شات منتظرات الحمل وامهات الستقبل القريب بإذن الله (بنات مصر)لشهر جماد الاول /ابريل

manyaa;15038678:
رشا و هدى الف سلامة عليكوا...
مجودة و خيبوعة و بوسي و ريري و ودعة وشيري. ورشا..جزاكم الله خير على دعواتكم...ريري انا ايوة بعمل حقن مجهري...
هو الدكتور قالي حالتي مش محتاجة حقن مجهري من الناحية الطبية.. يعني قالي الحالة علاجها بالمنشطات فقط بس تكون قوية بجرعات زيادة شوية.. لكن المشكلة الوحيدة ان احنا مش قاعدين في مصر كتير عشان لجأنا للحقن اهو الواحد ياخد جرعة منشكات محترمة و ربنا يكرم لان في السعودية مش محترفين ... بس عشان كدا قررنا نعمل حقن مجهري ....
انا بعمله مع دكتور اسمه أشرف ابو علي هو دكتور متخصص في الحقن المجهري و عضو الجمعية الأمريكية و البريطانية في الإخصاب و التكاثر و علاج عقم للزوجين.. و صاحب مركز المدينة الطبي في اسكندرية.. انا معرفش لسة حعمل العملية فين بس اكيد أكيد في مركز المدينة ده..
لو عايزة تسألي على اي حاجة يا ريري اسألي... انت بتعملي حقن دلوقتي؟؟؟ انا فاكرة اني لمحتك بتقولي حتحللي ... حللتي وللا لأ وايه الاخبار؟؟

manyaa;15038881:
قياس الرحم دا يا ريري... ماشفتش كويس هي عملته ازاي بس هي أدامها جهاز سونار .. و خليتني انام على حافة السرير و تحتي كدا في طبق في أدوات.. مالحقتش اشوف الادوات دي ايه... و بيتعمل رابع يوم في الدورة... و بعدين انا كنت فاكراه سونار عادي بس لقيتها دخلت حاجة فتحت بيها او وسعت بيها زي بالضبط اللي عملوه معايا لما كنت بعمل أشعة الصبغة... مش في الأول كدا بيفتح بحاجة كدا... قبل ما يدخل الصبغة.. اهي هي دي بقى.. طبعا لانها على فجأة باتالمت جدا و اتحركت فخرجت و اضطرت انها تدخلها تاني و قالتلي ما تتحركيش عشان كدا انت بتحركيها و ارخي نفسك و ماتشديش نفسك و كدا.. بس لما هديت بقى و رخيت نفسي و اعدت استغفر ربنا لقيتها خلصت خلاص بسرعة.. و قدرت اتحمل الالم الحمد لله.. بس هي كتبتلي في التقرير انه يفضل يكون تحت تخدير لانها بتقولي احنا بنعمل كدا وقت سحب و ترجيع والأجنة فطالما بتتألمي كدا يبقى تاخدي بنج احسن عشان حنطول في السحب و الترجيع... بس كدا... انا حاسة اني مع الايام جسمي اتعود على الحقن ما بقتش توجعني زي الأول.. مفيش غير حقنة العضل بس بتوجعني بعدها بيوم لكن و انا باخدها ألمها يحتمل يعني مش وجع جامد...

manyaa;15038960:
يا بنات هو الحقن المجهري ممكن يحصل معاه حمل في توائم ؟؟؟؟؟

ايوة يامنايا انا هعمل حقن مجهري وكنت خلاص هبدء في الخطوات الشهر ده وكنت هاخد حبوب منع الحمل عشان الشهر اللي جي كنت هبدء تنشيط بس غيرت المركز وانا كنت في مركز فارس مرتحش للمركز بصرحة
وحجزت في جنين دكتور حسام زكي ولسه هاروح يوم الخميس اللي بعد اللي جي ادعيلي بقي
انا هاخد كل التحليل والعلاج بتاع جوزي معرفش هيكتبله علاج تاني ولا ايه
ولا هيبدء في الخطوات علي طول
ربنا معانا يارب ويرزقنا بذرية الصالحة
وممكن الحقن المجهري تحملي في توائم او اكتر من توائم

د\امونة;15039061:
يا حبيبتي يا مانيا , انا زعلانة اوي عليكي والله, قطعتي قلبي والله :(

امبارح الفجر دعيتلك والله انتي ويريري ومنى ومها عشان بتعملو حقن

ربنا يجعل الالم ده في ميزان حسناتك ويارب تحملي في توام وترتاحي من العذاب ده , اه طبعا الحقن المجهري ممكن يعمل توام وممن تلاته حسب عدد الاجنه اللي بيرجعوها للرحم وحسب كم جنين هيعيش جوا الرحم


رشا ........... الف سلامة عليكي يا جميل , روحي للدكتور متهمليش عشان الوجع ميزيدش عندك


هدى........... انا مبسوطة عشان بيلا العسل اتبسطت بالكور هههههههههه بس ساعتين وربع دي بت مفترية بصراحة هههههههههههه
واللي حصلك ده بتهيألي لانك خرجتي وعليكي الدورة ورحتو كزا مكان اكيد لازم تتعبي وتدوخي يا بنتي لان الدم اللي نازل ده بيدوخ وبيوطي الضغط, وقولي لجارتك بعد كده ربنا ما يجعلنا جار وله عينين ههههههههههههه


