l|¦|l تجهيزات عرائس " البحرين " لشهر جمادى الأول 1432 - 2011 م / الجزء : 76 l|¦|l

روحي وروحكـ;14883826:

نعمـ اللهـ عليكمـ بناااات

صج نسيت أقولكمـ

اليومـ رحت خذيت فستان العرس خلاص جهز

وماشاللهـ طالع وااايد حلو ومرتب حدي أغرمت فيهـ بصراحة شغلهمـ يسوى يسوى :o

وياهـ بعد الجاكيت والجوتي عزكمـ اللهـ كلو كلو مرتب وقميييل أوي بصراحة

روحي وروحكـ;14884794:

اللهـ ينعمـ عليكم حبايب قلبي

حنانوة انشاللهـ تجربين عما قريب بيعجبج :thumbs_up:

روحي وروحكـ;14883174:

مرحبا بنات مساء الفل

حبيت أخبركمـ عن تجربتي الحمامـ المغربي في صالون رحمة

يحليلها عصفورة واصفة لي الصالون بالمقلوب هههههـ

بس تصدقون صادتنا أمـ الديفان أنا وأمي رايحين رادين على نفس الشارع وطفنا على الصالون 88 مرة ولا شفناهـ

جان يومـ أيسنا اتصلت فيهمـ قالت لي الفلبينية تعالي عند عبايات السعيد وأنا بييكمـ

قبل ماتكلمـ عن الحمامـ المغربي ودي اسأل سؤال

احنا شنسوي في الحمامـ طول هالمدة وين رايحة رايحة أسبح من وين ياية توني متسبحة

اكتشفت اني حدي معفنة ههههههههههـ

المهمـ أول مادخلنا ولا صاحبة الصالون تهلّي وترحب يحليلها حبوبة

وسولفت ويانا شوي عن الحمامـ وعن الباكجات وغيرهـ

أنا كنت ناوية أسوي بو 7 بما اني بسوي في ألور بعد إلا تقولي سوي بو 10 أحسن لج

واقتنعت

صعدت فوق ولا الحمامـ جاهز عطتني فوطة وشبشب تكرمون وقالت لي فصخي ثيابج وحطيهمـ باللوكر ورا الستارة وفصخت بس خليت علي الأندر وير :o

ودخلت داخل وحطت لي صابون مغربي على جسمي كلهـ وعقب حطت لي خلطة الحنة

وخلتني في البخار يمكن 10 دقايق

عاد وأنا قاعدة أطالع جسمي وأوسوس إلا أقول أما الحين الحنة يصبغ فيني وأصير جني فسكرة صوب أصفر وصوب مادري أي لون :lol:

عقب يات مرة ثانية وسكرت الستيمـ وغسلت جسمي عقب خلتني أنسدح على بطني وطاحت فيني تفريكـ اليهد وهات يالبلاليط الأخضر اللي يطلع من جسمي وأنا دشيت فيلنق ويا التفريكـ تقولي يعورج قلت لها لا ولا انتبهت إلا الأخت فصختني الستيان وأقولها هيييي يالسخيفة تقولي لا عادي عادي بغيت أموت من الفشلة بصراحة :lol:

فركتني من الأربع جهات من ورا ومن جدامـ وعلى الجوانب صج صج تفريكـ بضمير

بعدين غسلت جسمي مرة ثانية وغسلت شعري بشامبو وحطت فيهـ بلسمـ أو حمامـ زيت مادري المهمـ رفعت شعري وردت حطت على جسمي خلطة ثانية من ريحتها أتوقع خلطة كركمـ

وشغلت الستيمـ مرة ثانية وخلتني يمكن بعد 10 دقايق

وعقب يات سكرت الستيمـ مرة ثانية وغسلت لي شعري وجسمي قلت لها بس خلاص انتي روحي وأنا بغسل قالت لي أوكي وقلت لها برزي فوطتي اللي يايبتها وياي وبرزتها مسكينة وأنا تسبحت بماي بارد وطلعت أحس روحي وزني ناقص 3 كيلو ونص ههههههـ

وايد وايد وااايد حبيت التجربة وأنصح في الصالون بصراحة

الحين أحس جسمي ناااااعمـ لو بس أتكرمـ وأسوي الواكس بصير فظيعة بس أول ماطلعت من الحمامـ حسيت أظافري مصوفرين من الحنة

أشوف الحين خف الصفار بدرجة كبيرة شوي ويروح

سألتها عن الواكس للجسمـ كامل جان تقول للعروس 25 دينار الجسمـ كامل وإذا تبين حمامـ مغربي ومساج وواكس وبديكير منيكير بسويلج دسكاونت حلو بس تصدقون نسيت أسألها بجمـ :lol:

اي واللي سوت لي اسمها ساندرا مسكينة تشلخت وهي تفركني

وبس :o

روحي وروحكـ;14883826:

نعمـ اللهـ عليكمـ بناااات

صج نسيت أقولكمـ

اليومـ رحت خذيت فستان العرس خلاص جهز

وماشاللهـ طالع وااايد حلو ومرتب حدي أغرمت فيهـ بصراحة شغلهمـ يسوى يسوى :o

وياهـ بعد الجاكيت والجوتي عزكمـ اللهـ كلو كلو مرتب وقميييل أوي بصراحة

` כـ // ــرم آڷـ م ــכــآمي `;14881332:


