[BACKGROUND="70 #999933"]
Nouna2002;14945115:
سؤالى ممكن تكتبوا قايمة بأسياسات المطبخ والرفايع عشان لونسيت حاجة اكملها
لان بعد ماعرفنا بموضوع عملية ماما ده بقيت لوحدى تماما فى التجهيزات
محدش رد عليا انا زعلانة منكم اوووووووووووووووى
يارب فرح قلبى
سلامتك من الزعل ياحبيبتى
الحمدلله على كل حال
للاسف انا زرعت فى ارض بور لماجت طرحت طرحت شوك استحملت كتير
قوى واتنازلت بس ملاقتش حمد ولا شكرانيه
الحمدلله على كل حال يارب
يلا جاوبوا ومتكسلوش بقا
يااارب يسمع منك ربنا يانونة ياااااااااااااارب
وياحبي ربنا يفرح قلبك وفك كربك يااارب ويزرع حبك ويزوده في قلب خطيبك ااااللهم امييين
:*::*::*::*::*::*:
اتفضلي ياقمر رفايع المطبخ متهيالي دندونة او مشمشة هي اللي اديتهالي ربنا يكرمهم هما الاتنين يااارب اامين
( انتي بقي ظبطي الرفايع والاساسيات علي حسب ما تحبي )
*طاسة جريل
*طاستين تيفال واحدة وسط والتانية كبيرة
*طاسة ستانلس صغيورة عشان التقلية
*طقم توزيع ستانلس وخشب او سليكون
*مبشرة (هاتيها الاحسن اللي بيبقي فيها علبة من تحت كده ينزل فيها اللي اتبشر)وواحدة تانية صغننة بتاعة المرقة اسمها مبشرة جوزة الطيب
*عصارة لمون
*مصفاة كبيرة وواحدة وسط للارز وواحدة صغنونة عشان ترشي بيها السكر البودرة والكاكاو عالحلويات(لو مش عارفاها اوريكي صورتها)
*الحلل طبعا دي من الاساسيات
*طقم توابل اللي بيبقي فيه 3 علب كبيرة للشاي والسكر والقهوة و6 صغيرين للتوابل وملاحة وبتاعة فلفل ...ممكن تزودي عالطقم ده الطقم الدوار لو ناقصلك علب توابل
*طقم المطبخ الاركوبيركس او شوفي اللي انتي عيزاه ولو معاه طقم عشا
*2طقم كاسات و5 مثلا كبايات
*طقم او 2 عصير اللي بالدورق بتاعهم
*عصارة برتقال
*مالتي كويك وخلاط او كيتشن ماشين علي بعضه
(لو هتجيبي مالتي كويك هاتي معاه خلاط وعصارة برتقال)
*براد شاي استانلس والبويلر طبعا
*قطاعة بيض
*معالق المكاييل
*معالق وشوك وسكاكين للاستخدام اليومي (عدد12 كويس عشان لو جالك حد من قرايبكم المقربين مش تضطري تطلعي من شنطة النيش)
*صينية كب كيك وواحدة علي شكل قلب دي تيفال
*قالب كيك مستطيل
*صواني فرن تيفال وبيركس والومنيوم(العدداللي محتاجاه)
*الصينية اللي بتتفتح من الجنب دي (لو حباها)
*طواجن بورسلين (لو حابة يعني) والفخار
*طقم سكاكين اللي بستاند ده مع كام واحدة فرداني للحاجات الخفيفة
*صواني للمطبخ ميلامين عدد3 كبيرة ووسط وصغيرة ومكن كمان واحدة او 2 استانلس
*طقم خل وزيت
*حافظة للعيش
*قمع للحلويات
*طبق فاكهة
*طقم خشاف
*قوالب الكريم كراميل واطباق للجيلي والارز بلبن وكده...
