ღ ريــم ღ;14895384:
لا انا من القاهرة ياحبيبتى بس اكيد فى اسواق الشريف فى اسكندرية فى العصافرة الفرع بتاعه
وفكرتك تجنن ياريت تحطي الطريقة واستفيد من فكرتك الجميلة انا والبنات
واى سؤال انا فى الخدمه لو اعرف ارد عليه
هو انا فكيت الجزء البلاستيك بتاع الفايل وقسمته كل 2.5 سم وقصقصت شرايط واخدت شريطين دبستهم مع بعض من الحرفين ومن النص بدباسة وحطيت فوقهم شريط ودبسته مع اللى قبله من نصف المسافة بين الدبوسين اللى قبل كده انا مش عارفة اشرح اوى بس هحط صورة المنظم يمكن توضح وبردو مش عارفة هثبته ازاى فى الدرج :D
لولو
بصى اهدى كده ومتزعليش نفسك ومتزعليش من خطيبك معلش هو عامة اللى فى الحاجة بيبقى حساس اوى منها فمعلش هو برده سندك وضهرك ربنا يخليكو لبعض وهو رد عليكى وانا شايفة ان كلامه كان كويس معلش عدى اول كلمة هو مغلطش فى حقك وربنا يغفر لباباكى ويرحمه ويدخله فسيح جناته ادعيله يا قمر وكل حاجة بتحصل بتكون لها حكمة عند ربنا معلش فصبر جميل وخدى مامتك ان شاء الله وربنا يوفقك للى فيه الخير بأه وروقى كده ااحسن انا كده هعيط وانا قاعده وماما هتقولى بتعيطى ليه وهتبقى موال :) وعايزة اقولك ان بابايا لسة منكد حالااا عليا :| بس خلاص بأه انا زهقت من كتر النكد بعد ما اتفقنا ان الفرح بالنص وحجزنا القاعة قالى الفرح كلله عليه :mad:
اضحكى بأه F:
وان شاء الله تبقى احلى عروسة ومتحصلش حاجة من الخسائر بتاعت الشربات وديل الفستان دى :D
نور
بصى انا جايبة استانلس زهران العادى من 3 سنين بس البنات هنا قالو ان استانلس زهران مش حلو :confused:
بطة
احسن مكان تتفسحى فيه فين فين والله مش عارفة لانى مش بتفسح كتير بس حديقة الحيوان حلوة انا بحبها اوى والمنتزة والمعمورة وجرين بلازا واقرب مكان لكوبرى استانلى :study: اصل هو على البحر كده مع نفسه ههههه غريب اوى بس ممكن من هناك تاخدى تاكسى وتروحى سموحة
بلبل حيران
بصى بالنسبة لطقم الكنكات بابا بيحب القهوة فجابلى 2 :worn_out: بس هو واحد كفايا فى 3 واحده صغيرة خالص وواحده وسط وواحده كبيرة وهاتى وكانو استانلس وصاج
واسواق الشريف اللى فى اسكندرية فى شارع جمال عبد الناصر بعد كوبرى 45 وانتى رايحة المنتزة
دندونة
ربنا يكتب لك اللى فيه الخير يارب ودعيتلك الدعاء كله ربنا يفرجها عليكى وعلينا كلنا
banana
مبروووووووووووووووك على ميعاد الفرح :022::027::022::027::0100::074::074:
ومبروك على الموبيليا تتهنى بيها F: ربنا يسعدك ويهنيكى
مهندسة مون
بصى انا لسة جايبة لوس باودر من دوف توححححفة لمعتها فظيعة دى تنفع للجسم كله تبقى شوفيها كده فى محلات الميك اب ويارب تعجبك انا جايباها من مينا مول
saso
السؤال اللى عارفاه السويت ;) اعمليها قبل الفرح بيومين :) يعنى لو الخميس اعمليها الثلاثاء عشان بشرتك تهدى
انا بأع عندى موشكلة ربنا يستر لان ممكن البريود تكون عندى لحد قبل الفرح بيوم :'( مش عارفة هعمل السويت امتى
nemo
ماشاء الله الحاجات عسل اوى تتهنى بيهم والطقم الفوشيكا ده روش اوى F:F:
