l|¦|l تجهيزات عرائس " مصر " لشهر جمادى الأول 1432 - 2011 م / الجزء : 159 l|¦|l

لولو احمد حمد الله عالسلاااااامه ومبروووووووووك عالعفش

نانو ياقمر ازيك مبرووووك عالحمل ربنا يتمملك على خيير

قوليلى التلاجه والغساله عاملين معاكِ ايه؟؟

هوبا بودى خير ياقمر حد يكون هيكتب كتابه ويتخنق:!!::!!::!!:
روقى كده وربنا يتمملك على خيرر

مرموره ياقمر فرحتلك جدا جدا الف مبرووووووووووووووووك ربنا يتمملك على خيييرررررررر

مرمر ايه حكاية الاكروبيركس اللى بيقشر ده !!!!

بطه ربنا ييسرلك شقه ولجميع البنات يارب وانا كماااااان


يارب فرح قلبى ايه اللى حصل بس ماكنا كويسين هل جد جديد

اسراء ومشموشه انا نازله درب سعاده يو الاربعاء حد عايز يقابلنى

سوشى هى عسالتك زانزوسى بضماااان ايه؟؟
اصل نزلت لقيتها بضمان اوليمبك

تيامو فرع البيع اللى فى وسط البلد ده معرض اجهزه ؟؟ بسرعه ضرورى؟؟

دودو 555 الفساتين حلوين بس غاللين اوى ايه ده
دا انا شوفت زيهم كان ب 5450ج ونفس القماشه والتفصيله قريبه منها

هكمل بكره بقى انتوا بتجروا وانا مش فاضيلكوا

lasposadelnilo;14954964:
ازيكم يابنات
انا قرفانه اوي ونفسيتي ازفت من الزفت
لا في حب ولا كلام فارغ ده اشباع غريزه جوانا وبس وبنضحك بيه على نفسنا
كله بيقف قصاد الماده ويتنح
انا تعبت وربنا تعبت
اتخانقت مع احمد بسبب ام السجاد
انا كرهت الجواز على اللي عاوز يتجوز بلا قرف
وبحاول اتعامل بكل ادب ومش عاوزه اجرحه ومفيش فايده
اموت نفسي يعني ولا ايه
قاعده بتناقش اربع سعات في تمن السجاد وانه مش غالي لما بقيت بغلي وهموت من العياط ومش عارفه اتخمد
ادعولي بجد لاني اتخنقت ونفسيتي صددت على الاخر


سوال المخالفه
اجيب كام سكينه بقااااااااااااا

عسولة عمرو;14955094:


تيامو فرع البيع اللى فى وسط البلد ده معرض اجهزه ؟؟ بسرعه ضرورى؟؟

ا

لو قصدك على فرع البيع بتاع توشيبا ايوه فى وسط البلد بس مش بيبع غير منتجات شارب وتوشيبا والحاجات اللى بضمان العربى فقط هو انتى مش فى بورسعيد صح لو كده فى فرع فتح فى بورسعيد (معرض وبيع)
ولا قصدك بى تك

[BACKGROUND="70 #FFFF00"]
كالعادة مش عارفه اتابع عشان شغلى بس مفتقداكم جداااااااااااا بس دخلت على السريع عشان نبارك لـــــ:032: [SIZE=6]مشمشة:032: على

زفافها عقبالكم يابنات يــــــــــــــــــــــــــارب ده لينك التهنئة

http://forums.3roos.com/showthread.php?t=613671
[/BACKGROUND][/SIZE]

[BACKGROUND="70 #FFFF00"]

عرايس شهر ابريـــــل


MARMORA_A كتب كتـــــــاب
22-4-2011

monna vision
29-4-2011


كتب كتــــــاب hoba bodyyy
30-4-2011

عروسة شهر مايــــــــو

كتب كتاب banana z3lana

5-5-2011

عــروسة شهر يونيـــــــو

banana z3lana زفـــــــاف
4-6-2011

meramia اخــــــت
6-6-2011

Love You 7abibi زفــــــــاف
9-6-2011

lasposadelnilo زفــــاف
23-6-2011

عروسة شهر يوليـــــــــو

زفــــــــــاف ميـــويــا
1-7-2011

meramia زفـــــــــاف
7-7-2011

lasposadelnilo اخــــت
19-7-2011

عروسة شهــر نوفمبــــر


زفــــــــــــاف نــــــوزى
10-11-2011

:087:ربنا يسعدكم يارب ويتمم لكم على خير يــارب :087:


