l|¦|l تجهيزات عرائس " مصر " لشهر جمادى الأول 1432 - 2011 م / الجزء : 159 l|¦|l

السلام عليكم ورحمه الله وبركاته

وحشتوووووووووووووووووووووني
وحشتوني قوي قوي يابنات
أخباركم إيه وعاملين إيه

معلش بعدت عنكم شويه
كانت نفسيتي مش تمام الفتره اللي فاتت
بس بصراحه الواحد يكتئب وهو معاكم أحسن من ماأكتئب لوحدي
مش كده برضه

أنا أهو ياقمرات يللا بينا نكتئب سوا
هههههههههههه
لأ ماتتخضوش
مش هزعل حد ولا حاجه
بس بجد بفتقدكم ومش بقيت برتاح غير معاكم

وعشان ماأدخلش إيدي فاضيه جبتلكم خبرين حلوين
أن أن أن أأأأأأأأأأأأأأأأأأأأأأ




ميعاد فرحي إتحدد أخيييييييييييييييييييييييرا

ماشاء الله تبارك الله وبإذن الله يوم 7/7
عايزه إحتفال جاااااااامد
وحققولي أمل حياتي وحطو إسمي في الليسته
لألإ لسه لسه
وكمااااااان
فرح أختي إتحدد يوم 6/6
شوفتوا
مش أي مواعيد
لأ إحنا ناس متألقه
مش أي حد يانااااس
هههههههههه

يلا بقي
إفرحوا بيا
هههههههههههههه

بصوا بقي سؤال مهمممممممممم جدا جدا جدا
أختي هي إسمها إيمان
فرحها بإذن الله في قاعه إسمها كليوباترا في الهرم
بتطل علي الأهرانات عدل
عايزه ضرووووووووووووووووي
كوافيرات كويسين هناك
وإستديوا
بس الكوافير تكون واحده ست
ضروري يابنات بالله عليكم البت تايهه
ومش لاقيلها حد
أنا مش عارفه غير الكوافير اللي تحت إستديو فوجي فيلم
بس حاساه بصراحه مش قوي
أكيد فيه أحسن
بالله عليكم ماحدش يطنش
أي معلومه هتنفع

إيقوا قولولي أخر الأخيار
ويارب دايما أخباركم تكون حلوه
بس حد يعرفني أخر التطورات
عشان أرجع معاكم ملمه بها
حلوه ملمه دي
هههههههه

سؤال إحتياطي عشان المخالفه برضه

عايزه مكان حلو وأسعاره معقوله
عشان دواسات الحمام والستاره بتاعته
وحاجه كمان
حد يعرف أسعار الباركيه إيه
ومنين

كنت هنسي
نودي
ها عملتي إيه في موضوع الخياطه بتاع السواريه
وبدأتي تلفي علي الفساتين الزفاف ولا لسه

ازيكم يامزز:

لوللا : ازيك يابنوته ياقمر انتي عامله ايه بصي ياحبي لما ارسي في الاجهزه حقوللك ربنا يسهل كل واحد بيقول حاجه وانا كنت استقريت في التلاجه علي وايت ويل وبعدين جيت سمعت هنا بنات بيقولوا ال جي فسالت خالي النهارده يساللي قاللي وحشه جداا مش عارفه بقي


dew dew:ازيك ياقمر اسثلتك المقشه الناعمه لارضيه والخشنه يعني عشان تطلع الوساخه من السجاد الناعمه دي مبتشلهوش وحافظه العيش شفت الكبيره اللي بغطا عامله زي القزاز دي ومعجبتنيش عاجباني بقي بتاعه مشموشه هي وظيفتها تحفظ العيش من الدبان والرطوبه عشان مينشفش يعني بس بتاعه مشموشه سله كده وعليها ناموسيه عسوله اوي اساليها جيباها منين انا مشفتش زيها اصلا وملايات الليزر ملايه فيها ليزر يااختي بتنور في الضلمه هههههه ده بجد علي فكره يعني بيبقي مثلا فيها نجوم وبتنور كده او بتلمع وانا مستبوخاها ومش حجيبها

