سنع12ات و لا احلى ,, ببيت جمادى الاولى

قبل البدء دائماً في عمل من أعمال المنزل ... [COLOR=red]ذكر الله ...

بسم الله ... لتجنبي كل الأخطار بإذن الله ....



ولكن إيتها الأم ... هناااك نقاط لابد أن يكون لديك علم بهاا أثناء دخولك\\

للمطبخ .... ومع السرعة في التحضير ... تعرضي نفسك للخطر ...

ولكن الحذرررر...



أذا سقطت السكين على الأرض لا تأخذيها ... بل أرجعي وراء حتى تسقط




أثناء تحضير الطعام وتقطيع الخضروات ... قطيعها على طاولة وسطح مستوي ... ولا تقطيها في يديك أبدااً...



عند فتح العلب ... أفتحيها بالكاامل ... ولا تفتحي النصف والباقي..\\

بيدك ... لانها ستعرض أصبعك للجروح ...



نظفي الخلاط بالفرشاة المخصصة للأواني ... أو كوني حذرة عند التنظيف

من الشفرات... وكذلك الأكواب والاواني الزجاجية ...



هذي عجبتني :lol:


[/COLOR]
[COLOR=blue]ولا ينتهي الأمر عند هذا ... بل هناك ماهو أخطر ..... وهو الحريق ...

ولِتتجنبي الحرائق بإذن الله ...

لا تجعلي مقابظ القدر في الخارج ...ولا تجعلي القدر يكون في الطرف ...على الفرن...



وعند فتحة أفتحية ببطء لخروج البخار الساحن ... من الجهة الاخرى ..
ولا تكون القفاز رطب عند الفتح لأنة ينقل الحرارة ... إلى يديك بسرعة...



وكوني حذرة من وضع القدر بعد الطبخ على الطاولة قريب من الطرف...

ووضع الطعام في الزيت ببطء شديد ... ويكون على نار ضعيفة ...







الأطفااااال

كثير ما نسمع عنهم ... وهم أكثر تعرض للحرائق دائماً ,,,,

ويجب تعليم الأطفال كيف يتجنبوا اخطار المطبخ ... وعدم اللعب فية

والحركة السريعة ...

لا تجعلي السكين في أدراج كثيرة وقريبة منهم بل ضعيها بعيداً ...




[/COLOR][COLOR=red]وأخيــــــــــــراً \\


مكان صغير إلا أنه فية من المخاطر الكثيررررة ...

لا تتركي شيء على الأرض يسبب لك الأنزلاق ...\\
من زيت أو طعام سقط منك يسبب السقوط .... بل يحب عليك

تنظيفة فورررراً ...



ويجب أن يكون الحذاء مريح ولا يسبب الأنزلاق مع المااء وحمل الأشياء ...




عند غسيل الاواني يجب عليك وضع فوطة كبيرة . على الأرض . حتى لا يتعرض

البلاط للماء ...





وبس :adore:
[/COLOR]

يسعد صباحكم ...
بعد ردي بديت فالملابس .. الييييييييييييييييييييييييييييين الحين
وه تعببببببت وانكسر ظهري ..

واخيرا خلللصت ... الحمدلله

سويت كوفي مع حلاوة شكولاين وبيتي بون ..>>نوعين >>اتدلع على الانجاز .. ههههههههه

وتقهوينا انا وماما ونسمع برناااامج على الراديو .
وانا اتصفح على النت..

وافكر اليوم ان شاء الله بعد ما اجي من العيادة >عندي مرااجعه ..
>كنت ناويةاسوي بيتزا >>بس تذكرت الموعد . ما اجي الا متأخر

افرز ملابسي اللي ابعطيها الجمعييييية ..


المشكلة اتصل عليييهم من 9 بحجز مشغول قاهريني فالحركة يشغلون الخط .. اووووف ياربي

مو اول مرررره .. :@

وان شاء الله ببدأ هالاسبوع باسناني .. والله يعين ..


