تجمع حوامل وامهات قطر لشهر جمادى الاولى لعام 1432ه؛ الموافق لشهر ابريل لعام 2011

rayan2010;14925116:
طيب انتي وين رح تولدي مابصير هي الدكتورة نفسا تولدني لأنو مابدي تابع كل الوقت معا وبالاخر تولدني وحدة مو عرفانة شي عن حالتي شو رأيكن انتو ؟

هلا عزيزتي ..
انا ان شاء الله راح أولد فى مستشفى الولادة ..
أشوفه أفضل من ناحية العناية بالأم والطفل .. لا قدر الله صارت تعقيدات والا شي
تكونين فى مستشفى متكامل من كل النواحى ..

ومتابعتى مع الدكتورة هدى لأجل الاطمئنان والحمدلله امورى زينه باستثناء ارتفاع سكري الحمل ..
ناوية ان شاء الله اللحين ابدا مراجعاتى فى مستشفى الولادة ..
والله يهون علينا جميعاً :)

نور الدنيا

سلامتج والله
ماتشوفين شر يارب

انتبهى من البرد ..
يمدحون كريم moov للعضلات والام الكتف
جربيه وقدامج العافية ان شاء الله

شيكى الخاص حبوبه :)

عذووبة واحاسييس

انزييييين وين االاقيه في الجمعياات ولا مكان معييييين

مساء الخميس



النظرة

الويه عادي يتقشر وبيروح بنفسه مع الايام

مساء الخير ماميز ..

شخباركم ؟ غبت عنكم كم يوم وحشتوني :$



امم بسالكم .. متى اقدر احط توقيع ؟

فراشة قطر
أنا كنت أخذه من كارفور
بس أتوقع تلاقينه عادى فى الصيدليات

عيون محمد
لما تكملين 50 مشاركة تقدرين تحطين التوقيع

مساكم خير

صباح الخير والبركة والجو الحلو ..
الله يديمها من اجواء ويرزقنا الحيا
غيث رحمة يارب
جمعة مباركة ان شاء الله
تقبل الله طاعاتكم وصالح أعمالكم

مساء الخير ..

جمعه مباركه ومبروك عليكم المطر ..

اخباركم ماميز ..؟ هدوء من امس لليوم ..

مبروك عليكم المطر بهاليوم الفضيل


اجوااااااااء ولا ارووووووووع

سؤال عاجل حمني حرارته ماتنزل ووديته امس الطوااري قالو معه احتقان من فايروس وماعطوه الازيرتك مدري شدخله بس الدكتور يقول زين حق الاحتقان شرايكم انا ماقتنعت بكلامه

احم احم





وينكم







لوثمحتوا خلص البيات الشتوي
اطلعوا خلاص راح البرد

.مرحبا بنات
حبيت اسالكم عن بنتي الكبيره مب عارفه لون اتصرف معاها
عصبيه وعنيده شوي
وبروحها ماتعرف ايش تبي
الصبح تقول تبي كورنفليكس احط لها شوي في الصحن وتبي فوقه حليب اصب لها بس يجهز تغير رايها
خلاص تبي روتي وجبن اسويلها بس تزعل على اي شي ليش ماعندي قفشه والا تاكل شوي وتطلعه من حلجها وما يعجبها !
يعني لو بمشي على كلامها ما راح تخلص كل شي تطلع فيه عيب لين توصل في الاخير ان مب عاجبها !
( اذكر مره من قبل سنتين قريت عن هالموضوع ومعاه الحل بس ماعرف وين وما ركزت لان بنتي حزتها كانت صغيره وايد )

وشي ثاني بنتي تضرب اختها الصغيره بدون سبب يعني بس مجرد تمشي احذاها تضربها
اكلمها اقولها لا تضربينها هذي اختج الصغيره ومن هالكلام بس ماتبي الا تضربها
يعني حتى لو مثلا تبي تسوي شي غلط تلعب في الكهربا مثلا اقولها لا على طول تضرب اختها !

