شات حوامل مصر القمرات وتجهيزاتهم للبيبي لشهر جماد اول

صباح الخير
نور انت الاطوال اللى انت كاتباها دى عن العائله بتاعتكم بتقول ان البيبى هيكون ما شاء الله كويس
انا بقى اقدر افيدك بحاجة كويسة جدا
انا المفروض ان البيريود معادها يوم 10 و انا الحمل حصل فى يوم معين لان انا عارفة اليوم لانىه يوم واحد بس كان يوم 25 اوك الفرق بقة كام اسبوعين تمام فالدكتور لما بيقولى انت هتولدى 25/5 يعنى نص التاسع انا قولتله انه كدة البيبى المفروض على الحساب الصحيح هيكون لسة داخل التاسع و انا قلقانه انه ينزل ضعيف المهم يعنى ممكن ال12 اسبوع بتوعك يكونو 10 مش 12 فهمانى يعنى ما تقلاقيش خالص خالص ان شاء الله

صباح الفل ياقمرات

مسك ولدت ولا لسه

هفضل الف وراكى كدة
هتبقى انتى وعيالى
حرام عليكى

هههههههههههه ده انا يامها ولا مين

ازيكوا يا بنات وحشتونى

طبعا انا مش عارفة ادخل على النت من الأتنين مجنني

واحدة اتعودت على الشيل و التانية نطة فوقيها على طول

ازيكو يا حلوييييين وحشتونى

نهى جيفارا ده زعيم ثورى شيوعى للاسف

هاروح الدار وجايلكو تانى سلااااااااااااام:adore:

ايه يابنات انتو فين
يعني رحت وجيت وبرده لسه ماجيتوش؟

ازيكم يابنات

يابنات انا محتارة اخد التطعيم ده ولا لا الدكتور قالى هو مش مهم وبراحتك

كل واحدة بقى تقولى اخدتيه ولا لا

وياريت كيتى تقولى ايه اهميته وبنت كانت عند الدكتور بتقولى لو انتى مش اخدتيه بنوتك هتاخدها فخديها انتى احسن الكلام ده صح ولا لا

السلام عليكم

ازيكم يا بنات

ايمي انا كمان كنت داخله اسال كيتي علي التطعيم لان الدكتور الاولاني قالي خديه ولما غيرته الدكتور قالي ملوش لازمه طالما هتولدي فمكان نضيف فمخدتوش لاني بخاف من الحقن بس خايفه يكون مهم

السلام عليكم ازيكم يا بناويت
التطعيم ده انا مش عارفه عنه حاجه وبعدين انا غير 4 دكاتره ولا واحد فيهم جابلى سيرته
هبقى اسأل عليه الدكتور المره الجايه ان شاء الله

ازيك ياايمي انتي ودينا
اخيرا جيتو

اولا بالنسبة لحتة لو ماخدتيهوش بنتك هتاخده هي كدا او كدا بنتك هتاخده :)
انتي بتاخديه عشانك انتي مش عشانها
انما تطعيم التيتانوس اجباري للاطفال وبيتاخد ف اوقات معينة وده كويس طبعا وبيدي مناعة للطفل لحد 10 سنين

انما بالنسبة لينا هو طبعا الافضل انك تاخديه لان محدش ضامن
وبعدين هو سهل جدا ومش بيوجع الحمد لله
حقنة ف الدراع وخلاص انا برده كنت مش حابة اخده بس قلت الامر ما يسلمش ههههه
مع اني ناوية اولد ف مستشفى وكل حاجه بس برده الي الواحد بيشوفه ف المستشفيات يخليه مايضمنش حاجه
هنا التعقيم والنضافة مش سوبر لوكس يعني
فنخلينا ف السليم احسن خصوصا ان التيتانوس حاجة خطيرة مش سهله يعني
ناخد التطعيم اضمن

وعليكم السلام ورحمه الله وبركاته

ازيك يا سالي والنونو اخبارها ايه؟اخترتي اسمها ولا لسه

هو الدكتور الاولاني كان قالي خديه فالسابع والتامن فممكن الدكتور لسه ما قالكيش عشان مجاش وقته بس لما غيرت الدكتور سالته قالي ملوش لازمه ربنا يستر

انا مااخدتوش فبناتى الاتنين
والحمد لله الموضوع عدى ع خير

ايه يا ميرو انتي انضميتي لجروب المتخفيين

اظهر وبان عليك الامان

ممكن اروح اخده وامري لله

مها هو انتي كل يوم باسم جديد

مبروك النيو لوك

السلام عليكم

ازيكم ياحلوين

وعليكم السلام

ازيك يا نور وبيسان عامله ايه؟

الحمد لله بخير يادينا

وانتى عامله ايه والبيبى عامل ايه

لا ياسالي هو انتي لسه بدري شوية على ماتخديه
هو بيتاخد ف الاخر يعني ف السادس مثلا
بيتاخد جرعتين فرق بينهم 4 اسابيع
بشرط الجرعة التانية تكون قبل الولادة على الاقل باربع اسابيع
يعني انا هاخدها دلوقت اهو وكمان 4 اسابيع ان شاء الله هاخد الجرعة التانية ويبقى فاضلي على الولادة يجي شهر وشوية

الحمد لله يا نور

الدكتور قالك حاجه علي التطعيم؟