دعوااتكم .. ^_^

وحشتوني قووووه
واسفه غيبتي كانت خارجه عن ارادتي

يومياتي مو ذاك الزود بس صايره اي قطعة غسيل تطيح اغسلها واي صحن وسخ على طول اغسله
ببدأ اليوم برنامج تمارين
مترهله بمناطق من جسمي وخصوصا البطن يبغى له شد بعد الحمل والولاده وللحين ماشديته


عاد الأمل بالله وصرت ادعي وادعي ان ربي يفرج لنا ماحد بيده شيء غيره سبحانه وقاعده أقرأ اعتراض المعلمين على حركة النقل
ياااااااااااارب تطلع حركة إلحاقيه

بقوم اغير لبنتي واصلي واسوي لي شيء آكله انا وزوجي


اشوفكم على خير حبايب قلبي

سلام

اخباركم

يومياتي ( الخميس الله هو يوم الهجوم على الغرفه )

زوجي كان كاشت من الفجر .. وانا دبختهاا نومه لين 10 طبعاا مع التقطيع لريان الله يصلحه كـ العاده

استسلمت وشبيت على قهوتي وفطور لعيالي .. تقهويت وفطرتهم

بعدين هجمت على الغرفه بديت بدولابي لاني مهملته مره لي رف كبير وعيالي رف وزوجي رف والرف العلوي كمخزن للاغراض المهمه

بديت برفي فرزت ملابسي المنتهيه القطنيه لتمسيح لـ مره وحده بعدها على الزباله واللي مو قطن على الزباله او في كيس للجمعيه على حسب جودتهاا

كنت حاطه علبتني كبار لترتيب ملابسي بعد الفرز كفت علبه كبيره وحده |!!!

وثلاث صغار وحده ملابس داخليه قطنيه والثانيه والثالثه لانجريات وكولونات ..

بعدين رتيب رف زوجي حطيت علبه لترنجات وبدل طلعات ورياضه وعلبه لملابس الداخليه

بعدين رتبت ملابس عيالي كل واحد علبه

والرف العلوي حطيت فيه كرتون سماعة ريان + اللعاب لعيالي جديده من السويلم شاريتهاا لتحفيز ومخبيتهاا

ومسحت الدولاب اول شي بمرش خلطة ملمع زجاج + ديتول , والثاني معطر مفارش ريحته منعشه وجنان

بعدين انتقلت لدولاب زوجي التعليق مسحت ارضيته وشلت المعاليق اللي حايسته ورتبت ملابسه

وبعدهاا رحت لدولابي ريتبت الجزم بارفف معلقه ورتبت ملابس وشلت الشتوي بكيس ملابس والفساتين بكييس

ومسحت الارضيه وحطيت علبه للاغراض الزايده عندي واللي كانت حايسه المكان

مع التمسيح والتعطير طبعااا

وبعدها رحت التسريحه رتبت درج مكياج وعطور ودرج لاغراض الشعر
ودرج لادوات الخياطه وكل شي بعلبه شاريتهاا من ايكياا لتنظيم الادراج

ودرج لاغراض العطار ودرجين لاغراض منوعه

وبعدها رتبت الكمديناات

ورتبت السرير وخلصت

وبعدهاا جاء زوجي من البر وراح ينظف المكيف الصحراوي

وانا كملت ترتيب وتنظيف سريع الصراحه ولا قدرت اكنس الشباك وصارت خيره جاء غبار الجمعه خخخخ

وبكذا اكون خلصت الحمد لله

و

و

انجزت

....

الجمعه

رتبت غرفتي عيالي وصفطت الغسيل وغسلت ملابس الروضه لعيالي وشماغ زوجي

والغدا زوجي جاب من برا مشاوي

والمغرب رحت سيرة على اهلي تقهويت عندهم وجلست لين 11 ورجعت البيت

ونمناا تعبانين من الصبح صااحين

....