[/BACKGROUND]

دااخله اطمنكم زي ما قلقتكم خصوصا البنات اللي اهتمت و دعيتلي:adore: انا و اختي احسن بكتير من امبارح و قبله الحمدلله الحمدلله فعلا الصحه دي نعممممممممممممممه لازم نحمد ربنا عليها مش ننساها

بس لسه معدتي طبعا حساسه و بواقي البرد مش راحت و لسه باخد المطهر و باكل شوربه عشان معدتي تتقبله بس الحمدلله من بعد الطمطمايه بتاعت امبارح مرجعتش الحمدلله


بحبكو اووووووووووووووووووووووووي و يارب مش اشوف حد في حالتي دي ابدا:L::L::L:


صحيح اوعو يكونو حد مدعاش للي في الليسته المرادي;)

baata;14951973:

الف سلامه عليكي يامريومه طيب يابتي خلي حد يوديكوا للدكتور احسن وربنا يشفيكوا ياااااااااااااااااااارب

الله يسلممممممممممك يا بطووووط و انا احسن دلوقتي الحمدللهF:

dr.muslimah;14952234:

السلام عليكم ورحمة الله وبركاته ازيكم يابنات وحشتونى خااااااااااااااااااااااالص



البورسلين مع انه عاجبنى شكله تقيل وتهمة فى الغسيل انابستسهل الاركوبيركس فى

الف سلامة عليكى يامرمر

وعليكم السلام

ازيك يا سكر؟

الله يسلمك يا حببتي انا احسن دلوقتي الحمدللهF:

قوليلي بقى الاركوبيركس بتاعك فرنسي و لا اماراتي؟؟ و في فرق؟؟؟؟؟؟؟؟؟؟؟؟؟؟؟؟

N O R Y;14952289:

السلام عليكم
ازيكو يا جماعه
ربنا يشفيكي يا ميكو يارب انتي واختك يااااااااااااارب
واطمن عليكو ان شاء الله


حد يعرف دهب السعوديه بكام وهو غالي زي مصر ولا لا؟ وفي مصنعيه برضه ولا مفهوش؟

و عليكم السلام
نوررررررررررررررري حببتي نورتي التجمع من تاني بجد :adore:
متغبيش تاني عن التجمع بقى وجودك عسسووول زيك
انا الحمدلله احسن و ححاول اكلمك النهارده لو شحنت ان شاء الله

و الدهب زي بعضه يمكن هناك اغلى شويه بس انضف بس بحس الازواق مش حلوة اوي زي هنا

Love You 7abibi;14953423:

الله أكبر ألف بعد الشر عليييييكي يا حبيبتي
روحي لدكتور بليييييييز مش تسيبي نفسك كدة و طمنينا
:L:

الله يسلممممممممممممممممممك يا حببتي بجد وانا احسن دلوقتي الحمدللهF:

Nouna2002;14953600:

الف سلامه عليكي يامريومه طيب يابتي خلي حد يوديكوا للدكتور احسن وربنا يشفيكوا ياااااااااااااااااااارب

الله يسلمممممممممممممك يا حببتي يارب و يسهلك الحال و انا دلوقتي احسن الحمدللهF:
بقولك قوليلي طقم البراهات دا كان بكم؟ او البراا تحديدا بس بكم؟؟؟؟؟؟

lovelydream;14954013:
[


يا بنات لو عجبتكوا حاجتي انا مصورة شوية من لبسي انا ممكن انزلها

حلويين ما شاء الله تتهني بيهمF:

بقولك يا ريم سالتك قبل كدا بس مش رديتي عليا
بقولك انتي قولتلي دعوتك قبل كدا؟؟ اصل شوفتك بتقوليلي خليني ريم في الدعوه مش دريم
و مش لقيالك دعوه عندي
حطيها تاني:o

nemo nemo;14954206:


الف سلامه عليكى يا مرمر انتى واختك ربنا يشفيكم ياااااااااااااااااااااااااااااااارب وتقوموا بالف سلالالالالالالالالامه F:

الله يسلمممممممممممممك يا نيمووووزF:
و الحمدلله احنا ال 2 احسن

بيرق أمل;14954482:

