تأخرت بالزواج ..وبديت أخاف ..تعالوا بنات انصحوني ساعدوني خففوا عني:(

ربنا يسعدك ويوفقك ويكرمك بالزوج الصالح اللى يراعى اللة ورسولة فيكى اللهم امين

SuNSh!Ne;14883957:
حسبي الله ونعم الوكيل الناس ما عاد لها شغلة غير تتدخل بأرزاق غيرها ياريت ينشغلوا بهمومهم مثل مو مشغولين بهموم الناس
أنا مثلك يا أختي مو متزوجة وعمري 25 سنة مين ما شافني ما يرحمني من أسئلته لحد ما حسيت إني حأنفجر
ومالنا غير الصبر والدعاء الله أرحم بنا من الجميع
الله يوفقك ويستر عليك وعليي وعلى بنات المسلمين بأزواج صالحين يخافوا الله فينا

نفس حالي بالضبط لكن اتخذت قرار الا وهو التطنيش واعيش حياتي ما بين صديقات والوظيفه والهوايات والله يرزقني ويرزقكم الازواج الصالحه في القريب العاجل ان شاء الله

افتخري انش دكتوره

و الزواج بجي بجي لازم في اللى بيقدرش

لا تنحبطين بسرعه و بعدين توافقين على اي من يتقدم لمجرد الزواج

الزواج جميل لكن اذا لقيتي اللى يقدرش و يفتخر انه زوجته دكتوره !!!!!

اما اذا فكرتي بس في الزواج لان محد تقدم لي راح تتهورني و توافقين على اي شخص يتقدم

لج و ممكن يكون هالشخص انسان سئ و تندمين و تقولي يا ريتني ما تزوجت

عيشي سعيده و انتظري لما يجي الى يقدرش و اللى تحسين مواصفاته اللى تحبينها و تتمنينها في زوج المستقبل

و راح يجيك بس تفائلي بالخير تجدينه

وانا اقول بان الزواج صح قسمه و نصيب و لكنه اختيار و قرار

حياتي انتي ياعروس طلعي الي في صدرك وحني معاك هاذي مشكلت كل بنت بس في ناس ماتقدر تطلع الي في قلبها ارتاحي وفضفضي وتفائلي دائم واجعلي التفائل صديقك وجارك الله يرزقك يارب رزقا قريبا ياالله ويرزق اخواتي عاجل غير اجل

الله يرزقك ياقلبي زوجا صالحا حنونا طيب القلب
يحبه الله ويرضاه لكِ..موفقه يارب.

الله يقطع الزواج وسنينة ,, حبيبتي لاتزعلي نفسك خليكي مؤمنة بربك واكيد انتي متأكده ان الزواج نصيب من ربك ولو ربك مارزقك فيه خلاص لا اعتراض على حكمة وبعدين ماشاء الله دكتورة وطب ومو عاجب اجل يبغوا وحده بالثانوي ولا متوسط هدول متخلفين مالك فيهم انتي تستاهلين احد يقدرك ويرفع منك مو ينزلك ان شاء الله عن قريب بتتزوجين وتطفشي زينا ويختي والله انك كده رايقه الزواج يطفششششششششش ههههههههههههه
يلا لاتزعلين وربي ريسعدك ياقلبي

حبيبتي كل شي قسمه ونصيب ومتى ماجى نصيبك بتتزوجين انشالله

واللحين طالما النصيب مابعد يجي عيشي حياتك واستانسي وضحكي ولاتشيلين هم
واستغفري داايم وقومي بالليل وادعي وصلي واستغفري واقري سورة البقره بنية الزواج واذا ماتقدري تقريها كامله مره وحده جزئيها
وان شالله ربي يرزقك بالزوج الصالح اللي يسعدك

د.عروس;14882831:

