شات حوامل مصر القمرات وتجهيزاتهم للبيبي لشهر جماد اول

رونا مالك في ايه ياجميل خير


يارب سهل
ماقلتيش اسمك ايه او نناديكي بايه

mesk_2005;14977857:
معلش اتأخرت عليكى ياقمر كنت برضع رورو اتفضلي معانا شويه رضاعه :lol: :lol:

اتفضلى القصه المرعبه اهى

بصي ياستى انا روحت المستشفى الساعه 8 ونص طبعا كنت بستهبل وبعطل فى نفسي مش عاوزه اروح ههههههههههههههههه :lol:
اول ماروحت قالولي اقلعي هدومك ولبسونى البتاع بتاع العمليات ده :D
وفضلوا لاطعنى لحد الساعه 11 تقريبا مش فاكره لانى ماكونتش ببص فى الساعه هو انا فضيالها
المهم كنت حاسه ان جسمى بيطلع نار وفى نفس الوقت متلج ازاى ماتفهميش تناقض غريب
وكل شويه بقى ادخل الحمام من الخوف
المهم جت بقى الممرضه قاليتلى يلا هتدخلي دلوقتى قولتلها استنى هدخل الحمام :lol:
بس بقى روحت معاها وماما فضلت معايا لحد العمليات وكانت عاوزه تدخل معايا بس قالولها ممنوع :(
وانا كنت مرعوبه دخلت وشوفت منظر الاوضه دوخت والله وكان هيغمى عليه
الدكتوره قاليتلى تعالى زى اوضتك برضه :lol: هى لذيذه اصلا وفضلت تهزر معايا عشان تطلعنى من مود الخوف ده بس انا ايه ولا سمعاها اصلا
المهم نمت على السرير وقاموا مختفين ايدى الاتنين من الجناب ايد فى ناحيه والتانيه فى ناحيه تانيه وركبولى حاجه فى صوباعى فى ايدى الشمال تقريبا عشان نبضات القلب
والتانيه عطونى فيها البنج ودكتوره البنج فضلت تقولى فى ادعيه وانا اقولها ورارها وعماله ادعيلكم وادعى لكل اللى اعرفهم والله
المهم حسيت انى بدوخ بقى وعينى بتزغلل قولت لا مش هنام وهقاوح مع البنج هههههههههههههه والدكتوره بقى بتعرى البتاع اللى انا لبساه ده قولتلها لا استنى استرى عليه ربنا يستر عليكى لما اروح فى غيبوبه ابقى قلعينى بقى بس طول ماانا صاحيه سبينى مستوره ههههههههههههههههههه وباصه للسقف وعماله اقول مش هنام هههههههههههه مافيش دقيقه وسافرت :lol:
مش فوقت غي وانا فى الاوضه بتاعتى بقى وعماله اصوت من كتر الوجع اللى انا فيه ومش قادره افتح عينى بس حاسه بيهم حواليه وعمالين يقولولى قومى شوفى رورو جميله وانا كان نفسي اشوفها عشان كنت حاسه انها هتيجى وحشه وسمره ليه مش عارفه هههههههههههههه
بس انا مش قادره افتح عينى وعماله اخبط ايدى فى الحيطه وماما تمسكنى عشان كان فاضل شويه واكسر الحيطه انا مش حاسه اصلا بجسمى كله بس مش قادره والله استحمل الألم
والسرير ده كان بيتهز من كتر الرعشه اللى كنت فيها وسقعانه جدا
الدكتوره جت اديتنى مسكن فى المحلول بس كان بيوجع اوى بقيت مش عارفه استحمل ايه ولا ايه
المهم شويه وماما لاقيت بحر دم بينزل منى جريت ناديت الدكتوره جت بقى وشافتنى كده فضلت تتكى على بطنى عشان تشوف هينزل دم اكتر ولا ايه وانا صوتى ده متهيألى كان جايب اخر مصر كلها لانى مش مستحمله حد يلمس بطنى اصلا وهى عماله تتكى عليها من عند سورتى كده بطريقه فظيعه وانا ازوق فى ايدها خليتهم يكتفونى :'( اه كل مابفتكر ببقى عاوزه اعيط والله المهم بقيت كل نص ساعه تيجى تعملى كده وتمشي يجى 3 مرات وربنا مايوريكم ابدا ولا يورى حد خالص
المهم الدم الحمد لله وقف وبعدين بعتتلى اتنين عشان يقومونى اغير ويغيرولى السرير واتشطف
ومابالك بقى باللى جولى دول جلينديزر وماسينجر :lol: حسبي الله ونعم الوكيل مش مسمحاها والله
انا اصلا بطنى وظهرى مش قادره منهم ظهرى كنت حساه مكسور والله ونفسي اتقلب عشان يفك شويه مش قادره من بطنى المهم ديه قامت جايه جيبانى من رجلي الشمال وجنبى الشمال قلبتنى مره واحده على جنبى اليمين عشان اقوم ساعتها حسيت ان نفسي راح بجد من كتر الصويت والوجع قامت مقعدانى قاليتلى يلا قومى قولتلها لا مش قايمه معاكى انتى اصلا مش بتفهمى وشخط فيها وماما مسكتنى قومتنى هى وواحده تانيه كده دخلونى الحمام اتشطفت ومشيت فى الاوضه شويه واعدت بقى بس طول ماانا ماشيه مش قادره اخود نفسي بحس ان بطنى بتتسحب
المهم لما فوقت شويه بقى الدكتوره قاليتلى مافيش اكل خالص النهارده وهتبقى سوائل بس واهم حاجه عصير برتقال بس
بس بقى ياستى هى ديه القصه تقريبا كلها
وخرجت من المستشفى فى نفس اليوم الساعه 12 ونص بالليل
اه كمان اعدت فى العمليات ساعه الا ربع
عاوزه تسألى فى حاجه اكون ناسيتها اسألي

