وصــايــف;14997700:
طيب بنات بخصوص الحمام المغربي وبالذات صالون رحمة
لو وحدة ما تبي تتعرا جدام احد يجبرونها الا لازم تفصخ وتقعد بالاندر وير ؟؟؟
وهل يتنظف الجسم عدل اذا كانت لابسة شوي مستور ؟
ويخلون الوحدة تنظف بروحها الاماكن الحساسة والا هي اللي تسوي الحمام المغربي تنظف ؟
انا استفسر لان الماسكات والطين وخلافه لازم يبغي لها تنحط على الاماكن الحساسة لان هي الاساس اللي تحتاج بس المشكلة في التعري قدام وحدة غريبة حرام يعتبر فشلون يصير الوضع
سؤال للي يروحون بدون ما يتعرون
هلا حبيبتي وصايف ,, الليه يسلمج انا اتم بالملابس الداخلية كامل , ولما تفي تفرك ظهري تفتح "الستيان" من ورى وتفرك لانه المهم هو الظهر , وعادي تفركني كامل ما عدا المنطقة الحساسة , بس ترى تتأثر لانه بيدخل لها الصابون المغربي والخلطات وهي ارودي تفرك ما بين الفخوذ بس هناك لا , واذا تبين انتي تفركين قولي لها عادي وعن الخلطات لما تتطلع اخذي من جسمج وحطي هناك وبس وترى من الاستيم ما تكونين واضحة وهي تكون متعودة يعني مثل دكتورة النساء :)
هموسهـ;14997717:
ووووووووووووووووووووووينج مخمليات تسوين ليي جدول :lol:
بس مابي اشياءات واجد اتملللللللل:o
هلا حبيبتي هموسة ,, انتي خبريني بـ تاريخ حفلتج وان شاء الله راح افيدج F:
` כـ // ــرم آڷـ م ــכــآمي `;14998042:
ماادري
احس واايد ضااغطة على عمري ونااس ماتقدر ولا تحس تبي تخرب علي فرحتي
فرااح أكنسل كل شي من أوله عشاان ماضاايق عمري
حرووومة أبوي ليش عاد كل هالكدر يالغالية !!
انتي ماشاء الله مؤمنة قوية ومب ضعيفة , وكلي ربج سبحانه وتعالى, وبتشوفين شلون بتصير سهالات , وبعدين ترى 80% من اللي عرسوا او بيعرسون يمرون في نفس الظروف اللي انتي تعانينها , سئلي مجرب انتي عالاقل مناشبينج على شي مشهور ومعروف , انا كان يدورون ادناة الدون عشان تصير سالفة وفي النهاية وعدوني واتفقنا , وفي يوم عرسي انصدم بأنهم سووا اللي في راسهم وعلى كيفهم وفوق كل هاي كانت صايدتني كذا سالفة في يوم العرس نفسه , وبعد قلت في نهاية اليوم أشوه اني سويت عرس وما تهورت وقصيت على روحي وكنسلت , أبوي انتي احسن حل لج انج ما تسوين الحفلة اللي قلتي عنها , لا انتي يصلج لحالتج تسوين جلوة , وبصراحة الجلوة واااااايد احلى ووناسة والكل بيكون مستانس وتقدرين تسوينها على ستايل قبل كانوا يعزمون الناس عالغدا ومن بعد الغدا يسوون الجلوة يعني عالعصرين وبهالطريقة انتي تضربين عصفورين بحجر اول شي دايما الغدا يبين في عيون الناس اكثر وما تحتاجين بعد تعزين احد من بعد هالحفلة , وثانيا تسوين شي تقليدي يونس الكل وحتى انتي وثالث شي وهو احلى شي انه في النهاية يدش ريلج ويسوون لكم "واتريمبو وا ليومي" وتصورون , وبتتم ذكرى لما تشوفين الصور وانتي يجلونج , ويوم وثانيعلى طول سافروا وربي يهنيكم ان شاء الله ويبعد عنج الوساوس والضيقة قولي آمين F:
Delm;15000171:
هاي بنات شلونكم ..
حبيت اسألكم فيه احد منكم يعرف الايرانية اللي في مدينة عيسى تحف ..
حفافها حلو او لا ؟؟
ميمعه حواجبي و اخاف اجازف عند اي احد .. الكل مدحها ابي اعرف فيه احد حف عندها قبل ؟؟
هلا حبيبتي دلم , اتوقع اسمها فاطمة , وسويت بيرشيان راحت لها في عرسها بس انا ماعندي فكرة وين بيتهم او كم رقمها ان شاء الله البنات يفيدونج