رابطة امهات واطفال مصر من عمر السنتين لشهر جماد اول

CuTie KaTkOoTa;15006900:
ايه ده تصدقي مخدتش بالي الاول ولا انتي لسه مغيراه حالا؟

هههههه معلش العتب علي النظر بس حلو اوي النيك نيم ده كده انتي منعتش اللخبطة اللي كانت بتحصل الاول

لا مغيراه من شويه بس انتى اللى شكلك نايمه :)
انا كنت مستنيه يعدى ال6 شهور عشان اغيرة بس سيمو سبقتنى بقى وغيرت هيا الاول

mesk_2005;15006907:
الف سلامه على جوجو ياحبيبتى احساسك اكيد اعدتى تعيطى جنبها حاسه بيكى والله
الواحد فعلا مش بيحس الا لما بيبقى عنده ابن فعلا
ان شاء الله تبقى كويسه ياحبيبتى



لا نامت بس انا اللى مش عاوزه انام
جوزو مش جاي دلوقتى المفروض انا اللى اروحله



لا غيرت ونضفت ونامت بس انا اللى مصحصحه

انا كمان سما نامت من بدرى بس مليش نفس انام و لا ليا نفس اعمل اى حاجه

ايمى كنت عاوزه اسألك فى سؤال كده بما انك والده قيصري

انتى كنتى بعد العمليه حاسه بتنميل فى بطنك يعنى تحطى ايدك على بطنك تحسي انها منمله كده ومش حاسه بيها اوى من فوق الجرح كده

تسلمي يا نهي ربنا يخليكي اه والله وخصوصا لو وصلت للمنظر ده وهي طفلة كده والاقي ورم ودم وحاجات كده بتبقي حاجة صعبة اوي عليا بجد بس الحمدلله بحاول اجمد نفسي اهو واتعامل واحط في دماغي اني ممكن اشوف الاسوء


انا معلش يا بنات مضطرة اسيبكم بقي لأنه خلص وهشيل الاكل وادخل انام انا كمان بقي احسن تعبانة اوي


المنتدي كان وقع علي فكرة شوية

*DONY*;15006912:
لا مغيراه من شويه بس انتى اللى شكلك نايمه :)
انا كنت مستنيه يعدى ال6 شهور عشان اغيرة بس سيمو سبقتنى بقى وغيرت هيا الاول



انا كمان سما نامت من بدرى بس مليش نفس انام و لا ليا نفس اعمل اى حاجه

شكلك مدايقه من بدرى مالك يابنتى

ههههه اغلبية المنتدي اصلا والدين قيصري الجيل الجديد كله قليل فيه اللي بيولد طبيعي بس بيكون مش ينفعلهم كمان الحوض نفسه يعني، بس انا كان ينفع وهي منزلتش بس، المهم هو اه في الاول بيكون احساس غريب كده وملمس غريب كمان لو مشيتي صوابعك او يدك بالاراحة علي مكان الخياطة بس واحدة واحدة ده كله بيختف خالص بس بتاخد وقت شوية يعني من اسبوعين ولا شهر حتي لا بس والله بجد هاتبقي طبيعية جدا بعدين



دندن معلش انا فعلا مهيسة بقالي كام يوم بجد، بقولك هو تطعيم السنة كان ايه انا نسيت تصدقي

تصبح ى على خير يا ايمى و سلامه جوجو ابقى طمنينا عليها

مسك ايوة طبيعى التنميل ده هيفضل معاكى فترة طويله لان النهايات العصبيه فى المنطقه دى بتتقطع مع الجرح و بتاخد فترة على مبترجع تانى

المرة دي مشتلها تلج علي شفتها كده وكهي كانت عمالة تلحس فيها العبيطة هههه وانا اشيلها واقولها لا لا اصبري بس لغاية ما هي زهقت تقريبا او تلجت فزقتني وصوتت في وشي

تطعيم السنه الثلاثى الفيروسى MMR
الثلاثى الفيروسى اللى هو الحصبه و الحصبه الالمانى و النكاف مع شلل الاطفال

CuTie KaTkOoTa;15006914:
تسلمي يا نهي ربنا يخليكي اه والله وخصوصا لو وصلت للمنظر ده وهي طفلة كده والاقي ورم ودم وحاجات كده بتبقي حاجة صعبة اوي عليا بجد بس الحمدلله بحاول اجمد نفسي اهو واتعامل واحط في دماغي اني ممكن اشوف الاسوء


انا معلش يا بنات مضطرة اسيبكم بقي لأنه خلص وهشيل الاكل وادخل انام انا كمان بقي احسن تعبانة اوي


المنتدي كان وقع علي فكرة شوية

ربنا يطمنك عليها يارب وابقى طمنينا عليها بالله عليكى

تصبحى على خير ياقمر

مسك لا مش مضايقنى ولا حاجه بس كانت البنات بتتلغبط بينى و بين سيمو اللى هيا ام لمار فعشان كده سيمو غيرت اسمها

تسلموا يا بنات ربنا يخليكم


دندن انا هاخد ردك ده كده واعمله كوبي وبيست لدودو عشان بتسألني وانا مهيسة اوكي وهقول المصدر هههههه

