تجمع امهات مصر الحلوين لشهر جماد اول

شوفتوا فيلم بنتين من مصر يابنات وايه رايكوا فيه؟؟؟؟؟؟

لا هي سريرها واسع ومريح ويكفي لكذا سنة كمان قدام بس هي غلست اوي مش عارفة ليه مع انه جنبنا يعني مش في اوضة تانية وشايفانة وقريبة مننا


الجلاش بحط فيه جبنة رومي مبشورة وجبنة فيتا لو موجودة او مش لازم بس احلي بيها وزيتون اخضر واسود او حسب بردو وطماطم مكعبات نونو ومش بحب الفلفل فمش بحطه وبعمل نفس الطبقات عادي زي اللي باللحمة بس انا اصلا بدهنه بالزيت وبس وكل تلات طبقات ادهن خفيف مش زي باقي الناس كل طبقة وسمنة عشان يبقي اخف وعلي الوش برش جبنة بردو وبسقيه لبن وبيضة بردو زي التاني بعد ما لونه يتغير شوية ويبتدي ينشف سنة عشان اطريه تاني ويكمل سوا وينشف بردو بس ميبقاش ناشف اوي بيبقي تحففففففففة وساعات بحط لحمة معاهم بردو بس من غير الجبنة البيضة بقي بس انا بحبه بالجبن والزيتون والطماطم كده اوي وبوزعها في كل حتة فيه متساوية مش بقلب كده وخلاص لأ شبه برصها

ايمى انتى بتشتغلى ولا ايه

اول مرة اسمع اسمه الفيلم ده بتاع مين

اه بس في البيت شغل لاخويا مش حد غريب ههههههه ما انا اعتبر دراعه اليمين من زمااااااان بس هو مديني مهمات سهلة الفترة دي طبعا عشان جودي بس هي مش شهلة ولذيذة لأا هي مملة وطويلة وبقسمها بقي كل يوم حبة اد ما اقدر

بتاع مين يا غادة الفيلم ده مش عارفاه خالص

بتاع زينه وواحده تانيه معاها ماعرفشي اسمها اول مره اشوفها بس فظيع اوي فيه كلمات خارجه كتير وبعض المناظر وفيه حاجات تانيه فظيعه بتحكي حال البلد بالظبط جالي اكتئاب اما شوفته

لا مسمعتش عنه خالص ده في السينما لسه ولا ايه؟؟

ربنا يقويكى يا ايمى ياااارب مايو اول مره اسمع بردوا اسم الفيلم ده انا حتى مشفتهوش هنا معروض فى اى دور عرض

انا كمان مشوفتوش بس دا بقى العادى بتاع الافلام خلاص

صحيح حد جرب يجيب صاعق الناموس في بيته قبل كده؟

اه عندي في شقتي ياايمي

عند مامتى يا ايمى مش بيعمل حاجه الا لو الناموشس جه عليه
بس المضرب ده حلو تقعدى تجرى ورا الناموسه

بصو هو الفيلم جميل اوي عجبني بصراحه مع اني بكره اللي اسمها زينه دي هو بيتكلم عن العوانس والبظاله والشباب اللي بتسافر في البحر وتغرق والشباب اللي الحكومه عقدتهم في عيشتهم واللي هربوا بره مصر من الحكومه علشان بيفكروا في مشاريع ترفع البلد

ايه ده بجد كلكم عندكم طيب كويس انا كنت فاكرة اننا الوحيدين اللي بنفكر نجيبه في شقة، اصلنا خلاص قرفنا بجد والسلك جبناه واسع شوية للاسف فيعديهم منه حاجة زفت، ما هو لازم هايلفت انتباهم ويجوا عليه عشان النور اللي فيه وانا هحطه لو كده في مركز الناموس اللي بيدخل منه


انتي قصدك انهي مضرب يا دندن العادي البلاستيك ده ولا الكهرباء؟

اصل الكهرباء ده بيبوظ بسرعة وكنا جايبينه زمان ومش عملي والتاني العادي زهقت بجد من الجري وراهم

انا عندى الصاعق جالى هديه بس لسه مستعملتوش بس المضرب جربته مش حلو تفضلى تجرى ورا الناموسه وتنشنى ياما بقى تيجى فيهم يا بلاش حاجه تخنق يعنى

انا عندي بتاعي كان بيموت الناموس والدبان لو في اول ماكنت ادخل انام اطفي النور كللللللله والجهاز ده بيبقي منور فالناموس بيتلم عليه ويتصعق

انا الحمد لله شقتى مفيهاش ناموس انما اليومين اللى بقعدهم عند ماما بنرجع منقطين انا و سما

اه ما انا هعمل كده فعلا وكمان احنا هنحطه في حتة ضلمة فعلا طيب هو صوته بيبقي عالي لما يموتهم اصلي فكراه من ايام المحل بتاعنا كان بيعمل صوت الجديد بردو بيعمل؟

وكمان لقيت في احجام

احنا مكنش عندنا ناموس زمان لسه السنة دي بس تقريبا عشان فيه ناس زفت الزفاتيت ورانا في ضهر العمارة بيربوا طيور وحاجات حاجة نيلة هما السبب ده غير مزيكة حسب الله بقي اللي بتعملها الحيوانات المشكلة دي بس دايما طبعا بس بردو حاجة اخر قرف