هااااا بقى قوليلى ايه احساسك عاوزه تولدى ولا غيرتى رأيك انا عن نفسي ميتهيأليش هعمل الغلطه الشنيعه ديه تانى انى اولد قيصري يعنى :'(
والحمد لله على كل حاجه وربنا يجعل كل لحظه الم فى ميزان حسناتى يارب لانى بجد كنت بحس انى بموت خلاص

يا حببتي يا مسك ربنا يجعل الالم ده في ميزان حسناتك
بس هي فعلا بتفرق من واحده للتانيه
و ربنا مع كل البنات و ان شاء الله بعد اسبوع او 10 ايام تبقي احسن
و على فكره وجع البطن ده بيبقي مع اى ولاده سواء قيصري او طبيعي عشان الرحم بيرجع لحجمه الطبيعي تانى
و الممرضه اللي قومتك بالطريقه دي هبله اصلا محدش يقوم حد كده
الممرضه اللي كانت معايا كانت كويسه جدا و كانت بتنزلي رجلي الاول على الارض و تلبسني الشبشب وو بعدين تنزلنى انا من على السرير براحه عشان متعبش او ادوخ
و التعصير ده فعلا صعب اوى بس هي ليه عملتلك كتير كده انا واحده بس عملتهولي مره واحده وخلاص

mesk_2005;14978456:
ايمى لو كنتى لسه هنا كنت عاوزه اسألك على حاجه
ماء غريب المستورد حلو للأطفال ولا لما يكبروا شويه احسن

اه حلو يا نهى و استعملي معاه سايمثكون او بيبي رست للانتفاخ

د\امونة;14978999:
نهى ...............انا بجد زعلت اوي عليكي والله تخيلت نفسي في كل لحظة وخصوصا والدكتورة بتعريكي وانتي بتقوليلها استري عليا لان دي اخلاقي برده ههههههههههه, وكمان وهما بيعصرو بطنك :'(:'(:'(و بجد حسيت اني موجوعة ومش عايزة اولد , او اولد بطريقة متوجعش ومن غير ما حد يعصرني كده :(:(


بجد انتي اكتر واحدة شفتها في حياتي وصفت الالم بعد القيصري بالشكل الدرامي الحقيقي التفاعلي ده :D, ربنا يجعلها اخر ولاده قيصري والباقي طبيعي , باقي البنات يحسسوكي انهم ولا حاسين بحاجة وبيكدبو ويقولو سهلة ومش هتحسي بحاجة , وانا ببقى عايزة اقطعهم بسناني :mad:, مبحبش حد يسهل حاجة صعبه ومميته ادامي , بحب الناس تقولي الحقيقة


الف حمدالله على سلامتك يا ام اروى وربنا يباركلك فيها

على فكره الوجع ده بيفرق من واحده للتانيه
انا و بنت خالتي والدين قيصري و الحمد لله متعبناش اوى
و مرات ابن خالتى والده طبيعي قعدت فتره طويله تعبانه جدا و حتى مامتها مرضيتش اننا نروح نباركلها الا بعد 3 اسابيع من الولاده عشان منشوفهاش و هى تعبانه كده لدرجه و الله انا والده بعدها بشهر و نص لما جت تباركلي قالتلي ان لسه الخياطه اللي تحت تعباها

