شات منتظرات الحمل وامهات الستقبل القريب بإذن الله (بنات مصر)لشهر جماد الاول /ابريل

ريرى فى دكتور اسمه عبد اللطيف سويلم استشارى اطفال انابيب وحقن مجهرى كان على التى فى من يومين
وقال العدد 20 مليون والحركه 50% والتشوهات 70% يبقى طبيعى والنسب دى حطاها منظمه الصحه العالميه مش اى كلام يعنى
ودكتور محمد لما روحناله قالنا كده فعلا
ومادام هو بيتحسن يبقى ليه الاستعجال استنى شهر ولا اتنين وبعدين اعملى الحقن او التلقيح
كمان معلشى انا برضه عايزه افهم مادام بيتحسن ليه انتى مش تنشطى وتستنى انا ان شاء الله بعد ما محمد يتعالج ولو ساعتها مش حصل نصيب هانشط واستنى

ۈ ذگريآأټي , فّ گيرڷآآ ۈشلۈن آنسّسّآهآ !


http://forums.3roos.com/showthread.php?t=614600

امونه شطاف


ازيك وحشاااني


ههههههههههههههههههههههه

ra_tamima;14988958:
ريرى فى دكتور اسمه عبد اللطيف سويلم استشارى اطفال انابيب وحقن مجهرى كان على التى فى من يومين
وقال العدد 20 مليون والحركه 50% والتشوهات 70% يبقى طبيعى والنسب دى حطاها منظمه الصحه العالميه مش اى كلام يعنى
ودكتور محمد لما روحناله قالنا كده فعلا
ومادام هو بيتحسن يبقى ليه الاستعجال استنى شهر ولا اتنين وبعدين اعملى الحقن او التلقيح
كمان معلشى انا برضه عايزه افهم مادام بيتحسن ليه انتى مش تنشطى وتستنى انا ان شاء الله بعد ما محمد يتعالج ولو ساعتها مش حصل نصيب هانشط واستنى

كويس اوي النسب دي بس المشكلة الحركة 20% مش 50% يعني الحركة ضعيفة شوية
ومن ناحية الاستعجال انا مستعجلة اوي انا كده بقالي سنه وشوية وبصراحة خلاص انا جبت اخري

شيري ازيك يا حبيبتي عامله ايه في مصر يا قمر مبتفكريش تعملي المنظار وانتي هنا بالمره يا قمر

يعنى يا ريرى انتى حالتك زى حالتى بالظبط صح؟؟؟؟؟؟؟؟؟؟؟؟؟؟
وهو رغم التحسن اللى حصله لسه الحركه بطيئه!!!!!!
ع العموم انا مش عايزه ابقى رخمه معاكى بس انتى ادرى بحالتك انا بس بقولك كده علشان حالك هو حالى بالظبط
وع العموم ربنا كاتب كل شئ ف معاده

والله محدش طلبة منى يا شوشو
اخبارك انتى اية

انا الحمدلله يا شيري يا حبيبتي مستنيه الدورة عشان اعمل المنظار واسافر ادعيلي

ra_tamima;14989016:
يعنى يا ريرى انتى حالتك زى حالتى بالظبط صح؟؟؟؟؟؟؟؟؟؟؟؟؟؟
وهو رغم التحسن اللى حصله لسه الحركه بطيئه!!!!!!
ع العموم انا مش عايزه ابقى رخمه معاكى بس انتى ادرى بحالتك انا بس بقولك كده علشان حالك هو حالى بالظبط
وع العموم ربنا كاتب كل شئ ف معاده

رشا ايه حالتكوا ايه بظبط؟

ان العدد عند محمد 6 مليون والحركه 45% والتشوهات الحمد لله 65%
ومفيش دوالى بس
وانا مش عندى حاجه والسونار المهبلى بتاعى وريته لكذا دكتور قالولى مش عندك حاجه انا كنت فاكره ان التبويض لما يتاخر يومين يبقى مشكله بس فى دكتوره قالتلى
ان ممكن شهر التبويض يتاخر وشهر لا
انتى شايفه بقى انى ممكن اضطر لحقن او تلقيح؟؟؟؟؟؟؟؟؟

ra_tamima;14989169:
ان العدد عند محمد 6 مليون والحركه 45% والتشوهات الحمد لله 65%
ومفيش دوالى بس
وانا مش عندى حاجه والسونار المهبلى بتاعى وريته لكذا دكتور قالولى مش عندك حاجه انا كنت فاكره ان التبويض لما يتاخر يومين يبقى مشكله بس فى دكتوره قالتلى
ان ممكن شهر التبويض يتاخر وشهر لا
انتى شايفه بقى انى ممكن اضطر لحقن او تلقيح؟؟؟؟؟؟؟؟؟