ههههههههههههههههههه احب انا الاتقان فى العمل
انتى بتستاذنى يا بنتى خديه طبعا :lol:

مسك انا شكلى هيست انا فهمت سؤالك على انك بتسالينى ع الاسم
انا فعلا متضايقه انهارده شويه مش عارفه ليه يمكن عشان افتكرت انى لازم ارجع الشغل تانى خلال الشهر ده وخايفه المدير بتاعلى يرجع يغلس تانى ربنا يهديه

و يمكن عشان فجاه حسيت انى قاعده فى البيت زياده عن شهر مش بخرج الا عشان اروح لماما بالعربيه يعنى مش بشوف الشارع و جوزى مش راضى يخرجنى

ههههه معلش بقي يا دندن بردو لازم

ربنا يهدي الراجل الرخم ده بجد عشان انتي تستاهلي كل خير


يلا تصبحوا علي خير يا بنات مش قادرة خلاص

يا رب يا ايمى
وانتى من اهل الخير يا حبيبتى

CuTie KaTkOoTa;15006918:
ههههه اغلبية المنتدي اصلا والدين قيصري الجيل الجديد كله قليل فيه اللي بيولد طبيعي بس بيكون مش ينفعلهم كمان الحوض نفسه يعني، بس انا كان ينفع وهي منزلتش بس، المهم هو اه في الاول بيكون احساس غريب كده وملمس غريب كمان لو مشيتي صوابعك او يدك بالاراحة علي مكان الخياطة بس واحدة واحدة ده كله بيختف خالص بس بتاخد وقت شوية يعني من اسبوعين ولا شهر حتي لا بس والله بجد هاتبقي طبيعية جدا بعدين



دندن معلش انا فعلا مهيسة بقالي كام يوم بجد، بقولك هو تطعيم السنة كان ايه انا نسيت تصدقي

ربنا يطمنك ياحبيبتى انا بقول لماما شكلهم عملوا حاجه غلط فى بطنى :lol:

*DONY*;15006940:
ههههههههههههههههههه احب انا الاتقان فى العمل
انتى بتستاذنى يا بنتى خديه طبعا :lol:

مسك انا شكلى هيست انا فهمت سؤالك على انك بتسالينى ع الاسم
انا فعلا متضايقه انهارده شويه مش عارفه ليه يمكن عشان افتكرت انى لازم ارجع الشغل تانى خلال الشهر ده وخايفه المدير بتاعلى يرجع يغلس تانى ربنا يهديه

و يمكن عشان فجاه حسيت انى قاعده فى البيت زياده عن شهر مش بخرج الا عشان اروح لماما بالعربيه يعنى مش بشوف الشارع و جوزى مش راضى يخرجنى

ولا يهمك ياقمر
انتى بتشتغلي ايه ياقمر
وربنا يبعد عنك كل شر يارب
وليه جوزك مش عاوز يخرجك

CuTie KaTkOoTa;15006950:
ههههه معلش بقي يا دندن بردو لازم

ربنا يهدي الراجل الرخم ده بجد عشان انتي تستاهلي كل خير


يلا تصبحوا علي خير يا بنات مش قادرة خلاص

وانتى من اهله ياقمر

هههههههههههههه يا مسك متقلقيش من الجرح هو احساسه غريب فعلا انا لحد دلوقتى مش بحب احط ايدى عليه
بس هو خلاص بقى عادى جدا مفيش اى الم

انا بشتغل دكتورة يا جميل
و جوزى مش عايز يخرجنى عشان مش فاضى وراه مذاكرة انا صحيح بستهبل و هو عنده حق بس مش قادرة بجد زهقت نفسى اغير جو

صبااااااااااح الخير في حد هنا
هو ليه ام معاذ كاتبه انا لله وانا اليه راجعون

*DONY*;15007000:
هههههههههههههه يا مسك متقلقيش من الجرح هو احساسه غريب فعلا انا لحد دلوقتى مش بحب احط ايدى عليه
بس هو خلاص بقى عادى جدا مفيش اى الم

انا بشتغل دكتورة يا جميل
و جوزى مش عايز يخرجنى عشان مش فاضى وراه مذاكرة انا صحيح بستهبل و هو عنده حق بس مش قادرة بجد زهقت نفسى اغير جو

ماشاء الله اول مره اعرف انك دكتوره
دكتوره ايه بقى عشان نستغلك :lol:
هى سيمو عندها اد ايه دلوقتى انتى كمان والده قيصري

صباح الفل ياروكا
انا كمان مش عارفه ايمى كاتبه كده ليه

هههههه لسه متخصصتش ممارس عام و استغلينى يا قمر زى منتى عايزة
الموضوع بتاعى اهو شوفيه يمكن يفيدك او لو عايزة تسالينى عن حاجه
http://forums.3roos.com/showthread.php?t=604248

انا والده قيصرى اه انا اللى اخترت بصراحه لانى عارفه نفسى مش هتحمل الم الطلق و الولاده و سما دلوقتى عنده سنه الحمد لله

قلب طفله: دوسى على الكلمه يا حبيبتى دا لينك لموضوع عزا