وادعولي بالله عليكم ربنا يثبت الامور المرة دي وميحصلش زي كل مرة
وميتغيرش ويكون اخر مرة خطوبة بقى واتجوز يااااااااارب

ياااااااارب يثبتلك الامور و يتمملك بخيييييييييييرF:

توته حسن;14954885:

اصل النتيجه بتاعتي بكره الصبح
الف سلامه عليكي يا روح قلبي طيب روحي للدكتور

الله يسلمممممممممممك يا حببتي و ياااارب تنجحي صاافي بتقدير حلووو ان شاء الله و امانه عليكي تطمنينا عملتي ايه ومش تزعلي من اي حااااااجهF:

lasposadelnilo;14954964:
ازيكم يابنات
انا قرفانه اوي ونفسيتي ازفت من الزفتا

نووودي هو قبل الجواااز كدا يا بنتي اهدي شويه دا الشيطان بيلعب بيكو شويه
اهدي و افتكري بعد الجواز اد ايه هتبقي سعيده و مع حبيبك اخيرراا ربنا يهدلكو الحالF:

عسولة عمرو;14955094:
ل
مرمر ايه حكاية الاكروبيركس اللى بيقشر ده !!!!
ا

بيقولو الاركوبيركس اللي مش حلو بيقشر و كدا
الرسمه و اللون يعني:|

مبروك يا هوبا علي الفستان

الف سلامه عليكي يا مرمر

نهاد ارحمي انتي كمان احمد فالحه بس تقوليلي ابطل خناق
استحملي انتي كمان

نانو مبرووووك الحمل
هوبا عاوزه تفاصيل اكتر للفستان بلييز
اسم المحل و الالوان

[/COLOR]

dr.muslimah;14952234:

السلام عليكم ورحمة الله وبركاته ازيكم يابنات وحشتونى خااااااااااااااااااااااالص

شكرا لكل البنات اللى باركت لى على الزواج ادعولى بقى بالذرية الصالحة

وكان حد سألنى عن الحاجات المهمة واللى مش مهمة فى الجهاز

بالنسبة للمطبخ انا كنت جايبة طقو بورسلين وطقم اركو بيركس

البورسلين مع انه عاجبنى شكله تقيل وتهمة فى الغسيل انابستسهل الاركوبيركس فى الاستعمال
يعنى لو عاجبكم البورسلين هاتوه بس بلاش تصرفو فيه كتير

كل لما افتكر حاجة هقولوكم عليها

الف سلامة عليكى يامرمر

وهوبس اتجوزتى مش كدة اصل العيال قالولى ان عندك مشكلة فى اللبس فى البيت ايه هى عشان اساعدك اصلى شهرين جواز بقيت خبرررررررررررة

عاوزة اجيب كولمان ايه النوع الكويس؟؟؟؟؟؟؟؟؟

يالهوي :lol::lol:
بصي هو انضف نوع كولمان هو coleman
بس معرفش تمنه كام وكده

وبطلوا فضايح بقا شوية ياعيال:o:o
بعدين انا وانتي اتجوزنا في يوم واحد يعني خبراتنا واحده :p

Love You 7abibi;14953423:

الغسالة:ال جي الكوري مش فلكرة بكام هسألك خطيبي و جميلة في بنت متجوزة عجباها و بتنضف حلو بتقول
والراجل شكرلي فيها بعد أريستون
التلاجة:شارب تحففففففة والراجل قالي احسن حاجة فيها الموتور
وكمان الارفف بتاعتها متينة اووووووي

اة عندها مشكلة صعبة اووووووووووووووووووووي

:lol::lol::lol:

تلبس قمصان النوم أمتتيييييييي؟؟؟؟؟:D:D:D

:lol::lol:
انا مش هرد علي الجمله اللي تحت :lol:
بس الغساله انا اللي قلت انها جميله جدا وبتنضف حلو وتحسي انها ذكيه كده وبتفهم :D

Nouna2002;14954060:

يابنات من فضلكم طلب عاجل وضرورى

محدش يكسفنى قدام البت صحبتى
هيا فستان فرحها أجرته خلاص بس البدى بتاعه مقرف وحش اوى
ممكن تفصل بدى مخصوص للفستان ولا ايه
وممكن لوحد يعرف خياطة كويسة بتعمل بدى لتقفيلة فستان المحجبات تقول ضرورى
والقماش منين والخامة بتكون اية
عشان اللى فى الاتليه مش فاهمين اى حاجة خالص
هو فستان كب اوك
رودا عليا ضرورى
بلبل تسلمى ياحبيبتى على كلامك الجميل بس فعلا انا مخنوقه من خطيبى قوى وعلى اخرى منو

بصي يابنوتة
لو عاوزة بادي تل عادي وهتلبس تحتيه كارينا خفيف يبقي ممكن تجيبه جاهز موجود في كارينا باديهات تل وموجود حاجات مطرزه عند النمرسي اللي في الموسكي واشكال تطريز كتييييير اوي وابو كم واسع وابو كم ضيق وابو تطريز رقيق وخفيف وابو تطريز كتير وعندهم كمان ممكن يعملولك تطريز مخصوص لو انتي عاوزة رسمه معينه او عاوزه ساده حتي
خليها تبص هناك قبل ماتفصل جايز يعجبها حاجه

nemo nemo;14954206:







سؤال المخالفه ؟؟

انا عندى طقم سكاكين تقريبا 6 قطع صغيره ووسط وكبيره وواحده رفيعه وطويله للتورت وهجيب الباقى فردانى ايه اللى ناقصنى فى السكاكين بئى ؟؟؟؟

بصي يانيم
انا كنت جايه طقم سكاكين واتنين فرداني لوحدهم
لحد دلوقت مطلعتش حاجه من الطقم وشغاله بالفرداني بس
فمتكتريش يعني:D

هوووووووبا انا مبسوطالك اوى و الله الحمد لله انك لقيتى حاجة تعجبك والا كنت هاجى اضربك و البسك فستانى غصب عنك هههههه
بصى اكتر حاجة تليق بدلة جراى مع قميص ابيض سليم اللى هو لياقته كش كبيرة و لا صغيرة مع كرافت ازرق ساتان سليم بردو..........بصى هحطلك صورة الواد احمد علشان تعرفيهم بس بدل البدلة اسود يخليها جراى




و بالنسبة للبنات اللى سألوا على طقم السمك مهم و لا لا ..انا و الله اشتريته و انا مش اعرف انه طقم سمك ههههه يعنى زى الاطفال بتفرج ع الالوان و الرسومات و خلاص ...بس عندى فكرة فى محلات بتاعت 2 ونص دى بتبيع اطباق ازاز شكلها عسسوووول جدا و حلوة و الله مش سكة بالعكس ازاز مخربش كده و على شكل سمك بلطى و معاه واد كبير للسمك و ستة للرز بيكونو ب 15 ج تقريبا

رشا مقالب حبيبة هارتي لازم اعمل زعلانة يعني عشان تعبري مامي :lol:

هوبا بودي ألف مبروك يا قمر علي الفستان بجد كنت مضايقة اوي عشانك الحمدلله انك جبتي اللي انتي عاوزاه و ان شاء الله تبقي عروسة موزة و قمر ;)
بالنسبة للبدلة فرأيي جراي و قميص ابيض و كرافت ازرق او جراي زي ما قالت إسو و ده نفس اللي خطيبي هيعمله لان فستاني ازرق برده و لو هتعملي الميكب لنفسك ممكن اساعدك في أختيار الالوان و والف مبروك تاني يا قمر

إسو مش عارفة ليه بحب مشاركاتك و بحب أقراها و بحس انك طيوبة و عسولة اوي
طقم الخشاف بقي زي بتاعي بالظبط و فعلا شكله حلو اوي و طقم السمك كمان كنت عاوزة اجيب نفس الرسمة دي و لما رحت اشتري لاقيت الوان مش عجبتني فماجبتش و مبروك يا قمر علي بطاطين حلوين اوي ما شاء الله تتهني بيهم

لاسبوزا يا حبي استهدي بالله و استغفري ربنا و استعيذي من الشيطان و كلنا هندعيلك و ياستي شد قبل الجواز ده شئ طبيعي جدا كل واحد بيبقي مشدود مش انا اللي هقولك بقي ولا ايه ;) خدي الوردة دي و اعدي شمي فيها هتهدي F: هههههه:lol: ها هيدتي ..؟؟ اتبطيتي ؟؟؟ اضحكي بقي و ان شاء الله كله هيبقي تمام :)

