تجمع حوامل وامهات قطر لشهر جمادى الاولى لعام 1432ه؛ الموافق لشهر ابريل لعام 2011

الورد
ههههههههههههه عجبني تعليق السداويه

النوري
عجيييب
اصلا هذي هوايه تلاقين ناس تتخصص في تجديد الشغلات القديمه
وعن فستانج في ناس يتحسسون من اللون الابيض

عذبه
لا والله هذي الصورة اللي لقيتها بس
وهاي ورق جدران شفت شغلات غريبه جذي في هوم سنتر

كامى
طيب غلاتى لو عندج الصورة بدون تظليل ..
طرشيها لى ولا عليج أمر ..
وهوم سنتر لى كم يوم أبي أروح له وربي ماكتب .. :(

شكرا على تاجوبكم وردكم علي


انا مشكلتي هو يتابع حالتي وكل الاطباء يرجعون بالراي له ، اخاف اغير عنه ويردون بالكلام الاخير له

لانه برفسور ،، برفسور طل

اليوم كم حاله قدامي ضيعهم وضيع مصيرهم ، وحده حامل بتوم وتوفوا عيالها ببطنها ولا سوا اي شي

والثانيه دخلت التاسع واهي الماي ناقص ومريم سلمان حولتها على اساس مفروض ولاده لان الماي موزين تنقص

الا يقولها من قالك لا مافي ولاده الحين ، وعقبها اليوم يوم دخلت عليه يقولها بكره ولاده ومافي اي تطور ،

مسكينه طلعت اتصيح ، ضيعها ، وصلها لحاله الخطر واهي من زمان تقوله ولدني يقول لا .

وانا من الشهر الرابع واهو الجنين تشهوه ومافي ماي ، مفروض ينزلونه ، وكل موعد يقولي بينزل ،

وبيموت وبينزل وللحين مامات ولا نزل اخر شي قلت له ابي اللجنه الطبيه ،

الا يقولي زين خلاص بنولدك ولاده مبكره عشان مايتعتبر اجهاض ،

وكل اسبوعين يقولي لا مايصير بنفكر ، انطري حيموت وينزل ، وهذا انا كل موعد نفس الكلام ،

ويقول مافي اي تطور بالحاله ، وسمعت ان وحده نفس حالتي بس مادري اي دكتور رايحه عنده

قالها مفروض تنزلينه ونزلوه لها على الرابع ، وانا كم مره اقوله ضيع الوقت علي .

وانا ضيعني معاه هالحماار .

موغى ..
ماتشوفين شر .. والله معرف هالدكتور .. ومادرى شأقول لج ..
من اللى فهمته بأقول لج المفروض استشرتى كذا دكتور فى كذا عيادة
هذى روح وانتى مسؤؤله عنها قدام رب العالمين ..
مهما كان الدكتور شاطر سبحان الله الا يكون فيه نسبة خطأ ..
وكلى أمرج لله سبحانه .. والله يكتب لج الخيره ..

هوم سنتر عنده تنزيلات ومتى تخلص

موغي الله يكتب لج اللي فيه الخير يارب

موغي
حسبي الله عليه
والله حسبي الله عليه
هاذي ارواح ضيعها
كم وحده الحين وكم جنين مات
محد موقفه ند حده لو في حد يرفع عليه قضيه ويشكيه في المحكمه ما كان هاي حاله اهبل
اهبل والله اهبل
مب عيب لو الدكتور يقول ماعرف
جسم الانسان معقد ومن اصعب ماخلق ربي
ومستحيل الدكاتره واذكى اذكياء العالم يقدرون يخترعون والا يشافون المرضى الا بقدره العزيز القدير
اهبل قول ماعرف نتوكل على الله وولد هالحريم
مب يقول لا مافي شي
اهبل ياربي ماداني مع اني ماشفته
ولا احب مرته
قليله ادب وعديمه ذوق

موغي
غيري التيم بكبره
روحي عند حليمه التميمي
والا نجاح

طيب هو وين يشتغل .. ^o)

AŢнβA;15040913:
طيب هو وين يشتغل .. ^o)

يشتغل استشاري في النساء والولادة

خلاص ماابا ازعل عروستنا راح اختار لون ثاني

ستايلست كامي

مايحتاج اقوول راييي تعرفينه

موغي

روحي لاي دكتور خاص او راجعي بااالاهلي عند روزفي يمدحونها
ووعن انه ماعررف ان بيبج في تشوف ومانزله خيييره ماتعرفين شيصير

بنات الب ي بي قولوا

حق نصوفة وحق امونتي قمور وام نعانع لهم وحشة خلهم يطلعون عليناااا

صباح الورد

لولوة: كل عام والشوش بخيييييييييييييييييييييير وعقبال ماتشوفينها في كوشتها

النظرة الخجولة: انا حامل للثلاسيمسا بس عادي ماتأثر على حياتي في شي اصلا اكتشفت ان فيني بالصدفة
المصابين هم الي يحتاجون نقل دم كل شهر ويترقدون في المستشفى

والحامل لازم ماتتزوج مصاب عشان العيال مايصيرون مصابين ومادري اذا يصير تتزوج حامل او لا

والاب ينقله للبنات والام تنقله للاولاد

انا الوحيدة في اخواني الي حامل والحمدالله ماعندنا مصابين .. ولدي ماانتقله بس عنده جي سيكس بي دي

بس ماادري اذا ابوي حامل او مصاب لانه اكيد هو الي نقلي بس الحمدالله هو مايعاني من شي

والي فيه ثيلاسيما يكون نسبة دمه دايما نازلة وماترتفع بالادوية ولا باي طريقة

النوري عادي تلبسين ابيض بس سالي العروس قبل يمكن هي ماتحب

صباح الخييير

اليوم امتحاني الفاينل
دعواتكم

صباح الخير ..

اليجنت :
اهااا ،
ماعليكم شر خلاص طمنتها
ماقصرتي انتي ووهج ...
شخبار ولدج ؟

صبـحنـا بأسـوا خبر قد سمعنـآآه




مـرحوم ياذيب رحل يوم الاثنين
تهـابه امريكـا من افعـال يمنـاه

عظم الله آجركم بشهيد الامـه (( بـن لادن ))



شخبـأركم بنـات
امس ماطليت عليكم عقب ماحطيت الصور
ثنكس بنات على الكومنتتات


لولوه الدوحه

حبيبتي الشوش كل سنه وهي احلى بنوته
الله يبلغج فيها وفي اخوانها يارب


مـوغي

حسبي الله عليه هالبدر
مادري ليش للحين مخليييييينه وايد مهمل في الحالات
وكل شي عادي عنده ,,,
غيري دكتورج وروحي عند حد افهم منه والله يعوضج خير يااااربي


فارفيلا

بالتوفيييق حبيبتي في الامتحان

يغار

الله يرحمه مادريت الاالحين منج جد جد زعلت عليه

ام حمنـي

الخبر صدمه من صبح مصبحين علينا قنوات الاخبار
تبث الخبر :*_*:

صباح الاخبار :thumbs_down: