❀❀❀❀لمة العراقيــاات ا لــوردات من كــل مــكــان ((لشهرجماد الاول)) ❀❀ ❀❀

OM_ABOUDY;15011957:
ههههههههههههههه اسكتي وخليها يا ام ايفرن ع سالفت الافخاذ ههههههه:-#

Princess Pearl;15012018:
ماركة L.L.Bean
كلش مشهورة ونوعة ملابسهم ممتازة
دائما نشتري منهم خاصة ملابس شتوية

ادخلي هنا واختاري المجلات اللي تريدينها وبعدين دخلي معلوماتج
http://go.3roos.com/9bg0zcbi8e8


eddie bauer
http://go.3roos.com/nr3kmqxqeys


j.jill
http://go.3roos.com/j4dhvxq4pej

garnet hill
http://go.3roos.com/5yi82ne9y5p


انتي شوفي من تدخلين موقع ملابس
انزلي تحت تشوفين مكتوب request a catalog بس مو كل المواقع بعضهم

بعدين راح اجيبلج البقية :worn_out:

U.S.A/VA;15014122:

hello

شلونكم كعدت قريت دخلت متاخر كلجن ماكو

لان كلش ضايجة فد مرة احس بوحدة فضيعة

اجى زوجي وكعدنا طبعا جو عدنا كلش حار صيف مو طبيعي يومين

ومع هذه مرات تمطر

المهم اجى زوجي والعصر كال اني طالع بالبايسكل كال متجين اني عجبتني اطلع اتمشى

لما رحت لبست ربطة ولابسة تراكسود

شافني جان يكول مرة البسي كاب ومرة مدري شنو

المهم ضجت كلش:mad:

لما جهزت نفسي شيكولي وين جاية بهذه ملابس كلت اشبيها كلي عبالك ملابس بيت

بابا هي تراكسو قابل اشالبس هو اشترالي شئ حتى اني اكوله ابدل

ضجت يابنات وحلفت كلت مااطلع نزعت ربطة وكعدت وعلكت موسيقى هادئة وكعدت ابجي

اتذكرت امي اهلي والله هسه اكتبلكم ودابجي ضايجة ياربي صايرة مداتحمل لاشغل ولامدرسة بس بلبيت:'(

وجمالة هو يعيرني بالملابس والحجاب

فوك مااني مطالبة منه شئ

خلاني وطلع بالبايسكل

كلش ضايجة كلش

مااعرف اعذروني قلبي مليان ملي

لاصديقة ولااحد يمي بس وحدي24ساعة

والافندي اطبخ واسوي وياكل هذه يعجبني وهذه معاجبني

والله والله مااعرف اشبية بس قلبي مليان صاير بي كابة على العلم الحمدلله ملتزمة بالاستغفار

نمنومة;15014761:
هلو فريجينيا شلونج ليش هيجي ضايجه على كيفج على نفسج ادري صح الغربه متعبه بس شنسوي هيه هاي قسمتنه واحنه مو اول ناس اتغربو لازم تتحملين شويه وحاولي تشغلين نفسج بشي يعني اطلعي اتمشي افتري بالسوق
وبس الله يساعدج ويكون بعونج لان انتي ملتزمه بالحجاب رغم عيشتج بامريكا والمفروض زوجج يقدر هذه الشي مو هوه الي يستحي
بس انتي احس شي البسي كبات او شفقات وملابسج طبعا اتكون عاديه حتى من تتطلعين لتنحرجين وبنفس الوقت تاخذين راحتج مو يضل الكل يباوع عليج
وبالنسبه للملابس والله ماادري شكولج بس الله يساعدكم اكيد العيشه صعبه
وانتي احسن شي اتحاولين اتجمعين شويه فلوس يعني من يصير عدكم فلوس ضمي منها وحتى لو من مصرف البيت حاولي اتوفرين وبعدها روحي اشتري ملابس
ولتخلين شي بنفسج
اني دائما اسوي هيج اجمع وبعدها اروح للسوق اصرف كل فلوسي هههههههه
ليه لتضوجين كلنه ترة مثلج ضايجين بس شنسوي اني ملتهيه ويه بنتي مسويتها لعابه كل شويه البسها شكل لو اخذلها صور

U.S.A/VA;15017256:

:oام عبودي

هو احنا لو عدنا راتب كنا ندور على شغل

اني كنت اتمنى لو عندي راتب على الاقل اكمل دراستي

لاوالله يا عمري بس كان عدنا كارت مالت طعام تشترين بس طعام من سوبر ماركت يسمو فودستام

بشهر يخلون200دولاربيه رصيد للاكل

لكن هذه الشهر انكطع ولازم هسه اروح مرة الوخ اقدم وزوجي كل يوم طالعتله شغله
اخاف هذه شهر يروح عليه:-#

الله كريم ياام عبودي:thumbs_up:

U.S.A/VA;15017360:

هذه في ولاتنا طبعا

في ميشي غن

لان جو بارد وخاصة في شتاء رهيب برودة لكن
جمال اهناك وحياة مو طبيعية

وخاصة يوزعون بيوت وشقق ورواتب ماعدى فود ستام

ودراسة بارقى جامعات لكن زوجي
معاند ميقبل يروح

وكم مرة كلولي صديقاتي واجى ضيف بيتنا وكال زوجي هاي انتو شلون حياة صعبة

زوجي ميقبل يطلع من هاي الولاية

والله اخاف اتعارك ويى فد يوم واهجره من ورى عناده واتركه واروح اعيش بغير ولاية

لان معاند لان اصدقائه اهنانه ميقبل ينشلع واني مكبوسة وحدي

واشك حاولت بس ماكو جارة لان فيرجينيا تابعة واشنطون ديسي

ميقبل ينشلع اخ راح اموت من عناده:mad:

Princess Pearl;15017723:
الله يعينج فيرجينا فعلا شي يرفع الضغط
بس اللي تسوينه بنفسج غلط , هو طلع وانتي كعدتي وبجيتي طلعني باليل وكلتله اليوم اني راح اطلع كلي ليش متنتظريني كلت لا احب اتمشى بالشمس كلي براحتج اذا طلعتي كوليلي:D
جان لازم غيرتي ملابسج وطلعتي وياه لان بالعناد انتي اللي تخسرين
هو اكيد راح يطلع بدون ما يهتم وبدون مايفكر انه هو السبب بجلوسج بالبيت

هالنوع من الرجال ميفيد وياهم العناد اني اصلا تعبت وضجت بعد مصار عندي واهس لان اني من اعصب لو اكلب دنيا على راسه واتعارك لو اسكت واسد باب غرفة وابجي
انتي لازم تسوين كل شي بنفسج وبالشكل اللي تحبينه بهالطريقة راح ترتاحين


ليش ما تقدمين لدورة سياقة على الاقل تتعلمين سياقة وتطلعين وتروحين دورات لتعليم اللغة
تدفعين 15دولار ويفتحون لج ملف والباقي مجاني احنا عدنا دورة سياقة750 ياريت لو 15
وبعد ماتتعلمين لغة تكدرين تنطين امتحان جي اي دي


لان اذا نجحتي بامتحان جي اي دي تكدرين تحصلين شغل بسيط وبكذا تعتمدين على نفسج