بطوط مالك ياقمر بس اهدي كده و قوليلي بقي ليه عاوزة شقة بعيد كده؟؟؟ ماينفعش قريب؟؟ لو يناسبك في فيصل انا لسه اختي قايلالي علي شقة تحفة و ايجارها 600 بس و ممكن تاخديها 3 سنين او 5 بس التأمين هيزيد لو 3 هيبقي 3000 لو 5 هيبقي 5000 و بتقولي مساحتها 115م اوضتين و ريسبشن 3 قطع و حمام و مطبخ لو عاوزة اقولك مكانها بالظبط و ربنا ييسرلك امورك يا قمر

يارب فرحني منفذ العامرية انا مش قادرة احدد مكانة عند ايه بالظبط بس لو انتي جاية من الجيزة و رايحة علي اخر فيصل هتلاقيه بعد ماتعدي الطالبية بشوية

نيمو نمانيمو أخبارك ايه يا قمر يارب تكونتي بخير:adore:

بناااات قولوي المعرض هيخلص امتي؟؟؟؟ و مين راح يقولنا ايه كويس هناك؟؟
و عاوزة اروح في حد رايح نروح كلنا سوا؟؟؟؟؟؟

بنااااااااااات أسمعو وأعووووووووووو .. بعد صراع مرير بيني و بين نفسيتي عشان احاول أهدي حضرتي
و بعد تلاكيك و مشاكل مختلقة مع المزعوم خطيبي عشان مانزلش اجيب الدبل..قالي هتنزلي هتنزلي و مش هتخانق كلمي نفسك بقي :thumbs_down::-#
طبعا مش قادرة اقولكم عاملة زي اللي رايحة تاخد حقنة ... خايفة موووت و احاسيس كده كلها غريبة و عكس بعضها و طلعت عينه هو و اللي جابوه:lol:
بس حاولت اهدي و هو بصراحة حاول يهديني و روح جابلي ماما و نزلنا تاني و بعد مباحثات طويلة من 7 الي 11 مساءا و أخيراً....

جبت دبلة و توينز حلوين اوي هصورهم و انزلكم الصور بليل ان شاء الله لانهم عند الراجل بيكتب عليهم الاسامي
يالا بقي سمعوني احلي هيصة و ضرب ناااااااار
كمان خطوبتي ان شاء الرحمن يوم 5-5 وروني أسمي في الليستة بقي
و امانة عليكم يا بنات ادعولي لحسن الشيطان مش سايب مخي و نازل لعب فيه و متلصمة
ادعولي ربنا يهديني و يبعد عني الشيطان و يقدملي اللي فيه الخير

*GOGO*;14957366:


إسو مش عارفة ليه بحب مشاركاتك و بحب أقراها و بحس انك طيوبة و عسولة اوي
طقم الخشاف بقي زي بتاعي بالظبط و فعلا شكله حلو اوي و طقم السمك كمان كنت عاوزة اجيب نفس الرسمة دي و لما رحت اشتري لاقيت الوان مش عجبتني فماجبتش و مبروك يا قمر علي بطاطين حلوين اوي ما شاء الله تتهني بيهم

ميرسى يا حبيبتى و الله انتى اللى زى العسل و انا بكزف تكزف يا ناس :oياختشى :lol:

الف مليون ترليزن مبروك يا جوجو ويارب ييسرلك امورك و يفرح هارتك يارب و يتمملك كل حاجة على خير و الف مبروك على الدبل ...لوووووولوووووولى :I:

واحنا احتمال ننزل المعرض انا و نيمو تعالى معانا و يالا اجمع يا عيال ننزل نشوفه قبل ما يقفل بقا :|

السؤال اللى موترنى بقا انا هجيب تلاجة و غسالة و بوتوجاز ...اجيبهم ايه ؟
الغسالة ماما مصر على ايديال زانوسى علشان عندنا ف البيت من سنين و رافضة اريستون علشان مالهاش قطع غيار متوفرة اوى ...قولولى ايه احسن حاجة
والبوتجاز من كلامكم يكون حلو كريازى القديم بس مفيش منه سيلفر ؟؟ بيقولوا بنى ف اسود و مولد كده :thumbs_down: و التلاجة ايه رايكم ف وايت ويل ..واجيبها كام قدم ؟؟