كوكي666: ازيك ياقمر عامله ايه حمد الله ع السلامه ايه كنتي فين قلقتينا عليكي الكاسات ياقمر ايوه النهارده لقتني شايله صورتها علي الجهاز وكاتبه تحتها كوكي هههههه وانا جيباهم ارخص منك بقي علي فكره انا جايبه 6 ب 95 لو علي السعر اللي انتي جيباه يبقي انتي جايبه ال6 ب 117 تقريبا

مشموشه : ازيك يابنوته اه اكتشفت امبارح ان مش كل التركي كوركماز وسافلون لقيت استانلس كتير تركي انواع وبرضه تيفال تركي غير السافلون خلي بالكم

دندونه: ازيك ياقمر ايه انا جبتلك صور حاجات من مولينكس تقريبا هي هي الهاند بليندر بتاعه نوفال كل صوره تحتيها اسم الموديل بس اسالي عليهم انتي بقي اوك ياقمر حرفعلك الصور حالا

بنات سؤال ضرورى اوى


حد فيكو سمع ان الدارات اللى تبع القوات المسلحة اسعارها هاتقل فى شهر مايو؟؟؟؟؟؟

وياريت لو اه ابعتولى الرد على الخاص لانى مش بتابع على طول
ضرورى يابنات بليز

وده اسمهturboMix




وده اسمهrobot_marie



عاجبني ده عشان لونه احمر وده احدث حاجه نزلت واسمهhapto_click_and_mix




وده اسمهfaciclick

نيمو نيمو وبلبل حيران و يارب فرح قلبى
جزاكم الله كل خير وان شاء الله تجوزو بسرعه


يعنى لو الواحد عنده بلت ان شعلات من فوق سيراميك غاز وفرن غاز
يبقى احطلهم انبوبتين غاز؟؟؟؟؟

البنات اللى كانت بتسال على دى
مش عمليه خالص لانه اصغر من الرولات الالمونيوم والبلاستك
زى مانتو شايفين عريضه على قد بكره المناديل بتاعت المطبخ

اولا .. كل سنة وانتوا طيبين ورمضان كريم عليكم
دي صور الاجهزة زي ما وعدتكم واسفه للتأخير

أفران الغاز

ده اسمه الدوبلو .. غاز وكهربا مع بعض .. حبيتي تشغلي الكهربا موجود .. حبيتي تشغلي الغاز موجود

ده فرن غاز وشواية غاز
وفيه منه فرن غاز وشوايته كهربا

وده كمان فرن غاز وشواية غاز
وبردو فيه منه فرن غاز وشواية كهربا

اما بالنسبة للاسعار من 3700-8000

وكل الافران فيها نظام الامان

منقول

انتى جربتيها يا ديو ديو ؟؟؟؟؟؟؟؟؟؟؟؟؟؟

بلبل حيران;14921534:
ازيكم يامزز:



كوكي666: ازيك ياقمر عامله ايه حمد الله ع السلامه ايه كنتي فين قلقتينا عليكي الكاسات ياقمر ايوه النهارده لقتني شايله صورتها علي الجهاز وكاتبه تحتها كوكي هههههه وانا جيباهم ارخص منك بقي علي فكره انا جايبه 6 ب 95 لو علي السعر اللي انتي جيباه يبقي انتي جايبه ال6 ب 117 تقريبا