بسم الله الرحمن الرحيم

بنات منتدى عروس

خواتي في الله

الكل يتساءل ليش ماتزوجت؟؟
ليش بنت فلان الدكتورة ماتزوجت؟؟ ليش محد جاها؟أختها الصغيرة تزوجت وهي ليش ماتزوجت؟؟
مليت من هالكلام ؟بكيفي يعني أتزوج بكيفي؟ ماتزوجت ماجاني أحد زين ويخاف الله وقلت لأ
دكتورة وحلوة بس ماتزوجت ماالله قسم وماجانصيبي إلى إلحين
واذا جا أحد أو فكر يبي يخطبني بس يعرف اني اعمل بالمجال الطبي يبطل !! زيـــن ليش..ليش! حرام يعني حنا يالسعوديات نعمل بالمجال الطبي حرام !!
حسبي الله ونعم الوكيل
هذا غير الل مطلعين علي اشاعات .. لااااا لا تروحون تخطبون بنت فلان الدكتورة تراهي ماتبي إلا دكتور مثلها.. حسبي الله عليهم

شايلة هم وبديت أخاف من كل يوم يمر علي لأنه محسوب من عمري

لكني محسنة الظن بالله وراح أظل متفائلة رغم ظروفي الصعبة ورغم لحظات اليأس والاحباط و الضيقة اللي تمر علي... ومابعد التأخير هذا إلا خيـــر كثير ينتظرني ..صح ..صح بنات وإلا انتم شرايكم

تعالوا بنات أنصحوني .. شاركوني همي .. ساعدوني:'(

أختكم د.عروس

كلامك صح حبيبتي و الله يرزقك الزوج الصالح

مرحباا دكتووورتنا ...

شووفي بقوول لج شيء ترى الناس تفكييرهم متخلف حتى اذا انتي مالج نفس تعرسين
ومثلا يعني مو حاطه هالموضووع في بالج .... يعني بعد الدرااسه مثلا تلاقيين غصبا عنج بتفكرين

بالموضووع وبتعيدين النظر وبتقوليين خلااص ابا اتزوج كله بسبب شوو
الأسلئه الغبيه اللي تنسأليين ليش ما تزوجتي ليين الحين وما اعرف شوو
لييش أنا الي بشتري العريس من المول ولا الزوااج موضووع أكبر من أنه وحده جاهله
تعيسه بحياتها وزووجها متعرف على مليوون بنت ومهددها بالطلاق ....
تسألج ليش ما تزوجتي ليين الحيين ههههههههههههههههه
جد سؤال غبي يله ما علينا ...

أكييد بتقولييين هالبنت كم عمرهاا يوم تتكلم جيي ؟؟؟؟

طال عمرج أنا وحده عمري 19 سنه ووحده ما تبي تعرس هالموضوووع
شاايلته من مخي حتى اني يووم انخطب اصييح واسووي منااحه
ليين يتكنسل الموضووع ... ههههههههههههههه
.... تعرفيين ليش مابي الهمم الحيين انا عااايشه حيااتي ومستاانسه واشتري اللي ابي واساافر
وماحد يتحكم فيني وماشااء الله اللي ابااه ألقااه ليش استعجل
ومو عاجبتني حياات خواتي ولا حيااة حريم اخواني واخواني
احسها حيااة تعيسه كلها التزامات و اليهال يمرضوون وهواشاات
وخيانات زوجيه مستمره والريال يتحكم بحرمته ...
وفووق هذا ادرس هندسه معماريه يعني مأساة
وامايا تقولي غيري ها التخصص ما يصلح لج وبتعنسيين وماحد يأخذ وحده تطلع مهندسه معماريه
كل هذا وأنا لا تعليق ...
بس يووم تجييج وحده أصغر منج وتقوول انخطبتي ولا نفسي اتزوج وابا يهال
ولا يووم أختج تقوول لج ليش ما توافقيين على المعرس ما تبيين ولا فييج شيء
تخيلي اختج وامج يسألوونج سبب رفضج أكييد في شيء تعرفيين أحد ولا انتي تخاافين
وكأن فيج عيب وكل أم تبا بنتها تتزوج فغصبن عنج بتفكريين الا والا تعرسين وما يصدقوون
أني وحدة بريئه عاجبتني حياتي مو وقته العرس يعني على الاقل اخلص درااسه
حاطيين في باله كل بنت لازم تفكر بالزوااج من وهياا مراهقه طيب انا غيير ..