بناتى حياتى;14979075:
ارعبكو شوية بقى اشمعنا نهى
فعلا تانى مرة موووووووووووووووووووووووووووووووووووووووووت من هنا لبكرة

عاااااااااااااااااااااااااااااااااااا
انا فعلا سمعت كده كتير و مرعوبه اوى
لانهم بيقولوا الحمل التانى نفسه بعد القيصري متعب اوى

د\امونة;14979239:
لا والله يا نهى مش حكاية رعب بس الواحد لازم يبقى مجهز نفسه للي هيحصل , لازم كل واحده تبقى عارفة انها هتدخل اوضه عمليات شكلها يخوف مش داخله اوضة عمليات في امريكا :) , لازم كل واحدة تعرف ان الممرضات هيبهدلوها سواء والده طبيعي او قيصري و ودا انا شايفاه بعيني لما كنت بشتغل في المستشفى وكان جنبي اوضة الولاده , كانت الممرضة تجيلي الصيدليه تقولي عايزين امبولة مخدر يا دكتورة اصل الست اللي بتولد مدلعة اوي ومش مستحملة ان احنا نخيطلها تحت من غير بنج !!!!!!!!!!!!!!!!!!!!!!!!!!!!!!!!!!!!!!!!!


لازم كمان اعرف ان الدكاترة هيعروني لما اولد مش هيجيبو العيل من تحت الملاية زي الافلام:) , وانا شفت منظر في المستشفى لواحدة بتولد طبيعي , وفاتحين عليها اوضة العمليات عادي وعريانة خالص والدكاترة رايحين جايين حواليها وهيا لاحول ليها ولا قوة مش قادرة تقولهم حاجة , وطبعا فاتحين رجلها كل رجل على مسند كده , منظر يعقد بجد, لازم تبقو عارفين ان دا هيحصل وتعملو احتياطكم انكم تتفاهمو مع الدكتور يلم نفسه ويتادب ويغطيكي على اد ما يقدر , لان معظم دكاترة النسا الرجالة بيستبيحو اعراض الستات بصراحة:mad::mad::mad:


بس كنت عايزة اسالك يا نهى هيا اوضة العمليات كان فيها دكاترة رجالة , تخدير يعني واطفال وكده ولا كله ستات

بس المستشفي اللي انتى فيها دي صعبه اوى
انا بصراحه المستشفي اللي كنت فيها مشفتش فيها كده خالص
بالعكس و الله انا حتى لما لبست لبس العمليات لاقيتهم جايبنلي روب عشان البسه فوق اللبس طول ما انا قاعده في الاوضه
و قلت للبنت هاتيلي بونيه اغطي شعري راحت جيباه
و لما جم ينزلونى اوضه العمليات نيمونى على التورولي و غطونى بملايه عشان متكشفش و انا نازله
و دكتورتى بصراحه عمرها معرتني خالص يعني حتى لما كانت بتعملي سونار مهبلي كانت بتدخله من تحت الملايه و لما كانت بتركبلي اللوب كانت برضه مغطيانى و مش مخليه الممرضه بتاعتها تشوف حاجه الممرضه كانت بتناولها الحاجه و تلف وشها الناحيه التانيه

أم ياسين العسل;14979278:
لا لا بس انتى فى مستشفى صعبه اوووووووووووووووووى

لاىن دخلت عملت اكتر من عمليه وبما فيهم الولاده بصراحه مشوفتش كدا والعالم مؤدبه ومحترمه حتى الدكتور وهو بيكشف نسا مكنش بيعرى خاااااالص كان بيحط ايده من تحت الملايه ويقول بسم الله

وحتى لما قالى هنقلبها ولاده قيصرى فضل معايا ويقولى براحه وبراحتك لان جالى الطلق وانا رايحه اوضة العمليات وقعد يقول اول لما الوجع يروح بنجها يا دكتور بس براحه عشان تعرف تبنجها

والممرضات بصراحه هايلين وحتى بعد ما ولدت وانا ولدت بنج نصفى جابوا قطن مبلول حاجه معرفش كدا وفضلوا ينضفولى رجليا ويمسحولى الديتول عشان متخضش من شكله وحتى الممرضه اللى جاتلى عشان تحمينى بعد الولاده بكام ساعه كانت قمه فى الاحترام وقالتلى تحبى احميكى من تحت بس ولا كله وماما قالتلها لا كله عشان تفوق