الحمد لله يا قمر بخير بس اليومين دول مكنتش بعرف ادخل و مبرررررررررررررروك عليكى الكاسات طلعت اوت:lol::lol: كنت فاكراكى جبتيهم اغلى ماشيه معاك ههههههههههههههه تتهنى بيهم يا رب:adore:

meramia;14921528:
السلام عليكم ورحمه الله وبركاته

وحشتوووووووووووووووووووووني

أنا أهو ياقمرات يللا بينا نكتئب سوا
ههههه
بصوا بقي سؤال مهمممممممممم جدا جدا جدا
أختي هي إسمها إيمان
فرحها بإذن الله في قاعه إسمها كليوباترا في الهرم
بتطل علي الأهرانات عدل
عايزه ضرووووووووووووووووي
كوافيرات كويسين هناك
وإستديوا
بس الكوافير تكون واحده ست
ضروري يابنات بالله عليكم البت تايهه
ومش لاقيلها حد
أنا مش عارفه غير الكوافير اللي تحت إستديو فوجي فيلم
بس حاساه بصراحه مش قوي
أكيد فيه أحسن
بالله عليكم ماحدش يطنش
أي معلومه هتنفع

إيقوا قولولي أخر الأخيار
ويارب دايما أخباركم تكون حلوه
بس حد يعرفني أخر التطورات
عشان أرجع معاكم ملمه بها
حلوه ملمه دي
هههههههه

الف الف مبررررررررررررررروك ليكى يا قمر ولاختك وبخروا الشقه الايام ديه كتير علشان عيون الناس:confused::confused: المدورة والمأوره:lol::lol: وبالنسبه للسؤالك ممكن تدور فى ناجيه سنتر ده الوحيد الى اعرفه فى الهرم
بنات ردوا عليا فى الديكور بلييييييييييييييز

لولو احمد;14917011:
دخلت اوضه اخته فضلت اهرش مش عرفه

ههههههههههههههههههههههه بجد ضحكتينى بطريقه فظيعه




ميرااااااااميا
ياثلثمين الف مبرووووووووووووووووووك ربنا يهنيكى ياسكر :D
دى اللى فكراها


وقريبا نوووووووزى كمان مبرووووووووووووووووووووووك


وكمان جوجوووو مبرووووووووووووووك


وبطوطة
اللى هتدبح قريب :lol::lol::lol::lol: مبرووووك كتب الكتاب وعقبال الفرح ياموووووووووووزة



البت مشمشة
هههههههههههههه عرفت فى المنتدى التانى بذكائى :lol::lol::lol: والحمد لله انها عدت بخير:D:D



واخيرررراااااااااااااااااااا وبعد طوووووووووووول انتظاااااااااااااااااااااار
تم تأجير شقه الزوجية
ولولوووووووووووووووووووووووووووووووووووى وعقبال فرحى يااااااااااااااااارب وعقبال العفش ههههههههههههههههههه
عروسه بجحه ....اللى هو انا :lol::lol::lol::lol:




يابنووووووووووويت
هو المفرش السورى من العادى بيتعرف ازززززززززززااااااااااى وبيكون فى حدود كااااااااااااام^o)^o)

كوكى666;14921622:
الحمد لله يا قمر بخير بس اليومين دول مكنتش بعرف ادخل و مبرررررررررررررروك عليكى الكاسات طلعت اوت:lol::lol: كنت فاكراكى جبتيهم اغلى ماشيه معاك ههههههههههههههه تتهنى بيهم يا رب:adore:

الله يخليكي ياقمر وهي مش شطاره مني الراجل ده امين بصراحه اوي وانبسطت منه حتي كان عنده صاج تشيكي والبنات هنا ونوزي قالتلي ان اعلي حاجه صاج ايمه السلوفاني بس كان باباها جابهولها من زمان ومبقاش موجود واللي بعده علطول التشيكي فقلت حخده وخلاص لقيته بيقوللي بس لو عايزه احلي حاجه السلوفاني ومكنش عنده حتي استغربت اوي لان كل البياعين دلوقتي بيبيعوا اللي عندهم يقوللك حلو واللي مش شغاليين فيه يقوللك عليه وحش وكمان اخدت منه طقم كوبيات مطبخ لومينارك قاللي خلي بالك اماراتي بجد محترم اوي انما انا اصلا خايبه بتحرج افاصل


