mesk_2005;14978155:
ميرا انتى وامونه انا نزلت القصه فى التجمع التانى وهنزلهلكم هنا كمان اتفضلوا
اتفضلى القصه المرعبه اهى
بصي ياستى انا روحت المستشفى الساعه 8 ونص طبعا كنت بستهبل وبعطل فى نفسي مش عاوزه اروح ههههههههههههههههه :lol:
اول ماروحت قالولي اقلعي هدومك ولبسونى البتاع بتاع العمليات ده :D
وفضلوا لاطعنى لحد الساعه 11 تقريبا مش فاكره لانى ماكونتش ببص فى الساعه هو انا فضيالها
المهم كنت حاسه ان جسمى بيطلع نار وفى نفس الوقت متلج ازاى ماتفهميش تناقض غريب
وكل شويه بقى ادخل الحمام من الخوف
المهم جت بقى الممرضه قاليتلى يلا هتدخلي دلوقتى قولتلها استنى هدخل الحمام :lol:
بس بقى روحت معاها وماما فضلت معايا لحد العمليات وكانت عاوزه تدخل معايا بس قالولها ممنوع :(
وانا كنت مرعوبه دخلت وشوفت منظر الاوضه دوخت والله وكان هيغمى عليه
الدكتوره قاليتلى تعالى زى اوضتك برضه :lol: هى لذيذه اصلا وفضلت تهزر معايا عشان تطلعنى من مود الخوف ده بس انا ايه ولا سمعاها اصلا
المهم نمت على السرير وقاموا مختفين ايدى الاتنين من الجناب ايد فى ناحيه والتانيه فى ناحيه تانيه وركبولى حاجه فى صوباعى فى ايدى الشمال تقريبا عشان نبضات القلب
والتانيه عطونى فيها البنج ودكتوره البنج فضلت تقولى فى ادعيه وانا اقولها ورارها وعماله ادعيلكم وادعى لكل اللى اعرفهم والله
المهم حسيت انى بدوخ بقى وعينى بتزغلل قولت لا مش هنام وهقاوح مع البنج هههههههههههههه والدكتوره بقى بتعرى البتاع اللى انا لبساه ده قولتلها لا استنى استرى عليه ربنا يستر عليكى لما اروح فى غيبوبه ابقى قلعينى بقى بس طول ماانا صاحيه سبينى مستوره ههههههههههههههههههه وباصه للسقف وعماله اقول مش هنام هههههههههههه مافيش دقيقه وسافرت :lol:
مش فوقت غي وانا فى الاوضه بتاعتى بقى وعماله اصوت من كتر الوجع اللى انا فيه ومش قادره افتح عينى بس حاسه بيهم حواليه وعمالين يقولولى قومى شوفى رورو جميله وانا كان نفسي اشوفها عشان كنت حاسه انها هتيجى وحشه وسمره ليه مش عارفه هههههههههههههه
بس انا مش قادره افتح عينى وعماله اخبط ايدى فى الحيطه وماما تمسكنى عشان كان فاضل شويه واكسر الحيطه انا مش حاسه اصلا بجسمى كله بس مش قادره والله استحمل الألم
والسرير ده كان بيتهز من كتر الرعشه اللى كنت فيها وسقعانه جدا
الدكتوره جت اديتنى مسكن فى المحلول بس كان بيوجع اوى بقيت مش عارفه استحمل ايه ولا ايه
المهم شويه وماما لاقيت بحر دم بينزل منى جريت ناديت الدكتوره جت بقى وشافتنى كده فضلت تتكى على بطنى عشان تشوف هينزل دم اكتر ولا ايه وانا صوتى ده متهيألى كان جايب اخر مصر كلها لانى مش مستحمله حد يلمس بطنى اصلا وهى عماله تتكى عليها من عند سورتى كده بطريقه فظيعه وانا ازوق فى ايدها خليتهم يكتفونى :'( اه كل مابفتكر ببقى عاوزه اعيط والله المهم بقيت كل نص ساعه تيجى تعملى كده وتمشي يجى 3 مرات وربنا مايوريكم ابدا ولا يورى حد خالص
المهم الدم الحمد لله وقف وبعدين بعتتلى اتنين عشان يقومونى اغير ويغيرولى السرير واتشطف
ومابالك بقى باللى جولى دول جلينديزر وماسينجر :lol: حسبي الله ونعم الوكيل مش مسمحاها والله
انا اصلا بطنى وظهرى مش قادره منهم ظهرى كنت حساه مكسور والله ونفسي اتقلب عشان يفك شويه مش قادره من بطنى المهم ديه قامت جايه جيبانى من رجلي الشمال وجنبى الشمال قلبتنى مره واحده على جنبى اليمين عشان اقوم ساعتها حسيت ان نفسي راح بجد من كتر الصويت والوجع قامت مقعدانى قاليتلى يلا قومى قولتلها لا مش قايمه معاكى انتى اصلا مش بتفهمى وشخط فيها وماما مسكتنى قومتنى هى وواحده تانيه كده دخلونى الحمام اتشطفت ومشيت فى الاوضه شويه واعدت بقى بس طول ماانا ماشيه مش قادره اخود نفسي بحس ان بطنى بتتسحب
المهم لما فوقت شويه بقى الدكتوره قاليتلى مافيش اكل خالص النهارده وهتبقى سوائل بس واهم حاجه عصير برتقال بس
بس بقى ياستى هى ديه القصه تقريبا كلها
وخرجت من المستشفى فى نفس اليوم الساعه 12 ونص بالليل
اه كمان اعدت فى العمليات ساعه الا ربع
عاوزه تسألى فى حاجه اكون ناسيتها اسألي
هااااا بقى قوليلى ايه احساسك عاوزه تولدى ولا غيرتى رأيك انا عن نفسي ميتهيأليش هعمل الغلطه الشنيعه ديه تانى انى اولد قيصري يعنى :'(
والحمد لله على كل حاجه وربنا يجعل كل لحظه الم فى ميزان حسناتى يارب لانى بجد كنت بحس انى بموت خلاص
الله يسامحك يا امونه
ارتاحتى يااختى و عرفتى القصه
انا اترعبت بس يا نهى
بجد خفت مووووووووووووووووت
وحاسه بلحظات انتظارك قبل دخول العمليات
رررررررررررررررررررعب رعب
انا لو مكانك هعقعد اعيط ليه معرفش
يااما هولد من الخوف برضو :'(:'(:'(:'(:'(:'(
ولا لما دخلتى وكتفوا ايدك
انا بكره احساس القهر ده بجد :'(:'(:'(:'(:'(:'(
مش بحب حد يكتف حركتى
وبعدين المفروض يستنوا لما تنامى يبقوا يعملوا كده مش وانتى لسه صاحيه
وطبعا كنت هقول زيك واقولها ايترى عليا لما انام
اه ياااااااااااااااااانى
انا مرعوبه و متنحه
وعارفه انا الفوقان من البنج ده والفضاييييييييييح
اه ياانى اه
وتعام الممرضات المستفز :'(:'(:'(:'(
مش بيقدوا انك بتبقى تعبانه و
مبدائهم ايه يعنى هو انتى اول واحده تولد :'(:'(:'(:'(:'(
انا اترعبت
حاسه انى لما يحصلى كده هزعق فى اعيال واقولهم انتم السبب اللى عملتوا فيا كده
ده انا هبقى ام انتيكه ان شاء الله