راحت الست الل يباركلها غسلتلى شعرى وسرحتنى وبجد كانت هايله يعنى

مش كل المستشفيات زى بعض بصراحه

:thumbs_up::thumbs_up::thumbs_up::thumbs_up::thumbs_up::thumbs_up:
انا برده الممرضات اللي معايا كانوا هايلين بجد
و الله حتى وهما بيحمونى كانوا خايفين عليا اوى
و هما بيعلمونى ارضع ادهم ازاى لما لاقوه مش عارف يرضع بقت الممرضه عماله تسمى و تقول في ادعيه و كانت ممتازة بجد

كريز;14979580:
نهي حبيبة قلبي حمدلله ع السلامه انا كنت بجيب ف سيرتك مع ام ميزو
بسألها عليكى وهى كتر خيرها طمنتني

بس ايه رأيك ف العلقه دى وانا ال عماله اقول لجوزى عيزه اجيب عيال كتير
اقل حاجه 6 بس ال شوفته غيرت رأي

ال حصل معاكى نفسي بالظبط بس الفرق انى كنت راحه اتابع عادى ومكنتش
عرفه انى هولد يومها ويوم السبت ع فكره بس بليل بقي وبت هناك وجيت الضهر كدا
وخدت بنج نصفى مش كلى

بس الحمدلله عدت ع خير بنسي كل حاجه اول ماشيلها اينعم اتعذبت ف الاول
وانا برضعها كان لازم امى واختى معايا ف الرضاعه واحده مسكاها والتانيه مسكه البرسيت

والاسوأ ان البرسيت مكنتش ظهره قوى ومكنتش عرفه ترضع خااااااالص ولا كان ف حاجه راضيه تنزل
عشان كدا يابنات محدش يكسل انه يدلك البريست ويشدها لبره عشان مش تتعبو

فكنت بضطر اديها اعشاب بيبي كالم بس كنت بحس انها بجيب ليها مغص واسهال
وحسيت انها اتعودت ع الببرونه ومرضيتش تاخد منى قمت لاغياها خالص واجبرتها انها ترضع منى

يااااااااااااه رغيييييييييت كتير
اه يانهى انتى حميتى اروى ول لسه
كمان ال ولدو قيصرى امتى هرجع امارس حياتى عادى انا هفك البلاستر بكره ببأذن الله
وكمان الوسيله بتاع منع الحمل امتى افكر فيها جوزى هيجى الشهر الجاى اعمل ايه بقي
ال حواليا بيقولولى بلاش اللوب عشان جوزك بيسافر وكمان هيتعبك وممكن يجيبلك نزيف
وبيخلى البيريود مش مستقره

حمد الله على سلامتك يا كريز
النيبل اللي مش ظاهره فعلا مشكله
انا النيبل عندي كانت ظاهره لغايه ما استحميت بعد العمليه بعد كده راحت و معرفناش نطلعها تانى
بس حاولى بجد معاها كتير و هي هتظهر و كل ما ترضع منها اكتر هتكبر اكتر
و ان شاء الله بعد 10 ايام هتمارسي حياتك عادى بس الاحسن انك متقعديش كتير انا كنت بتعب من القعده الكتير

OM SIMO;14980234:
بنات شايفاكو بتتكلمو على القيصرى

حمد الله على سلامتك يا مسك انتى و كريز ربنا يخليلكو النونهات

بس و الله مش كله زى بعضه يعنى ما فى ناس بتولد طبيعى بتتعب جدا و فى ناس مش بتحس باى الم

و كده برضه بالنسبه للقيصرى
انا والده قيصرى و دا كان اختيارى على فكرة لانى عارفه انى مش هتحمل الم الطبيعى ساعه الولاده
و الحمد لله كانت سهله جدا
واخدت بنج نصفى وعلى فكرة انا شايفه انه احسن بكتير من البنج الكلى كفايه انك بتقعدى بعد الولاده كام ساعه مصحصحه و كويسه من عير متحسى باى الم
و كفايه ان النونو اول ميتولد بتاخديه فى حضنك دى كانت عندى بالدنيا
انما البنج الكلى بتفوقى منه ع الالم غير اصلا احساس الفوقان من البنج الكلى بيبقى مقرف لوحده
انا مش بقول محستش بالم انا طبعا فضلت فتررة بعديها حاسه بالالم و باخد مسكنات
بس كان بالنسبالى الالم ده اهون بكتير من الطبيعى
انا بقول الكلام ده عشان اللى هتولد قيصرى متبقاش مفيش حد زى التانى ممكن ولادتك تبقى اسهل من الطبيعى كله بايد ربنا
و فى النهايه كله بيهون لما تشوفى النونو حنبك