اليوم

صحيت 6 ونص سويت قهوه لزوجي وفطور

قومت عيالي وروشتهم لاني ماروشتهم في الليل

ولبستهم واستشورت شعرهم وجهزت وجباتهم وحطيت كحل وروج

وبسرعه جاء السواق ورحنا ودينا ريان للروضه

ورحنا للمركز

ورجعن 11 وجبت لي فطور وكاس زنجبيل

وع النت

وبعد اشوي ابناااام اريح واسوي غداء زوجي

ووو بس


فمان الله

مسالخير...
وتر الحنين>>ماشاء الله عالبركه الختمه...عقبال ختمة الحفظ...
اما العرس..ياشينها لاصار عرسين بنفس الليله...
ربي يونسكم دوم مو يوم...
نصائحك روووووووووعه....
********************
انثى>>يومياتك فلـــــــــــــــه...ربي يهون صعبها عليك
*****************
عروس>>ربي يكون بعونكم...مانلومك يكفيك همك...
**********************
دفا ثلج>>قواك الله...وربي يشفي ريان..مافيه امل يسمع من غير سماعات.؟؟...
***********************
يومياتي/...
رحت لموعدي عالساعه9...ودخلت..واجلت كل شيء لبعد اسبوعين..
ماعدا تحليل السكر...
اخذته...
وجينا عالساعه12ونص....
كنت تعبانه حدي...من الوقفه ومن اسياب المستشفى طوووووووووويله...
نزلنا زوجي ولبس صلى الظهر وراح لدوامه......
انا اخذت لفه سريعه ع قسم الرجال...وغسلت مغسلة اليدين...
وحطيت الدجاجه بلمكرويف عشان تذوب>>كنت مشتهيه غداء من برا..وبنفس الوقت اريح...
بس استحيت من زوجي...هو مايتغدى معانا...وانا اتشرط؟؟...
صليت الظهر...وجيتكم..
بعمل معكرونه بلدجاج اسرع واسهل..وبنام...
من الساعه3الفجر صاحيه...

وبث..دمتم بود..

مايمدحني لقب
تسلمي ياقلبي الله يعينك والله لو أتذكر بس تذكر الشهرين الأخيرات وبعد ولادتي بولدي أنخنق
الحمد لله ان كل شي بأجره ان شاء الله


وتر الحنين
ماشاء الله عليك أحسك نبض بيتكم
أكيد بعد الزواج أهلك بيفتقدوك كثير

انا الشهر الي أخذت فيه شهادة الثانوي انخطبت وتزوجت فيه
وقبلها كنت مجنونة دراسة وعاطله عن أعمال البييت
خخخخخخ
بس بجد الكل استغرب من الانجازات الي سويتها بعد الزواج لأنها فترة قصيرة جدا الي تعلمت فيها وكانت العزايم ب7 و8 رجال يجو لزوجي وأكلي وتقديمي يعجبهم جدا الحمد لله.
ربي يوفقك ويسعدك
مع سعيد الحظ الي اختارك والله محظوظ

بعد ردي أمس نزلت جهزت القهوة والفاكهة طبعا المطبخ حووسه والصالة حوسه وفوق حوسة وماباقي ع المغرب الاساعة وابي ربع ساعة مشي
اتصلت بصديقتي واعتذرت قامو البنات أكلتهم نواشف بعدين حليب وشيبس ابتديت بالصالة شلت الأكياس<المشتريات و كل شي فيها لمعت الخشب شلت الصالون<الكنب على جنب مسحت تحته ومسحت كل الصالة بخرتها وسكرتها.
المغرب أذن دخلت المطبخ حطيت دفعه غسيل ملون وجمعت المواعين ماهي كثيرة بس مبعثرة في كل مكاااان غسلت الأسطح ومررت عليها بمنشفة فيها قاتل بكتيريا مااذكر اسمه بس ريحته حلوة مثل العطر تدوم وتدوم وتدوم خخخ دعاية!

