شات حوامل مصر القمرات وتجهيزاتهم للبيبي لشهر جماد اول

نورتي يامشمش ازيك وازي محمد والنونو

احنا التلاته شبه عادل امام في فيلم الهلفوت

بنات انا زهقانه من نفسي وحاسه ان جوزي شكله زهق مني بئا بيعلق على شعري ولبسي وكده مكنش كده الاول
اصل انا بئيت عامله زي شلابيه بالضبط
ونفسي اعمل تغير وتجديد واهتم زي الاول بس مش عارفه من محمد والحمل اعمل ايه شوروا عليا

ازيك يا كيتي انتى وام صوفيااا يارب كلنا بخير وصحه

مشمش
ازيك يا قمر

انا دخلت هنا بالصدفه لقيتك موجوده وحامل كمان هههههههههه
الف مبروك ربنا يتمملك علي خير يارب

مشمش ام محمد;15040345:
بنات انا زهقانه من نفسي وحاسه ان جوزي شكله زهق مني بئا بيعلق على شعري ولبسي وكده مكنش كده الاول
اصل انا بئيت عامله زي شلابيه بالضبط
ونفسي اعمل تغير وتجديد واهتم زي الاول بس مش عارفه من محمد والحمل اعمل ايه شوروا عليا

وى محمد عند مامتك واعملى حملة تغيير

مشمش..الراجل مالوش ذنب يابنتي معلش استحملي
مش لازم كل يوم تعمليله فيها اليسا بس برده مش كل يوم شلبية
حاولي كدا وربنا يعينك

انا حاسة بيكي
اول امبارح جوزي علق تعليق عابر ان الشقة مش مترتبة حسيت الكلمة وجعتني اوي
اتدايقت جدا جدا
والي زعلني اكتر اني حسيت انه معاه حق
فضلت ارتب ف الحاجات واعمل ف المطبخ لحد ماهو الي صعبت عليه وبقى يقولي كفايه

مانا كمان يا كيتي علق لي على الشقه بس بجد تعباااااااااااااانه الي بنضفه دلوقت بعد ساعه واحده بيبئا زباله من محمد
مين ام زوماااااااااااااا؟؟؟؟؟؟؟؟؟؟؟؟ فكريني بيكي
ام صوفيا
انا في لامارات عاااااااااااااااااااا

ربنا يعينك يامشمش بجد...الله يكون ف عونك
معلش ممكن تقوليله ان كدا بيدايقك وانك بتحاولي على اد ماتقدري واكيد هو عارف وهيقدر

مشمش ام محمد;15040443:
مانا كمان يا كيتي علق لي على الشقه بس بجد تعباااااااااااااانه الي بنضفه دلوقت بعد ساعه واحده بيبئا زباله من محمد
مين ام زوماااااااااااااا؟؟؟؟؟؟؟؟؟؟؟؟ فكريني بيكي
ام صوفيا
انا في لامارات عاااااااااااااااااااا

طب لما ينام اهتمى بنفسك

بينام 3 بالليل
اهتم بنفسي امتى وبالنهار يحى 12 الظهر ولازم اكون جنبه والا ينط من على السرير
وبعد كده ينام العصر بالضبط ساعه واحده بسسسسسسسسس

بوبا 123;15039963:
مشتاقة الف مبروك على الزواج وعلى الحمل الف ميون مبرووووك ومنورة التجمع وفرحنالك اوووى والله
مونى مبروك انك رحتى اتاكدتى من نوع البيبى الف مبروووك وعقبالى بس انا احتمال كبير اغير الدكتور اصلا

مانا غيرت الدكتور اصلا الحمدلله غيره يابت واتوكلي علي الله :D

مشتاقة الى الجنة;15039732:
السلام عليكم ازيكم يابنات ياااااااااااارب تكونوا بخير انا مبسوطة كتيييييير لان فى ناس كتير اعرفها موجودة هنا وفى ناس معرفهاش بس اكيد هنعرف بعض اكتر باذن الله
انا بقالى 6شهور متجوزة والحمدلله انا حامل فى شهرين واول مرة ادخل المنتدى بعد ماعرفت انى حامل طبعا انات بعد ماكنت عروسة وبجهز كان امل حياتى بقى بعد ما اتجوز اجى هنا والحمد لله ربنا اراد وجيييييييييييت هتقبلونى معاكم وله لا
ربنا يتملنا حملنا كلنا على خير ياااااااااااااااااااااااااااااارب

مبرررووووووووووووووووووك الف مبروك ربنا يتملك علي خير :adore:

