alasooola;14955981:
مبروووك عرايس للي انخطبو وللي تزوجو وللي بالطريج
حبيت اسئلكم شنو احسن صالون بالمحرق للحفاف ؟؟؟؟
وعند من؟؟؟؟
ومشكورين مقدما
اذا حواجب انا اروح عند غصون عند ميلي ..
وعندج بعد صالون اللولو عند هيما
وعند بعد البرنسييه عند الهنديه ..
في بيت أبوي;14956227:
بنوتات حبايبي عيدميلادي بعد يومين عاد ابي اودي شئ للشغل شنو تقترحون علي ومن وين؟ مثلا اذا بوفيه حلاوة ومالح ؟ او بس حلاوة شئ راقي لا تبخلون علي بأفكاركم وتجاربكم:)
في محل في العدليه اشمه روشان شغلاته حلوه وراقيه واسعاره حلوه بعد .
هو صاير اذا تعرفين سراج مال الشوارما .. في لفه امجابلته في يصير داااخل لون المحل اخضر
انصحج فيه .. كلشي عنده :thumbs_up:
قنوط;14956464:
بنات امس خطيبي صدمني يقول لازم نسرع في الزواج لأن ياته دورة دراسة في كندا .. حدد تاريخ 30 \5 حق الزواج :confused: .. انا بصراحة انصدمت قلتله كلش مايمدي ما بقى شي ... يقولي ابي اقعد معاج عالأقل شهر قبل لا اسافر :o لأنه راح يسافر بداية شهر 7 :(
عاد والله يابنات من امس وانا مكتئبة من قال لي هالخبر .. لا اكل ولا نوم .. قاعدة احاتي وطول اليوم بجي :'(
حاسه بالاكتئاب لأنه اول شي مكدرني .. اني مب متخيلة نفسي شلون راح اعيش بدونه 6 اشهر و المشكلة اني ما اقدر اسافر معاه لاني مرتبطه بدراستي بالجامعة :(
وثاني شي لأن زواجي قريب وانا مب مجهزة ولاشي حتى شقتي مب جاهزة كلها يعني وايد اشيه ماسويناها .. وانا ماجهزت ولاشي .. حتى الحجوزات مابديت فيها .. احس فيني الصيحة من قلب .. اصلاً كل دقيقة انفجر واصيح مادري شسوي بعمري :'(
احس روحي مشوشة وحتى ترتيباتي اللي كنت حاطتها في بالي قبل كلها تبخرت :(
تصدقون من الضيجة اللي احس فيها كل شوي اتصل فيه اقول له خلاص هونت ماابي اسوي عرس بدش سكاتي .. يقولي مب على كيفج كل اللي خططنا له راح يصير :o بس انا مادري شفيني احس مالي بارض اسوي اي شي ولا اجهز اي شي عقب ماسمعت بسفرته :'( واحس بنفس الوقت ماراح يمديني اسوي شي وماراح احس بالفرح وانا ادري انه راح يسافر عني :(
والمشكلة انه مانقدر نأجل الزواج لمن يرد من السفر لأن خطوبتنا وايد طولت والناس كلت ويهنا ليش وليش .. وانا هم محتاجة اني اتزوج في هالفترة لأن بعد شهر رمضان بيسووني عملية ويفترض اني اكون متزوجة :o
هلا اختي
دام في شهر 5 يعني عندج وقت تقريبا شهر ..
تقدرين ترتبين عمرج حق الحفله وكلشي ..
وبالنسبه حق الشقه لاتأثثين كلشي مثل ماقلتي زوجج بيسافر عقب شهرين تقريبا من عرسكم وشي اكيد مابتمين في شقتج بترجعين بيت ابوج ..
فحطي في بالج الاشيه المهمه وان شاء الله اتيسر امورج يارب
والف مبرووووووووووووووووك F:
فقاعه21;14958798:
بنات شلونكم شخباركم
سوالفكم حلوه وتونس
بنات انا خطوبتي بعد اسبوعين
بس تصدقون ليحين ماسوييت شي
يعني لا حجزت صاله لا كوشه ولا حنايه ولا اعرف وين بسوي الميك اب والشعر
يعني بس شريت الفستان وقعدت
حدي محتاره وموعارفه شنو اسوي ,خايفه ايي تاريخ 5/5/ وانا ما سويت شي
بنات بليييز ساعدوني
اللي تعرف رقم حنايه في المحرق او المناطق اللي قريبه وحناها حلو حق عرايس تقولي ولا تبخل علي
واي صاله حلوه في محرق لأني بسوي الخطوبه بسيطه وعائليه فبسويها في صاله شرايكم اي صاله حلوه
بالنسبه حق الصالون انا قلت بروح مس ون في الرفاع بس قالو لي بعيد وااايد روحي صالون ايمان اللي في الحاله
انتو شرايكم اروح صالون ايمان ولا في صالونات احسن ؟؟
بنات الله يجزاكم خير ويسر اموركم ساعدوني عطوني نصيحه
وييي نسييت بالبركه حق العروسات الجدد وبالبركه حق اللي بيعرسون قريب
لا تنسوني
هلا اختي
الف مليوووووووووووون مبروك حبوبه
بخصوص الصالات .. عندج صالة الشكر احسن وحده حق الحفلات البسيطه ..
وبالنسبه حق المكياج
عندج شيماء بوجيري و ابتسام كمال
وحق الشعر .. مع ابتسام عندج عايده واذا ماتبين عندج صالون اللولو .. عند اول وحده على يدج اليسار من تدخلين الصالونابتعدي عن صالون ايمان مب شي :-#
وبالنسبه حق الحنايه عندج عايشه في البسيتين واذا تبين صالون عندج جوليانا
هاي الي اعرفهم في المحرقوموفقه F:
ѿᾴ₮ὃὌồУ ♥ ..”;14961248:
بنات من احسن وحده للشعر في صالون اللولو محرق ؟
ابي اروح اسوي شعري للملجه هناك بس مابقول اني عروس لانه رفيجتي سوت عندهم في خطوبتها كلش ماعجبتني التسريحه !
بس انا مجربتهم لجم عرس حق شعري .. شرايكم ؟
عندج اول وحده على يدج اليسار من تدخلين المحل هاي شغلها حلو انا دايمن عندها
===============================
بنات انا عندي فستان عرسي وابي ابيعه تعرفون محلات اقدر اودي لهم ؟؟
وبالنسبه حق براوني الي تقص الشعر في زمرده اللحين وين تتواجد في العدليه او القضيبيه ؟؟
الي راحت تخبرنه لانه ابي اروح اقص شعري ..
وزمرده في العدليه اي صوووب..؟