مسك : ان شاء الله بعد متتمى اسبوع اةو 10 ايام بالكتير هترجعى زى الاول
المهم على قد متقدرى تتمشى عشان دا بيسهل اوى انك ترجعى طبيعيه تانى

انا كمان شايفه ان البنج النصفي احسن من الكلى

fulla2010;14980382:
بالهنا يا هوبس

مش بحبه

فله الف مبروك الحمل
ربنا يتتمهولك على خير ان شاء الله

mona sh;14981064:
علي اخرك ايه الي حصل ؟؟؟

انا امبارح وقعت وحسه ان البيبي مش بيتحرك من امبارح :(

الف سلامه عليكي
مخنوقه اوى ادعيلي ربنا يهديلي الاحوال

.. Hopes;14981467:
:lol::lol::lol::lol:
انا اصلا مش بعرف استعمل السويت اصلا اصلا بقا :lol:
هي لو علي السويت فمش مشكله كان ممكن اخدها في الحمام حتي
انما انا شغاله علطول بالبراون سيلكابيل ودي فضيحه :lol::lol:
لو سمع صوتها هيقوم يبص فيه ايه وساعتها مش هيمشي هيقعد يتفرج :lol::lol::lol:

قوليلي بقا ياايمي
هي استعمال السيلكابيل غلط مع الحمل ولا ايه
انا مش بعرف استعمل غيرها:|
بعمل ايديا ورجليا واي حاجه بالملاقيط وتحت بالشايفينج بتاعها
غلط بقا ولا ايه ياريت تقولوا لأ لحسن انا كده لو حملت هقعد زي الغوريلا :lol::lol:

السلكابيل مفيش منها اي خطورة
الكريمات بس اللي ممنوعه في الحمل

لا بجد ياجماعة انا مش بتعب فى التعامل مع الناس ولا مع صحابى ولا مع عيلتى بالشكل دا حتى انا اول مرة ازهق من حد كدا بجد تخيلو عمرى ما زهقت من حد بالشكل دا تعامل متعب جدااااااا جداااااااااا يعنى اكبر دماغى واسكت يتقمص ويقوللى بتسيبينى وتمشة ليه ارد واتخانق يقوللى بتردى عليا ليه
مش فاهمة يعنى هو انهى طريقة تعامل تنفع معاه واقصى اقصى اقصى طموح ليه فى الحياة يتجوز عليا دا اللى ربنا قدره عليه
يارب يتجوز ياااارب عشان تبقا جت منه هو

صحيح يابنات انا اسمى شيماء

هاااى يا بنات جمعة مباركة عليكم يارب ان شاء الله
الف حمدا لله على سلامة كريز وايثار وتفرح بيها ياااارب عروسة امورة
شماء استعيزى بالله من الشيطان وحاولى تهدى كدة وخدى هدنة كدة ممكن تخدى اجازة من شغلك مؤقت وتشوفى الدنيا ماشية ازاى ممكن تقعديى يومين عند اهلك لحد ما تهدى وربنا يصلحلك الحال

بوبا انا بحس ان البعد ف الحالات دي بيزيد الخصام
يعني انا بحب اكتر ان اتناقش ف الي مدايقني ونتفق على حلول
لكن طول مانتي بعيد وبالذات عند اهلك لو اشتكيتي بيزعلوا على زعلك وبتحسي انك احرجتي قدامهم ولازم ماتضعفيش او لازم تاخدي موقف

بنات ضروري الله يخليكم حد يرد المسك ده بتع القرشي ده ولا اسمه ايه مش عارفه هو عادي في ايام الحمل دي بس بسرعة حد يرد

kitty_kity;14981723:
رونا مالك في ايه ياجميل خير


يارب سهل
ماقلتيش اسمك ايه او نناديكي بايه

مخنوقه اوى من جوزى

يارب سهل;14981754:
لا بجد ياجماعة انا مش بتعب فى التعامل مع الناس ولا مع صحابى ولا مع عيلتى بالشكل دا حتى انا اول مرة ازهق من حد كدا بجد تخيلو عمرى ما زهقت من حد بالشكل دا تعامل متعب جدااااااا جداااااااااا يعنى اكبر دماغى واسكت يتقمص ويقوللى بتسيبينى وتمشة ليه ارد واتخانق يقوللى بتردى عليا ليه
مش فاهمة يعنى هو انهى طريقة تعامل تنفع معاه واقصى اقصى اقصى طموح ليه فى الحياة يتجوز عليا دا اللى ربنا قدره عليه
يارب يتجوز ياااارب عشان تبقا جت منه هو

