك

يعني مثال روحي بيت هلك كم يوم , قولي له , وانتي مستانسه ايه عادي باروح بس الله

يعيني , على الصبر , سمعيه كلام رومانسي خليه يتجنن , ابتعدي عن اللوم والعتب ,

لا تهتمين فيه كأم اهتمي فيه كحبيبة , الفرق بين الإثنين , الأم تتحرى عن مكان ابنها اين

أنت لماذا لم تأتي الم تشتاق الي , وحشتني , لا الزوجة وضعها مختلف , حينما ترفع

السماعه تجعل من صوتها مثل حليمة بولند , (هلا حبي , وينك وحشتني , هلا عمري )

عطيه فرصه هو يتكلم , (بغيت شئ روحي) , اذا قال بامر عليج , ( حياك الله حبي ) , تدلعي

عليه بكلامج .