ويدخل الموضووع في بالج so هاااي غلطت المجتمع اللي اذا الوحده مو متزوجه ماا يكوون لها قيمه الا
اذا تزوجت ... وكل وحده تتفتخر اذا تزوجت يووه سوت شيء خطيير انجاز يووم عرست هههههههههه
عسب جي ياا قلبي كللام الناااس لا يودي ولا يرد عيشي حيااتج وتهني بكل وقت من عمرج
وبعديين انتي دكتوووره ألف من يتمنااج اتري الانساان الرااقي المثقف البرستييج اللي يستحق

<B><FONT color=black>الدكتووره اللي درست وتعبت مو اي واحد تواافقيين علييه والله يهنيييج وتأخذيين اللي في بالج

ربي يرزقج الزوج الصالح عاجلا غير آجل ،، وجميع بنات المسلمين

اللهم آآآآآآآمين

د عروس حبيت اقص عليك قصتي انا دكتورة مثلك واللي كانو يتقدمو لي مو مناسبين او يطلبو مني اني ما اكمل دراستي او ما اشتغل ولكن انا لجئت لله والله يعلم انه الطب رساله والنيه الاولى مساعدة المسلمين وتخفيف ألمهم ما حطيت الموضوع كتير بباليرغم السنين اللي مشت وبعدين صارت تجري وعشت ايامي ومايأست من رحمة ربي وكلي يقين اني طالما انا اعمل خير وواصلة اللي بيني وبين الله بيوصل بيني وبين عبد صالح من عبادةوما نسيت الدعاء لله وعمل الخير وقبل شهرين اتزوجت وبظرف اسبوع انكتب كتابي واتسهل الامر بدعاء الاستخارة ورغم خوفي لانني كنت ما اعرف زوجي تم العقد والان لنا شهرين ولو تشوفي الحب اللي يحبني واحبة ما تصدقي اننا كنا قبل شهرين عايشين كل واحد عيشة تانية انا عمري 29 وبرمضان بكمل ال30 وانا متأكدة انة ربنا كاتب لك الخير بس بوقتة الان غير اول عمر الزواج اتغير وظروف الشباب اتغيرت واهم شي انك تعيشي حياتك عادي ولا تخلي تفكيرك يكدرك ابدا ولايعقد في الارض إلا بعد ان يعقد في السماء الله يرزقك بالزوج الصالح حسن الاخلاق والخلق يسعدك بالدنيا والاخرة

الله يرزقكـ عاجلا غير اجل زوج يحبك ويخاف عليك....

ربنا معاااااااااااااااكى

تبين الحقيقه ماعاد فيه رجااااااااااااااااال
بصراحه بزمنا الوحده تظل بدون رجال ابرك حسبنا الله ونعم الوكيل ولاتعتقدين ان العيب فيك او بوظيفتك لا العيب بالرجال وبمرجلتهم الزائفه

الله يرزقك باللي يستاهلك ويفرح قلبك .. آمين

انتي استانسي يشغلك وحياتك واهلك ولا تهتمين لكلام الناس .. ومو كل متزوجه مستانسه .. ادعي ربي يرزقك باللي يعرف قيمتك ويعوضك يا رب

فعلا اختي كذا مجتمعنا اذا دكتووووره لالالالالا
يلا ان شاء الله ربي يرزقك بالزوج الصالح
ومثل ماقلتي احسني الظن وان شاء الله خير تفائلو بالخير تجدوووه