الف الف مبررررررررررررررروك ليكى يا قمر ولاختك وبخروا الشقه الايام ديه كتير علشان عيون الناس:confused::confused: المدورة والمأوره:lol::lol: وبالنسبه للسؤالك ممكن تدور فى ناجيه سنتر ده الوحيد الى اعرفه فى الهرم
بنات ردوا عليا فى الديكور بلييييييييييييييز

طيب حطي اللينك هنا

nemo nemo;14921613:
انتى جربتيها يا ديو ديو ؟؟؟؟؟؟؟؟؟؟؟؟؟؟

شوفتها على الطبيعه ومفيش مقاس كبير منها
موجوده فى اى هايبر ماركت كبيير

فينكم حد يقولي الوايت ويل التلاجة ال18 قدم بكام

hananany;14920449:
انا ممكن افيدك في البوتاجاز بس ههه انا عندي اليونيفرسال شغال كويس الحمد لله من 7 سنين هو فية مشكلة واحدة بسسسسسسسسسسس الزراير لما بتشغلي الفرن الزراير بتسخن وبتنط من مكانها انا غيرتها مرتين مش عارفة دلوقتي هو كويس ولالا يعني عالجو المشكلة دي ولا لا لكن عامتا هو حلو وكبير وفرنة واسع

انا بوتاجازى نوعه رويال جاز
مؤقتا عشان ناويه ان شاء الله ربنا يكرمنى واجيب بلت ان ياااااااااااااارب

المهم وحش جدا بيطلع هباب فى اول الاستعمال وريحه الفرن برده لكن دلوقتى عادى المشاكل دى راحت

بس لما بشغل الفرن بيحصل نفس مشكلتك الزراير بتسخن وبتلف بصعوبه
بس اعتقد السبب عدم تنضفها كويس فبيكون عليها زيوت بتسخن مع الفرن^o)
ولا انتى ايييه رايك؟

مبروك يا مرموره علي تاجير الشقه عقبال الباقي بقي

مبروك يا ميراميه علي فرحك و فرح اختك

هوبس شيفاكي وحشاني يا بنتي

بنات ىفي واحده قالتلي طالما هتجوز شهر 6 ابطل من دلوقت عمايل سويت
علشان كل الشعر اللي تحت الجلد ينمو و يترعرع علشان يطلع كلو
هل هذا صحيح
اعمل قرد ؟؟؟
حد يعرف حاجه عن معرض بيت العز بتاع الستاير

dew.dew;14921829:
انا بوتاجازى نوعه رويال جاز
مؤقتا عشان ناويه ان شاء الله ربنا يكرمنى واجيب بلت ان ياااااااااااااارب

المهم وحش جدا بيطلع هباب فى اول الاستعمال وريحه الفرن برده لكن دلوقتى عادى المشاكل دى راحت

بس لما بشغل الفرن بيحصل نفس مشكلتك الزراير بتسخن وبتلف بصعوبه
بس اعتقد السبب عدم تنضفها كويس فبيكون عليها زيوت بتسخن مع الفرن^o)
ولا انتى ايييه رايك؟

انا الزراير بنتط عندي من اول اسبوع في الجواز يعني لسة ملحقتش تتوسخ هههههه

banana z3lana;14916169:

بنات انا الحمد لله رحت استلمت العفش النهارده و وديتوا الشقه

بس طبعا العفش كبير علي المساحات النونو عندي
بس الحمد لله كلو في التمام الي حد ما

سوال مهم بقي
انا دلوقت لما احب اشتري السجاد اجيبوا اد المساحه الفاضيه بس ؟
و لا تحت الكراسي كمان
و لا يا دوب تحت الرجلين

اصل المساحات الفاضيه عندي هتبقي صغيره و خايفه حد من الاخوه و الاخوات لبناء الوطن يقول اني استرخصت و جبت حاجات صغيره


