l|¦|l تجهيزات عرائس " البحرين " لشهر جمادى الأول 1432 - 2011 م / الجزء : 76 l|¦|l

fatema 27;14924593:
سلام بنات استخدمت خلطة مسك بعد حمام مغربي صراحة حلوة بس طلع لي حساسية مب وايد بي كله حكة و خفت قلت معقولة يطلع عندي حساسية من مسك بموت المهم اكتشفت ان خلطتي كانت غلط لان حطيت ربع غرشة ماي ورد مع مكعب كامل من المسك عقب ما بشرته لازم اضيف ماي بعد لا؟

روحي وروحكـ;14924227:

بنات اليومـ ملجتي

ادعولي بالتوفيق وتيسير الأمور

sara2;14923882:

صباح الخير عروسات إذا بغيت أروح حق حمام مغربي في صالون رحمة لازم أخذ موعد ، وكم تقريبا الوقت حق الحمام يعني ياخذ أكثر من ساعة أو أقل وبو جم تنصحوني أسوي وشكرا مقدما

فاطمة البحرينية;14924789:

فطووم لاتسوين تجارب على عمرج

fatema 27;14925024:
توني رادة من المستشفى طلع حساسية بس من قرصة حشرة مب مسك

sweet persian;14925047:

:-o :-o:-oمستشفى :woo: ما تشوفين شر حبيبت قلبي صادج حساسية من قرص:-o:-o

روحي وروحكـ;14924227:

بنات اليومـ ملجتي

ادعولي بالتوفيق وتيسير الأمور

مخمليات;14919539:

هلا حبيبتي فطومي ,, اذا انتي بتروحين الكويت عندج الميني جلابية هناك عندهم احلى وموديلات اكثر , وعندج بعد المرشات اللي حق البيت اللي عندهم واايد احلى عندج الجسار في سوق المباركية وايد روايح البيت عنده حلوة وبذكر لج اسماء الاحلى منهم: مجموعة الجسار هاي حددده رهيب وحسافة ما خذت منه كم حبة , عندج مثبت البخور , شروق وايد حلوة الريحة , دهن العود اثقل شوي , وانا استخدم للحمام عزج الله الورد الطائفي

عندج بعد اذا حابة تاخذين فاونديشن للمناسبات روحي اخذي الفاونديشن تبع حنان دشتي وايد حلو للمناسبات هي تبيعه , والماكييرة ابتسام كمال تستخدمه لمكياجها , واتمنى اكون افدتج حبوبة وان شاء الله ربي يتمم لج على خير F:

مها البحرين;14920532:
كويت وما أدراك ما الكويت ..

:hysterical::hysterical::hysterical:

ضروري تروحين سوق المباركية ..
سوق قديم وكل شيء يبيعون فيه
وعندج الستي سنتر مالهم بورخوص
بيجاماتهم كله على 4 دينار وعنده ثياب بيت ..

بالنسبة للمجمعات اكبر مجمع واكشخهم الافنيوز ..
انا من كبره ما افتريت فيه وايد ما اعبر هههههههههه

سوق شرق حلو صج المحلات اللي فيه عندنا بس البضاعه غير
روحي ريفا بضاعته مليون مرة احلى من هني ..!!

مجمع المهلب وايد حبيته مادري ليش مع انه صغير بس ملموم
المارينا مول مالهم حلو واحلى محل هناك h&m بضاعته كلش غير
تقريبا المارينا هناك كله محلات السيف مافي شيء غير ..!!
بس الكل يروح المارينا حق قعدت المطاعم والكوفي شوبات اللي اطل على البحيرة ..

في بعد مجمع الفنار والبستان وسوق السالمية ..
وكل الماركات العالمية تحصلينهم في برج الصالحية
تقريبا نفس المودا مول بس الاسعار تختلف لان عملتهم أغلى ..

بخصوص المطاعم :
ميس الغانم ضروري تروحين له
مطعم لبناني قديم ومشهور ...

فريج صويلح أكلات شعبية ..
وبرج الحمام مطعم لبناني على البحر ..


هذه اللي في بالي اللحين ..
وتروحين وترجعين بالسلامة ..

F:F:F:

persian_moi;14920961:

فطومي

بالنسبة للكويت البنات ماقصرو ماشاءالله وخصوصا رد مها البحرين كفت ووفت

انا بعد قبل عرسي رحت اهم شي تاخذين الميني جلابية عندهم بشكل مو طبيعي وموديلات روعة

ولازم تاخذين قميص اول ليلة من هناك وايد حلوين ومابتحصلين مثلهم في البحرين واللانجري اللي عندهم فظيع والكواليتي ماله وايد زين بس تره اسعارهم تحسينها مبالغ فيها لكن تسوى

تروحين وتردين بالسلامة حبوبة

فطومي";14925179:
هلا والله بج
تصدقين شهر 12 نازله كويت وحت المباركيه بس ماجفت هلمحلات إلي تقولين عنهم يمكن لني مافتريت وايد

ماعليج أمر ممكن تدليني بضبط وين وأي صوب

وسجلت كل إلي قلتيه بفووني عشان أذكر شنو أشتري بضبط

وتسلمين ياقلبي

مخمليات;14925221:

هلا حبيبتي فطومي ,, الله يسلمج بكتب العنوان بالضبط اللي محطوط على العلبة وعندهم الظاهر فرعين في سوق المباركية:

الاول : المباركية _ سوق الذهب المركزي _ الدور الاول محل رقم 148
الثاني : المباركية _ شارع الغربللي _ مجمع أطياب _ محل رقم 5

واكيد اذا سئلتي حد عن محلات الجسار هناك بيدلونج , وبالنسبة للميني جلابية في كل مكان موجودين منهم الغالي والرخيص , وبالنسبة للفاونديشن اذا رحتي هناك اخذي رقم صالون حنان دشتي وروحي صالونها واشتري الفاونديشن , وبالتوفيق حبوبة :)

تراجي ام الزين كله;14911671:
فطووومي
بالبركه حبيبه قلبي
الله يتمم لج على خير ونشوفج احلى عروس
متى حفلتج؟

روحي
مبرووووك يالغلا عسى نبارك لج يوم حفلتج

حرم المحامي
ياهلا بج الغلا منوره
احس انج تتكلمين عن د حلمي صح لو لا؟

بنات ابي كحل قلم اسود فاحم اي ماركة تنصحوني؟
ومسكرا تكثف وتطول اللي عندي عاجبتني بس ابي شي احسن