تجمع امهات مصر الحلوين لشهر جماد اول

اسمى نجاة
انا لما دخلت القسم كانت سنة رابعه هى اول دفعه تتخرج منه
وخريجة سنه 2007

ايمى كلنا هذا الرجل
انا كمان قاعده بحارب مع سما قاعده تشد اللاب عايزة تفصل الشاشه عن الكيبورد بتفتحه زى الكتاب

هعمل بنصيحتك يا ام حور يارب تجيب معاه نتيجه اصله عنيد اوى
ما تقوليلنا نصايح عشان اعلمه التويلت بالمره :)

وهو اصلا ايه الى مصحى سما وجودى لحد دلوقتى؟؟

بصراحة معرفش اوى فى موضوع التويلت
بس انا باذن الله هبدأ مع حور فى شهر خمسة بعد ما تكمل سنه واعتقد انى عارفه مواعيدها وربنا يسهل ونخلص من الموضوع دة على خير

هههههههه ايه اللى مصحيهوم هما دول فى حد يقدر بحكم عليهم

ههههه هي فعلا قردة وفارة وبرصة وعفريتة وكل حاجة ممكن تتخيليها

هي مش وش نوم بدري ابدااااااااا سهيرة جامدة جدا وبتتعفرت لما انيمها بدري وتقعد تقاوح بالساعات علي السرير لغاية ما تزهقني وتطلع روحي ولو حصل ونامت بتقوم بعد ساعتين في نص الليل وفاكرة انه جه وقت اللعب والصحيان بقي فخلاص كده كده اتعودت تنام متأخر بس اتحسنت عن الفترة اللي فاتت بردو كتير ظبطلها شوية

لا انا مش بخليها تهوب ناحيوة اللاب ابداااااااااااااا ببعده عن ايديها خالص حطيه علي حاجة عالية طيب

ايه يا ام سيمو فين نصايحك
قللى النور وخلى المكان هادى
ولا باب النجار مخلع هههههه

بهزر اوعى تزعلى

نوجي ايه رأيك في الدلع ده ولا نوجة ولا ايه قولي انتي، انتي ممكن عشان اليكس كمان فالاقسام عندكم مختلفة عن هنا، اذا كان هنا جامعة عين شمس والقاهرة فيهم اختلاف في الاقسام، انا كنت اداب بردو

ههههههههههههههههههههههههههههههههههه
يا بنتى النصايح اللى بقولهالكو حاجه و حياتى الماساويه مع القرده دى حاجه تانيه

بجد انا حاسه ان هيا اللى بتربينى
بس والله ساعات لما انا بدخل انام بدرى بتنام معايا المشكله فيا انا انا اللى مش عارفه اتعود انام بدرى

لا دي فعلا محاولات صح جدا بس فيه اطفال بيتمشوا معاها وفيه لأ، انا جودي بقي مبقاش يحوق معاها خالص اننا طفيين النور ولا نايمين اصلا علي السرير جنبها ولا مفيش صوت ولا طبطبة ولا حاجة بتفضل تقوم وتلعب وتتشيطن بردو علي السرير لكن وهي اصغر كانت كويسة واول ما بندخل ننام بتنام معانا وفي سريرها كمان وشطورة وتصحي معايا بس خلاص شكلي انا اللي حسدتها هههههههه

نوجة حلو

على فكرة اداب صوتيات فى جامعه اسكندريه من 3 اقسام وحيدة فى الشرق الاوسط
التانيه فى سوريا والتالته فى اسرائيل

انا كمان اول مرة اعرف ان فى اداب صوتيات اللى اعرفه انه فى الطب وكنت بفكر فى التخصص ده
عشان فلوسه كتيييييييير:lol:

ايه ده بجد حلو اوي بجد معلومة حلوة

وانا كمان فكرت اعمل دبلومة تخاطب بعد الكلية

انتى متعرفيش ان كليه طب رفعت قضيه على كليه اداب
لان احنا بنتخرج بعد 4 سنين وانتو 7 فبنكون شبعنا فلوس:lol::lol:
انا كنت باخد محاضرات مع اختى الدكتورة عندكم لما كانت بتاخد محاضرات خاصه بالفوناتكس

بصراحه هو قسم جميل جدااااا وبحبه اوى
اشتغلت فيه قبل الجواز كتير الحمد لله فى مراكز ومستوصفات بس الان بخلص الجلسه بالعافيه وبفكر الغى الشغل خالص
بسبب المصونة حور

بس انهي فيهم متخصص اكتر بقي طب ولا اداب

هههههههههههههههههه والله بجد؟
كليه الطب دى مش عارفه ترفع قضايا على مين ولا مين رفعو ع العلوم و البيطرى و العلاج الطبيعى و كمان الاداب؟
مش سايبين حد فى حاله

بصى انا هقولك
اداب الدراسه متخصصه اكتر لانه قسم كامل
اما طب فده فرع من الفروع وبيهتمو اكتر بالاناتومى والادويه
اداب لا مش المفروض اى حد خريج اداب يكتب دوا او يقول انه دكتور تخاطب
وده ما قررته الدعوى المرفوعه من كليه طب علينا
وعلى فكرة القسم دلوقتى اتطور اوى بقوا ياخدو محاضرات فى كليه طب نفسها يعنى انا اعتبر لايحه قديمة:o:o

ههههههه خلاص ممكن تاخدي معادلة ولا مفيش حاجة كده