صحيح يابنات انا اسمى شيماء

طيب حاولى تهدي كده و تتكلمى معاه بهدوء
و خدي اجازه انتى و هو وروحوا غيروا جو شويه
عشان اعصابك تهدي

مالك يا رونا بس استهدى بالله و روقى كده انتى

و الله يا دينا بحاول
بس بجد خلاص جبت اخري
خصوصا انى مش مخنوقه هو بس

يعنى هو اللى مخنوق و انتى متضايقه على زعله ؟

لا انا مخنوقه منه و من ناس كتير

مالك ياروني ياحبيبتي
اهدي كده واستغفري الله
ربنا يسهل وانتي كمان
لا حول ولا قوة الا بالله

السلام عليكم

رونا روقي يا جمييييييييييل ماتحطيش ف بالك وماتزعليش نفسك وحاولو تحلو الموقف عشان ادهم مش يتاثر

ايمى ازيك و ازى الولاد

الحمدلله يا رونا

ما تركزي في حته هههههههههههههههههههههههههههههه
اخبار نفسيتك ايييييييه

انا توهت انا فين ولا فين

يارب سهل;14981690:
لا بجد انا اتخنقت بئت حاجة تقرف انا والله كنت بفكر اروح لدكتور اشوف سبب تأخيرى فى الحمل بس قلت يمكن ربنا ليه حكمة ف انى مخلفش ولا ارتبط بيه اكتر من كدا
انا فعلا بئيت على استعداد تام انى اسيبه ومش مربو
طة بيه خااااالص ولا بئا يخيل عليا اى كلمة حلوة ولا اى حاجة يعملها خلاااص شربت من دا كتييييير،،،،انا اصلا مش موقف ولا اتنين انا معبية بجد معبية معبية يعنى لو حابييت اكتبلكو قصايد

لا حول ولا قوة الا بالله استعيذى من الشيطان ياحبيبتى ده انتى لسه عروسه يعنى
واول سنه بتكون صعبه شويه معلش
وجربى زى مالبنات قالولك كده خودى اجازة يومين واتكلمى معاه فى اللى مدايقك براحه كده واتناقشوا فيه بهدوء

sweetyronaaa;14981732:
يا
حببتي يا مسك ربنا يجعل الالم ده في ميزان حسناتك
بس هي فعلا بتفرق من واحده للتانيه
و ربنا مع كل البنات و ان شاء الله بعد اسبوع او 10 ايام تبقي احسن
و على فكره وجع البطن ده بيبقي مع اى ولاده سواء قيصري او طبيعي عشان الرحم بيرجع لحجمه الطبيعي تانى
و الممرضه اللي قومتك بالطريقه دي هبله اصلا محدش يقوم حد كده
الممرضه اللي كانت معايا كانت كويسه جدا و كانت بتنزلي رجلي الاول على الارض و تلبسني الشبشب وو بعدين تنزلنى انا من على السرير براحه عشان متعبش او ادوخ
و التعصير ده فعلا صعب اوى بس هي ليه عملتلك كتير كده انا واحده بس عملتهولي مره واحده وخلاص





اه حلو يا نهى و استعملي معاه سايمثكون او بيبي رست للانتفاخ

ربنا يخليكى ياحبيبتى يارب واللهم آمين
انا اللى وجعنى لحد دلوقتى جنبى الشمال مش عارفه ليه مش بعرفه انام عليه خالص

الممرضه ديه جلينديزر مش بنى ادمه حاسه انى كنت شبه الدبيحه هههههههههههههههههه وهى بتقومنى
يلا الحمد لله
وهى عصرتلى بطنى كده عشان لاقيت دم كتير بينزل عليه ومش عاوز يسكت

بنات عاوزه رابطه الامهات

ازيك يا نهى
وازي رورو



http://forums.3roos.com/showthread.php?t=610611&page=208

ازيك ياايمى وازى العساكر مااترقوش شويه