شيري............. التيكر بتاعك غلط وبالمقلوب يا بنتي :) عيديه تاني

ربنا يخليكي ياامونة ويقومك بسلامة انتي والبيبي ياااااارب

د\امونة;15039231:
ومها اللي ابنها اتوفى وعنده سنة و7 شهور , هيا مش بتعمل حقن بس انا بدعيلها ربنا يعوضها عن ابنها

manyaa;15039917:
أههاااااا.. ميرسي على التوضيح يا أمونة...ربنا يرزق موني و مها يارب و يقر اعينهم بالذرية الصالحة يارب..
مشتاقة الى الجنة ماشاءالله تبارك الله .. ربنا يباركلك في حملك يا جميلة يااااااارب و يتمملك حملك على خير يا قمر و خليكي معانا بقى و ماتغيبيش تاني

شكرا يا مونة يا قمر انك لسه فاكراااااااااااني
وربنا يرزقك انتي كمان يا مانيا ويقر عينك يارب

ربنا يوفقك يا ريري يا رب و يكرمك بالحمل الثابت المعافى ..اهم حاجة انك مرتاحة للدكتور و المركز اللي حتعملي فيه...و انا اسمع عن حسام ذكي ان ناس كتير بتعمل عنده و ماشاءالله شاطر..ربنا يفرح قلبك يارب.. انا كدا بدأت مراحل الحقن بقالي حوالي 14 يوم...و هو كان قالي العملية بتكون بعد 26 يوم...من بداية العلاج..ربنا كريم اوي و انا متفاءلة جدا ان شاءالله...
مها....ربنا يعوضك و يعوض صبرك خير يا رب..:)

ازيكم يا قمرات

مانيا
هي ليه بتقيس الرحم انا مش فاهمه وعموما السحب بيتعمل ببنج كلي التوجيع هو اللي من غير بنج وفيه ناس بتحب تعمله ببنج بس الحكابه كلها مبتخديش ٥ دقايق يفتح بالمنظار نفس اللي بيستعمله في الصبغه ويدخل الاجنه في الرحم لو حاسه انك هتخافي خلاص اعمليه ببنج واعرفي من الدكتور هيرجعلك كام جنين ودرجتهم ايه وربنا يكرمك يت حبيبتي بتوائم لان نسبة الحمل بتوائم في الحقنوعاليه

ريري
ربنا معاكي وان شاء حسام يبدا في الحقن علطول

ماجده
اخبارك يا حبيبني ان شاء تبشرينا الشهر ده ونفرح بيكي

محبه
ازيك يا قمر ها ناويه علي المنظار امتي

شوشو
روحتي للدكتور وله لسه واخبارك عامله ايه

امونه
اخبارك بعد سماع النبض اتاكدتي الحمد لله من الحمل هههه ربنا يكملك علي خير

دوعه
وحشاني يا قمر اخبارك ناوبه تروحي للدكتور امتي يا دوعه

manyaa;15040270:
ربنا يوفقك يا ريري يا رب و يكرمك بالحمل الثابت المعافى ..اهم حاجة انك مرتاحة للدكتور و المركز اللي حتعملي فيه...و انا اسمع عن حسام ذكي ان ناس كتير بتعمل عنده و ماشاءالله شاطر..ربنا يفرح قلبك يارب.. انا كدا بدأت مراحل الحقن بقالي حوالي 14 يوم...و هو كان قالي العملية بتكون بعد 26 يوم...من بداية العلاج..ربنا كريم اوي و انا متفاءلة جدا ان شاءالله...
مها....ربنا يعوضك و يعوض صبرك خير يا رب..:)

ربنا يخليكي ويارب ربنا يكرمك بتوائم
انا والله مرتاحة او للمركز ولدكتور وفي الاول والاخر كل بتاع ربنا

لحظةحب;15040381:
ازيكم يا قمرات



ريري
ربنا معاكي وان شاء حسام يبدا في الحقن علطول

يعني تفتكري ياياسمين مش هيديله تاني علاج او كورس علاج
يعني تفتكري هيبدء علي طول

لا معتقديدش يا ريري انتي اصلا خلي جوزك يمشي علي الفيتامينات اللي كان الدكتور كتبهالوا قبل كده وهو لما يروح ممكن دكتور حسام يديله فيتامينات يمشي عليها لغاية ميعاد السحب اللي هو هياخدوا العينه منه واصلا هو هيعمله تحاليل عنده في المعمل لانه بيحب نتايج معمله وبيثق فيها

منايا الف سلامه ياحبيبتى وان شاء الله ربنا يكرمك قريب ويرزقك بالذريه الصالحه يارب

