لمتنا السورية اهلا وسهلا فيكم لشهر جمادى الاول(نيسان) 1432

تسلمي لؤلؤة الشات منور بوجودك .. وأنا كمان ناطرة تخفيضات السيتي ماكس وسنتر بوينت بس تصير تخفيضات 70% بجيب أنتي أكبر قدر الشوز تبع 80 ب20 والشناتي بجيبها من هنيك .. مدري ازا عنا بالرياض وقت تخفيضاتن متل عندكن .... ان شاء الله بتجتمعي بصاحبتك المصرية على خير ..

هنود وين رحتي حرئصتيني .... ناطرين الصور

الدمشقية .. روحة موفقة والله 3 سنين كتار بس حلو في تواصل كتير ناس بعرفهن بيقطعو ومابيعودو يتواصلو ... اليوم مارح أطلع من البيت بدي شوف صور غرف نوم ونقي وحدة ليفصلي ياها خطيبي الله يخليلنا هالنت لو مانو موجود شو كان صار بحالتنا ببئى بفرجيكن الصور بس ان شاء الله يكونو واضحين ...

يالله ماما وبابا شو هاكلين هم النزلة عالسورية والله ماني عارفة معن حق ولا لأ عندي مشكلة الطرقات لأنو بدي أنزل عطرطوس بس بدي أرجع أتأكد من خطيبي ازا بدن أخراج قيد ولا لأ ..... قلتلا لماما بننزل بمطار سورية بنقعد يومين وبعدين بننزل علبنان عن طريق بيروت آمن أكتر من طريق حمص ..

والله كنت بدي حطلكم الصور

بس انقطع النت وماعد في شبكة طول الليل هلق بنزلهم بس ماقلتلكم خطيبي متردد وحتا ابي وامي جننوني وهلكوني بتعرفو يمكن الله مو كاتبلي افرح ابدا لعما على حظي بتقلولي اهلي هههه والله مسخرة اذا اهلي هن ضدي وهنن بدن باجلو اليوم حماتي كانت مصصمة تروح تحجز ب17/7

وقام ابي شايف ابوه امبارح عالدرج وابي قايله لابوه شو مجانين هدون حتا هلق يتزوجو بهل اوضاع بعدين يأجلوها احسن هيك بيكسي البيت هلى مهلو وبركي بتكون تحسنت الاوضاع

وابوه هو بالاصل يلي حيرو لمعتز وقامو مارحو اليوم ومارح يصير لاعرس ولا حجز وانا هلق عم ابكي وامي وابي برا بالصالون عم يصرخو ويتناقشو بقصتي وقال انا مجنونة

ومشان البيت ومشان فحصو ومشان الاوضاع وخاصة انو الصالة بالمليحة انو ماحدا بيجي على عرسنا


هفففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففففف
يلعن حظي يلعنو

انا لازم ضل عم ابكي ولا امي قلتلها امبارح انو اذا البيت ماكان خالص بسكن عند اهلو ليخلص بدون غرفة نوم بنام مطرح ماهو بينام

وقامت هلق قالتلو لابي بدها تذل حالها بس مشان تضل معو لانو بابا مفكر انو فرحانة بالعرس مشان هيك مابدي اجل

هلق معقول بيت 50 متر مايخلص كسوة بشهرين ومعقول ماحدا يجي على عرسي بسبب الاوضاع

شو هاد ياربي ادعولنا كتير اقرؤؤ قران لتتحسن الاوضاع ماكنا عملين حساب الاوضاع بنوب ابدا

هي كوين هوم اسمها القاعة الفرعونية





هي اسمها قصر ماريا بالمليحة هي الملكية نحنا حبينا الذهبية








هي بقا يلي طار عقلي فيها ولسا كمان طار عقلي بكو ين هوم الملكية بس هلق عم استنا بنوتة من الصالة تبعتلي الصور عالفيس بوك لانو ماصورت لمن رحت