ندااااااااااااء اللى لاسبوزا ....انا لو شوفتك زعلانة و لا مكشرة هخبطك بأى حاجة ف دماغك لان حرام انتتى اللى بتفرفشينا فلو زعلتى هتقلب دارك خالص ...انتعشى انتعشى انتعشى و قوليله كلمه واحدة ده بيتك هات اللى يليق ليك وانا ماليش دعوة ...و خلاص روقى والسجاد هيجى احلى سجاد ان شاء الله مواااااااااااااااااه يا اوحتشى و حضن هابى هابى و طبطبة كمان ...و سؤال المخالفة نفس السابق

السؤال اللى موترنى بقا انا هجيب تلاجة و غسالة و بوتوجاز ...اجيبهم ايه ؟
الغسالة ماما مصر على ايديال زانوسى علشان عندنا ف البيت من سنين و رافضة اريستون علشان مالهاش قطع غيار متوفرة اوى ...قولولى ايه احسن حاجة
والبوتجاز من كلامكم يكون حلو كريازى القديم بس مفيش منه سيلفر ؟؟ بيقولوا بنى ف اسود و مولد كده :thumbs_down: و التلاجة ايه رايكم ف وايت ويل ..واجيبها كام قدم ؟؟

جوجو مبروك

كده هنقطع علي بعض يعني البنات هتيجي خطوبتك و لا هتيجي كتب كتابي؟؟؟
خلاص انا من 6 ل 7 و بعدين نجيلك كلنا الساعه 8
الف مبروك عليكي

هوبا هاجي ان شاء الله
بسهيبقي بعد الشغل يعني هجيلك بنانا الشقيانه ان شاء الله

اهم حاجه حاولي تعصري مخك معايا يا زينب و افتكري اسم المحل او اي حد قريب منه
عاوزه فستان متقفل ضروري ضروري

بنات خطيبي قرف مني علشان لسه مشترتش الفستان
و راح اشتري بدله بني من ذات نفسه

اشتري فستان ايه بقي علشان اليق عليه
بيستاج روز موفات فوشيات كافيهات
الوان ايه اليق عليه و بلاش اوف وايت

Bride to Be 2;14957442:

السلام عليكم و رحمة الله و بركاته

ازيكم يا عرايس , م عارفه لسه فاكرني و لا لأ

المهم انا الحمدلله اتجوزت

نصيحه بقي لكل البنات الي محتاره في موضوع الماكييره انا عملت عند نانا و دوشي بجد بسم الله ما شاء الله عليها الميك اب و الطرحه كانوا تحفه و كل الناس عجبهم الميك اب جدااااا انا قولتلها عايزه ايه و ورتها صور لستايل الميك اب الي عايزاه و عملتهولي احلي كمان من الي كنت متخيلاه و الطرحه برضو علتهالي زي مانا عايزاها بالضبط , مش بتعملك حاجه غصب عنك و بتاخد رأيك في كل حاجه قبل ما تعملها
انا عملت الياكيدج الي ب 650 كان تنظيف بشره قبل الفرح ب 3 ايام و ميك اب و طرحه و خدت 100 زياده عشان جاتلي و خلصتني في الوقت الي قولتلها عليه

و الله وحشاني اوي اوي
و كنتي لسه علي بالي امبارح و الله
عامله ايه حمد الله علي السلامه
ممكن تقوليلي تفاصيل اكتر عن الكوافير
و الطرحع كانت شكلها ايه ؟

صبااااااااااح الخير ازيكم يا بنات

شكرا على المساعدة والف شكر للبنوتة اللي دعتلي سوري انا بانسى الاسامي بسرعة لاني في الشغل :o

بنات انا محتاجة مساعدتكم بجد الايام دي وربنا ييسرلي الامور
كنت عايزة اعرف ايه بقى الميك اب الموضة بالنسبة للعروسة دخلة بقى
العين تقيلة والشفايف لون فاتح؟
ولا كله لون متوازن؟
ولا العين لونها مش تقيله والشفايف يكون لون جامد؟؟

كمان بالمناسبة بقى انا عندي مشكلة يا بنات
انا ماشاء الله وشي متختخ قوي فالاسبانيش مش بحبها عليا كتير علشان بتبين اللغد عندي مع ان اللغد مش باين وبسيط
بس اكمني رفيعة ووشي هو اللي تخين ففي فرق ملحوظ
عايزة ان شاء الله اعمل لفة الطرحة متبقاش اسبانيش عايزاها تداري رقبتي
فكنت عايزاكم تساعدوني تجيبولي لو عندكم صور لاني بدور كتير على النت مش لاقية بلاقي بس اسبانيش
ممكن بالله عليكم؟؟