مشتاقه الف مليون مبروك ياحبيبتى وربنا يثبتلك حملك على خير يارب ويتممهولك على خير

لحظةحب;15040500:
لا معتقديدش يا ريري انتي اصلا خلي جوزك يمشي علي الفيتامينات اللي كان الدكتور كتبهالوا قبل كده وهو لما يروح ممكن دكتور حسام يديله فيتامينات يمشي عليها لغاية ميعاد السحب اللي هو هياخدوا العينه منه واصلا هو هيعمله تحاليل عنده في المعمل لانه بيحب نتايج معمله وبيثق فيها

يارب ياياسمين يبدء علي طول انا زهقت من كتر العلاج والكورسات والحاجات دي
بس المنظار اللي بيعملة ده ضروري ولا مش شرط
وانتي حاليا بتعملوا ايه في علاج ولا ايه
وانتي ناوية علي ايه ان شاء الله

ريري
هو بيحب يعمله قبل اي عمليه حقن علشان يطمن علي الرحم ويشوف اكتر مكان مناسب لوضع الاجنه.بطلي انتي بس قلق.انا بقا مبعمليش حاجه بس باخد الفوليك اسيد وعلي فكره مفرةض تبتدي تاخديه لو مبتخديهوش

لحظةحب;15040645:
ريري
هو بيحب يعمله قبل اي عمليه حقن علشان يطمن علي الرحم ويشوف اكتر مكان مناسب لوضع الاجنه.بطلي انتي بس قلق.انا بقا مبعمليش حاجه بس باخد الفوليك اسيد وعلي فكره مفرةض تبتدي تاخديه لو مبتخديهوش

انا قريت عنه في تجارب عمليات الحقن المجهري
طيب هو بيعمل ايه الفوليد اسيد ده

أيوة يا ياسمينة هي عملتلي بالمنظار بس اسمه كان تايه عن بالي.. اللي فهمته انها بتشوف الرحم كويس وللا لأ و بتشوف مكان وضع الاجنة كدا يعني. كانت كاتبة انه طبيعي و سهل جدا.. معرفش سهل من ناحية ايه بالضبط.. و لما رحت للدكتور نسيت اسأله على قياس الرحم خالص لاني اتلخمت في كمية الحقن اللي بيشرحهالي ... و هي لما لقيتني اتألمت من المنظار كدا كتبتلي انه يفضل ترجيع الأجنة تحت مخدر..
مسك ربنا يخليكي يا جميل و يباركلك يا رب.. انت مسافرة لجوزك امتى بقى؟؟

manyaa;15040770:
أيوة يا ياسمينة هي عملتلي بالمنظار بس اسمه كان تايه عن بالي.. اللي فهمته انها بتشوف الرحم كويس وللا لأ و بتشوف مكان وضع الاجنة كدا يعني. كانت كاتبة انه طبيعي و سهل جدا.. معرفش سهل من ناحية ايه بالضبط.. و لما رحت للدكتور نسيت اسأله على قياس الرحم خالص لاني اتلخمت في كمية الحقن اللي بيشرحهالي ... و هي لما لقيتني اتألمت من المنظار كدا كتبتلي انه يفضل ترجيع الأجنة تحت مخدر..
مسك ربنا يخليكي يا جميل و يباركلك يا رب.. انت مسافرة لجوزك امتى بقى؟؟

ان شاء الله يامونيا ربنا يرزق بتوائم

ريري هو جوزك كانت مشكلته ايه بالضبط؟؟؟ هو الدكتور كمان كاتبلنا انا و زوجي على مجموعة أدوية فيتامينات و مضادات حيوية و مكمل غذائي و انا كاتبلي فوليك اسيد و مضاد حيوي

ريـري;15040786:
ان شاء الله يامونيا ربنا يرزق بتوائم

آآآآآآآآآآآآآآآآآآآآآآآآآآآآآآآآآمين ياااااااااااااااااااااااااااااارب

manyaa;15040798:
ريري هو جوزك كانت مشكلته ايه بالضبط؟؟؟ هو الدكتور كمان كاتبلنا انا و زوجي على مجموعة أدوية فيتامينات و مضادات حيوية و مكمل غذائي و انا كاتبلي فوليك اسيد و مضاد حيوي

الحركة بطيئة 20% والطبيعي 20% والتشوهات 80%
والعدد اخر مرة كان 25 مليون

أعتقد يا ريري انه ان شاءلله مش حيحتاج يديله علاج تاني .. غير العلاج الخاص بالعملية وان شاءالله تبتدوا حقن على طول.. و الله أعلم

manyaa;15040866:
أعتقد يا ريري انه ان شاءلله مش حيحتاج يديله علاج تاني .. غير العلاج الخاص بالعملية وان شاءالله تبتدوا حقن على طول.. و الله أعلم

يارب يامنايا يبدء علي طول المحولة تنجح من اول مرة انا ناوية اعمل نظام المحاولتين

ازيكم يا بنوتات يا عسل انتم
اخباركم اية

يعني ايه نظام لمحاولتين ده يا ريري؟؟
انا مليش حاليا غير محاولة واحدة و لو في تانية لا قدر الله حتبقى بعد سنة الاجازة الجاية بقى و عليكي خير.. فيارب تنجح من أول مرة و نجيب توأم ياااااااااااااااااااااااااااااااارب..

ازيك يا شيري اخبارك ايه و اخبار النونو ايه؟؟