ز

مبرووووووووووك يا بانانا تتهنى بيه ان شاء الله F:
والسجاد هاتيه بحيث ميدخلش تحت الموبيليا عشان متتعبيش فى التنضيف و متحطيش فى دماغك كلام حد الناس كده كده مش بيعجبهم العجب



roseen
معلش ربنا يعوض اختك بالاحسن ان شاء الله ويكتبلها الخير F:



مروة
ماركة لانكوم حلوة اوى وانتى المفروض بتجيبى كل حاجة بتعرفى تستعمليها يعنى انا جبت كله ماعدا الاى لاينر لانى مش بعرف استعمله كده يعنى بس حقولك كده لو بتحبى علب الميك اب ممكن تجيبى بس انا مش بفضلها فجبت علبة اى شادو كريمى98 لون وكحل الالوان اللى بتحبيها وماسكارا وقلم تحديد حواجب واى شادو ابيض مطفى عشان العلبة فيها اللى بيلمع وروجاجو الوان روزات وبيجات بيبقو 4 الوان فى علبة و6 ارواج مثلا وليب جلوس وكريم اساس وباودر وبس F: اه وفرش الاى شادو فرشاه روجاجو



بلبل حيران
مبروووووووووووك عليكى حاجتك جميلة ماشاء الله



لولو
معلش سلامتك بس روحى للدكتور عشان متطولش معاكى F:



نوزى
ربنا يتمم ليكى على خير والمؤخر بيختلف اكيد من عيلة للتانية



te amo
ايه حمد الله على السلامة وربنا يرزق خطيبك يارب ويلاقى شغل ويهديكم لبعضF:


mesk
فى كريمات اوريفلام بروائح البارفانات ولا انتى عايزة حاجات من الصيدلية :)



مشمشة
:) ربنا يتمم ليكى على خير يا عرورة وكان نفسى اجى واشوف بنات عروس بس انا من اسكندرية بأه :) الف مليون مبروووك F:


nemooo
مبروك عليكى حاجتك لذيذه اوى ما شاء الله والصفايات دى حلوة والمجات :thumbs_up:


ومش قادرة اقرأ باقى الصفحات بأه بكرة ان شاء الله وقولولى يا بنات انا نقلت حاجتى الشقة الحمد لله قولولى لما اجى افرش ان شاء الله ابدأ بايه الدولاب ولا المطبخ ولا النيش ؟

مساء الخير على كل العرايس ربنا يتمم لكم بخيييييييييير يارب ممكن تقولولى اجيب كام ملايه ساده وكام مشجر وكام فوطة ؟؟؟
وحد منكم جاب مراتب فوربيد ؟؟ اصلى عايزة اجيبها بس قلت اخد رايكم فيها ؟

hananany;14921843:
انا الزراير بنتط عندي من اول اسبوع في الجواز يعني لسة ملحقتش تتوسخ هههههه

عروسه جديده ربنا يسعدك

على العموم فى حد هنا قال على منظف اسمه استونش ان شاء الله هجيبه واجربه

بالنسبه للحلل الصاج اللى بيستخدموها فى فتافيت فى برنامج من مصر وبرنامج شوربه ونقنقه الاقيها بتتباع فين ؟؟؟؟؟؟؟؟؟؟؟؟؟؟؟
لانى ماشوفتش زيها

banana z3lana;14921835:
مبروك يا مرموره علي تاجير الشقه عقبال الباقي بقي

مبروك يا ميراميه علي فرحك و فرح اختك

هوبس شيفاكي وحشاني يا بنتي

بنات ىفي واحده قالتلي طالما هتجوز شهر 6 ابطل من دلوقت عمايل سويت
علشان كل الشعر اللي تحت الجلد ينمو و يترعرع علشان يطلع كلو
هل هذا صحيح

انا من رأيى فعلا متعمليش تانى علشان لما بتعملىيها على شعر صغير مش هتديلك النتيجة حلوة وربنا يتملك بخير يا قمر
اعمل قرد ؟؟؟

حد يعرف حاجه عن معرض بيت العز بتاع الستاير