تجمع امهات مصر الحلوين لشهر جماد اول

انا اسمع ان الولاد بيتاخرو في الكلام اكتر من البنات

ههههههههههههههه مايا عسل يا توتا والله خلاص كدة حلوة تشجعيها وان شاء الله تقدرى على الصيف تعوديها

توتى معلش انتى حاولى تتكلمى معاة كتير واخكى معاة كل حاجة بتعمليها انا بعمل كدة مع اميرة بتكلم معاها كانها كبيرة هى صحيح مش فاهمة ولا بتفيد فى شئ بس انا كنت قلقانة انها تتأخر فى الكلام قالولى لاغيها كتير
وانتى ان شاء الله لسة قدامك فرصة ووقت لغاية ما تولدى وان شاء الله ربنا يكرمة

يارب
كتكوته دكتور التخاطب مش قبل 3 سنين

على فكرة يا بنات والله بجد اللى يسمع كلام البنات اللى عندهم 2 يفكر فعلا ميت مرة فى الموضوع كويس كل اللى اعرفهم بيشدوا فى شعرهم ايمى وموها وهوبا اللى لسة والدين قريب وربنا يستر انا شكلى كدة هكبر شوية ولا اية
لالالالا انا اجرى عند الحوامل عطول هههههههههههههههه

ممكن صح اصل انا ناسية اختي كانت جابت دكتورة في البيت لبنتها الوسطانية وكانت صغيرة بس مش فاكرة بقي امتي بالظبط

بس ان شاء لله مش تحتاجيه انتي فعلا خليكي وراه ومش تزهقي وخليه يقعد في قعدات وزحمة وكده كتير واختلاط

طيب يا توتى هو كدة عادى ولا كان فى مشكلة ساعة الولادة اثرة علية

باااااااااااااااااك كنت هزعل اووووى لو لقيتكم مشيتوا


انا نوووووووو واااااااى قيصرى وبنج نصفى انا كنت روشتهم ههههههههههههه

انا نفسى اخدها المره دى لو ربنا اراد اولد طبيعى بس بردوا خايفه مش مطمنه للدكاتره اللى هنا كلللللللللهم

اذا كان جوزو بجلاله قدره مش بطمنله ساعات بحس ان دماغه قفلت من كتر القعاد هنا مع انه كان شاطر والله وابن حلال وكان شغال فله فى مصر بس المووونى بقا الحمد لله هاانت خلاص نخلص الشقه وننزل ويرجع لحالته الطبيعيه

بالنسبه بقا للبوتى بصرااحه انا عاانيييييييت مع ابنى لانى مش بدات معاه من بدرى وكنت كل شويه اقول خلاص اسيبه ينسى وارجع احاول اقعده تانى واديله الموبيل ولعب وكله بس بعد كده قريت علىالنت ان الولد اصلا مش بيتحكم فى الاخراج الا لما يكمل سنتين والبنت ممكن على سنه ونص مش قبل كده وفعلا نسيته خاالص موضوع البوتى ده ولما كمل السنتين وشويه تلات شهور تقريبا او اربعه قعدته بقا فاهم ومبسوط ماشاء الله وبرضوا لازم يشد السيفون ههههههههههههههههه

انا جيت تاني اتخلصت من كريم وجيت

شايفاكوا بتتكلموا علي كلام الاطفال انا كنت عند الدكتوره امبارح واستغربت ان كريم لسه ما اتكلمش وقالت هاتجيني بعد 3 شهور لو ماتكلمش لازم ياخد علاج لانه متاخر هو كده متاخر فعلا ولا هي بتهول مع العلم ان كوكو مش بيفهم كلامي ولا بيعمل باي باي ولا بيقول حاجه خالص ولا مشي كمان انا مش عارفه ده طبيعي ولا ايه

لا يا كاتو مفيش اى حاجه خالص هو طبيعى بس متاخر من وجهه نظرى فى ناس بتقولى عادى عشان هو كمان ولد واول بيبى بس انا نفسى يتكلم قبل ما اولد ان شاء الله

بصي يا ايمي انا هحاول اكتب اللي كنت عاوزه اقوله تاني او جزء منه


اولا انا اختي ولادها التلاتة الفرق بينهم سنة ونص او سنتين مش اكتر خالص وهي واخويا نفسهم بردو سنة ونص انا بس اللي جيت متظاخرة حبتين تلاتة اربعة خمسه هههههه