قصر ماريا الدهبية

زهور ة اشتقناااااااااااالك

هي كوين هوم الملكية هي حبيتها كمان

هي كوين هوم الملكية هي حبيتها كمان

واووووووووووووووو هنودة الصور بتجنن كتير حلوة عن نفسي عجبتني الصالة الفرعونية فخمة كتير ارضيتها حلوة وكمان العضايد وكل شي فيها راقي

وكمان ماريا الدهبية حلووووة كتير اما قصر ماريا الملكية جدااااا عادية مافيها شي مميز وارضيتها مو حلوة متل الشطرنج وحيطانها عادية كتير

طبعا هذا رايي انا والمهم انتي ياعسل

وبخصوص تاخير زواجك من قبل اهلك والله مابعرف شو بدي قول مابدي ازيد وجعك بس شهرين كتير مناح بيتجهز فيهم قصر اذا الفلوس متجهزة
ومن هون لشهر سبعة بيكون ربك فرجها على هالبلد يارب املنا بالله كبير
ياستي قولي يارب والله يفرج همك ان شالله

عروسة تسلميلي يارب ... ويالله اختاري غرفة النوم على رووووااااء ويارب زواجة الدهر بالخير والسعادة
ونحنا على وعد منك ها بالصور .... وبخصوص النزلة مابعرف ليش متخوفين اهلك يعني لا قدر الله لا قدر الله باسوء الحالات طلعتوا على لبنان
مو متل اللي بقلب البلد الله يحميهم ويعينهم
واخراج القيد طلعيه من هلأ من السفارة اسئلي عن الموضوع اذا بصير او لاء .... وحتى فيزة امك بتطلع من السفارة قدموا عليها
انا بنت حمايي الله يرحمها فلسطينية كانت تقدم على الفيزة من هون وتطلع خلال شهرين بالكتيييييير يعني احتمال تطلع قبل

ستي الله يوفقك يااارب ويختارلك الخير

اهلين دودو هلق الفرعونية ماحبيتها معتمة

وقصر ماريا الملكية كمان

والدهبية حلوة كتير


بس ماقلتيلي رايك بكوين هوم الملكية اخر وحدة انا محتارة بين هي وهي


ومشان البيت والله العظيم انك فائلتيني بس الكل حواليي هيك ومعندين لك وبرمضان ماحدا بيقدر يشتغل صيام وشوب

انا بيتت استخارة بس قلبي بشهر سبعة وكل ماحدا يقلي اجلي عم اكرهو

شوفي هي البيت مساحتو


هي الاطلالة



انا كتير حبيت الاطلالة

هي كمان


هلق صحيح المطنقة مالها راقية خخخخ بس انا بس بدي اتزوج واخلص وصحيح بعيدة بس مابتقرق معي

هلق كنت عند خطيبي وحماتي عم تعد معازيمها وقالتلي حسبيلي كم واحد قلتلها حسبتون 130 كانو 160 واختصرت كتير

وقامت شهقت وفجرت عيونها لانو هي بدها تحجز 250 شخص

قالتلي لا اختصري للمية قلتلها قال امي اي زيادة هي بتدفع قال لا مو حلو العرس معجوق هي معلش تعزم قد مابدها وقامت الكبيرة قالتلي انتي بنت ماحد بيعتب عليكي ولا على امك

سالتها انتي بعرسك كم وحدة عزمتي قال 130 وعريسها 100 قال لانو هنن بس هي عيلتون قامت قالتلي حماتي ايه بنتي دفعت نص العرس منها

المهم رحت قعدت مع خطيبي وقلتلو قلي ليش انتي مين في عندك وقليلها لامك تختصر وبعرس ابنها تعمل شومابدها وقال لمن قلتلو يحكي هو قال انا مادخلني

وقامت امه نادتلي قال حسبتو الجيران قلتلها لا قال لكن مارح اعطيك الا 75 قلتلها لا خلص كل واحد ماما بدها تعزمو زيادة هي بتدفع قال لا لكن ادفعوا نص العرس

