ازيكم يا عرايس ربنا يسعدكم جميعا وييسر اموركم كلها معلش مكنتش بشارك لاني مشغولة شوية بس لازم اتابع معاكم كل الاخبار
دودو وتيوليب
الف مليون مبروك وربنا يتمم لكم علي خير يارب
توتة حسن
ربنا يرجعلك حسن بالسلامة والكركوماز في كارفور عند الفود كورت بس ده توكيل وفي في المنشية عند السكة الجديدة المحلات اللي قدام العمرية وعندك هابي هوم محل في الابراهيمية في الشارع اللي قدام مول مينا والزلباني بجوار قسم الرمل جنب تاتو دول اللي اعرفهم بس انا جبت من المنشية
رشا قلب مادو
عاملة ايه دلوقتي ؟ وليه تزعلي نفسك للدرجة ديه مش حرام عليكي يا موزة دا حياتنا بحلوها ومرها مكتوب عند ربنا وماداقت واستحكمت حلقاتها الا ما فرجت وكلنا ياما شوفنا في الحياة والله لو احكيها عايزة كتاب بس ربنا كريم قوي وانا بقيت دلوقتي بتفرج علي حياتي اكتر ما بخطط ليها وراضية بكل اللي ربنا يجيبوا ومحدش يعرف بكرة جايب ايه فرفشي بقي وسيبي بكرة لصاحب بكرة يدبرلك من عنده
مرمر
ايه اخبارك وموضوع السكاكين ده انتي لو عندك ضيوفبتقدمي التفاح متقطع علي 4 مثلا وبتقدمي البرتقال متقشر مثلا فمش بيعوزوا سكينة قوي والاصل استخدام سكاكين السفرة اما لو قرايبك قوي حتجيبي كام واحدة سكينة فرداني صغيرين شوية زي اللي جابتهم هند من ابو حمدة كدة علشان حتي تروحي بحر جنينة مثلا تاخديها معاكي مش بتاعة طقم السفرة ولا طقم سكاكين المطبخ
هند يا بلبلة
ازيك مش باينة ليه؟ وما شاء الله الصينية حلوة فعلا وزي نتاعتك خلاص باذن الله اجيبها واه المحطة هي سابا باشا فعلا معلش كنت حتوهك بس كويس طلعتي عارفها ربنا ستر
مشمشة تامر
مبروك حجاتك جميلة وبيقولوا صحيح ان فيه زيت زتون ليبي في المنشية 800 جرام ب 14 جنيه تصوري:confused: بس لسة ما نزلتش عايزة اشوفه ده وموضوع المستشفي بعتلك بيه رسالة ولو عندك اي سؤال تحت امرك
بطة
ازيك يا قمر و مش مهم الشقة تعجبك قوي يعني ما هي مؤقتة مش انتي حاجزة شقة تانية اصلا خلاص وخاصة ان بتقولي سعرها كويس خاينا نفرح بيكي بقي وما تحطيش العقدة في المنشار فكري تاني ويارب ييسر كل امورك والعفش اشتري جاهز من دمياط في كل الاسعار وحجات جميلة ومحدش يتحكم فيكي ويقرفك في الوقت او الحاجة تخلص وفيها حاجة ما تعجبكيش مثلا
مهندسة موون;15025066:
سوال مخالفة اخد ايه معايا من الحاجات الى جايباها فى جهازى ؟مش مهم تجاوبوا دلوقتى
بصي بقي يا حبيبتي الحوار ده حصل بالضبط مع جارتي وبنت عمي وهما عملوا كتب كتاب وفرح في القاعة وفستان وكله ومضي علي القايمة والتانية دفعلها المهر علشان اتفقت علي مهر وهي تجيب الخشب المهم وروحت وهو سافر وبعد شهرين راحتلوا ومعاها لبسها بتاع البيت وشوية لبس خروج علشان حتلبس هناك عبايات و3 ملايات وبس علشان عنيها لو زاغت علي حاجة من هناك تشتريها وحتشتري الشقة علي مهلها وتشطبها علي زوقها وتفريشها قرب ما حتنزل تعيش فيها مش تجيبي الحاجة وتتركن لحد ما موضتها تروح وتبقي ولا استخدمتيها وهي علي الموضة ولا عارفة تجيبي تاني بدلها واعملي الفرح اللي انتي عايزاه وحتكوني راضيتي الطرفين ورضيتي نفسك وربنا يوفقك للخير
ميويا;15024814:
بنات.انا.جبت.الاجهزه.اخيرااااا
غساله.وايت.بوينت.العبد.ايطالى2070
بوتجاز.يونيون.تك1490
تلاجه.الكتروستار14.5قدم.مش.فاكره.بقى.السعر
مكنسه.بانوسونيك1600وات.ودى.كمان.مش.فاكره
سؤال.بقى.اجيب.كاتل.نوعه.ايه
والفرن.اجيب.سعته.اد.ايه.يعنى.45لتر.كويس.ولا.ايه؟؟
[/CENTER]
مبروك اجهزتك يا ميويا وتلاجتك زي بتاعتي وما شاء الله جميلة قوي والكاتيل سمعت ان تيفلا كويس والفرن انا بحب اللي مش كبير قوي علشان يسخن بسرعة وما يخدش كهربا كتير
MARMORA_A;15023545:
[B][COLOR=RoyalBlue] [/COLOR][/B][B][COLOR=RoyalBlue]
اجيب طقم الجاتوة ولا ملوش لزمة يابنات
انا عندى صينى واركوبيركس وبيركس وميلامين^o)^o)^o)
[/COLOR][/B]
مرمورة عاملة ايه؟ وربنا يسهلك امورك وبلاش طقم الجاتوه ما لوش لازمة وعلشان المكان كمان
Love You 7abibi;15023916:
:)
بس انا زي مانتوا عارفين مش عاملة فرح هو كتب الكتاب في الشرطة
ينفع احط الجيست بوك برة؟؟؟
هتبقي ظريفة طيب؟؟
ولا الناس هتتلخم فية برة ومش هيلحقوا يدخلوا كتب الكتاب
لانكوا عارفين هيا ساعة بس:confused:؟؟؟؟؟؟؟؟؟
كل الرجالة كدة لو ماقولتيش علي حاجته فظيعة وواو وما حصلتش تبقي مش بتقدري تعبه ومش بتحبيه والكلام الفاضي ده وما دام الحاجة خلصت والفاس وقعت في الراس قوليله حلوة وخلاص بس مثلا لو كان فيها كذا كانت حتبقي احسن علشان يفهم وجهة نظرك من غير زعل والجيست بوك صحبتي خلت الناس يمرروه علي بعض وهما قاعدين لما لقت اختها ان ناس كتير مش كتبت فيه ومبروك مقدما
banana z3lana;15021757:
ا
سؤال المخالفه بس بجد
هوا طقم التوزيع بيبقي بكام؟
و اجيب استانلس و خشب و سيلكون ؟
الف سلامة عليكي يا دينا وهاتي واحد استانلس والتاني سيلكون زهران او خشب علشان السيلكون الرخيص ده بيسيح ويدي طعم مر في الاكل