انا بقي لو كنت برضع لسه عمري ما كنت هفكر دلوقتي خالص لكن عشان انا مبكلة من فترة فده من ضمن الاسباب الكتيرة اللي خلتني افكر وطبعا فيه ميزات وعيوب بس الميزات اكتر ليا لما فكرت فيها كويس، وكمان انا بالعكس بحس لو الطفل الاولاني كبر وبقي فاهم هاتبقي اصعب من وهو صغير وعبيط والغيرة عندجه هاتبقي مجرد هبل لكن مش خطط وحيل وحركات من تخت لتحت وانه عمل اي حاجة وساعتها هاتبقي خطط شريرة كمان بس اللي مساعجني برجو ان جودي كمان مبطلة رضاعة من بجري فناسية البريست اصلا ومش فكراه ولا فاهمة دوره حتي وهاتبقي غيرتها محدودة لأنها صغيرة بس طبعا الغيرة موجودة دي غريزة لابد منها

توتى طب ما تحاولى ترحى تكشفى عند اى دكتور يطمن بس انه موضوع تاخر الكلام وبس

ولما تطمنى ان شاء الله ارغى معاه بقا كتيييير واستنى لحد ال3 سنين ووديه لدكتور تخاطب

ام عمر هو عمر اتكلم فى سن كام
مايونيز انا متهيالى الدكتوره دى بتبالغ انا سمعتها كذا مره فى قناه الحياه ان الام متبتديش تحس ان فى مشكله قبل 3 سنين

بوسي انتي مصيبة بجد ضحكتيني اوي علي جوزك ووصفك له


غادة لا طبعا بتهول ونص كمان مين ده اللي متاخر

العيال دول تحف
انا عندى مايا الى حد ما بتقول كلمات
بس النطق يعنى صينى شوية ههههه
يعنى اشطة وحتة وبطة وواحدة كلهم نفس النطق اللى هو اطة
بيبسي تبئة بسي
درس تبئة دس
جدو تبئة ددة
وهكذا

المشكله يا ام عمر ان فى فتره كنت مشغوله جدا فى تشطيب الشقه ومكنتش بقعد معاه كتير كنت بسيبه عند ماما او حماتى فمتهيالى انه اتاثر بالفتره دى

انا عز الدين بيقول ماما وبس على كده اى حاجه تانيه بقى المفروض اخمنها امال انا امه ع الفاضى

تصدقوا انا لو رجه بيا الزمان تانى كنت حملت بعد 6 شهور من الولاده لانى برضوا صدرى نشف على 6 شهور وكانت هتبقا قبله واحده وعكه جامده بس والله لو فكرتوا فيها هتلاقوهم كبروا مع بعض وخلصتى مره واحده مش بقا ده كبر وفهم وبطل بامبرز وبقا يقول مم وامبو ويلاغى ويتكلم واروح معكوووووعه من تانى فى البامبرز والعياط اللى معرفلوش سبب واقعد اعمل اراجوووز عشان البيبى يسكت وفى الاخر برضوا ميسكتش

بس بجد بجد اللى مجننى ان حماتى ربنا يشفيها يااارب كانت بتعرف عمر بيعيط ليييه تقولى عاوز يرضع ارضعه الاقيه فعلا كان جعان مع انى كنت لسه مرضعاه من شويه يعيط تقولى هاتيه العبه تلاقيه زهقان وشويه تقولى اهرشيله فى جسمه واقولها عرفتى ازااااااى تقولى دول 6 عيااااال وفى الاخر معرفش سبب العياط يبقا عيب عليا هههههههه ربنا يخليها ويشفيها ياااارب ويديها لصحه

والله قلقتني جدا امبارح وبتقولي هاتيله كتاب فيه صور وانطقي قدامه نفس الكلام لغاية مايردد وراكي ربنا يستر انا من ساعة ماجيت امبارح وانا متضايقه جدا

بنت صاحب جوزي عندها سنتين إلا 3 شهور ومش بتتكلم كله بالاصوات وهي اعتمدت انه فاهمينها فمش بتحاول تغير بقي، يعني كله اااااه ااااااه مش عارفة اشرحلكم بالكتابة بس كده يعني بس بتنغمها بقي حسب المعني وتعمل بايديها كده وهي بتعبر ووشها سواء بتطلب او بتسأل او متضايقة كله

انا كمان اميرة بتقول كلمات بسيطة بعد كدة اغلب الكلام هندى
مايو كوكو كدة مش متأخر خالص