انا ماحكيت ولا كلمة رحت قلت لخطيبي وهو قلي انو مادخلني

اف ياه بس انا اتصلت باختو هي يلي متل رفيقتي وقلتلها وقامت قالتلي لاتبكي اخر شي مابيصير الا يلي بدها ياه العروس وقالتلي والله اانا قلتن لاهلي انو هاد عرسها خلوها تعزم مين مابدها بس بهدلوها

وقالتلي هلق رح روح قلن انك تخانقتي مع امك لانو انا قلتلها لامي قال اعملي يلي بدك ياه بس انا وابوك مارح نعزم حدا ومارح نجي نحنا روحي تتهني

ياربي قلتلها لاختو خلص رح اختصر واذا ماكفونا الكروت بروح بجيب قد مابدي وبدفع بدون ماحدا يعرف قالتلي انو اختها الكبيرة اتوقعت هيك شي

المهم امي قال كان فكرها انو اذا اجى زيادة من عنا بتدفع بس قال هي مابتروح قبل العرس متل الشراشيح وبتشتري كروت

بس انا هلق قعدت وفكرت مع اني كتير زعلانة من خطيبي بس يضرب الحب

وطلع معي انو انا روح قبل العرس واشتري كروت مني وماقلها لامي ولا لحماتي يعني قول لامي انو هدون من حماتي وحماتي مابقلها انو في عدد زيادة شو رح تعمل يعني بالعرس وبوصي صاحب الصالة مايحكي ابدا اذا حماتي سالته

وحتا خطيبي مارح قلو ابدا

عندكم شي حل غير هاد اذا في قلولي

جمعة مباركة يارب على الجمييييع

هنودة كوين هوم حلوة كمان بس يمكن الصور ظالمتها حلو البنفسجي كتييير بس الدهبية احلى اعتقد
ياستي والله مابصير العرس الا حتى ربك يريد وبالوقت اللي الله كاتبه بقى حاجة تسمي بدنك
والبيت ماشالله اطلالته حلوة بس بده هززززز كتاف والاوضاع اللي عم نشوفها يمكن تاخركم بس انتو هموا وان شالله ربي بيسر الامور وبهدي الاوضاع يارب
وين منطقة بيتك ؟

وبخصوص المعازيم هي قصة كل عروس بعرسي صار العن وعرس اختي وكل مين بعرفه بقى لا تحطي ببالك
وانتي مشي الحال شو بدك تعملي .. شوفي انا بعرسي طلبت من زوجي كم كرت من غير علم اخته لان هي اللي كانت متصدرة ... المهم والله جابلي من غير علم حدا شي كم كرت ومشيت حالي فيهم بقى شوفي انتي ودرسي الموضوع مع خطيبك والله يعينك يارب

هلق الصور عنجد ظالمتها وانا قلتلها للبنت تبعتلي صور اكتر هي كوين هوم بتسع 300 شخص بس مبينة بالصور صغيرة اذا بعتتلي الصور بحطن

والكل قالو الدهبية احلى

منطقة بيتي بجسرين بعد عين ترما

ومشان الكروت اذا هو ضد وعم يقلي اختصري يعني بصف امه شلون بدي اطلب منه كم كرت

يعني مابيخلص البيت بشهرين

خلاص معناها اعتمدي الدهبية لانها بجد حلوووة
ومبلى باذن الله بخلص البيت المهم تبدئوا بسرعة وانتو اعملو الاساسي والمهم يعني اكسوه من برا ومن جوا الاشياء الاسياسية والمهم
وبيتكم صغير يعني باذن الله بيخلص

امانة برقبتك طمنيني عنكم وعن الاوضاع عنكم حاليا

هاي كيفكن ماني فاضية بس رح علق شوي وأطلع هنودة كل الصالات حلوين بس أكتر وحدة حسيتا مرتبة وأنيقة أكابرية قصر ماريا الذهيبة ماشاء الله بتجنن وكمان يلي الكراسي موف وزهر حلوات بس درجة الألوان ماكتير مريحة للعين ...

