تجمع حوامل وامهات قطر لشهر جمادى الاولى لعام 1432ه؛ الموافق لشهر ابريل لعام 2011

احاسيس
حبيبتي هي ماتعرف
اذا انتي توج تعلمينها خلي البامبرز عليها
ومثلا لما تقعد من النوم عوديها اول شي الحمام
فصخيها وخليها قاعده بتسوي شي لازم حتى لو ربع ساعه تقعد في الحمام
هو يبيله صبر
وعقب مثلا لما تشرب شي عقب ربع ساعه او نص ساعه وديها الحمام
انتي اصبري عليها اهم شي اول ماتقوم من النوم وقبل النوم
والنهار مثلا بين فتره وفتره وديها الحمام
البيت لاز م يتوصخ
وهالشي عادي بعدها شوشه فديتها تسوي في الفراش مرات وهي نايمه
او تكون لاهيه باللعب وتقول في اخر لحظه وبسرعه ركض عالحمام ومرات ماتوصل تسويها لانها حاصره نفسها من فتره ..
عادي وهاذي هي بتكمل ان شالله 3 سنوات عقب يومين
فديت قلبها انا

كامي
عجييييييييييييييييييييييييييب
بالذات ثالث صووره
والخضرا الاخيره حلوووووه بعد
هم كلهم حلوين اصلا

احاسيس
هي ماشالله كبيره الحين وتفهم
يبيلها تتعود وتتعلم عالشي
دخليها معاج الحمام وفهميها هني يسوون مب في الحفاظه خلاص انتي كبيره وحلوه
لازم تروحين الحمام
واذكر فراوله قطر قالت لي هالشي
كل ماتسوي شي في الحمام كافئيها مره صفقي لها ومره حطي لها مناكيير
هم يموتون عالمناكيير ومن تفهم انه المناكيير بس اذا راحت الحمام بتتعلم اسرع
ومره عطيها كاكاو جذي
هو المفروض تبدين معاها بدري هاي ماماتي فديتها تقول لي دايمن ابتدي بدي عشان ماتتعتبين
صج بديت مع الشوش ماشالله تبارك الرحمن قبل لاتكمل السنتين وعقب هونت وتعيزت وعقب هاوشتني امي لما عرفت اني ماكملت معها كانت كملت السنتين رجعت معاها الحمدالله
يالله الحين الحقي عليها ولا تهونين ..ثرا البامبرز بعدين مايستحمل ممكن يسرب
كل ماهونتي تتعتبين اكثر بعدين لاتنسين عندج اخوها بعد
يعني كلها كم شهر وبتدين معاه <<المفروض

الفساتين احلى من جذي بس لاني صغرت الصور وضاعت التفاصيل
تصميم جورج شقرا للي يبي يشوفهم بالتفاصيل

تصميم الكساندر مكوين

ياحلو فستانها ..
أعجبنى انه ساتر .. ومحتشم
مع انه بسيط جداً .. بس شكل الخامه ثقيلة ..

السلام عليكم


نعسانه بس بنتي مصحصه ماتبي ترقد

فيه حد مثلي من صرت ام ولا يوم شبعت رقاد ومشكلتي لو ارقدت بنتي الظهر ماحب انا رقدة الظهر

عليكم السلام والرحمة

مشكلة الرقاد هذى مشكلة عالمية ..
بس دام عمر بنتج سنه المفروض تعدل نومها من زمان ..
حاولى ما تخلينها تنام فى النهار كثير ..
عشان انتى ترتاحين وتقدرين تعابلينها
الله يخليها لج

تصبحون على خير

عذبه تسلمين حبيبتي وانتي من هله


اهي تنام ساعتين الظهر لازم لكن فالليل والفجر والصبح ماساه ارقاد متقطع

*النظرة الخجوله *;15015131:

ماميز اذكر وحده ذكرت قبل موضوع عن الثلاسيميا
اذا كان الزوج فيه والزوجه مافيها
العيال شنو وضعهم ؟؟

صباح الخير
أنا زوجي حامل الثلاسيما وانا لا
فاعتقد البنات يحملون المرض
بنتي حامله المرض
الدكتوره قالت لي نص الاطفال يحملون المرض والنصف الثاني صاحيين

بس اذا كان الزوج مصاب - فبيكون 25/ منهم مصابين وحاملين واصحاء

الورد
قللي رقادها الصبح نص ساعه اقل والظهر نص ساعه اقل
بتتعبين اول كم يوم بس بترتاحين بالليل

مرحباااا







كيفكن حبيباتي






سؤال وشو موضه الشعر السنه طويل والا قصير والا متوسط الطول يعني الين نص الظهر
زهقت من شعري وخاطري احشه واغير ..
وساعات اقول اصبر الين اربي وعقب اسوي نيو لوك
مرات اقول حق العيد بعدله شوي وبرتبه مب اني اغير واسوي نيو لوووك بس تريمنغ يعني اشرايكم ..
شعري من عقب ماقصيته عند ناديه اظن اللي في جاك ماطول نفس كل مره

عدليه لولو مدرج بطريقه حلوة
بس الحش خليه لبعد الاربعين باذن الله

كامي
هذا اللي انا اقوله
فبالي احشه عقب الاربعين مع صبغه نايس
بس مو عارفه الطول الحين شعري الين اخر ظهري تذكريني في حملي في الشوش اقصر بشوي مب وايد لوووول
انا قلت عادي مب ماشيه عالموضه اهم شي انا اطلع حلوه لوووووووووووووول واكون راضيه عن القصه
وبسوي مثل بسومه عقب 6 شهور من الولاده بعد برجع احشه شي محترم اكثر يعني
تسلمين غلاي انتي

لا اذا بتحشين حشي عدل من اولها احلى

الله يسهل ان شالله لبعد الاربعين
بشوف اشلون
ماتوقع قلبو بتخليني هي من زمان تحن حشيه وحشيه
فأتوقع بحشه من البدايه
بتجيج الاخبار اول بأول ان شالله

مساكم خير يا حلوات ..

الورد ..
حاولى تنظمين وقت نومها ويصير لها طقوس يوميه تعرفها ..
مثلا اللحين حلو تحممينها قبل لا تنام .. تخلينها تلعب شوي ..
بعدين تسوين لها مساج خفيف باللوشن ..
تبدين تبندين الليتات شوي شوي تخففين الاضاءة
تخففين الصوت حولها .. تكون متعشيه وشبعانه او تاخذ رضعتها وانتى معاها
ممكن تشغلين عندها القران بصوت خفيف او تشغلين لها كارتون تحبه ..
اذا صحت بالليل لا تسوين لها سالة وتصحين معاها .. خلى الليتات مبنده سولفى عليها بهدوء احضنيها وشوى شوى بتعرف انه وقت نوم موب لعب ..
المهم تنتظمين على هالشي ويكون بالج طويل ..بتتعبين اول يومين ثلاثه لكن بعدين بينتظم نومها ان شاء الله
وبترتاحين وهى بنفسها بترتاح ..

لولوة ..
شأخبارج .. انا ضد حش الشعر صراحه ..
دقة قديمة على قولتهم شأسوي :)

كامى ..
شلونج ..