غسلت المواعين وتحسرت ان ماعندي غسالة مواعين والا ماكان أخذ مني هالوقت
كملت نظفت سطح الفرن ومسحت الأرضيت طلعت كيس القمامة برا
سويتلي حليب بالكاكاو مع بسكويت وركبت مع البنات
جلست أتصفح بالموبايل لأن الاب توب عاطل
والبنات يلعبون الى ان ناموا بروحهم الساعة12 ونص
بعد ماخلو الدار فوق تحت
جا زوجي الساعة واحد ونص أخذ صديق ولعبه الين نام وانا رتبت الغرفه سريع ولميت الأوراق والمناديل والألعاب
نام زوجي جلست ع النت الى ونمت

الاربعاء سويت لي بسبوسه الجالكسي ورحت بها لهلي كانو عندهم خالاتي مجتمعين
والخميس رحنا الجنادريه مع اهلي ولا وصلنا الى عشر الى ربع من الزحمه وضيعت اختي وزعلت علي خخخخ زحمه امة محمد وابوي عصب من المناظر وجايبين فرقه موسيقيه يابانيه واصواتها عاليه شي يضيق الصدر ورجعنا وحنا مااستانسنا من الزحمه وهالمناظر والشباب اشكالهم الله لا يبلانا ونمت عندهم وجاني رجلي الجمعه الظهر ورحت بيتي ومغير اتسدح واتبطح فيني آلآم بس ماتصمل واليوم طلعت من الساعه 9 المستشفى ولا رجعت الى الظهر وتغدينا من برى ورجعنا البيت ونمت الين قبل شوي وجيت اتطمن عليكم

مسا الخيرات

بعدكم سويت اظافري وحطيت مناكير سكري شفاف .. يوم بقا يوم من الدوره اتذكرت خخخ

ونمت ساعه وقمت على صوت الجوال زوجي يقول انا بالطريق جهزي غداي

سويت له سندوتش نخاله حشوته دجاج مفرزنتهاا وكاس عصير برتقال فررررش

وسويت لي معه تغدا ورجعت انام قلت فرصه دام عيالي نايمين

قمنا 5 ونص سويت اندومي لعيالي وشاهي لي ولزوجي عدل المزاااااج

زوجي طلع وعيالي نزلووو عند اجدادهم

وانا جلست ع النت

....

لمعة الماس

صلوح يدرس بـ مركز التدخل المبكر .. مثل الروضه بس هو يحتاج علاج طبيعي عندهم علشان التوازن عنده

لان جسمه ضعيف مرررره على طول يطيح تخيلي يوم رجعنا كل اشوي يطيح واخرهاا طاح على باب البيت حديد

صار بجبهته صعرور وش كبره يوحش وراح نفسه بغى يموووت بين يديني :( اسم الله عليه

برايفت ( استغربت انك تحتفلين بيوم ميلادك .. نصيحه انتبهي تكونين امعه مو كل مايسونه الناس ويقلدون الغرب نقلدهم فيه!!)

...

وتر

يومياتك ممتعه وعلى قولت ام احلى بنيه اكييييييد اهلك بيفقدونكـ بعد زواجكـ ان شاء الله

...
روز

وينكـ , نتظر المهمه الثانيه

اسرعي قبل يقل الحماس خخخخ

...

ام الاقمار .. انثى .. الله يكون بعونكـم ويتمم عليكم وتقومون بالسلامه

..

جوجو .. روحي تحبك .. كوامن .. قوااااكم الله

..

وسلامي للبقيه :)

_&$~يومياتي~$&_

الصبح قمت على صوت زوجي ماسمعته الا بعد هزني لأني في عاشر نومه
صحيت بدلت للبنات واعطيتهم حليب ركبت فوق غيرت لصديق ورضعته ومارضى يسكت نزلته معي المطبخ وسويت الفطور افطرنا وراح زوجي لاصحابه عندهم مشروع مشترك ربي يوفقهم

غسلت صفرة الفطور
وبعدين قعدت بين صديق والبنات صراخ ويتخاصمو على أتفه الاشياء
الساعة3 ونص نزلتهم المطبخ قليت بيض وحطيت فيلادلفيا وخبز وزيتون أكلو بعد مانشف ريقي من الصراخ عليهم
غسلت المواعين أكلت بيض وخبز مع كوب شاي وركبنا
فوق كله حوسة بديت بغرفة نومنا من الى لين كملتها وبعدين غرفة الالعاب <<مقر ومنتج الحوسة في البيت!
من الى وكملتها باقي مكتب زوجي بس وباقي البيت100%
آه ما احلى الراحة بعد التعب والاستمتاع بالنتايج

انسدحت على سريري ونيمت صديق جنبي وبدا المطر يصب بقوة جو حلوووو ولاينوصف صورت فيديو من الشباك وقاعدة أكتب لكم

جوجو
مايمدحني
ميرسي على المواساة
الله يخليكم لي والله كلامكم يطفي نار الهم اللي بقلبي

لمعة
تخصصه دراسات اسلاميه
واول سنه لنا
لكن املنا بربي كبير
ماودي يرجع لي الاحباط
انا بالقوة قدرت اوقف على رجليني واحاول اوقف زوجي
وبإذن الله بالدعاء والأمل والتوكل يبي ينقل
ياشيخه لو كان بعيد بس يفتك من هالمدرسه اللي تجيب الهم

دفا ثلج
ههههه
نفس حالتي باقي يوم واحد وتنتهي الدورة وأمس شارية عدة من طلاء أظافر ومبارد ومزيل طلاء

المشكله ان زوجي مايحبه اليوم ع الفطور لاحظو وسوالي مشكله
بكيت قلتله مو داعي كل كبيرة وصغيرة فيني تدخل فيها انا انسان مستقل ولو شي مو حرام وخاطري اسويه ليش تمنعني؟؟
يقولي اولا انتي كلك على بعضك لي بس تكوني مثل ما ابي انا
ثانيا انا اتقزز منه

عجب هو محطوط على أظافره والا أظافري

والله بكيت من خاطري
بعدين راضاني قبل لايمشي
قال جمالك مايحتاج هالخرابيط بدونها أحلى
هم صنعوها يسدو النقص وانت مو ناقصك شي !!!

عروس نجدية
الله يفرج همك ويفك كربك يارب
الصراحة انا مو فاهمه الموضوع زين
بس ليش التعيين مايحطو كل مدرس مثلا في مدرسة المنطقة الي هو فيها!
بدل من تنقل الكل

ومرة ثانية أسأل الله أن يسخر لكم الخير حيث كان

على كل حال انتي حاولي تأقلمي نفسك مع الوضع وهذا ينعكس إيجابا على نفسية زوجك يعني غضي الطرف ع السلبيات وحاولي تركزي ع الايجابيات مهما كانت قليلة
عيشي كل لحظه كما هي حاولي ان تسعدي بكل لحظه اينما كنتي
ولاتفوتي اللحظات في التأمل والتمني!
وفقكم الله

بعدكم

كنست الصاله ورتبت جلستناااا

درست ريان الكرووت اللي عليه وواجب الروضه

جاء صلوح من تحت وبيده فيهاا حرق من يوم الخميس حرق ايده بالكوايه وانقشع الحرق شكل احد مسكه مع ايده بدون مايدري

حطيت عليه خلطة الخوا وجوا ولفيتهاا بشاش ..

وسويت لي قهووه ورتبت مطبخي سريع ..

وجيت اتقهوى واتصفح

...

لمعة الماس

الحمد لله طمنتيني " واتمنى انكـ ماتزعلين مني . نصحتكـ خوف وحب لك يالغلا "

بنات ابحثوا عن هالرواية حلوة ومغامرات ورومانسية بنفس الوقت

اسم الرواية
أحلى صدفة في حيآتي

انا اكتب لكم من الموبايل والا كنت حطيت لكم الرابط!

انا لسة ماكملتها بس بدايتها مشوقة ومغامرات