مشكلة صديقتي الطويلة ومعاناتها

الله يفرج همها ويسر امرها

فديتج خليها تدور لها شغل وتطلع لها سواق وسياره وترتاح من مرة اخوها
وشويه شويه تطور نفسها
دامها قادره تداوم ليش تستنى مساعده من الغير
خلها تطور نفسها بنفسها وتشغل وقتها بالدوام والتحفيظ
وربك بيفتح عليها
لان مب لازم تستنى وبس المفروض تسوي شيء عشان وضعها يتغير
والسما ما بتمطر عليها بـ بيزات وعطايا اذا هي ما سوت شيء

ثانيا مافيها شيء اذا سارت لمحامي وخبرته عن سالفتها وهو بيقول لها شو تسوي
ومب لازم تسوي على الاقل تعرف شو رايي المحامي بهالموضوع
لانها بترتاح
وتقدرين تساعدينها بانج تودينها المحامي

وبالنسبه لامها خلها تفهمها بالتدريج لان الحريم لما يكبرن يسوين شرات الياهال
والاستيعاب عندهن يقل
فـ خليها تكلمها مثل الياهال وكل مره تقولها السالفه نفسها باسلوب مختلف وبالتريج بتقتنع


الله يوفقها دنيا واخر

الله ييسر امورها بس الحل بيدها ، اذا ماتحركت وطالبت بحقوقها / وضعها عمره مايتغير ولابتستفيد شي واول خطوة هي ان هي تتحرك على موضوعها وتشتغل على موضوع الاثبات وتكلم محامي او مستشار قانوني يساعدها ، وبعدها اذا هي سوت كل هذا بامكانها تقدم على طلب للحصول على المساعدة الاجتماعية للارامل واليتامي ، وراح تتيسر امورها وتتغير حياتها شوي

وسالفة الزواج هذا قسمة ونصيب ورزق من الله ، لكن حتى سالفة الزواج مايبي لها أمراة شخصيتها ضعيفة ، الزواج يبي لها تكون شخصية قوية حتى تقدر تتعامل مع زوجها واولادها ، واذا كنتي انتي واهي تعتقدون ان الزواج حل لمشكلتها ، فاانتو غلطانين ، نتمنى لها الستر والزوج الصالح ، بس في البداية لازم تدور على حل لمشكلاتها الاساسية وتقدر تدبر امورها بنفسها ولاتعتمد على اخ او زوجة اخ .....

الله يفرج همها وهمنا جميعا يارب

تسلمون على المرور الطيب واشكر كل من دعى لها او اعطاني حل لمشكلتها وكلامكم عين العقل

فراشة ترى النور;15490534:
الله ييسر امورها بس الحل بيدها ، اذا ماتحركت وطالبت بحقوقها / وضعها عمره مايتغير ولابتستفيد شي واول خطوة هي ان هي تتحرك على موضوعها وتشتغل على موضوع الاثبات وتكلم محامي او مستشار قانوني يساعدها ، وبعدها اذا هي سوت كل هذا بامكانها تقدم على طلب للحصول على المساعدة الاجتماعية للارامل واليتامي ، وراح تتيسر امورها وتتغير حياتها شوي

وسالفة الزواج هذا قسمة ونصيب ورزق من الله ، لكن حتى سالفة الزواج مايبي لها أمراة شخصيتها ضعيفة ، الزواج يبي لها تكون شخصية قوية حتى تقدر تتعامل مع زوجها واولادها ، واذا كنتي انتي واهي تعتقدون ان الزواج حل لمشكلتها ، فاانتو غلطانين ، نتمنى لها الستر والزوج الصالح ، بس في البداية لازم تدور على حل لمشكلاتها الاساسية وتقدر تدبر امورها بنفسها ولاتعتمد على اخ او زوجة اخ .....

:thumbs_up: والله يفرج همها ان شاء الله