حد هنا بقي :D

ازيكوا يابنات وحشتونى
فى حد هنا

بصوا بقى هحكيلكم على الكم يوم اللى فاتوا



بنات ده تقرير الكم يوم اللى مش جيتلكم فيه

ياااا اخيرا نمت :lol: ههههههههههههههههههههه
بقالى 3 ايام مش نمت متهيألى اكتر انا من يوم الاربع مش عارفه انام
يالهوى ده كتير اوى من الاربع للسبت عااااااااااااااااااااااااا :badly:
يوم الخميس قولت هنام شويه بقى عشان صابح الجمعه حماتى وحمايا وبقيت اهل جوزو جايين عشان سبوع رورو قولت عشان ابقى فايقلهم
طبعا رورو هانم مش نيمتنى غير الساعه 8 ونص الصبح شويه ولاقيتهم بيكلمونى احنا هنركب دلوقتى قطر الساعه 10 :confused: :| كان نفسي اقولهم تعالوا العصر احسن :biggrin:
المهم قولت وقت مايجوا بقى مش مشكله لازم انام شويه نمت لحد الساعه 12 ونص :lol:وصحيت على فون واحده من خلاته انها وصلت فى شارعنا بس مش عارفه البيت وانا كنت لسه مش قومت من السرير ورورو كانت لسه صاحيه وطبعا احنا الاتنين عاوزين نغير هدومنا وكويس اننا استحمينا بالليل
المهم بقى ايه محدش مننا كان لسه فاق ولا غير هدومه :lol:
المهم ان خالته ديه تاهت ومعرفتش توصل على الوصفه وده كان فى مصلحتنا الحمد لله ههههههههههه على الاقل ماما غرت هدومها واخويا اما انا فكونت اعده مهيسه على السرير ومش قومت من مكانى المهم اللى وصل الاول حماتى وبقيت خلاته معاها ولما لاقيت اختها التالته مش جت طلعت تدور عليها :lol: وجابتها وجت وكل ده وانا مش طلعت من الاوضه
انا بقى كنت روقان خالص قومت غيرت لرورو الاول وكل شويه ماما تقولى يلا عشان تطلعى اقولها وانا مالى حد قالهم يجوا بدرى كده بينى وبينكم كنت على اخرى بقالى كم يوم مش نمت خالص وقايمه مقريفه كمان من مجيهم بدرى كده هو فى سبوع الظهر 8o|
والباشا الاستاذ جوزو قايم فايق الصبح واعدلى على النت قولت مافيش غيره افش غلي فيه
بس لاقيته اعد عمال يضحك عليه :badly:
بس بقى غيرت للأنسه وبعتهالهم وكل شويه حماتى تيجى تخبط عليه اقولها ثوانى بلبس لحد ماجالى الضغط :lol: لسه صغيره والله على الحجات ديه
المهم لبست وطلعتلهم اخيرا بس من غير مااغسل وشي ههههههههههههههه الحمام بره قريب من الاوضه اللى هما اعدين فيها فكده كده هيشفونى قولت اطلع انا بكرامتى كده وعفانتي ههههههههههههههههههههه :lol::lol:
بس بقى وبعد طول انتظار دخلت الحمام وغسلت وشي الحمد لله وطبعا كل خطوه كنت بجى على الكومبو واحكى لجوزو بنعمل ايه وهو اعد مسخسخ من الضحك وانا عامله كده :mad:
بس بقى واعده طول اليوم كأنى مضروبه على راسي وهما من ساعت ماجم وهما مستعجلين وعاوزين يمشوا :lol: احلى حاجه اول مايدخلوا من باب الشقه مابسمعش غير يلا عشان مش نتأخر ويلا الوقت هيجرى بسرعه ببقى اعده وسطهم عامله كده :worn_out: :biggrin:
بس بقى هيصولها شويه وهى اصلا سيباهم ونايمه مش عاوزه تصحى ابدا ههههههههههههههههه ومشوا على الساعه 5 كده طبعا كانوا بقيت اهلى بيبدأوا يجوا وهما ماشيين لان الناس الطبيعيه بتعمل السبوع بالليل مش فى عز الظهر ههههههههههههه
بقيت اهلى بقى جم كلهم وهيصولها تانى بس الهيصه التانيه كانت احلى بكتير من الهيصه الاولى عشان كانت هيصه باستعجال مش ليها طعم ههههههههه بس بقى وخلصنا الساعه 11 ودخلت عشان انام الساعه 12 ونص بس للأسف
تن تن تن تااااااااااااااااااااااااااااااااااااااااااااااااا اااااااا
رورو صحيت عااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااا
اعدت بيها وانا بنام على نفسي لحد الساعه 2 كتر خيرها سابتنى انام لحد الساعه 4 وصحيت وبعدين نمنا 9 لحد 11 وصحيت قومت مصحيه ماما قولتلها كفايه عليكى نوم كده اتفضلى خوديها واطلعوا بره الاوضه بقى ومحدش يجى يصحينى ويقولى انى عندى بنت اصلا ولازم ترضع لحد مااصحى لوحدى ههههههههههههههههههههههههههههههه رضعتها واديتها لماما ونمت بقى لحد الساعه 3 ياسلااااااااااااااااااااااام اخيرا نمت شويه
وده كان تقرير الايام الغريبه اللى فاتت
تم بحمد الله :rolleyes:

السلام عليكم

حد جه ولا لسه نايمين ياكسلانين

ازيكم يابنات

مسك ربنا يخليلك رورو ويبارك فيها

شوشو ازيك

معلش انا مشغولة بتفرج على منى الشاذلي جايبه البرادعي حلقة تحفه بجد
وقاعده بغالب النوم بالعافيه
انا بحب الراجل ده :)