*طبق تسالي اللي متقسم ده
*ساطور وسط (لو مش موجود في طقم السكاكين)
*طقم فناجين قهوة
*طقم كنك
*طقم او 2 فناجين شاي وممكن تجيبي طقم اللي هو ترمس ومعاه الفناجين بتاعته
* مجات للشاي والنيسكافيه
وشوش النيسكافيه(لو حباها)
*حامل مجات
*مجات للشوربة
*اقماع بلاستيك
*اطباق ميلامين (متكتريش فيهم دول للجبن والحاجات الخفيفة)
*ولاعة بوتجاز
*هراسة توم (يدوية تهرسلك فص او 2 موجودة في هوم تتش)
*ملعقة الايس كريم
*مريلة للمطبخ والمساكات بتاعة الحاجات السخنة
*جوانتي مطبخ
*مضرب سلك
*منخل
*ليف ناعم لغسل التيفال وخشن
* فتاحة علب
*فتاحة حاجة ساقعة
*لوحة تقطيع(عدد 2 حلو واحدة ازاز وواحدة خشب للحوم)
*علب حفظ الطعام بالتلاجة(ازاز وبلاستيك او صاج او ستانلس..اللي انتي عوزاه يعني)
*برطمانات لحفظ الخزين والبقول
*فرشاة لدهن السمن في الصواني
*ووك للتشويح
*لبانة الومنيوم
*دورق مدرج كمكيال
*2 كسرولة (تيفال واستانلس)
*المساكة المقص دي لو عارفاها
*مقشرة للبطاطس والخيار وكده..
*مقص للسمك
*3 اطباق بلاستيك غويطة لغسل الخضار والفاكهة
*مانع الطرطشة
*الحاجات اللي بتتحط عالتلاجة للزينة
*قوالب تلج
*قالب بريوش للارز
*12 فوطة مطبخ
*نشابة لفرد العجين (لو من هواة عمل البيتزا والمعجنات)
*مخرطة للخضار
*القاعدات بتاعة الشاي واكبر منها للحلل والحاجات السخنة
*مقورة
*مفارش لدواليب المطبخ
*الازايز الحلوة دي اللي عليها اشكال ورسومات
*فرشاة لغسيل الازايز
*مفرش حراري يتحط عالرخام لما تحطي عليه حاجة سخنة خصوصا البيركس عشان مش يطق بس مش عارفة بيتباع فين)
* روليتة تقطيع
*طبق تورتة وينفع للكنافة وكده بيبقي بغطا
*صفايات حوض
*سرفيس سمك
*مصافي شبك
*التربو
*قطاعات بسكوت
*لونج سبون اللي بتقلبي بيها دي بتبقي طويلة ورفيعة موجودة في هوم تتش
:*::*::*::*::*::*:
الحلل والصواني
- طقم طواجن بورسلين 3 قطع
- طقم طواجن فخار 2 قطعة
- طقم صواني تيفال 4 قطع
- طاسة غويطة ( ووك )
- طاسة جريل
- طاسة صغيرة تيفال لقلي البيض
- طقم صواني بيركس اشكال ( مربع ومستطيل وبيضاوي )
- صينية بيتزا وبسبوسة
- صواني كيك ( صينية كب كيك الومينوم او تيفال- صينية كيك قلب -صينية كيك بتتفتح من الاجناب - قوالب كيك سيلكون - قوالب الجيلي - صينية كيك مدورة الومنيوم او تيفال )
- طقم صواني ميلامين للاستخدام 3 قطع احجام
- صينية ميلامين كبــيرة علشان لو اهل جوزك او اهلك عندك تجيبي عليها حاجات كتيرة مش تفضلي رايحة جاية علي المطبخ
- طقم صواني استانلس ستيل للنيش
- طقم صواني نحاس للتقديم
- طقم صواني للتقديم اللي هي خشب ومن جوه زي كتان { بتبقي حلوةة اووي وشيك مووووت في الفطار يوم الصباحية في السرير ;););) }
- صينية مدورة الومنيوم كبيرةةةة ( مش عارفة ليه بس ماما مصممة تجيبها :hysterical: )
ده اللي انا فاكراه حاليا...لو في حاجة تانية يابنات قولوا
[/BACKGROUND]
سااااااااااااااااااااااااااااااااااااااااااااااااا ااا الخيــــــــــــــــــــــــــــــــــــــــــــــ ـــــــــــــــــــــــــــــــــــر