أطلاله البيت ماشاء الله حلوة كتير الله يوفقك فيه ..

بالنسبة لأهلك لاتاخدي الموضوع من الناحية يلي أنتي شايفتيه فيها أكيد اهلك عم يفكرو بمصلحتك بعدين بصراحة معن حق لاتزعلي مني بس لاتحسسي عريسك وأهلو أنك بس بدك تتزوجي بكرا بالمستقبل أقل كلمة بيلحشوها فيكي كنتي حتقتلي حالك عما تتجوزي أخونا حسب مافهمت منك بيعملوها بنات حماكي .. لاتحسسيهن أنك بس بدك تتزوجي والله لمصلحتك ....

بالنسبة للمعازيم الكل بيحضر لاتهكلي هم بعرف وحدة أختها بمصر كانت حاجزة عرسها قبل 3 شهور وأجا يوم عرسها يوم جمعة الغضب يمكن هيك كان اسمها وكان عاملين حظر تجوال ومنع , وعساكر بالشارع يلي فيه عرسها وصلت العروس ماكان حدا واصل بعدين شوي شوي صارو يجو المعازيم وضل المأزون ليكتب الكتاب ماكان يوصل قالولا أهلها بترجعي معنا عالبيت ولا أخر العرس وصل الشيخ ماكان عم يخلوه يمر بالشوارع ...... وتم النصيب والحمد الله .




كيفك الدمشقية شو أخبارك ؟

بكرا أستنوني برجع بطل عليكن .... بأخباري

وللمعازيم هند شوفي الصالة كم شخص بتستوعب وقسميهن بالنص وأعملي كروت للشخص عرفتي يعني غير كرت العزيمة الكبير بيكون معو بطاقات دخول ,,,صحي القاعات يلي شايفتيها أديش أجاراتها يلي متلن هون أقل شي 20000 ريال هي العادية يلي مافيها شي ,

دمشقية والله انو تفائلت بحكيك كتير

وخلص انا بدي بشهر سبعة وماعد فيي اجل اكتر

وبالنسبة للاوضاع والله مو منيحة كل جمعة بيصير مشاكل والكل عم يلغو حجوزاتهم سواء عرس او خطبة لا حول ولاقوة الا بالله

عروسة ابراهيم
بالنسبة لعريسي انا بقلو بدي اتزوج بوشه وبكل صراحة واهله بيعرفو ومتاكدين انو انا قاتلة حالي يعني صرلي 3 سنين مخطوبة مابدها اتنين يحكو فيها على مين بدي اجدبها يعني وقول انو مو فارقة معي لا فارقة معي ويعرفوا بعدين مو بس انا قتلت حالي وهو كمان اصلا هو شب يعني بدو يتزوج اكتر مني

وان شاء الله الله يسمع منك ويجو المعازيم

ومشان عدد المعازيم الظاهر القصة مارح تنحل ابدا

هلق الصالة بتسع 500 شفتيها كبيرة بس حماتي رح تحجزز بس ل250 شخص لانو المحاسبة على الشخص عرفتي شلون واصلا الصالة هنن بيطبعو الكروت الصغار

بس المشكلة انو نحنا 130 وهنن حسبو قالتلي اختو طلعو 190 وهي راحت وحكت معن وقال مستحيل يخلوني اشتري بطاقات ولا بيعطوني

وقال بدي اختصر هههههههه ياالله شو مصدقين حالون يابعمل متل مابدي يابلغي العرس

بقا عرفتي
وبالنسبة للاجار والله مابعرف بالسعودي

بس بالسوري الليرة يعني هي الصالة اجارها 20 الف ليرة وكل شخص 150 يمكن مدري 125 ليرة

بقا قوليلي قديش عشرين الف ريال سعودي بالسوري