لا يارشا جوزك اكيد بياخد علاج صح العلاج ان شاء الله بيجيب نتيجة كويسه وربنا يرزقنا كلنا بذرية الصالحة يارب

لا هو لسه هاياخد علاج لسه مش ابتدى
يعنى كده احنا حالتنا مختلفه عن بعض؟؟؟؟؟؟؟؟

بت يا شوشو .............انا امونة شطاف , طيب ربنا يخلف ظنك والدورة متجيش وتحملي ويجيلك بنت تطلع عينك وهيا بتاكل ادام الشطاف هههههههههههه


بنات عايزة اقولكم ان يوم الجمعة الجاية الامير وليام ابن الاميرة ديانا هيتجوز وانتو معزومين هههههههههههه

بجد انتو معزومين على قناه one بتاعة دبي الساعة 9 هينقلو الحفلة مباشر وكامله

رشا
ما العدد برده لسه قليل وكمان الطبيعي للتشوهات من 45٪ طيب الدكتور مقلش السبب من ايه وعمل اشعه ملونه وله لا

ريري
بصي هو فيه دكاتره بيقولوا حاي لو الحركه بطيئه التلقيح ينفع لانه بيسهل علي الحيوانات المنويه اغلبية المسافه بيدخلها من الانابيب فبيوفر عليها الوقت  

بقالنا اكتر من ساعتين بنرقص لما اتهدينا

بترقصي انتي ومين يا هدى هههههههههههه, وايه المناسبة

بت يا دينا عملتي ايه يا قرده عند الدكتور

حبيبة امها 4;14986150:
ربنا يوفقك يا دينا
ويكتبلك اللى فية الخير يارب

RAINBOW2000;14986625:
اتوكلى على الله و اعمليه يا شوشو فعلا باين تاثيرؤه كويس ربنا يكرمك قريب اووى ان شاء الله

هههههههه:lol: و الله انت تحفة

صدفة غريبة فعلا يا رب نفرح بيكى قريب

ربنا معاكى يا دودو

د\امونة;14988449:
بت يادينا عملتي ايه عند الدكتور ؟ طمنينا


هدى وشيري ازيكم يا حلوين , اكلتو الفسيخ ؟

لحظةحب;14988848:
ريري
العدد 24 مليون كويس ينفع للتلقيح ليه يعمل حقن وتجمدوا انتي ما شاء الله معندكيش مشاكل

دندون
حبيبتي فينك تعالي طمنينا عملتي ايه عند الدكتور

د\امونة;14989436:
بت يا دينا عملتي ايه يا قرده عند الدكتور

ازيكو يا حلوين
الحمد لله انا مرتاحة نفسيا
الدكتور حساه فاهم وشاط وياخد ويدى معاكى فى الكلام
الحمد لله
قالى ان حالات اجهاضى سببها مش واضح اوى بس قالى فى علاج هاخده قبل الحمل وعلاج اثناء الحمل
اللى قبل الحمل فوليك اسيد واسبرين وكرتيزون ودوا للمناعة وللغدة
هو حتى قالى هديكى كوكتيل علاج وكتب لى منشطات من النهاردة علشان النهاردة تانى يوم البيريود
واتصل بيه فى اليوم السابع علشان اتابع التبويض
وطلب تحليل جينات وقالى انه مش مستعجل عليه بس خطوة لازم تتعمل
بس كليا كده الحمد لله مرتاحة لكلامه ومطمنة ومش قلقانة زى اى دكتور
مممممممم ايه تانى ......بس كده ياحلوين الحمد لله
دعواتكو بقى المنشطات تجيب نتيجة كويسة وربنا يكرمنى بالحمل السليم يااااااااااااارب

الحمد لله ان ربنا هداكي يا قرده وارتحتي لدكتور هههههههههههه

وربنا يجعل على ايديه الشفا ويرزقك يارب بالحمل قريب جدااااا

لواحظ.......على فكره التشوهات الطبيعى بتاعها 70% انا فضلت ارخم ع الدكتور لدرجه انه اتخنق منى بسبب السؤال ده قالى ان دكاتره النسا بيبقو قلقنين بس مش اكتر
لكن المفروض والطبيعى مش تزيد عن 70% ولقيت كذا دكتور ف التى فى قالو كده غير الدكاتره للى تابعت عندهم منايا بره
اكتشفت ان كلامهم كله صح اللى بيقول 45% معلوماته قديمه لان النسب دى نازله من منظمه الصحه العالميه مش كلام دكتور ولا اتنين
وبالنسبه للعدد طبعا قليل هو لسه اصلا مش خد علاج علشان نشوف هو اتحسن ولا لا هو الدكتور طلب بس تحاليل هرمونات علشان يعرف يديله علاج على اساس