احاسيس :-
الكرستال يعور للركبه ؟

كامي
عادي كلهم بهالعمر يجيبون القولون
حطي الاكل عندها وخليها تصيح لييين تشبع مصيرها تجوع وتاكل
حمني صاير مايحب السبوح وااذا تسبح تعاي شوفي المناحه يقعد يصييح ساعه ليه سبحتيني ويطقني بس ع الخفيف وكنت اتضايق واتعب واعصب بس الحين اخليه واروح الصاله واقوله اذا شبعت صياح تعال ويقعد يصرخ تعالي ويزيدبالصياح بس بالنهايه يقوول تعالي لبسيني يعني الحل هو التجاهل واليوم طق ريمي ع راسها 10 مرات ورا بعض عشانه اقربت من تشارج البي اس بي ع باله بتشله وفيه موضوع فيه كويتيات بقسم الطفل لااخصائي بسلوك الطفل الموضوع مثبت ومن قلب مفيد

ماميز ابي اسوي بوفيه مجكنم وين تنصحوني

بنات حابه استفيد من خبراتكم فالنساه :(

تقريبا لي شهر ونص الحين من حملت ..
ومن يومين فيني لوعه 24 ساعه :(
ماتروح بس مرات تخف ومرات تزيد لدرجة ان اكره نفسي :""(

زهقت والمشكله انها مخليتني مب طايقه شي لا اطلع ولا اسوي شي..
مافي شي يخففها ؟؟

مسـااء الخير ..

ام حمني

البيت الشامي جربيه حلو ..

عيون محمد

اكلي حبوب اللوعه انا كنت اكلها قبل لا اظلع الصبح للجامعه عشان الطريق


لولو

حيالله الكروشه .. شخبارج ..


ام الغاللين شخبارها ..

عيون محمد

ااممم وحده من هلي قالت لي بدال الحبوب اذا تبين تطلعين وتلوع جبدج ف السياره اخذي معاج ليمونه وشميها :D وبالنسبه لي انفعتني

وحاولي اذا بغيتي تظلعين خاصه الصبح ماتكونين ماكله شي ..

والبسكوت المالح ينفع واجد ربعي ياكلونه الصبح لي قعدو من النوم

<< حسيت بلوعه وانا اكتب:badly:

مساكم الله بالخير

أحاسيس
اى يبيض الجلد سبحان الله من تفتكين من الحلاوة والا الشمع
وتتخلصين من النقط السودا مكان مابيطلع الشعر والشعر اللى تحت الجلد يرتاج الجلد بنفسه وتشوفين لونه تساوى
بخصوص التقشير الكريستال ما ادرى والله ..
ماودى أتعبث بروحى .. لكن مشكورة على الإفادة

لولوة الدوحه
هلا والله .. شأخبارج ..
وحليلى ماعندى بيات مداومه بس بروحى :(

كامى
نفس مشكلتى ربي يحفظهم .. بينهم سنه بس والكبيرة مستوية شر على الصغيرة
أول حل دخلت الكبيرة للحضانة تقريبا من 9 لحد 12 .. تفرغ طاقتها وتتعلم أن فيه شي اسمه مشاركة ..
ثانى شي بديت أتعامل معاها بحزم لكن موب بقسوة
أول كنت أفقد أعصابي واضربها على يدها لو ضرت اختها شفت مافيه فايدة
اللحين صرت اقعد قدامها وأطالع في عيونها وأعلمها أن اللى سوته غلط ويخلينى أزعل منها
سويت لها مكان فى غرفتها وسميته العقاب
لو سوت غلط خذتها وقعدتها فيه وقعدت فى مستواها وعلمتها بالخطأ وانها ماراح تطلع الا لما تقول اسفه ..
اول كم مره كانت تصرخ بقمة راسها وتطلع
لكن ما فقدت صبرى على الاقل قدامها ارجع وارجعها لنفس المكان ..
والحمدلله مره عن مره صارت البنت أفضل .. ضربها لأختها خف عن أول بكثير ..
صارت تتقبل انها لو سوت غلط لازم تعتذر ..
ربي يحفظها عنيدة وراسها يابس لكن الحمدلله قدرت أسوي لها حدود صارت تعرف انها مالازم تتجاوزها والا بأزعل عليها ..

ام حمنى
اهلين .. شلون حمنى اللحين عساه بخير ..

عيون محمد
تحملى .. او اخذى من الصيدلية دوا اللوعة يخففها شوي
والله يعينج

ام الغاليين
مادرى شأخبارها .. ولدت والا بعدها ..؟؟