حبيبتي انه كاانيت رايحة صالون بيكوز ابي أسوي حمام مغربي لأول مرة أتجرأ و أروح ,, ويوم فصخيت عباتي الا تقولي اللي هنااك ليش تسوين حمام مغربي انتي ماتحتاجين جسمج أبيض وصافي ومافيه بقع وأهم شي الرقبة والآندر آرم مافيهم شي ولون جسمج موحد ,, بس ماسويت عندها لأن نظراتها كانت وايد غريبة وتخرع ,,, بس هااي كان الصبح ,, ويوم قعديت من النووم في الليل تسبحيت وحطيت لي ديودرينت عااد أحس ان شي يحرقني ويفرصني واايد في الآندر آرم اليمين ,, ماشووف الا متجرح كامل وفيه خطوط متجرحة وبقع غامجة ,, واليساار ماصار فيه شي بس صارت عندي المنطقة كاامل لي نص جتفي من تحت كلها بنية غامجة :'(

مايقى كريم ولا زيت مقري فيه الا حطيته ودووم أحس كأن شي حاار فيني وماقدر أخليه وأغسله

الحمدلله على كل حاال ,, يوم الأثنين ان شالله بروح المستشفى

وقرت علي وحدة بس يبيلي اداوم شوي وان شالله يخف :badly:

مكانك في عيوني;14877756:
هلا حبيبتي قنوط سامحيني خيو ما رديت عليج الصبح على طول طلعت .. انا بخير الحمدلله انتي شخبارج عساج طيبة ..
والله شاقولج تجهيزاتي مثل ماهي ما سويت شي للحين قلت ان شاء الله ببدي بشهر 5 .. الله ييسر ان شاء الله وما يتأجل او يتكنسل العرس ... وانتي متى بيكون عرسج ؟!

Beautiful World;14877813:

هلا عزيزتي ,,,,

اذا تبين نصيحتي تركي عنج هالمنتجات .,,
خصوصا اذا بشرتج تتاثر منهم ,,,

عندج منتجات ماركة كلينيك طبية
اخدي منها ال 3 step cleaning set

,,,او كلارنس موادها كلا طبيعية .,.. و انا ارشح كلارنس ,, وااايد حلوين المنطفات تبعهم .. الميلك او الغسول ويا التونر وبعدين الكريم المرطب ,,, بتاخدينه وما بتخسرين :thumbs_up:
انا كنت سنين استخدم كلينيك .. بعدين جفت وااايد يمدحون كلارنس (خصوصا الاخت مها البحرين) جربته واايد مرتاحة منه وافضل من كلينيك :cool:

اذا تبين بصور لج اياهم ...

مجرد راي ... والشي راجع لج

فاطمة البحرينية;14880627:

حتى دكتورة نريمان تدري ان بيطيح شعري

عطتني ادية ولا فااادت
والله قرعه صرت اشوه اني وقفت
الدكتور الي الي رحت له اسمه عبد الله البناء
يعطيني ادوية عشبيه او فيها شوية كميكل
واخذهم من مكان اسمه لافندر او GNC
وامي عندها ارتفاع بلكلسترول وقفت دواها واستخدمت الي اخذه
حتى دكتورها استغرب
انصحج في الدكتور بقوة

بس وايد يطلب منج تحاليل دم

عصفووورة الجنة;14884610:

حبيبتي .. الحين اي احسن تنصحيني كلينك او كلارنس .. لاني ولا مرة استخدمت هذلين الغسولات لكن شكلهم عجبني .. انصحوني يا بنات اي ماركه احسن ؟؟:woo:

مكانك في عيوني;14885478:

الااااااي .. يعني تنصحيني افصل فستاني عنده ؟!! ابي افصل عنده لأن في بالي ستايل اوروبي واكثر الفساتين عجبوني عنده ..

______________

بنات محتارة ما ادري متى ابدي حجوزاتي للعرس وعرسي شهر 7.. انا حاجزة للشعر في صالون العفراء وأبي أحجز عايشة الريس للعرس بس الشعر والمكياج للجلوة ما ادري وين اروح .. اشرايكم في صالون ايلاف تيجي للشعر وزينب للمكياج ؟!!

عطوني آرائكم

فطومي";14885801:

وأبي تنصحوني وين أسوي حمام مغربي باالمحرق لنه ماقدر أطلع برع محرق وأبي أسوي واكس وفيشل من أحسن صالون رحت فيونكه وغصون وصباح كلش ماعجبني شغلهم أحسهم مو نظاف كلش كلش

قنوط;14886129:
مساء الخير ياحلوات :)


مخمليات احبج :L: ... مشكورة بعد قلبي ماقصرتي F:

حكاية غرام;14882704:
هلا اختي
ما شاء الله
مشكورة وايد استفدت ..
ان شاء الله بستخدم ماء الورد والنشا والعسل وبشوف النتيجة
مقشر المشمش احسه قاسي على الويه والكركم يجفف البشرة